翠華餐廳 (TKO Spot)

營業中

休息中

《招牌港式茶記風味😋》———————————————-#翠華 🥢-限時優惠嘅芝士奶蓋主題好吸引，配搭阿華田西多同翠華奶茶，Combo set 都係唔使$50💰 奶蓋奶香味濃郁香滑，同港式奶茶意外地夾🍼西多士吃到好大份，下午茶必食，上面佈滿阿華田脆粒粒，口感特別🥳 另外加咗個蛋撻，酥皮撻外皮酥脆，蛋香突出～-🐽 鐵板京蔥豬軟骨鐵板上熱辣辣，一上枱出晒煙好惹味，豬軟骨超級軟淋入味，十分滿足，啱哂食肉獸，而且撈飯一流🤤-🏆 冠軍焗豬扒飯豬扒厚切啖啖肉，沾上蛋漿煎過再焗，金黃鬆化，充滿濃厚蛋香🥚焗飯炒得都幾乾身，仲有蕃茄香味，酸酸甜甜，層次豐富😍-⭐ 參考價錢︰芝士奶蓋阿華田西多＋芝士奶蓋：$46鐵板京蔥豬軟骨：$98玫瑰荔枝梳打：$20冠軍焗豬扒飯：$75蛋撻：$9🍌 抵deal 指數：7/10

🥩 翠華 TKO Spot 分店大變身！鐵板西冷、海南雞飯樣樣勁！😍今日小編去咗將軍澳 TKO Spot 嘅翠華餐廳，真係食到停唔到口！首先登場嘅係鐵板燒西冷牛肉！🥩 呢件菜一上枱已經香氣四溢，個鐵板仲滋滋作響，超級吸引！個西冷牛扒煎到外脆內嫩，肉質鮮嫩多汁，入口即溶。最正嘅係佢個醬汁，香濃惹味，將牛肉嘅鮮味提升到另一個層次。配埋啲香脆嘅薯條，簡直就係絕配！跟住係海南雞飯，正到冇朋友！🍗 呢碟海南雞飯真係大大份量！隻雞皮煮到金黃油亮，皮爽肉滑，仲要冇半點雞腥味。個飯更加係重點，香噴噴嘅雞油飯粒粒分明，香濃得嚟又唔會太油膩。最正嘅係佢嘅三醬：薑蓉、蒜蓉同辣椒醬，每款都香辣惹味，配埋雞肉食真係絕！最後仲要讚下佢哋嘅服務，店員態度親切又專業，落單上菜都好快手。最驚喜嘅係，雖然翠華轉咗新形象，但價錢依然平易近人，絕對係抵食之選！地址：將軍澳唐明街2號TKO Spot地下1及2號舖

無論早、午、下午茶、晚餐，茶餐廳是香港人飲食習慣之選。今天同事建議到“翠華茶餐廳”食午餐。⭐神之叉燒飯一口咬下厚切叉燒，肥瘦適中，肉質嫩滑，還有蜜糖炭香味，有一點點燶邊，配上蔥花滑蛋和秘製豉油撈飯，正。⭐冠軍焗豬扒飯熱辣辣上台，邪惡芝士拉絲配上茄醬和厚切豬扒，外脆內嫩，飯粒粒分明加埋有炒底，食得好飽。⭐新鮮嫩菜食了大碟肉，另外柯打了新鮮又大碟蔬菜，可上湯，醬汁另上，滿足了客戶的要求。⭐手打芭樂檸檬茶濃郁的檸檬配上芭樂 ，加上精心炮製的紅茶，甜味適中不會太甜。環境舒適，座位寬敞，侍應服務熱情招待有禮，這才是待客之道。

超邪惡神之叉燒飯❤️‍🔥翠華餐廳ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡翠華餐廳推出咗個神之叉燒飯好吸引❤️‍🔥好耐都冇食過 前幾日經過見到就決定試下( ✌︎'ω')✌︎▪️神之叉燒飯❤️呢個神之叉燒飯系限量發售✨叉燒勁厚切 仲要系勁邪惡嘅半肥瘦~因為叉燒佢哋用咗五花肉嚟整 口感十足！配上嫩滑炒蛋 淋上秘制甜豉油 撈勻超好味💕▪️黑椒串燒牛柳粒拼珍寶蟹柳 配意粉🖤見到呢個晚餐推介 鐵板上熱辣辣~串燒牛柳粒黑椒味濃 幾惹味🐮蟹柳份量都幾多 夠哂豐富！▪️ 至潮魚蛋片頭河（麵食）🧡港式風味一定要食返碗魚蛋河✨魚蛋魚片都幾多 配埋河粉麵食 簡簡單單又好味！▫️手打芭樂檸檬茶💛飲品方面一定要試下新推出嘅手打檸檬茶🍋唔使篤檸檬 佢已經打到檸檬出曬味~酸酸甜甜 又幾好飲(・∀・)⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍翠華餐廳 將軍澳唐明街2號TKO Spot地下1及2號鋪

🍛將軍澳地道餐廳🍛-今日去咗屋企附近嘅一間餐廳😬本身諗住正正常常但估唔到幾有驚喜😋質素出色之餘仲有手打檸檬茶飲🤤-🥩日式照燒西冷牛扒配薯菜西冷牛扒大大塊而且味香肉嫩🐮套餐仲有熱辣辣既豬仔包👍🏼牛油味滲曬入包裡面香噴噴🤤仲有足料又濃滑既粟米雜菌忌廉湯😋好抵食-🥦焗芝士西蘭花新鮮既西蘭花面層加左芝士🧀焗完之後西蘭花除左微微焦香外仲有拉絲既芝士-🍓手打草苺檸檬茶手打檸檬茶清新酸甜👍🏼仲有用左新鮮草苺手打出黎😍有打碎左既草苺咬🍓而且草苺香氣同檸檬既清爽結合🤤解渴一流🧊-🐟XO醬西蘭花深海魚柳飯XO醬同西蘭花係絕配😋魚柳亦都好嫩🤤惹味嘅醬汁送飯啱晒👍🏼估唔到個飯仲係蛋炒飯😍炒得粒粒分明仲有微微嘅蛋香-📍 翠華餐廳（TKO Spot）將軍澳唐明街2號TKO Spot地下1及2號舖-

翠華餐廳一向是我去得最多既茶餐廳食物款式多，價錢又合理，將軍澳呢間翠華餐廳地方乾淨闊落，食物水準高，值得推介神之叉燒飯 $80 +瑞士汁雞翼 $65+凍咖啡 $3今日試左神之叉燒飯，香噴噴叉燒飯肉質夠腍又入味，炒蛋非常幼滑，配上甜豉油汁，味道豐富。瑞士汁雞翼，肉質肥美又入味，送飲一流。凍咖啡口感幼滑都很不錯秘制海南雞飯 $75+手打檸檬菜 $25秘製海南雞飯肉質幼嫩，配上海南雞特色醬，好滋味，仲有例湯添手打檸檬茶酸酸甜甜好解渴，有別於一般檸檬茶

翠華餐廳 Tsui Wah Restaurant(TKO Spot）一間集團式地道茶餐廳翠華,餐廳位於新界將軍澳唐明街2號丅KO Spot商場地下,餐廳裝修簡約時尚,,座位寬闊,坐得舒適,餐廳主打地道港式茶餐廳,服務員招呼到位。士多啤梨檸檬茶,餐廳檸檬手打系列,大大杯檸檬士多啤梨茶,入口清涼開胃。熱鴛鴦係香港地道飲品之一,香濃咖啡帶有茶味,入口順滑。法式黑椒牛柳8安士鐵板餐廳鐵板燒系列之一,配有羅宋湯牛油餐包,牛柳份量真不少,厚切有牛味,配埋黑椒汁非常惹味。肉絲炒麵廚師推介系列之一,廚師將炒麵煎到脆卜卜,入口甚香脆,配有鮮菇,銀芽和韭黃。

今日同朋友去左將軍澳行街睇戲，順便當然就係食個飯啦😂朋友話想食局豬扒飯🍛所以我地決定去尚德翠華到食飯再shopping 😆🏆冠軍焗豬扒飯即叫即焗熱辣辣，面頭既芝士仲係脆卜卜，仲有少少燶～感覺好香口好好食～豬扒仲要切之餘好軟熟唔會硬骨骨👍🏻瑞士雞翼🍗超入味，味道岩岩好，唔好太鹹。仲要係原隻嘅雞全翼薄西冷牛扒🥩椰菜炒🥔鐵板上嘅西冷牛扒，生熟程度啱啱好。份量十足 ，有兩塊西冷牛扒手打爆檸茶🍋完全係打溶咗成個檸檬🍋口感好新鮮，好清新下次要去試埋佢個叉燒飯先得😆😆

最近鍾意去食番啲香港local嘅野食第一樣諗到嘅就係茶餐廳翠華嘅鐵板餐和冠軍焗豬扒飯令我諗起細細個會同阿爸阿媽落樓下食茶記嘅回憶🍴冠軍焗豬扒飯👉🏻鋪滿芝士層嘅焗豬 豬扒外層脆口而肉質軟腍 茄味醬汁濃郁 多層次的滋味感🍴日式照燒西冷牛扒鐵板套餐👉🏻食鐵板最期待嘅moment就係將汁醬倒入鐵板發出「滋滋」聲的瞬間 3款鐵板中選了最喜歡的西冷牛 牛扒肉質唔會韌很不錯👉🏻跟餐配薯菜、羅宋湯和翠華招牌脆豬仔包一客🍴腐乳炒通菜👉🏻自己加醬唔怕太鹹 通菜色澤翠綠爽口🍹手打檸檬茶🍹芭樂手打檸檬茶👉🏻個人幾鍾意呢款Chill爆手打檸檬茶系列 係傳統港式凍檸茶再配上唔同嘅甜/甘/酸味 好飲得黎又有新鮮感

今日返學校參加中秋晚會， 玩完就叫肚餓， 最近係tko spot , 入面都好多餐廳， 阿囡經過見到有間茶餐廳有人食緊秋葵+ 旦撻， 全部佢至愛, 即刻話要食d 間.旦撻: 一坐低叫咗3 個， 囡囡話要食2 個， 不過都真係幾好食， 牛油皮， 好鬆脆， 餐廳職員話係師傅人手整， 唔錯.手打草莓檸檬茶: 檸檬味好清新，酸酸甜甜好開胃， 仲有大大粒新鮮草莓肉， 正焗豬扒飯: 即叫即即焗， 上枱仲係熱辣辣， 份量多， 非常夠食，豬扒舖面成個碟面， 咬落好淋， 師傅好細心已經切開一件件鮑味銀芽肉𢇁炒麵： d麵整到脆卜卜， 小朋友當薯條食， 好滋味秋葵配芥末鼓油： 想食菜， 但又唔想揀熱食， 秋葵都係一個唔錯嘅選擇，我個囡好鍾意， －個人食晒成碟

#cassiegotko-今日肥編去咗將軍澳搵朋友玩，先係尚德商場翠華餐廳食個飽肚午餐。午餐系列有5款常餐選擇，包餐湯同餐飲，其中3款係鐵板系列，可以自己揀要薯菜、飯定意粉。鐵板系列就比較岩肥編同朋友，想食多啲蛋白質，少啲碳水。🥘-鐵板系列有得揀牛扒、豬扒定雞扒，肥編揀左照燒牛扒配天婦羅大蝦，肉質嫩滑，好香口，唔會咬唔到。另外配埋新出嘅手打檸檬茶系列，唔使專登再去買飲品，係翠華就飲到手打苦瓜檸檬茶，非常爽快。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 翠華餐廳（將軍澳）📍 將軍澳唐明街2號尚德商場地下1及2號舖-OP: cuisine_revolution (Lv4)TripAdvisor: cwycassie-

神之叉燒飯叉燒肉質鮮嫩又厚切，香氣撲鼻。飯粒鬆軟，入面好多叉燒汁同d飯融埋一齊。飯上面仲有一層炒蛋，配埋蔥花，視覺同味覺都好滿足！🌟 評分: 8/10冠軍焗豬扒飯焗豬扒外脆內嫩，醬汁香濃，加上芝士融化，口感好豐富。🌟 評分: 7/10芝士奶蓋阿華田西多士好創新嘅配搭，外脆內軟，搭配上濃郁嘅阿華田和芝士奶蓋，口感滑順，甜而不膩。🌟 評分: 7.5/10手打檸檬茶檸檬味好濃郁，清新解渴，配合自家製嘅茶香，清爽又帶點酸味味嘅感覺，十分開胃，好解暑。🌟 評分: 7.5/10熱檸樂熱檸樂帶有清新檸檬嘅香氣，好暖笠笠。🌟 評分: 7/10蛋撻蛋撻皮薄餡滑，蛋黃香濃，甜度剛好，熱食落去更美味。🌟 評分: 7/10奶黃包奶黃包外皮柔軟，內餡滑順，奶黃好香甜，餡料偏吉士狀，奶皇包控值得一試！🌟 評分: 7/10🎖️整體評分🎖️❤️ 味道: 7/10🧡 環境: 7.5/10💛 服務: 8.5/10💙 性價比: 8.5/10 📍 翠華餐廳 (TKO Spot) (將軍澳)將軍澳唐明街2號TKO Spot地下1及2號舖

神之叉燒飯‼️街坊平民連鎖餐廳🔹喜歡請like & follow🫶🏻對我來講是很重要的支持🔹大推翠華的神之叉燒飯!叉燒燶邊得來肥膏彈性有咬口不油膩好像滿滿的膠原蛋白竟然茶記也食到不錯的叉燒飯!① 神之叉燒飯 $70厚切叉燒，燒得好香口😍外面有少少燶邊，肉質軟腍叉燒的肥膏位有彈性咬口想減肥的可以要求瘦點👍🏻炒滑蛋帶蔥香，淋上秘製甜豉油非常送飯！②冠軍焗豬扒飯(炒飯底) $75餐廳先將豬扒沾滿蛋液，再下去煎所以豬扒有蛋香味，而且肉嫩多汁，不乾身用上炒飯底，粒粒分明份量大，２個人分享剛剛好③ 冬陰公海蝦球米線 $60🦐湯底濃郁惹味，蝦球好大粒還加了 $15 豬軟骨④ 手打芭樂檸檬茶連翠華都跟上潮流有手打檸檬茶有不少芭樂果粒📍翠華餐廳 (TKO Spot)將軍澳唐明街2號TKO Spot地下1及2號鋪#翠華 #翠華餐廳 #叉燒飯 #瀘州老窖 #白酒 香港味道 #香港茶餐廳 #茶餐廳 #港式奶茶 #香港美食 #香港打卡 #香港必吃 #香港美食攻略

嚟到香港一定要嚟體驗吓，香港人都會食過嘅翠華餐廳，翠華餐廳點解會咁出名？除咗係因為連鎖店之外，好多時嚟到香港人會去食嘅係早餐🤭🤭咩原因？大家心照不宣🤭🤭今次翠華推出咗新菜式 神之叉燒飯😋！叉燒半肥瘦一啲都唔油膩香軟好好味！完全好似將食神入邊嘅黯然銷魂飯演繹出嚟！👍👍在配搭新推出嘅手打檸檬茶！超級開胃同解膩！！怕甜嘅朋友仲可以選擇少甜，完全唔怕會肥！另外叫咗鐵板黑椒羊架，羊架配上黑椒汁，真係非常之好味，又惹味💕隨套餐送忌廉湯或者羅宋湯，我就揀咗羅宋湯，羅宋湯味道都非常美味同埋真係好足料👍👍

-- 神之叉燒飯套餐 --$80 --- 配咖啡/茶/餐湯$90 --- 配咖啡/茶/餐湯及時菜這碗超大叉燒飯，好似用咗我半年食肥豬肉嘅quota, 叉燒就係勁肥豬腩肉嘅化身，仲配埋應該用咗2隻大蛋炒成嘅葱粒滑蛋，超邪惡。味道，烹調方法也不是傳統廣式叉燒般，而是燒烤咗一嚿大肥豬腩肉，再厚切片，然後才自家淋上秘製甜鼓油在上面。雖然好食，但一個人食，份量實在太多，太油膩。一餐$80,可抵得住早，午，晚三餐。除開了，價錢就非常抵食跟餐上枱的熱辣辣羅宋湯，湯底亦非常濃郁