翡翠拉麵小籠包

營業中

休息中

見下午茶有75折，諗住想食得飽肚D又好魂無黎咪黎食，點知中哂伏！！叫左3個麵質素都好差：1. 擔擔麵完全無料，湯底勁油似係放左好耐出哂油咁勁難食，淨麵加隔夜湯都成＄6-70真係好唔抵2. 燉雞麵勁少料得幾件碎雞，唯一覺得個湯算幾濃似返D樣3. 牛肉麵雖然多料但好UN好難咬，質地都怪怪地咁即時上網睇返食評原來已經有人講翡翠拉麵小籠包的質素差左好多，仲有人提到擔擔麵好唔掂，先知已中伏，又貴又難食，平一半都唔想再黎食！！真係下次真係要CHECK清楚openrice先好去食野⋯⋯

位於銅鑼灣的翡翠拉麵小籠包 ，是一間曾獲米芝蓮推介的中菜餐館，餐廳推崇中國傳統飲食文化，主力京，川，滬菜，時日覆診前，便帶我愛吃中菜的媽媽去吃午餐吧。花雕醉雞 $78很久沒吃醉雞啦，午餐想醉一醉，解工作煩惱，但又不想太醉至不能工作，醉雞是一個解酒癮的好選擇。轉成雞脾的醉雞，酒味濃烈，帶點苦味，雞肉腍滑，是一道不錯的涼菜。香煎素鵝$58未曾吃過素鵝，因此對這道菜非常期待。用腐皮包著木耳蔬菜餡料，炸至金黃香脆，香口惹味脆卜卜。京燒明蝦球 $138這次午餐當中，京燒明蝦球，是我最愛的菜式之一。京燒醬類似連鎖店麥當當加辣的版本，濃稠惹味，醉甜微辣，洋蔥切碎，非常美味。蝦球很大一隻，肉質結實彈牙，配飯一流。蘿蔔絲酥餠 $40同樣深得我心的點心，是蘿蔔絲酥餠。小時侯的我不愛內餡，只吃外層粉餠，長大後才明白搭配起來是非常美味阿。超酥超酥的絲絲外層，粉不厚，酥紋深，麵粉味超香，口感超鬆化，內裡的蘿蔔絲濕瀾軟爽，每口都令人回味，大推介哦。

店舖最近重新裝修後，新增設了open noodle bar，拉麵師傅會在你面前煮麵，可以近距離欣賞下師傅手藝。今次特別來試下剛推出不久的夏日限定菜式，包括兩款番茄麵食及一系列清新健康的菜式。仲有最新推出的兒童餐，$28就有齊豆沙包、胡麻醬青菜、脆皮春卷、迷你蔥油拌麵及凍豆漿，好抵食呀。

新裝修幾鬼靚，星期六下午1:00到，一攞二人枱飛，竟然下一張就係，有啲驚訝！真係唔洗十分鐘就有得坐低，之前起碼要等成個鐘！新裝修用青花藍做主色幾靚，比人好pro嘅感覺！繼續人頭湧湧，但好快有位！鍋貼好多汁，一咬彈晒上臉，食物好夠熱，好味道！🥟🥟🥟小籠包水準繼續保持，夠晒熱辣辣！皮薄，肉質都ok，如果湯凍可以做得再鮮味啲，有肉香就更勝一籌啦！總括來講品牌都係能保持一貫嘅水準，連所店嚟講，不錯吃咁啦！

星期四飯局，姊妹話想去翡翠拉麵小籠包，當然不會拒絕，難得她提出。食店位置在時代廣場算就腳，到達食店未夠6:00，坐了幾檯食客，店內不太大，位與位距離很近，桌面亦很細，有點迫！當天碰上有小籠包送，晚市頭50位客人便送一客，我們是第一位，當然有份。🥢🥢🥢排骨拉麵-炸排骨很香口，麵份量略少上海炒粗麵-很多配料，味道不錯小籠包-皮薄多汁個人評分食物：B服務：B環境：C抵食：C衛生：C翡翠拉麵小籠包坐得不舒服，食物做得不錯，再去又未必！

今日一個人lunch,好懷念以前翡翠嘅嫩雞燴麵，清淡得黎又不失雞湯嘅清甜，見到有位就諗住今日lunch就食呢個啦......直到侍應上咗呢碗麵之後，幻想完全破滅一層橙黃色嘅油浮喺面，已經覺得不妙，試下啖湯啦，哇，完全冇味，係真係冇味，好似用滚水直接沖一樣，失望之極！

冇諗過翡翠小籠包都會中伏🤦🏻‍♀️原來裝修後嘅全新面貌亦包括佢哋嘅味道😞其實lunch Time唔使等位都有啲端倪(原本我哋想去度小月不過無位)由於係冇午市套餐所以我哋散叫佢哋嘅service係非常好嘅.. 不過食物質素就有待改善啦#為食滑嘟嘟㐲ed篇🤦🏻‍♀️擔擔麵如果太多酸辣味..麻醬味就冇定企餐牌上係有著名有酸辣味..不過冇話冇麻醬味囉青菜煨麵 - 尚算正常不過點解要有菇既呢上海春卷 - 可以多番少少餡料小籠包 - 保持水準.. 充滿湯汁肉味鮮甜生煎包 - 一個質感似鬆糕.. 乾爭爭嘅包紅油抄手 - 辣椒油十分嗆喉.. 由於太少餡料.. 雲吞變咗做水餃..皮略厚醬凍茄子 - 味道正常..如果多少少蒜蓉會更香豆沙鍋餅 - 甜品控都唔食就知道有幾好食.. 外皮硬過龍崗煎堆

Terrible service and waiters have poor manners. The tables are so packed; customers can’t have a enjoyable dining experience.

同友人時代廣場行街，好耐都冇食過上海菜，就走入翡翠試過午餐。野食一定好多款，樣樣都想食，胃口大開！醉豬手！爽口酒味香而濃郁。素鵝超級好味，唔會炸到好油，料又多，真心推介。雪菜肉絲拉麵！拉麵口感出色，湯底清又唔會好咸。米以為好細碗，食落份量十足。四川擔擔拉麵。好好味呀！拉麵質感爽口，湯底冇得彈。有啲辣，但麻醬味中和到辣味，又唔漏，個湯幾乎飲哂(雖則有啲罪惡感）。小籠包當然唔可以唔叫啦！皮薄饀足又多汁。食上海野又多一個選擇

才剛過年，吃了不少油器糕品，兩個大食積依然故我，繼續的大食大吃……未有想過這兒有八色小籠包，其中芝士味最為引人入勝。應是要鎖住肉湯的關係，包皮較厚，但其驚豔之處是竟不比樂X皇朝的差。不知友人叫了趁甚麼的薄餅，總之煙靭有油香，小人單塊都忘記吃了多少片！花鵰醉雞皮爽肉滑，上品之作。四季豆和著肉碎，鹹香得怡，只恨份量太少。黃魚仔煎的夠香夠脆，配合著椒鹽完全無得輸！生煎包腍多過脆，幸好一客只有3粒，不然的話都不知如何處理。腿茸少而津白多，是夠奶夠滑的，然而一味就只覺吃著津白，已經忘記了有火腿茸。小炒黃金蝦仁的鹹蛋恰如其份，入味相當之好，一讚。金勾瑤柱炒五殼飯絕對是多餘之舉，粒粒蝦乾瑤柱連飯，既硬且油，中了下下籤，不叫也罷！結果兩個人食到肚腩都突了出來，看來要收一收手鳥。

鬧市中的美食，~ 銅鑼灣時代廣場地下，“翡翠小籠包” ！ 銅鑼灣哩區的翡翠小籠包大多數都係各國遊客來光顧，今日唔洗等位（好難得架），所以要食咯🤣。今日點左麻婆豆腐，和嫩雞🐔燜麵。兩個字香 和 嫩

今日晚上同左老婆大人去左銅鑼灣時代廣場拍拖行街，行到咁上下餓餓地，就入左黎呢到食野了。坐底望望餐牌，我地叫左酸辣湯拉麵、糖醋青衣柳、乾煸四季豆、紅油抄手。等左大約15分鐘，食物陸續送到了。酸辣湯拉麵：味道唔算好辣，拉麵不會太淋，唔錯糖醋青衣柳：熱辣辣，外脆內軟，酸甜汁好開胃，乾煸四季豆：四季豆軟硬適中，豬肉走過油，炒得十分野味，送飯一流紅油抄手：辣度適中，皮薄，豬肉多汁。埋單$340，價錢唔算太貴

每年媽媽生日都要大傷腦筋，因為她只愛吃中菜，而且要求很高，一定要選一間合乎她的心意。 今年她說要吃上海菜，我第一時間想到翡翠拉麵小籠包，兒時她經常帶我和妹妹去吃，質素有保證，所以選擇在這裏慶祝。 選擇了時代廣場的分店，位置較為方便，店內不算好大，不過座位亦夠寬敞舒適。 食物種類好多，而且價格不貴，好快大家就想好要吃什麼了，值得一提的是，近來店內推出了素食食品，適合素食人士享用。 四川口水雞 $68超惹味的口水雞，入口帶點麻辣的刺激感，花生粒很脆，雞肉亦不少。 松子桂魚 $198桂魚好大條而且味道帶點酸甜，外層微脆，入口魚肉嫩滑，感覺很開胃。 京蔥爆牛肉 $90牛肉份量很多，京蔥味道很突出，不會太鹹，用來送飯就一流。 四川酸辣湯拉麵 $64蘭州手工拉麵有拉麵師傅現場即叫即拉，所以拉麵入口很彈牙，酸辣湯味道剛剛好，帶點杰身，每一口都想到酸辣湯的香味。 上海小籠包 $39小籠包以鮮肉製造，即叫即蒸，湯汁鮮美，入口皮不會很厚，確實名不虛傳。 蘿蔔絲酥餅 $40酥餅鬆脆，入口蘿蔔絲熱辣辣，感覺外脆內軟，作為甜品亦不錯。 薑茶湯丸 $32天氣冷再喝一碗薑茶，感覺好溫暖，湯圓是以芝麻為餡料，一

呢排成日放題又炸物又盛，好彩老朋友唔介意今晚食返餐清少少。小籠包生煎包呢啲實食㗎啦，所以唔多講，最想介紹呢客「不是炒飯」，我哋響餐牌見到時已經心諗咩事😂嚟到枱面大家掛住傾計仲未知咩事，望一望，咦真係唔係炒飯嚟，原來係一粒粒飯咁大粒嘅椰菜花碎，不失炒香，重點係咬落口感一流，比食炒飯爽口得多。之後就第一次食水煮牛，我就覺得幾香幾口味，不過對面食開嘅朋友就話唔夠出面平時嘅水煮餸咁辣，咁啫係我又要去第度先可以真係試真啲了。

近排因身體狀況的需要，外出用餐要選擇清淡的食物，最近發現翡翠拉麵加添了薑蓉蒸小黃魚，因為傳統上海食肆提供的都是椒鹽小黃魚，微微炸的，我於是今次點了一客蒸小黃魚來試。兩條小黄魚上面舖滿了薑蓉，夾起嫩滑的魚肉點了帶有少少酒香的蒸魚豉油，非常美味。