老爹

營業中

休息中

約了朋友在上環的老爹DADDY‘KITCHEN食晚飯。很喜歡餐廳的冷氣夠清涼呢！坐得超舒服，食飽也不願意離開XD～ 餐湯蒜蓉包我點了白汁三文魚大蝦飯。三文魚煎得香脆，三文魚扒好大塊，外皮煎得香脆。白汁裡有超多磨菇片（心心眼）～而且白汁的味道很香滑濃郁。我整個白飯都吃完了。海蝦亦頗大隻，肉質爽口，十分新鮮。帶子黑松露飯帶子算在隻，表面煎得香香的。帶子黑松露飯的飯底好舊腍，不會生生米粒。而且每一間都沾滿了黑松露白汁，十分惹味，令我忍不住「飛象過河」夾姊妹那碟，也吃了一點。飲品方面，我點了檸檬柚子蜜，閏蜜點了珍珠奶茶， 兩杯都很好飲。老爹的價格十分公道，價錢划算，而且職員的態度也很友善，下次經過會再來光顧。

果日同上環番工既朋友食lunch，佢帶左我黎呢間食。果陣兩點幾多人到爆場！應該極大部分都係office人。好彩落單後好快有得食👍🏼場內有好多座位（張相係食完準備離開果陣影）.Set Lunch 有埋餐湯同餐包，有紅湯同白湯，我揀左紅湯。.麻辣蒜片雞粒炒意粉 $68麻辣味一流呀！夠麻呀又吾會太麻岩岩好🤤👍🏼同埋好香蒜片味! 雞肉都好嫩滑，有好多雞肉！意粉彈牙，整體黎講好食😋.泰式青咖哩豬頸肉飯 $68豬頸肉肥瘦度適中，好爽口👍🏼青咖哩味道吾錯，送飯食幾好，而且好大份夠晒飽。.跟set加$5轉左凍茉香珍珠奶茶同阿華田珍珠，茉香果杯好香味道吾假，甜度剛好。阿華田果杯味道濃郁!都吾會太甜,而且珍珠幾有咬口，兩杯都好飲wo! 值得加錢試下👍🏼

係上環周圍亂逛無意中發現呢間樓上小店，一於試試佢！可能平日關係呢個商場人流唔多，所以去到都好快安排入座。一打開餐牌，係以西餐為主既餐廳，仲有小小日式既拉麵烏冬。一行三人點咗每人一個main course， 再加沙律，餃子同雞翼，仲有野飲，飽到捧住肚走！先講餐湯，當晚有羅宋湯同南瓜湯俾我地揀，飲得出個湯好真材實料，好味！連個蒜蓉包都整得好好，令到我對之後既野食更期待！之後既野食都果然沒令人失望！海鮮燴意粉，帶子意大利飯，三文魚大蝦，全部都好好食！值得一提係，呢個價錢既帶子意大利飯，竟然有三粒大大粒既帶子！性價比高餐廳，價廉物美，呢個價錢食到呢個質數已經超乎預期！

收工後約左同樣在上環返工的阿姨吃晚飯，佢推薦皇后大道西有間新開既西餐廳老爹餐廳內的裝修潔淨簡約，食物選擇都挺多元化，有各式雞牛豬扒、意粉、小食前菜等等我地點左兩個主菜同一個小食。跟餐附送餐包餐湯，質素不錯哦上菜速度都幾快，不消一會兒便送上日式煎餃子Size小巧，可以一口吃掉，餃子底部微脆，肉汁豐富，味道不錯然後係主菜: 香煎三文魚拼大蝦配薯角份量適中，三文魚扒都幾香，大蝦肉質厚實味美，配上超濃厚的白汁更加好食！薯角香脆可口，充滿薯肉，好好吃的啊紐西蘭法式羊扒配薯角一上枱已經有濃濃的羊羶香，軟林富羊肉香，且帶微微黑椒香。是一道水準高的羊扒上環附近的朋友可以來試試這個價廉物美的西餐廳哦

三五知己約好了係上環個邊飯聚，朋友介紹左去老爹晚餐吹下水。係商場入面搵到間隱世餐廳，一入到店鋪，環境不算太逼，乾淨整齊舒適。一睇個menu , 價錢親民。用三文魚砌成玫瑰花既凱撒沙律，賣相特別吸引，加小小檸檬汁，食落好清新。蒜香雞翼都係四十幾蚊，食落外脆內軟，仲要係熱辣辣，配個台色飲品西柚乳酸椰果，清涼透心，而且椰果份量頗多，價錢相宜。另外最經典係黑松露帶子意大利飯同香煎三文魚拼大蝦薯菜。大大粒帶子加上濃郁嘅黑松露配搭令人味蕾大開，一試再試。三文魚脆脆的外皮，但魚肉保持著鮮味，大蝦薯角同樣好食。大大份，可以同朋友兩份share食。只需要平民價錢，食到咁大份晚餐，飽到落樓，物超所值。

今日去開香港島做嘢 到放飯時間 就同同事一齊搵下啲好嘢食慰勞下自己 咁啱就見到呢一間餐廳 個名非常之溫馨 好似爸爸一樣咁溫暖 同埋啲食物睇落都幾好 所以就決定入去食飯扒牛肩脊拼紐倫堡腸 牛肩脊嘅牛味非常之濃郁 而紐倫堡腸亦都比起一般嘅香腸爽口 食落去肉汁亦都非常之豐富 令到大家都讚不絕口紅酒燴牛尾配牛肋條 身為一個牛控 我點可以唔食紅酒燴牛尾呢 牛尾喺紅酒汁嘅炆煮之下非常之入味 而且口感好林 一啲都唔韌又冇筋 牛肋條嘅牛肉味亦都非常之重 而且有少少肥膏 令到個質感非常之華 我覺得好正瑞士雞翼 相對上比較普通 但鹵水汁亦都非常之入味 唔錯唔錯煙三文魚凱撒沙律 煙三文魚散發著淡淡嘅木香 而凱撒沙律嘅菜亦都非常之新鮮 滿足我哋對纖維嘅需要 健康又清淡 清一清腸胃幾好好立克珍珠 係好立克 同珍珠鏡fusion 味道係好立克嘅味道加上珍珠嘅煙靭口感 比較普通朱古力珍珠 朱古力味非常之香濃 比起好立克更加好飲

經朋友介紹, 今晚真的很神奇地發現了一個穩世餐廳, 收藏在一間很古舊的商場內, 工業風的設計在這商場內好像有點穿越時空。也可能是因為是舊式老商場, 餐廳的佔地比較寬敞開揚, 每枱有足夠的距離。我跟朋友坐在靠落地玻璃的餐桌旁, 下雨的晚上, 看著皇后大道西的街景, 有點浪漫, 想不到有一個性價比很高的西餐廳香煎咸牛脷 大片的牛脷厚切, 咬下的口感Juicy而不騷, 十分惹味 跟餐可以有羅宋湯, 蒜蓉包及餐飲 蒜蓉包的牛油塗得比較多, 焗完熱上很香脆! 牛肝菌帶子天使麵牛肝菌跟其他雜菌都有用酒煮過, 加上香草牛油炒過的天使麵很香口 帶子沒有煮過龍, 大大粒口感新鮮嫩滑 紐西蘭肉眼扒配薯菜這塊肉眼扒比我想像中更大更厚, 這個價錢以為自己看錯了 我們叫了7 成熟, 肉眼扒煮得剛好, 仍有很多肉汁 而且最欣賞的是餐廳用的薯菜是“薯王”哦~~~多脆內軟, 超愛這個薯菜呢餐飲也不馬虎哦可以不用加錢, 跟金桔蜂蜜及蜂蜜綠茶 個人挺喜歡這杯深色的蜂蜜綠茶, 顏色比較深, 入到荔枝蜜沖出來的味, 蜜味濃郁整體感覺, 此餐廳價錢很親民! 可以 encore 

係一個落大雨既晚上, 無帶遮既我, 去到上環, 唯有去餐廳食個晚飯先, 順道避一避雨餐廳有大玻璃窗, 一邊望住出面雨景, 一邊享受晚餐, 都幾浪漫喎, HEHE近來食得素食多, 都想大魚大肉, 平衡一下, 點了一個歐陸式什扒餐, 有肉眼扒, 雞扒, 豬扒同司華力腸, 份量堅係大, 真材實料, 肉眼扒肉質嫩度僅次於牛柳, 雞扒外脆內軟，口感煙韌，且保留水份, 豬扒煎出來帶油脂香和肉味濃郁, 司華力腸更加入細碎的黑椒粒來增加味道及口感，彈牙食咁多肉, 有唔少火箭菜食, 爽脆

無意發現一家隱藏喺商場內的西餐廳，沒有什麼期待，只係晚上是但找一處去醫下肚，無期望下居然當中一些食品有驚喜！位處商場一樓，環境介乎美食廣場和普通餐廳嘅格局，似走大眾街坊路線。點了一些沙律、小食和一個主食一些分享大蝦沙律火箭菜配一個酸酸地嘅沙律汁大蝦都幾大隻味道整體不錯蒜香雞翼熱辣辣即炸，脆卜卜外層、內裏雞肉依然嫰滑多汁香辣番茄汁煮藍青口落單時係估計蕃茄汁係多一點半浸著青口的，但上檯時望見係收汁嘅煮法，印象是打了一個折扣⋯但食過後改觀了，收汁令到更香濃，好鍾意個汁，果下好想用個汁嚟撈意粉食 而藍青口唔會過熟。蒜香炒雜菌雜菜這道賣相有點中式唔知係咪近排台風飲品襲港，連西餐廳都有供應台式飲品 益力多乳酸沙冰西柚乳酸椰果綠茶（加珍珠）味道中規中矩，珍珠軟硬度適中夠煙韌！紐西蘭肉眼扒配薯菜廚師弄的七成熟剛好，仍有肉汁薯角熱辣辣脆卜卜唔會過乾咁岩喺附近要搵食嘅話，不妨食下！

今日同男朋友去食飯，專登揀咗上環嘅西餐食，佢叫老爹，個名好特別，而且啲嘢食好親民好抵食！仲要侍應嘅服務態度超好，好有禮貌，係一間非常親民嘅西餐廳。一入到門口就見到兩個機械人，好高大，超得意！雖然係喺商業中心入面，但係內部裝修好用心，紅磚牆配上懷舊燈飾，加上落地玻璃，望到上環街景，好有feel~所以平民得黎，又係一間有品味嘅餐廳！我同男朋友都好肚餓，叫咗好多嘢食，我哋叫咗牛肩扒、海鮮番茄湯烏冬、煙三文魚沙律，全部都好味，牛肩扒百零蚊，好大塊，仲有好多薯菜。牛扒厚身而且嫩滑，仲有濃濃嘅牛肉味，我覺得七成熟，無論係質感同埋味道都非常好！以咁嘅質素來講，百零蚊真係好抵食海鮮湯烏冬好足料， 有大大隻帶子同埋蝦，帶子仲好有鮮味，配上正宗讚岐烏冬，非常好食煙三文魚沙律有驚喜，廚師將三文魚卷成玫瑰花，賣相好睇，而且沙律帶有醋味，好開胃！廚房唔單止放麵包塊，仲放埋煙肉碎，令到成個沙律口感更加豐富，真係心好味而且跟餐仲有餐湯，我哋都叫咗白湯，有驚喜，同出面普通白湯好唔同，味道更加濃郁！我同男朋友都覺得好抵食，如果下次有機會，都會再去食！

星期五約了朋友在上環Daddy’s Kitchen食晚飯, 聽個餐廳名以為是食住家菜的, 來到看餐牌, 原來間餐廳都好多元化, 好多唔同種類的菜式都有, 真的是Daddy’s Kitchen, 咩都識煮, 想食咩都有得食!有好多小食都好吸引, 牛脷認真唔錯! 牛脷已卥到入晒味, 而且好林, 切片之後再煎香, 外脆內軟, 食落口好有牛脷特有的香味, 食完個口仲有牛脷的余香, 真係好好味!個白酒煮藍青口配蒜蓉多士都相當唔錯！ 焗到脆卜卜的蒜蓉多士好香好脆, 藍青口裡面仲有唔少切片的蒜片, 蘑菇片, 最後面頭仲有一扎沙律菜- 火箭菜, 我將火箭菜, 切片蘑菇及青口肉放在匙上一啖送入口, 好好味呀! 個口腔裡feel到有火箭菜的清新, 蘑菇的香軟,蒜片的香濃, 青口肉的厚實及啖啖肉, 味道好夾, 好味道!仲有白汁煙三文魚燴意粉都好食, 意粉唔林但又唔太硬, 啱啱好, 白汁煮到好香濃, 煙三文魚片就拼成一朵大玫瑰花的型狀放在意粉中間, 真的好俾心機去煮一碟意粉俾人客食, 個食物賣相好睇得來又好好食! 讚!

上星期同屋企人去上環一帶，四圍行下，諗住搵到靜靜地既餐廳食晚飯，我地就誤帶誤撞去到呢間餐廳～老爹位於商場既一樓，位置並不顯眼呢！我地就叫左2個晚餐~先送黎餐湯同餐包~ 餐包係蒜蓉包，焗得香脆～ 而餐湯係南瓜湯，入口順滑，不錯呢～ 紐西蘭肉眼扒配薯菜 $128 份量比我想像中大，有2塊肉眼扒~ 肉眼扒點了7成熟，但看上去都比較乾～幸好食落去時不會太乾，肉味濃，但有小小overcook了～ 薯菜有青瓜、沙律菜同薯角，不得不讚是薯角炸得好香脆! 香煎三文魚拼大蝦 $148 朋友說佢呢個三文魚肉質幾嫩，醬汁都開胃，不過大蝦就未夠新鮮～ 檸檬薑茶既薑味好夠～～ 餐牌

中上環番工中午食咩好呢？上環有間新餐廳開張，就叫老爹，名字也是可愛的。今日中午經過去試下lunch menu，價錢好抵食，中上環區竟然有咁平lunch，打工仔有福啦。一開始來的是煙三文魚沙律，salmon咸香好大件，入口煙燻味香口，加上炸煙肉和麵包粒，口感好豐富。沙律菜翠綠爽口，好新鮮呀。黑松露意大利飯，黑松露極香極滋味，帶子好香口，中間半熟極是香嫩，欣賞這裡熱辣辣即點即煮，好細心。飯粒吸哂忌廉香厚濃郁味道，好滿足。

來到上環這舊區逛逛, 發現很多舊式的店舖和商場, 會找到和連鎖店大商場不一樣的東西, 今晚就和朋友來到這小商場吃個西餐。兩個機械人在門口迎接我們餐湯: 南瓜湯, 湯很濃郁很甜, 味道很足, 質感濃稠。白酒煮藍青口$68: 調味十分惹味, 充滿蒜辣香味, 令藍青口變得不一樣, 再加上炒過的菇片陪襯, 很特別。日式煎餃子$32: 薄薄的餃子皮, 煎得香脆, 餡料菜肉均勻, 想不到在這裡吃日式餃子也蠻對版的。香蒜炒雜菌雜菜$58: 西蘭花、椰菜花、青瓜、雜菇炒在一起, 調味對我來說有少少鹹, 不過可能對一般人來說剛好, 而蔬菜狀態都好新鮮爽口。茄汁德國餐肉燴長通粉$55: 長通粉軟硬適中, 茄味配得不錯, 是煮出來的不是只落茄汁啊, 特別的是餐肉中竟夾雜著菇片, 這裡吃東西似乎菇片無處不在呢!紅酒燴牛尾 牛肋條$98: 是精選全日套餐來, 也是比較失望的一道菜式, 牛尾和牛肋條都煮得不夠淋, 不符合我心目中的想像要求, 不過份量是很足夠, 這價錢來說都幾抵食。

機械人也會歡迎光臨?!放工後娛樂，就是搵食！自港鐵於西環通車後，這邊人氣愈來愈旺，餐廳愈開愈多，老爹開張不久，最貪吃的我當然要化食大偵探，試試味道! 可能是新開張關係，人流不算多，整個空間差不多由我獨享，正！餐廳簡潔明亮，最愛在窗邊慢慢食，慢慢嘆。侍應效率幾高，坐下立即遞餐牌，一個眼神傳過去就即時過來點餐，唔錯！餐牌選擇多，有西式、日式及泰式，還有各款特飲，由於肚子打哂鼓，讓自己點一份歐陸式什扒餐$158， 鋸一 鋸扒，慢活一下。羅宋湯偏酸，足料，大大粒牛肉浸係湯度，味道濃香。蒜蓉包更勝一籌，香香脆脆的，可惜只得一塊 蜂蜜蘆薈綠茶(跟餐+$5特色飲品)茶底清香，加左粒粒蘆薈，咬在嘴裡幾有口感，是消暑清涼的健康飲品！歐陸式什扒餐$158侍應搬過來時，哇！色香味俱全，1份什扒是2人份量，原覺得呢份什扒價格有點貴，見到實物就覺得抵，有牛扒、豬扒、雞扒、腸仔、沙律菜、青瓜炒粟米及薯角，大大份，配上黑椒汁，齋睇都覺得又正又惹味！肉眼扒，是厚身的，外層用牛油煎到香脆，內裏還保持少少粉嫩的肉色，冇筋，口感軟腍，尚有肉味；豬扒明顯以蜜糖再煎香，很不錯；雞扒滑嫩；配菜質素幾好，睇得出餐廳不會做得馬馬虎虎