老媽拌麵 (北角匯二期)

營業中

休息中

「老媽拌麵」由賣一包乾拌麵而起再開設了實體店的台式餐廳 亦都係香港有好幾間分店以前我都會買包乾拌麵lunch食好鍾意關朝刀削麵掛汁又有口 醬汁又好惹味🥢大滿足2人套餐($288*)放工後去接埋男朋友放工 食番個華麗嘅2人套餐 連主菜2款、隨機小食2款、台式小食拼盤2選1、飲品2杯和雪糕2客👉🏻隨機小食係百葉豆腐和麻醬秋葵 👉🏻小食拼盤2款中選擇了《滷水牛三寶拼盤》 包含滷牛筋、牛𦟌和牛肚 都滷得好入味 如果唔想食牛 可以選《路邊攤小食拼盤》 可以食到台灣腸、鹽酥雞等小食👉🏻《台式半筋半肥牛微辣湯拌麵》可自選一款麵 個人推薦必選關廟刀削麵 微辣湯唔太辣帶點椒麻香 怕辣都會食到嘅程度 牛筋軟腍又入味👉🏻《酥炸雞排肉酥飯》一碗流心蛋滷肉飯配一塊炸雞排 脆卜卜嘅鹽酥炸皮下啖啖肉 真係好台灣味👉🏻飲品嘅洛神花茶幾好飲 少少酸味解油膩 亦都可以選清熱嘅金羅漢果海底椰👉🏻甜品有雪糕配士多啤梨醬或朱古力醬香港嘅實體店係第一次去食係北角匯嘅呢間分店 又幾舒服好坐我鍾意呢種暖色木系為主調嘅店內環境

介紹返💁🏻‍♀️。。🇹🇼 老媽拌麵 在北角 🇹🇼。老媽拌麵 Mom’s Dry Noodles 。北角匯二期1樓109號舖。午市套餐前菜(隨機2款)＋主食＋指定飲品1杯台式黑毛豬•清湯•葱油拌麵Spanish Iberico Pork in Stewed Beef SoupServed w Dry Noodles。HKD90 + 10%清燉半筋半肉牛肉湯麵Braised Beef Tendon & Shank Noodles in Clear Beef Soup。HKD86 + 10%麵底可選擇 關廟刀削麵 或 幼麵指定飲品洛神花茶 Roselle Tea。美式咖啡 Americano。柚子蜜綠茶 Yuzu Green Tea。金羅漢果海底椰 Golden Monk Fruit Sea Coconut Drink。檸檬紅茶 Lemon Black Tea🤫 啱啱嗰個星期三係我放Annual Leave之前最後個返公司開工嘅日子..你知啦Holiday Mood 呢啲嘢..可以完全掌控你有思維㗎嘛～為此我捉咗我身邊嘅少男男同事陪我遠征去北角嗰邊嘆番餐Lunch🤪🤫 俾我寵幸嘅就係位於北角匯

自助QR code點餐但要加一，叫服務人員多次也沒有招待，也在上菜上漏前菜，詢問時侍應更慌稱該餐沒有前菜，明明在餐牌上明確寫明有前菜。點餐也需時很久才有食物，食物也質素一般，兩份餐，最後埋單250多元，感覺失望。

今日喺北角搵食 ，上到北角匯一樓 ，見到有間老媽拌麵 ，台灣菜， 環境非常之好 ，一入門就見到裝飾咗好多花， 又有韆秋椅， 好似十里桃花百里春風 ，好不浪漫。 有望海景嘅座位， 環境乾淨企理， 光猛寬闊，數碼落單 。 中午套餐都係八九十蚊 ，有麵有飯， 其中最吸引嘅就係有刀削麵同埋有石鍋飯。我哋揀咗台灣三寶牛肉面套餐，再嗌多個和牛石鍋飯， 套餐包埋飲品 ，仲有兩個特色小食 。等餐需要一啲時間 ，我哋坐喺窗邊位睇住出面綠樹林蔭，仲有啲狗喺下面行嚟行去，非常寫意 。個套餐上嚟嗰陣時有兩個小食，一個係四季豆一個係車厘茄，車厘茄係用百香果汁醃製，非常之好食， 真係想嗌多幾碟。 套餐刀削面唔係好大，但係都幾好食， 啲牛展牛肚牛筋都炆得好冧，仲有幾嚿蘿蔔同埋有酸菜，好惹味 。石鍋飯好香 ，仲有少少飯焦添， 碎牛肉多汁撈飯，再加埋有新鮮嘅青瓜絲紅蘿蔔絲，仲有洋蔥，有半隻蛋， 味道好好， 分量就係比較細啲，大食嘅就唔夠。 因為牛肉麵嗰啲牛肉好好味，所以又嗌多個拼盤小食， 過足癮 。牛展牛肚牛筋， 仲有魚片 ，72蚊一碟， 價錢實惠又好食。 食完曬主菜梗係要有甜品先算圓滿， 又叫咗個士多啤梨雪糕多士，

話說諗住假日過北角試試呢間老媽拌麵！因為之前都叫未試過，好似都ok！點知唔試猶自可，試咗真係把鬼火先講講入店體驗，我入去店都叫冇咩人，唔算冇位，可能唔係用餐時間，全程入到去餐廳，完全冇店員招待，唔好講話Menu 要用手機QR Code掃，全程都係我自己走去問，店員完全冇提過！之後終於都叫到個店員得知啦！呢樣野都算～ 最後點完餐啦！上菜足足等左40分鐘先上一碗麵！我當初以為慢功出細貨，點知食落去，有冇搞錯！難食到，啲麵淋哂，又唔夠熱～ 係杯野飲叫正常啲～埋單完：店員多謝都冇講聲，連最基本既禮貌都冇～我自問真係唔識欣賞，我求其係出面食碗麵，先唔好講價錢，一定好食過佢～大家如果想試，真係要認真諗諗先好～呢間野垃圾到，真係要寫評價黑名單！朋友請都唔想再食，冇下次

😡從來未試過咁難食，仲差過個啲快速餐飲質素。前兩日同好姊妹去堂食，點左份湯麵套餐，麵係刀削麵，完全爛晒，一啲彈牙口感都冇⋯⋯最啱啲冇牙阿婆🤨明明係湯麵，個湯又好鬼少，好似拌麵咁！套餐小食都好難食，仲要用破碗裝⋯⋯割親到點算，唔通當客係乞丐？？因為本人鍾意少甜，或者走甜，得杯嘢飲品正正常常，飲得入肚。甜品一細球Dreyers 雪糕，都係正常，不過點解雪糕用熱碗裝，送黎都溶左一半🧐落單到上餐，等左有快半個鐘，大家口味感受唔同，我就真真覺得唔值呢個價錢，人均快$150😢😢唔會再幫襯

中午食飯，因為同事需要去北角匯辦一啲事，所以嚟到北角匯食呢一間，聲稱係台灣很受歡迎嘅麵店。平日北角匯中午時間好多餐廳都係坐滿人，但係老媽拌麵入到去，只係得小貓三四枱有人。餐廳職員人都唔多個，遞極手都冇人影，搞咗好耐先至落到order。中午時間既然人少，估計佢上菜速度都應該快啦！誰不知個餐等咗10幾分鐘都未上到枱，催左好幾次先至催到個餐俾你。一嚟到個餐又落錯，結果又嘥咗10幾分鐘，前前後後未開餐前已經等左唔多半個鐘。初初以為老媽拌麵係一啲熱麵，誰不知佢上菜嘅時候係以冷麵嘅形式上枱的，成個感覺就好唔同。雖然個湯都叫幾熱，但係當你撈落去啲凍冰冰嘅麵度整個口感好奇怪啦。雖然說老媽拌麵在台灣很受歡迎，但係來到香港總給人奇奇怪怪的感覺，這樣嘅服務質素再加上差不多$100嘅價錢（連加一），你會覺得這間麵店來到香港只係名過其實。

呢間老媽拌麵位於北角📍其他分店未去過，係第一次食。首先環境，地方乾淨幾寛敞，大大玻璃窗，自然光線充足，餐廳內播放著輕柔嘅純音樂，感覺幾輕鬆舒服🤍 🥣人氣香麻豬手拌麵套餐包湯和小碟🥣 好貼心俾隻碟lur 骨👍🏻 我額外要支高山冷泡茶解膩。豬手入味好「林」，唔會一夾就又散又爛，麻味幾重唔算好辣，幾啱我鍾意食辣又唔食得太辣。個麵軟硬程度剛好，拌汁稠度掛麵而且唔會好咸，食拌麵最怕個汁太咸。拌菜都唔hea有半隻溏心蛋，青菜同辣椒，小碟係豆腐，湯係咩唔記得咗，味道都唔錯。想再嚟食，但糾結緊食返呢個餐定試其他😆💰$121 （1️⃣人氣香麻豬手拌麵套餐包湯和小碟 $88 2️⃣高山冷泡茶 $22）*另加一服務費

本身依間舖頭喺屋企附近都食過，今次嚟到北角搵飯食，一於食老媽拌麵，本身都冇諗過咁貴，平均80至$100嘅套餐，有前菜兩碟，主食同埋嘢飲。花雕雞拌刀削麵🍜 $88 3/5花雕唔夠香，掛得唔夠多花雕汁，要向店員攞取一小杯嘅花雕汁先夠味。雞件都嫩滑🐓，刀削麵夠彈口，好食既。但成$88，小編就有相應嘅要求，每個套餐都有兩個前菜，雜菇同埋小蕃茄，兩樣嘢都係冇乜特別，所以集中講返正餐，咁嘅價錢下我覺得太唔抵食。酥炸雞扒肉燥飯 $78 3/5雞扒細細舊，肉燥飯跟隻蛋，肉燥飯係好普通嘅味道😀😀，跟咗啲酸菜吊下味，仲有半粒糖心蛋，整體佢係一個好普通嘅便當，$78仲要+1，小編覺得食完好肉赤。地點:位於北角匯1樓既餐廳，商場餐廳貴是常識吧。環境:餐廳都幾大，木系裝修，枱設計都幾特別，有啲圍住牆既2人卡位，坐窗邊可以欣賞海景。價錢:性價比低，唔值得再嚟食。服務:自助式手機落單，埋單要行出去counter俾，咁都要加一😂😂。

坐落於北角滙，有海景又開揚，坐得舒服加上空間感十足，唔會有擠迫感。又再一次光顧，員工服務很好，又有禮貌。1人豐盛餐初10元可轉花淍雕雞粗麵(刀削麵)再配1款小食 甜不辣魷魚圈滷肉飯配1款小食百頁豆腐凍 老媽黑糖珍珠鮮奶茶 (小冰)紫色配芝士橋色配朱古力，感覺有啲怪橙色配花生

難食到不得了，豚肉勁粗鞋，衰過湯渣。唔明點解要食平咁多人話好食🙁🙁好明顯係假 你哋睇返啲相就知咩事啦！不過佢個芋泥肉鬆多士就幾好食嘅，但係佢其他嘢就真係唔太掂，開喺北角匯質素如此確實令人失望至極。應該冇下次㗎啦，就算景幾靚都冇用啦，啲嘢食又咁難食

有時出街食驚唔健康，除了食冰凍的沙律外，還可以試下選擇養生菜式，例如這間的百頁豆腐、炸醬面（有大份青菜和紅蘿蔔絲）和海底椰飲品-暖心之選。最後以愛玉甜品作結尾，滿滿幸福感。

🍴沙律 甜不辣 酥炸雞翼 (7/10)沙律爽口，配咗個酸汁！甜不辣同雞翼都有炸香過，不過凍咗啲，只係微温，有啲扣分😂甜不辣都算幾煙靭，甜甜哋，ok的，個汁酸酸哋幾開胃，雞翼正常唔乾，個味係冇乜特別。🍴川味紅燒三寶牛肉麵 $98 另收加一 (7.8/10)牛腱，牛筯，牛肚分別都有兩舊，餸嘅份量唔算多，都滷到好入味好腍，牛肚腍到唔使點咬就散香咗，牛筯好重骨膠原，好似啫喱咁滑，牛腱腍但都有口感，但牛味就冇乜，同埋整體嚟講好似冇乜口感淨係好腍🤔湯底好香濃滷汁味，帶有少少中藥材嘅味道，微辣好過癮，一啲都唔鹹！刀削麵份量足，入口好滑，偏腍但都有口感，蘿蔔就比較硬身未夠軟腍😂但整體嚟講幾好食！推薦指數: 7.5/10冇諗過lunch set都幾豐富，味道都幾唔錯，可以一試~ 不過就有啲似料理包嘅感覺？工廠化原料再加熱，應該唔使廚師🤣

拌麵之選女女好中意食麵，所以今日上完課外活動，去左食拌麵，北角匯呢間老媽拌麵餐廳幾開揚，落地玻璃個境幾靚，女女中意食蕃茄，所以叫左個蕃茄及拌麵，賣相都唔錯，不過略嫌蕃茄同衍汁少左d，麵係關廟刀削麵，古法手工精製，麵質十分好食，好爽口彈牙，而且味道清清地，好適合小朋友同中意味道淡口既人，同嘛原來呢個都有兒童餐的，下次可以試下！

去開北角附近處理事情見時間未到就提早去食個午餐特登搵一間坐得舒服少少又唔會食得趕頭趕命嘅餐廳食環境真係幾舒適坐近窗邊位都係用QR Code 點餐真係方便清晰點咗個椒麻半筋半肉拌麵嘅一人餐前菜+兩款小食再點多杯熱嘅黑糖珍珠奶茶就係我是日慢慢嘆嘅午餐嘢飲先嚟到咁就先飲佢試下雖然係黑糖珍珠但係整杯嘅甜度唔會好似出面台式飲品店咁甜應該係靠佢本身用果隻鮮奶嘅味道茶底加奶再加黑糖珍珠甜度應該等於坊間嘅微糖左右等咗陣主食都到喇等唔切先試試啲牛先香味十足肉質結實但係都唔難咬開肉同麵望去嘅份量差唔多正式動手去撈一撈啲麵起初食咗一啖覺得個麵本身冇乜味但之後再撈耐少少就會發現相當濃味每啖都感到醬料嘅麻香味麵質彈牙只要撈勻醬汁輕易掛上麵身上而甜不辣食落去表面少少脆入面就煙煙韌韌加埋甜甜地嘅辣汁令整個餐口感豐富起嚟