翠華餐廳 (香港國際機場)

營業中

休息中

喺上機前食個good breakfast先係最正大家都知道飛機餐質素…叫個個沙爹牛肉麵，我沿路經過廚房見到佢地都係即刻整，所以d面都仲好爽，唔會淋。雖然賣相就麻麻，但牛肉份量都夠，張相只係見到佢地痴埋哂咁解。隻蛋都煎得岩岩好，如果條邊再燶d就更好。有埋油豬，一定夠飽！第二個餐就配蝦花蝦蛋，食落同普通炒蛋無分別，但賣相就靚d，打卡都ok的。火腿通就略嫌火腿份量少左d，但好彩算厚身，如果唔係感覺就似食淨通粉，咁就好無癮！雞湯嘅味都算濃，但係肉唔夠。最後就係酸菜豚肉湯米線，d豚肉食落唔會好肥，份量都足夠，但個湯底有d淡，酸菜亦唔多酸。注意呢個餐係無蛋，得豬仔包。有餐牌可以參考番，內容係set好左無得轉的。要飛前食番個港式味道嘅早餐，翠華至少唔會令你失望。

今日同朋友去日本旅行，出發前係機場2樓嘅翠华餐廳食早餐，叫咗一個S2早餐，包括有沙爹牛肉麵，抄旦同埋一杯凍零茶，沙爹牛肉麵尚算可以，抄旦同豬仔包都好食，飲埋杯凍零茶就啱啱好食飽哂，跟住再去搵埋其他團友。

搭早機前去翠華食個早餐，成日聽到人哋話翠華質素每況愈下。平時唔多食翠華嘅我今日終於感受到，的確麻麻哋唔係咁好食。質素唔係咁好而且價錢比起其他嘅連鎖餐廳櫃。CP值的確麻麻哋，大家睇吓個餐牌。一個公仔麵收人$48的確有啲狼，但係機場選擇唔多唯有試一試佢啦。我叫咗呢個行政早餐係炸魚柳配番茄豆同埋炒蛋。個魚柳炸粉比較而且魚柳揸得過火左冇乜味道。但係個炒蛋都整得唔錯夠滑同有蛋味。另外而家個奶油豬變咗細嘅牛油豬仔包，要另外問佢攞煉奶先可以食。總括嚟講餐廳變咗出名就好難維持到個質素，可能因為太多人嚟啦。佢未至於難食但係我寧願去樓下大家樂食啦下次。

返工返得咁辛苦，都係為咗去旅行！今早打飛機都食唔切早餐，梗係等check-in完之後去翠華食個茶記早餐啦！原來佢轉左早餐餐牌，記得之前呢餐係仿鮑片通粉，而家冇得食啦，轉左火腿絲通粉。🐮沙嗲牛肉公仔麵🥢叫呢個實無死，係翠華嘅長期皇牌早餐🥢公仔麵住得唔會林，沙嗲牛肉又好夠味牛油脆🐽記得問侍應拎啲煉奶，即時變咗奶油脆豬！-‼️‼️提提大家千祈唔好食A餐火腿通‼️‼️真係好難食，個湯無味！每一台都食剩好多！

黎到機場接朋友，肚仔餓都係食住等啦！行左幾個圈原來翠華最抵食！出面街食得多都正常ok，黎到赤鱲角係咩一回事呢？睇個餐牌都幾吸引，芥末籽西冷+欖油意粉，最緊要係有豬仔包食！紅湯加多杯熱檸茶！$84蚊算係咁啦！豬仔先到，不嬲都唔差有牛油又鬆脆，可惜期望愈大失望越大，隻豬仔是冷凍的，唔夠脆身，唔熱牛油就唔香。西冷一到誰與爭鋒？塊西冷成隻長碟咁大塊！肉身有1cm咁厚，唔洗擔心佢唔熟，因為一定係全熟！肉質滑得黎係實硬，芥籽味一點也沒有，小心啲牛筋和牛脂肪，係咬唔開咬唔爛！真係可以拎起塊扒同人格劍～提提老人家及無牙力既人千其唔好試！佢話欖油意粉黎到變左茄粒醬意粉⋯是否很驚訝講不出說話～ 但味道可以，意粉比較粗脹，值得一讚是配菜有味可口，紅湯有普通水準欠缺味道。完全是一餐令你食得安心的西冷 set dinner.

翠華質素大不如前。記得之前睇過報導話佢地有心將食物質素拉返高，希望舊日會回歸。臨飛前想食菠蘿油，除非你過T2 如果唔係就真係得翠華有，所以去咗博返轉。菠蘿油：不是空氣包，菠蘿面夠厚夠脆，可能夜機所以麵包已經唔香。奶茶：已經唔係第一次唔好飲，茶底超澀，已經試過幾間分店亦一樣。菠蘿油可以幫襯，飲品要點其他吧！

有一次同同事係機場食晏，去左翠華食，果度比較多位，唔洗等位就可以入去。我當日叫左個lunch set (魚柳配意粉，跟湯跟餐飲）［$68+1服務費]。湯有紅湯同白湯，我就叫左個白湯。等左大概15分鐘，佢上個「白湯」（但係紅色的），我追問個侍應，佢話部長話呢個係白湯，哈哈😄唔緊要，我一飲呢碗「白湯」，味道完全同羅宋湯一樣味仲要有菜係入面。算，個主菜雖則係魚柳配西洋菜汁，但一見個賣相咁樣，真係無咩胃口。但味道都尚算正常的。如果想係機場快食，翠華都可叫做抵食嘅，但大家唔好期待太多。

同朋友大年初一，滿心歡喜到機場準備去外地旅行，check-in 完，當然食番個港式早餐先啦，順利入到翠華坐低，我同個friend一人叫一個沙爹牛肉麵餐，我就要煎雙蛋，佢就要炒熟蛋。講老實，牛肉麵嚟到，啲麵淋嘅都算喇，煎雙蛋嚟左，我食晒，個friend嘅炒熟蛋仲未到，追侍應，都預左佢話炒熟蛋，係要預耐啲架啦，都唔緊要，但係碟炒蛋上枱，係一pet水蛋，蛋唔熟不特只，仲要出水，我個friend唯有唔食，以作抗議，埋單走人。當日客人唔多，作為一間香港有代表性嘅荼餐廳，出品同服務都水準之下，我地真係好失望。

去送機，諗住同屋企人係臨飛前食多餐地道啲嘅香港嘢，滿心歡喜咁嗌左四個奶油豬，賣相都唔錯嘅，但咬落去又唔脆，又凍冰冰，牛油味又唔香，同搽左煉奶牛油嘅方包差唔多。有一個常餐係豬扒飯，諗住會好啲，點知都係凍嘅！嘢飲方面，我哋嗌左兩杯鴛鴦，一杯係走甜嘅，個侍應拎過嚟又唔講邊杯先係走左，問佢，佢就指住杯正常嘅話係走甜嘅，最後要到飲落口先知邊杯走左甜。仲有杯熱檸檬薏米水，飲落去竟然係常溫嘅。不過佢杯翠脆朱古力係唔錯嘅，有啲 cream 同脆嘅朱古力豆係面。未算好好飲，而且個人覺得佢偏甜，係正常水準。整體嚟講，呢個價錢係出面啲茶餐廳可以食到多好多好味過佢嘅嘢，至少啲嘢食唔會係凍冰冰嘅先，所以好失望。

肥務態度差（雖然預左）,但係低劣到一個位係差樣野食未黎可以敷衍完你就算，啲侍應憑咩唔幫手跟？忘記左人地有比錢？最精彩係叫經理個經理都唔理你。唔該係機場呢啲咁多外國遊客既地方做番你地應該做既服務可以嗎？

在機場早餐，港產的翠華是必選不過，今次非常失望食品，差，不夠熱，無味無道，令人吾想食招呼，更差，無精打采，愛理不理的座位，不錯，夠多，空間大以前，比較有水凖，現在，每況愈下可惜

訂咗七點鐘機，三點半到咗機場，諗住食啲嘢先上飛機！大家都知道飛機餐幾好食都好似唔係太飽，何況我要坐15個鐘頭飛機。 見到有間Mc Cafe, 諗住食個包飲杯嘢算了。行到去點知見到隔離翠華冇人，仲有下午茶提供！之前見啲朋友朝早食過，都鬧到七彩，話好遲先上餐；心大心細搏一搏⋯⋯因為麥當勞啲包真係麻麻哋。一入嚟攞咗飛叫我直行，個心有啲往下沉，心諗大佬要塞我坐幾入，點知原來有個窗口位超正。叫咗個鹹牛肉炒蛋潛艇半薯條，問D水係咪自助，個哥哥仔cool cool 地，去倒埋杯水俾我，good.

今朝一早起身，外面得十二度，搭早機快快趣趣黎到機場，順便食個早餐。見翠華寫六點開門，等左一等佢開門，不過員工食早餐唔知係咪食耐左，過左六點有客人問先佢幾點開門先好不情願地開門俾人入去。一開門，大約十餘台客人。我同朋友坐左係近門口位置之後發現，員工對門口喱幾張枱嘅客人完全視而不見，收銀四目交投之後仍然置之不理。自行轉位後嗌左兩個早餐，但黎到嘅奶油豬係凍嘅。咁嘅天氣，俾個凍嘅奶油豬仲做到生意，果然有佢嘅一套。員工冷漠對待，態度差劣，食物冇心整，這價位仲有好多選擇。

啱啱同老婆落機，去完旅行番黎，緊係食埋嘢先番屋企啦。最後都選擇咗翠華，一入到去，環境畀我哋想像中污糟，檯面有好似冇清潔過咁，到叫嘢食嘅時候，已經舉晒手，幾個職員喺度傾緊計，明明睇到.....都當睇你唔到。 我地叫咗個晚餐(和風照燒豚肉意粉)同埋一碗魚旦、魚片頭米線。啲嘢食黎啦，跟餐個牛油豬仔包好硬， 至於個意粉就冇乜汁，到杯凍檸茶，明明已經叫咗少甜，但係嚟到都好甜，下次都係叫佢啲糖水，分開上就穩陣啲。最後個魚蛋，魚片頭米線：個湯底完全冇味，另外啲米線仲好硬，完全未熟透。

係機場朝早食早餐想食地道啲又想食好啲，所以就去左翠華。叫左呢個魚柳早餐，十分豐富，但可惜既係除左魚柳其他食物都凍左。但熱辣辣既魚柳就十分抵讚，外面炸到金黃香脆，而內面既魚肉就仍然保持鮮嫩，又香又滑。