翠林辣蟹舫

媽媽因睇完某d KOL介紹，形容到天花龍鳳！指明要食……可惜成餐飯都感受不良好😑上枱只有一個殼兼且係乾淨到一個點！極度懷疑重用又重用。個雞鮑翅又係令人感覺不良好！原煲拎過嚟 過影相，然後拎返去廚房分！？分咗超過10分鐘，就拎一碟雞過嚟話係煲翅隻雞….一睇就知唔係同一隻🐓⋯⋯然後再過幾分鐘續碗翅上枱，家人食完問應該仲有剩？侍應話無曬啦，係咁多！我哋有疑問點解唔喺枱面分碗？連屍骸都見唔到。咁樣做生意欠老實囉！結論係：無服務可言，收$10位 同花生$18再加一，又四捨五入 收錢，根本係營業手法好有問題。經OpenRice 訂位優惠提供指定餐牌有8折，店員推介時 不時強調有折，但最後埋單得3樣係有折，其餘是收取正價。有啲係語言藝術….坐低就不停只顧sell貴餐，平則2千幾@4位用，再嚟就3千8@4位。話有幾好食 幾抵食 食啲靚啲嘅乜乜乜。落完單隔一陣又問食唔食燒鵝？隔多一陣又問試唔試吓咕嚕肉？新菜式喎😒😒點先，都嗌咗幾個貴價餸 都不停sell所謂瀨尿蝦要3百幾@隻，質素係好一般，同一價口喺其他地方會好好多。雞煲翅味道係正常水準，但係有疑似偷龍轉鳳成份，並唔係枱面分碗，雞又唔係原煲隻雞….隻雞太

同屋企人食飯, 揀間食中菜既餐廳一定冇錯, 自己又私心想食海鮮, 就揀左呢間食蟹既餐廳餐廳係尖沙咀, 晚飯時間都幾多人, 好彩我一早BOOK 定位, 餐廳都有大卡位坐, 張枱夠大, 放晒食物都唔會好迫😙食物方面, 有好多款唔同既小菜可以選擇, 有海鮮頪既, 又有小炒類既, 有D仲要係平時好少見既菜式, 仲有部分菜式做緊8折! 連佢既招牌蟹都有8折, 我就梗係叫返隻黎食LA!😛黃金流沙蟹: 見店員拎上枱就已經覺得好有氣勢, 蟹既份量十足, 兩個蟹鉗超大隻, 店員見我唔夠力, 仲主動幫我開蟹鉗, 開完見到入面啖啖肉! 加埋佢既鹹蛋黃同麵包糠整成嘅流沙，蟹肉甜得來又有流沙嘅脆口，真係超正😍😍😍山楂炸蝦球：呢個又係好正嘅炸物，佢嘅蝦爽口彈牙，足足有成個手掌心咁大，炸衣又夠薄，真係十分滿分🥰柑橘汁一字骨：呢個一字骨嘅醬汁，有好特別甘甜味道，骨嘅肉煮得好入味，襯埋飯一齊食，相當唔錯☺️香芋蝦肉浸娃娃菜：食咗咁多肉梗係要叫返碟菜啦，估唔到呢道菜都咁有驚喜，佢唔係普通嘅上湯浸娃娃菜，佢個菜應該係用高湯嚟煮嘅，入面嘅配料十分足，令到佢嘅鹹鮮味出晒嚟，連個湯都俾我哋飲晒😋呢間餐廳嘅小菜真係冇得彈，屋企人都食

家中長輩想食蟹, 一行三人帶佢出嚟呢度食, 諗住叫隻蟹、叫個翅要啲小菜, 餐牌蟹$688再八折, 個肥老細出嚟, 笑口噬噬, 左手一隻大蟹（真係好大喺街市未見過）,右手一隻bb蟹, 大隻就$988, 細隻就餐牌價$688, 咁見老人家想食蟹咁貴少少冇所謂, 叫咗一鍋翅, 再加個$288酸菜魚, 因為諗住人少隻蟹大以為夠, 點知老細有啲黑面, 好似嫌我哋叫得少嘢食, 事後先知怪錯咗老細.........隻蟹上枱, 根本係街市220蚊斤嗰啲貨色,唔覺特別大, 完全唔會係老細攞出嚟嗰隻, 唔怪得知老細嫌我哋叫得嘢少, 原來驚我哋唔夠飽。只見老細攞住嗰對大小蟹穿梭各枱, 係咁遊說啲食客大個隻, 結果當然上當多啦, 仲要最後埋單原來$988嗰隻蟹係冇八折, 要細蟹先有八折, 根本無論你食幾多錢蟹, 大細唔會差太遠, 埋單差唔多$1800, 咁唔老實冇下次!

本身係另一間餐廳預訂咗大閘蟹放題 點知發生啲不愉快事件 嗰間餐廳話我哋冇訂到位 總之冇得食🥲 所以就諗起呢間係位於尖沙咀嘅蟹店 呢間辣蟹舫質素唔錯 而且有好多好評 喺呢間店上嚟嗰陣 見到門口有好多同明星影相嘅合照😮濃湯大花膠雞呢部係店員極力推介嘅一個燉湯 要成588一窩 本身都諗咗一陣 但係見佢咁落力推介就試吓啦😂 飲完第一啖就覺得物超所值啦 呢鍋湯真係好杰身 係花膠嘅膠質 而且雞味好濃郁 絕對係真材實料避風塘炒蟹呢個係呢間店嘅招牌菜 當然要過一個想食蟹嘅口癮🤭 避風塘炒蟹以一隻一隻咁計算 Size唔算太細而且避風塘脆脆超級好送飯🦀 蟹亦都好有鮮味 蜜桃咕嚕肉咕嚕肉外脆內軟 又冇骨 醬料調得唔算太酸亦唔會太甜 所以都有想一舊接一舊嘅諗法🐷酥炸蠔仔餅呢碟對我來講就太過熱氣 因為呢碟蠔仔餅炸得好乾 的確係好脆嘅 但係我會鍾意食潮式嗰種蠔仔餅多啲😗黃金流沙蝦球呢碟又係店員極力推介嘅 價錢係逐隻叫嘅 賣相的確幾靚 一隻好大嘅蝦係啲米通上面🦐 再配埋面頭嘅黃金餡 的確係好好食亦都好有鮮味呢間餐廳雖然價錢唔平 但係以食物質素嚟講 性價比都幾高😺 個人覺得燉湯同埋流沙蝦球比蟹更加令人有驚喜

前排收工 公司成班人就諗住食個飯美女老闆就揀咗呢間 因為同事先後來 所以我坐低之後 已經點好晒嘢食但係唔好意思 因為呢一路飲酒 一路傾偈 好多唔記得咗影相😭😭 ⭐️椒鹽豆腐裏面豆腐好嫩 外面皮 薄夠脆好食超快俾人秒吃了⭐️黃金流沙蝦球呢個好食！啲肉質大大隻又彈牙⭐️避風塘八爪魚我記得呢個同事都話好食⭐️醬油午餐肉炒米呢個每個同事都話好好食！我哋問個肥仔叔叔有冇家鄉炒米粉 佢話有呢個 午餐好似都有供應 平d 建議大家揀呢個⭐️醬油滷鵝同事話肥哥哥極力推介啲呢個 但係大家都冇乜點郁過 因為呢碟嘅肥膏好多 同埋唔係好入味 呢個係伏🥲⭐️炒辣蟹（有避風塘 &有黑胡椒）一見到個樣嗰陣覺得 嘩！係好大隻呀 但係事後知道其實一隻蟹差唔多$1000 每人食得過一舊仔 性價比極低 窮L表示好貴🥲總結我覺得食其他小菜都OK 但食貴嘢本人就唔建議😂😂😂（因為都唔係太好食）

聽朋友介紹黎呢間尖沙咀餐廳食蟹尖沙咀站出黎亞士厘道 行過少少天星大廈既1樓蟹既煮法都有五種 最傳統既薑蔥同避風塘 就食過啦諗住試下黃金流沙仲有蟹油醬，同胡椒 好似都ok見格離台避風塘炒係勁多香蒜 炒到一粒粒黃金流沙蟹都等左大半個鍾先上菜蟹鉗勁大隻 啖啖肉潮式酸菜魚佢唔係用平價魚佢用龍躉 但份量就唔算多相對其他餐廳就普通

一直好鍾意食蟹🦀🦀🦀久聞尖沙咀有間食蟹好出名嘅鋪頭，所以早前就去試咗～餐廳格局適中，味道都唔錯，唯服務態度可以再改善整體評分：6.9/10味道：7/10服務：6/10環境：6.6/10人均消費：$100-200地址：翠林辣蟹舫 (尖沙咀)尖沙咀亞士厘道24-38號天星大廈1樓A號舖避風塘炒蟹：餐廳有5款煮法比我揀，包括避風塘，黃金流沙，蟹油醬，薑蔥同胡椒，我就揀咗最人氣嘅避風塘炒蟹🦀一嚟到時好有視覺衝擊！面頭有成座小山一樣嘅香蒜！隻蟹又大隻，雖然唔多膏但食落啖啖肉超級惹味😍😍😍令海苔脆脆：上面舖咗少少海苔，食落又甜又香脆😋😋😋

#cassiegotst -食蟹一定去食位於尖沙咀嘅翠林辣蟹舫，係一間以炒蟹聞名嘅中菜館，以前好受旅客同名人歡迎，餐廳正門可以見到大量明星簽名同老闆與明星們的合照，稱得上是名人飯堂！以前好難book位，不過少咗旅客先易啲食到，推介大家去試吓！餐廳裝修行中菜館格局，地方非常寬敞，有圓桌和寬闊卡位，坐得舒服。🦀-翠林辣蟹舫有5大招牌鎮店炒蟹：避風塘香辣蟹、蟹醬焗香辣蟹、黄金流沙蟹和黑白胡椒蟹。今次瘦編揀咗黄金流沙蟹，一大盤上連埋一個紅色提籃，打卡一流！提籃上面仲有一個蟹鉗叉，方便客人剝殼用。流沙蟹有大量咸蛋黃脆脆包圍住成隻蟹，好香濃嘅蛋黃味。另外隻蟹都很大隻，用鉗一夾就很容易剝開，蟹鉗手掌咁大隻，有好多蟹肉，好鮮甜，蟹蓋上都有好多蟹膏。😍-其他中菜一樣咁正，因為餐廳好夠鑊氣。蜂蜜鱔球新鮮炸起脆卜卜，口感爽脆肉質鮮嫩，係屋企絕對自己炸唔到依個效果。酥脆蠔餅即叫即炸，非常脆口，加上啲蠔仔好足料，又大粒。粉、蠔、蛋比例岩岩好。小籠包反而比下去，個皮可以再薄啲，但係都有好多肉汁，好食！杯咸水梅吉仔冰都好正，感水梅應該醃咗好多年先有咁嘅味。✨-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (

話說去到尖沙咀都有好多嘢食，今次嚟到翠林辣蟹坊食午餐，估唔到老闆娘記得我哋係熟客，之前喺深水埗都幫襯過，隨即送咗一個小食話梅苦瓜俾我哋，呢個對於我哋中女來講酸酸甜甜、甜中帶苦，食咗真係好治癒。另外食咗炸豆腐炸魷魚鬚都係非常之野味，好欣賞個蒜泥白肉非常之充足嘅蒜蓉，肉質都算唔錯。一坐低又有碗老火湯飲吓，喺繁忙嘅尖沙咀食午餐可以坐得舒適，都係非常之難得，午餐來講其實中規中矩，不過可以配上紅豆冰都係一件開心事，以前係夜晚嚟幫襯，餸菜非常有特色好好味，而且老闆娘係一個非常有善心嘅人，常常去做義工幫助老人家，睇到佢嘅相片就知道，俾心機！

🦀翠林辣蟹舫 (尖沙咀)尖沙咀亞士厘道24-38號天星大廈1樓A號舖翠林辣蟹舫係一間私房菜模式經營嘅餐廳，主打中菜。環境整理潔淨，燈光主要為黃色，俾人一種放鬆嘅感覺。而餐廳佈局以四人至六人枱為主，適合約一班朋友同屋企人一齊黎食。坐位闊落，私隱度高。而今次小編就叫左避風塘炒蟹。有大，中，小辣揀。今次呢個避風塘炒蟹唔會太鹹，味道適中，蟹肉鮮甜嫩滑。十分新鮮。而且依家出去食飯多數餐廳都係開到10點，但係只要你打齊兩針，翠林辣蟹舫就可以俾你坐到12點，絕對係同朋友聚腳點幾好選擇。

🦀🦀《翠林辣蟹舫》呀大人見到網上面KOL🤓呢排食蟹成風🦀，所以今日就拉咗小編過尖沙咀搵蟹食😆！疫情之下，喺尖咀真係好難搵到餐廳可以開到晚上11/12點，呢間翠林辣蟹舫居然可以比我哋食到成11:30pm🏮！而且仲可以12人一桌，下次真係要約埋d fd子一齊嚟炒蝦拆蟹嘞🤣！🦀🦀🦀🦞🦀🦞🦀🦀🦞🦀🦞🦀🦞🟣 黑白胡椒蟹 HK$688===================鎮店之寶嘅招牌蟹🦀有5⃣️種選擇，分別係🔅避風塘炒蟹、🔅黃金流沙蟹、🔅黑白胡椒蟹、🔅椒麻香辣蟹和🔅蟹油醬香辣蟹。正值秋冬🌬❄️之際，小編梗係揀暖身☺️又暖胃🔥嘅黑白胡椒蟹🦀嘆啦！佢哋d蟹出名大大隻，擺盤也氣勢相當🔥！上枱時d胡椒香已經撲鼻而來👀！除咗大量胡椒之外，還有不少洋蔥🧅條，令蟹肉拆食起來辣中帶鮮甜😙！🟣 秘製糯米飯 HK$138===================糯米飯熱辣辣出場！冬天的味道❄️！糯米炒得粒粒分明✨，吸盡臘味精華和香氣，質地煙靭，夠口感又不失軟糯特性👍🏻！🟠 茶 HK$10x2🟠 芥 HK$9x2==============🦀🦀🦀🦞🦀🦞🦀🦀🦞🦀🦞🦀🦞後記：細閲menu，原來餐廳🍴的招牌蟹🦀、澳洲龍蝦🦞和小菜都有八五

餐廳榮獲世界美食旅遊優質四星推薦商家，同埋2019年度尋找香港🇭🇰「美食中國行」網絡評選大賽，認真出色👍🏻。🏷話梅涼瓜（$68，另有85折）一啲都唔苦，甜甜酸酸，充滿話梅味，爽口多汁，好特別，越食越開胃。🏷黃金豆腐（$68 ，另有85折）豆腐炸到金黃色。香脆薄外皮，外脆內嫩，熱辣辣食，特別美味😋。份量好多，食極都仲係有。🏷藥膳蒸雞（半隻）（$168）雞肉🐥肉質新鮮嫩滑。聞到陣陣當歸味，生粉令當歸嘅味道依附喺雞肉上面。🏷避風塘炒蟹（$688）蟹鉗嘅size差唔多有成隻手掌✋🏻甘大，好誇張。蟹🦀被解剖成小小件甘炸，然後加入已經炸好的蒜蓉🧄作為避風塘調味料，將蟹同埋調味料一齊炒（小編估係甘煮🤣）。經過油炸，蟹肉變實，水份唔多。師傅話依款係肉蟹🦀，又真係啖啖肉🤤。*晚餐*另收加一服務費

秋風起，正是吃蟹的時節，和朋友相約到尖沙咀的翠林辣蟹舫吃晚餐。餐廳位於尖沙咀A出口附近，行幾分鐘就到，地下有電梯直到1樓餐廳。餐廳環境雅致，燈光柔和。一進門店員就熱情地招呼我們，介紹菜式。我們品嘗了近來很流行的黃金流沙蟹，看見店員從玻璃魚缸裡撈了一隻大蟹。很快黃金流沙蟹就上桌了，裝在一個方方正正的大紅色木架裡面。大蟹被酥脆的蟹黃脆包裹住，看上去很有食欲。新鮮的蟹配上鹹蛋黃醬，炸得香脆可口，薄薄的蛋黃醬蘸滿了整個蟹，店員會為你準備好蟹鉗，滿滿的蟹肉加上小小的蛋黃脆脆，吃起來非常惹味。餐廳還有鮑魚，帶子，聖子皇，大尿蝦等的海鮮，小菜方面，焗西班牙黑毛豬排和鮑魚炒雞球都很有特色。下次來的時候我們一定會嘗試更多菜式。

呢個時候就最岩食蟹，而中式炒蟹都係我幾鍾意既烹調方式，有鑊氣之餘又惹味😋😋所以就同朋友相約去試下以蟹為拿手菜既翠林辣蟹舫😋😋🎈避風塘炒蟹 $688避風塘我地叫左小辣，惹味之餘又唔會食唔到😋炸蒜火喉岩岩好，有蒜香之餘唔會過火變苦👍🏻隻蟹大大隻，最硬既蟹鉗餐廳都有預先爆左殼👍🏻🎈黃金流沙蝦球 $38本來冇諗住叫，不過見到隔離枱食，大大隻蝦好吸引又叫左🤣🤣隻蝦大隻爽口，仲配埋一碗沙律👍🏻👍🏻🎈黃金豆腐 $68以為係小食，點知份量好多🙊外層脆口惹味，內層香滑👍🏻👍🏻🎈上海小籠包 $48因為好似冇咩主食，但係又唔想食飯麵，就叫左籠小籠包飽飽肚😂當日晚市小菜再有85折，如果打齊針仲可以12人一枱，食夜d都可以😌

是日既同另一半係尖沙咀收工，口痕痕想搵D香口既食，就搵到呢間餐廳，立即打電話上來留位，上到竟然有窗口四人卡位坐，叫左(1) 避風塘炒蟹 ($688)隻蟹幾大隻，我地叫左小辣剛好食到蟹既鮮味，好易好易剝殼拆到蟹肉，咬落去肉質好紮實，蟹鉗好大隻，全部都啖啖肉一梳梳，辣椒炒過既炸蒜超多，配合埋蟹肉一齊食特別香口，好惹味。(2) 黃金流沙蝦球 ($38/隻) (兩隻起)蝦球香脆又大隻！再有鹹蛋黃包住蝦的外層，鹹蛋黃味好香，食落啖啖肉，好彈牙，伴碟仲會有炸米粉同雜果沙律，可以配埋蝦球一齊食，中和一下蝦球本身既油膩，高性價比。(3) 黃金豆腐 ($68)豆腐有好多粒，剛剛一炸完上，熱辣辣，炸得岩岩好，外脆內軟豆腐，入面既豆腐好滑溜，配埋個泰式辣醬甜甜地一齊食非常之夾。(4) 上海小籠包 ($48)即叫即蒸，一上枱出曬煙，皮好薄，好juicy，一咬會爆汁，配合上避風塘炒蟹D炸蒜食有另一番風味。以上價錢有85折(但要另收加一，小食同茶介)，overall同標價差不多，兩個食海鮮食左$8XX，算合理價錢，走時見到幾枱客有成10個人一枱食飯，問一問老細原來呢到客人打齊針可以坐返12個人一枱，而且開到11: