老坑火鍋

營業中

休息中

老坑不嬲都係我既心頭好, 天氣有D涼, 又去打下邊爐,同時同大家介紹下我既心水啦!我基本次次都只會叫番茄蟹湯底, 個湯好甜, 除咗番茄同蟹,入邊仲有蜆仔肉同中芹, 如果唔鍾意中芹就一早同佢哋講啦!跟住就係D料: 咁當然都要睇個人喜好, 我就寫D特別D ka la手切牛: 呢D好講個人喜好, 但係我同班friend都覺得佢D手切牛係最正 (必叫)韮菜餃: 好香韮菜味(必叫)椰菜餃: 以前唔係好多地方有,D料係好食ka, 記住唔可以放太耐, 因為比較易散(必叫)八爪鬚+大墨: 好鮮甜, 唔多貨,要早D叫(必叫)魚仔: 鍾意食魚既朋友,一定食到你想食既野,有倉仔,泥鯭,獅頭,黃花仔...正鮮豬腳根: 出面食既通常係急凍, 有乜味, 呢到係新鮮既,所以要放成廿分鐘.好香.油炸鬼: 係呀, 好好食KA, 但係成日會好快賣晒,所以最好book枱留埋啦其實仲有唔少野食,四寶丸,水餃,雲吞, 桶豪,鱔片,新雞腸,雙蚌等都好有水準.值得推介!!

要預早訂枱所以唔駛等不過都幾full環境就麻麻似打冷舖好彩見唔到曱甴老鼠8個人嗌豪d嘅湯底蕃茄蟹湯底(時價$240)蟹湯裡面應該有3隻蟹因為我見到有3個蟹殼除左蟹都有好多料喺度面, eg:蜆仔火煱炓大約每碟$60-70份量都ok叫左好多野食未能盡錄金鈴第一次食似一卷卷嘅腐皮好食過腐皮都唔錯桶蠔$100好好好大隻嘅蠔一碟起碼有10隻隻隻都有大半隻手掌咁大隻手打四寶丸$70鯪魚丸蝦丸墨魚丸牛丸好好味又夠新鮮鵝腸, 花膠鵝腸唔多肥膏幾好啱晒我呢d想食又怕肥膏嘅我花膠細細塊但用黎做火煱都唔錯手切牛肉雪花好均勻好滑豬脆骨拼豬腳筋2樣都講到明要滾20-30mins豬脆骨反而冇咁好食脆骨多過肉冇咩特別豬腳筋好好味筋同肉係1:1煙煙靭靭半打帶子好大隻好乾淨又好鮮甜另外仲點左好多野好多又encore值得一提係白鱔好鮮甜爽脆

久聞大名，住係紅磡咁耐都係第一次嚟呢度食。原來佢咁出名真係有佢個道理！兩個人叫咗個番茄清湯($40)，雖然係最平嘅湯底但係好足料，有番茄，薯仔，芽菜，豆腐，仲有苦瓜添，清清熱氣幾好。脆鯇腩：大大片，夠脆夠新鮮，好食！而且鋪滿薑絲果皮絲同蔥去鯹味，碟底又零血水，絕對係下過功夫。四寶丸：手打牛丸，味道似實啲嘅山竹牛肉，唔算好彈，但係都好食。手打蝦丸，蝦丸有蝦味，彈牙好食。手打墨魚丸，彈牙，但係冇乜味。鮮鯪魚丸，鯪魚丸有鯪魚味，又係好食。手切鮮牛肉：夠淋夠嫩，好好食。新鮮八爪魚：呢個就夠新鮮，不過嫌佢冇乜味，碌得耐仲會好un添。魚唇：好有海鮮嗰種鹹鮮味，好食。西洋菜：ok栗米：超甜，正！樣樣食物都好有質素，而且每個伙計都好有禮貌，有求必應。雖然地方環境麻麻，價錢亦屬中上，但係絕對值呢個價。同場加罐汽水，只係$6，有實力嘅食肆，確實係唔需要係呢啲地方抬高個價！！！真係抵你咁出名啦！！！

今晚難得成班Y世代人齊，一行11人去打邊爐，我第一次去久仰大名的老坑火鍋仲要遲到真失禮，去到揸FIT人已點好食物：蕃茄蟹湯 – 隻蟹好大隻，個蕃茄湯底好多料但就略甜咗小小胡椒猪肚湯 –估唔到咁夠味豬脆骨 – 要滾耐啲先好味四寶丸 – 彈牙亦最受歡迎，因為一吓子就無晒雜菇 –鮮冬菇好有菇味，另外有金菇仲有草菇，所以盤雜菇好菇肥牛 – OK牛展 – 好軟滑鱔片 – 新鮮桶蠔 – 超超超正菜餃 – 好似高爾夫球咁大粒羊仔片 – 好”SO”八爪魚鬚 – 新鮮到個吸管仲有吸力仲有其他不能盡錄，埋單都係$1,8XX，果然名不虛傳，好嘢。

十月的飯局不經辰覺地已過了兩個月, 真是一個遲遲的食評, 不過也想讚下的此店的食物新鮮又有水準, 價錢也經濟, 雖然地方比較街坊, 但也十分推介的 沙爹味湯底唔太夠濃與開胃的蕃茄湯底成強烈對比 新鮮牛肉比肥牛更鮮甜且更有牛味 鯇魚片一般 菇菇無難度四色手打丸彈牙又好味 , 由其喜歡牛丸 牛骨髓好滑口, 不過味道唔會好濃烈 水餃好快散開晒, 要夾岩時間食

幫趁左咁多次 連我老爸都食到上左癮 係時候寫翻篇食評讚下啦！！

打邊爐好多地方都有, 但有特色嘅就好少~蕃茄蟹湯底都係第一次食幾開胃, 又唔會好滯隻蟹仲超大隻食物質素都幾新鮮, 尤其係D丸類~即叫即手打, 唔係好似出外打邊爐係交貨嘅

十個有八個人都話好，所以試吓。八爪魚：個樣好新鮮，好吸引。可惜，唔甜，無鮮味。牛肉：好！有肉味，除了方榮記，呢間真係算好食！四寶丸：夠爽口，不過唔算突出。OK啦！魚POP：好奀。點解細個食味D嘅？魚頭：好新鮮，D魚雲好靚。有水準！掂！雖然地方簡陋，但好乾淨，抵讚！

成日聽人講有幾好食，卒之有得試喇！嚟食消夜，唔食得多，不過打邊顱就一定試牛肉，個樣普通，但肉味夠，得！D丸都唔差，又唔可以話特別，但夠爽，OK！貴妃蚌，正常，無咩啦。雖然係咁，但坐得街坊得嚟唔迫硤，鍾意！會再嚟！

其實都去過好多次不過今次第一次寫食評次次都係同屋企人去 由於呀爸都去過好多次 所以次次渣車去都好熟路坐抵左 已經唸緊叫咩湯底 我地多數都係食 枝竹魚頭鍋(幾好味架)但係因為有胡椒 我家姐唔係好食到 所以我就同我父母推介左依到最出名既 蕃茄蟹鍋之後緊係要叫最出名既本地肥牛啦 我發覺佢啲牛真係好有牛味(唔係講笑)之後再叫左 魚蛋併魚角 雞腸併鵝腸 四寶丸 枝竹 雞雜 鱔片 雞紅併豬心 通菜併生菜魚蛋併魚角:啲魚蛋其本上都係幾好食都爽口 不過就咸左少少 魚角ok雞腸併鵝腸:我個人比較鍾意食鵝腸 但係雞腸都幾好食 唔錯!四寶丸:除左肥牛 四寶丸係第二樣我覺得必叫既野 因為佢整得都幾出色!雞紅併豬心:豬心個口感好正!雞紅0一般枝竹:係我打邊爐一定要食既野 因為索哂啲湯味 所以好好食 咁緊係要睇下咩湯底啦雞雜&鱔片:雞雜我無乜點食 但係食到有舊唔知乜內臟 好甜@@鱔片碌一陣好快熟 食落去有少少彈牙feel 幾正!可能因為父母食慣枝竹魚頭鍋 所以佢地覺得蕃茄蟹鍋唔係太好食 而且又話佢湯底落得太多茄膏太甜等等既投訴 所以我就係咁話 試下姐試下姐我湯都OK但係無我想像中咁好食 亦都真係比我想像中甜左少少

我和太太愛食火鍋,見呢度排名高,所以試試.知道地方難找,睇定地圖. o係曲街夾老龍坑街. Book左位,唔使等.先叫番茄蟹煲, 本來話180,後來上枱話蟹細隻所以收160.其實番茄湯一定甜, 而且佢加左茄汁(或茄膏) 加蟹只係令煲湯升值. 喝不出蟹味. 淥太耐唔好食,太短唔出味. 番茄少,主打招牌應該落多D料. 不過隻蟹又真係新鮮,估唔到有膏o忝. 其他配料就填滿個煲而矣. 蜆仔青口仔細隻冇味.再叫豬腳筋併百葉, 手切牛, 八爪魚併蠔, 菜.豬腳筋 外型不討好,多肉筋少,冇特別. 若牛筋反而仲好. 可不試百葉切得細,易淥過久變硬. 可不試八爪魚最好, 口感非常好. 一定要試手切牛 140 貴,份量少. 不過好有牛味. 一定要試.蠔,本地貨,似雪藏. 有一隻有腥味. 可不試.總結 : 番茄蟹煲 OK, 有改善地方. 八爪魚唔係度度食度. 手切牛唔錯. 只可惜地點,環境一般,價錢卻不便宜. 食物質素確新鮮. 180番茄蟹煲難大眾化,見隔離枱12-13個人只叫一個番茄蟹煲. 我會再試.

今天在紅磡出席追思後，巧合地遇上另一世交及其家人，於是一同到附近一家著名的火鍋店同膳 - 老坑火鍋。聽友人說，這火鍋店出名之處是用料新鮮。但鄰近殯儀館，又為何會吸引這麼多客人來光顧，用料如何保持新鮮？原本很多殯儀館工作人員收工後，都會來這裡用膳，有了這班固定客人，自然做到貨如輪轉。要知道飲食業最重要是用料新鮮，特別是火鍋店。客人多，翻貨自然快，用料自然新鮮，反過來也會吸引更多客人。此外，每一間火鍋店也有鎮店湯底，而老坑火鍋的鎮店湯底是番茄蟹煲。可惜筆者最近身體不適，未有吃太多美食，更沒有飲酒 (慘！)。所以期望下次重臨，可以大飽口福。但希望再光顧之時，不是出席甚麼人的追思會吧。最後，為何這火鍋店名叫老坑火鍋？筆者不太肯定，這可能與其所在街道有關吧。這火鍋店是位於老龍坑街。

想o黎好耐但苦無機會, 今日和大豬女友去紅磡, 一早已鎖定食呢度~唔洗多講. 叫招牌野, 即豬腳筋, 手切牛, 八爪魚, 另仲有菜.湯底唔想叫蟹/茄, 太貴喇揀左胡椒豬肚.湯底一上, 飲口先 ~都幾重椒味! 好熱呀, 馬上要叫阿姐開冷氣手切本地牛真係好正, 片片都冇筋又唔肥, 推介.豬腳筋要滾20分鐘, 但之後仍係好爽的, d 肉就有d 似煲湯豬肉咁, 但唔韌.真係好食, 唔怪得係招牌野.八爪係郁的, 所以小弟第一次"嗡撈" video.d 吸盤係特別爽脆的, 其他唔多講了!d 菜冇咩特別.帶子好新鮮, 已足夠了!湯d 豬肚也爽口, 但勁痴牙, 預左, 好入味.服務ok.overall 很好噃, 會再o黎.但個名真係耐人尋味呢...

年廿九訂左枱一行8人去食, 我之前未去過, but朋友們去過話好正,所以佢地再訂呢度, 我完全感受唔到佢地上次食有幾咁正lor, 我平時打邊爐一向都唔點醬油, 呢次唔點唔得, 個蕃茄清湯, 真係好清lor, 清水加苦瓜加蕃茄, 都唔知落苦瓜做乜, 可能唔夠番茄呱! d嘢又嚟得慢, 汽水都叫幾次先攞嚟, 仲之就係十問九唔應個隻,我以後都唔會再去呀

星期日六點四去到，唔知間嘢咁細，所以冇訂位。佢哋超級唔休做，好似唔想做我哋生意咁。其實成間嘢除咗我哋都未有其他人，佢哋喺度不斷咁話呢張又唔得，嗰張又唔得，有人訂咗... 最後揀到張畀我哋，就叫我哋「坐底啦！未得閒理你哋住呀！我哋而家個個食飯呀！」我哋都知早，我哋都冇出聲，冇吹佢哋，你洗唔洗成十個人行過，個個都要講句「未得閒理你哋住呀」咁吓嘛！啲嘢食呢... 冇乜咁特別囉，我本身好鍾意食本地肥牛，但佢啲牛肉係好食，唔係非常好食囉！花園街街市買的仲好過佢，仲冇咁貴添！講開貴，佢啲嘢真係貴過人，20蚊一個出前一叮你見過未！廿蚊我會食油炸鬼囉，至少罕見啲，索起啲湯都幾好味。