翠華餐廳 (香港國際機場)

營業中

休息中

今次一家人去旅行，搭早機當然要食定早餐先。千里迢迢入來，難道又食外面都有的連鎖快餐店嗎？（OK 翠華也是連鎖耶）但起碼我們不會常常去翠華。座位都幾寬敞的呀。原本我想吃的東西原來早餐是沒有供應的，因此我們一口氣點了一大堆東西，包括一個早餐 A ($36)、早餐 C ($36) 和翠嘩奶油豬($11)。給那些　｢『魚』情未了去又來」的廣告荼毒得多，又叫了魚蛋米($44)和鮮蝦菠菜餃麵 ($35)。早餐Ａ包兩隻烚蛋、牛角包、仿鮑魚絲火腿通粉和餐飲。我吃了隻烚蛋，質感以茶餐廳來說很不錯了，還連埋個蛋杯，都很認真的。牛角包就當然不可以跟西式麵包店的比，但（高級）茶記喎還想怎樣？早餐 C 則是炒蛋，也 OK，雪菜肉絲米和火腿也就讓家人吃了。翠嘩奶油豬是翠華名物當然要點，未在翠華吃過它的兩老覺得很有兒時吃到的風味。（價錢當然是漲了幾十倍！）至於不是在早餐餐牌裡的兩碗粉麵其實都蠻好吃，而且不太覺得有味精，加上用那個有柄的碗拿著吃便不會燙手了，只是價錢也是很貴囉。

忌廉貓要離港兩星期，在機場吃其實也沒多少合心意的選擇。選翠華，是貪它的「港味」和菜式多。翻翻餐牌，我和維園阿伯決定要印尼炒飯和咖哩吉列豬排飯。先上的是印尼炒飯 $78。驟眼看炒飯粒粒分明，看似不俗呢！炒飯用了甜豉油炒，當中亦混和了豆鼓和辣椒片，所以吃起來有點小辣而且很惹味。最值得讚的是煎蛋是半流心而不是全熟，正！另外， 蝦球亦爽口彈牙。不過，蝦片又冧又油，「中看不中吃」，但就整體來說，還是不錯吃的！侍應在推餐車途中把我們那碟咖哩吉列豬排飯打爛了，可是車內還有另一碟，是遲我們兩檯的人叫的。忌廉貓不明白為何侍應生不把那碟給我們，始終我們比那一檯早了十五分鐘到！結果，我們又要額外等上二十分鐘才吃到咖哩吉列豬排飯。咖哩吉列豬排飯$78，豬排有四大塊，炸粉薄 ，但有兩塊有很多豬肓。咖哩是港式口味，但勝在香濃惹味。食物是不錯，但服務一般得很，即使只有幾檯客，叫加水、賣單都等了很久才有人理我們。 

都有一段時間沒出門了，今次搭早機所以先在機場吃個早餐。未過關的話，都有好些選擇。抬頭看到美心／翠園的宣傳板，上了電梯才發覺原來還在裝修中，好在旁邊就是翠華了。這裡早已變成自由行勝地，人人來到都要影張「到此一遊」相。牆上畫滿可愛的香港風物誌插畫，合哂遊客口味。翠華孖寶當然是脆嘩奶油豬 ($11) 和用可愛瓦杯盛著的奶茶 ($18)。奶油豬雖然不太脆（可能是我拍照太久），但煉奶和牛油都 OK 多所以仍然幾好食。奶茶呢，普普通通吧，茶底倒是頗濃的。一個簡單早餐都要近三十塊埋單，還真貴呢。

上個禮拜自己一個出trip，7點幾去到機場，估唔到晨咁早機場都咁多人。Check in 完啦要醫下個肚，諗住求其飲杯咖啡，但霎眼竟然見到最愛既翠華，啱啱係禁區前開左間新舖，二話不說，即刻上去嘆返個靚早餐先~！先來一個至愛既魚蛋片頭河，至愛程度係可以一星期日日食都我都唔會抗議！食物係落單後5分鐘內就送到，啱曬我呢D趕時間既人。一上黎見到個湯呈奶白色，非常之鮮甜重好香魚味，魚蛋大大粒，又爽又彈牙，最正係D片頭的，入口一D都唔油膩，好鮮嫩好有嚼口。結果旋風掃落葉咁就KO咗碗粉。仲有杯奶茶，又香又滑，真係可以捧住佢坐響度HEA足成日，但可惜，夠鐘上機了，唯有飲埋佢同翠華say goodbye。走嗰陣見到綠色牆身度畫左好大幅卡通，講下香港既歷史，相信係想俾外國遊客多了解香港。仲畫左好多奶茶、菠蘿油、火腿通呀咁，so cute~! 呢個早餐真係大滿足呀！

一月中同banana出發去我地一直都未去過既越南.... 個度都算食美食之都，我食左 30 餐都有!!! 不過我地兩個係第一日上機前... 已經食滯左.......由於係下午機，返工返到一半就出發去機場，lunch都未食，肚餓到不得了，所以趁仲有時間就要醫一醫肚先~ 諗住揀d小食咁既物體，唔會太飽嘛，所以就揀左翠華... 點知佢既小食都好大份下我地叫左一個奶油豬同埋一隻熱狗，再加杯咖啡share食.... 黎到我地都呆左，點解會兩樣都咁大份架？不過味道又幾好食的，奶油豬好大個，咬落亦好脆卜卜，麵包碎都跌到周圍係~ 不過嫌佢煉奶唔夠多，如果再多d配埋牛油就好味好多啦~~~熱狗又係大隻到不得了，叫D服務生哥哥幫我分開一半等我地易D Share食，其實佢無咩特別，不過麵包幾軟熟而且好香芝麻味~ 茄醬芥辣夠哂多，配腸仔唔會難食掛，俾多幾片青瓜同生菜你，哈哈，食完飽到嘔!!!反而想講佢杯咖啡幾好飲喎，唔會有茶餐廳既酸味，味道幾香濃，唔錯呀~機場黎講唔太貴，可以食下，不過唔好好似我地咁上機前已食飽左就得啦.... 哈，另外越南我去胡志明市都係一個幾多美食既地方，相信各位喜歡食既朋友應該都會喜歡的，