美都餐室

營業中

休息中

9:40pm到, 知道原來10點就收. 既然o黎到, 點都要試......當然要o左人食人讚o既招牌貨, 坐低同佢講話:'要最出名o個樣.........'佢已經知我講乜仲落埋單添!! 受歡迎程度可想而知. 我o地諗住仲會o係廟街繼續擦, 所以淨點呢兩樣.for兩個女仔, 碟飯都夠有餘, 不過又確實唔係巨型. 加上紅豆咁脹肚, 我食得幾飽.由於當時肚餓, 覺得o的排骨特別好味. 肉地淋得o黎唔膩唔乾; 我覺得汁o既份量ok, 因為可以試埋炒飯o既原味. 但個friend就嫌呢樣, 亦話依呢個價可以食到更好o既. 此外, 紅豆冰o的奶味好夠, 唔錯!!我o地雖然坐得唔耐, 但我已經感受到佢o地伙記之間o既融洽; ?o地冇話對我o地特別殷勤好禮貌, 但總係感覺好親切. 臨走前一句新年快樂, 大家都好滿足!!

焗排骨飯都唔係好大碟，味道雖不錯，但真太少醬，攪到好似only 食炒飯咁。紅豆沙，起沙，比上次好。

舖齡比我的年齡還要高出廿年的舊式茶餐廳, 一入內已有種"阿飛正傳"和"花樣年華"feel, 不知王家衛導演有否來過吃飯.一直看見這茶餐廳的食評大都是讚的, 所以今天專情來看個究竟, 由於不是繁忙時間(下午五時半), 客人不算多, 所以可坐到窗口位, 很舒服, 身處其中, 真的別有一番風味.叫了招牌菜--焗排骨飯, 排骨果然不同凡響, 外面脆脆的, 但不覺油膩, 排骨多肉少骨, 飯也很看口, 正!也叫了西多士, 很香蛋味, 看到店內的介紹, 原來麵包是浸在蛋漿內五分鐘, 待麵包入味後才煎的, 果然有心思, 相信沒有多少間茶餐廳會這麼講究的.當然不少得必吃的紅豆冰, 紅豆大粒有咬口, 份量又多, 又一個正字!另外, 凍奶茶也很香茶味, 不像一些地方只是茶水.雖然是位於廟街的舊式茶餐廳, 但一點也不髒, 抵讚!香港地有舊式風味的地方買少見少了, 希望這裡會繼續做下去.

真係好有懷舊feel喎，係窗口望落廟街個感覺好得意。牆上貼住馳名焗排骨飯，即管試下，果然係招牌貨，飯底炒得干濕度適中，又唔會好油。排骨咬落口唔會有太多炸粉，肥膏又唔多而且又大碟，兩個人食就差唔多。仲有杯起沙的紅豆冰，大大粒紅豆，紅豆佔咗個杯三份二，所以飲完已經好飽。

I had to have a late lunch on Wednesday, and I was in 油麻地, so I gave 美都a try on the strength of favorable reviews by OpenRice members.(1) Dining Room - 美都is a classic, 1960's style 茶餐廳which I still have fond memory in the 1970s. With a high celling ground floor, and an attic with many open windows for enjoying the view at 榕樹頭. Lovely!(2) Hygiene - Unlike other eating places at 廟街, 美都is surprisingly clean from top to bottom. I don't see any littering, pests or insects - all common sights of typic

放工後要到油麻地附近返學, 記得食評話呢度d野食不錯, 於是上堂前就係度解決, 叫了呢度話馳名的焗排骨飯和紅豆冰, 焗排骨飯份量都幾大下, 焗汁不算話太多, 可以話適量, d飯微微地炒過, 有少少旦絲, d排骨真係幾正, 小妹唸焗之前應該炸過下先之焗, 有d香口, 排骨的肉多骨少, 骨又唔會好硬, 肥肉不多, 小妹真係未試過咁正的焗排骨飯, 而紅豆冰甜了少?, 不過都可以接受, 紅豆又唔會太硬又唔會太"諗", 味道都幾好, 埋單$67, 唔可以叫平, 但食物有如此質素, 真係可以一試其實小妹以前都經常經過呢度, 不過都唔敢入去一試, 因為成日覺得呢d舊區實係烏煙瘴氣, 但係小妹開頭的觀感係錯的, 因為在上層不但冷氣開放, 而且幾大幾闊落, 在牆上還貼著一張"不准吸煙"的告示, (雖然中途有一對男女係度吸煙, 而店員都無阻止), 環境都算衛生, 好過出面好多茶記, 坐在上層望落下面的公園仔, 都幾寫意!

有一段日子因為返學的關係﹐一個星期總有2﹑3次幫襯美都﹐曾經愛上呢度的環境﹐愛上呢度的氣氛。美都既野食唔算平﹐但係有D都幾好食(唔係全部)。焗骨飯係美都招牌貨﹐亦無失禮﹐我十幾年前第一次幫襯同而家幫襯﹐味道無乜分別﹐都係又大碟又色香味全。反而其它焗飯焗意粉就一般。如果唔想食飯﹐可考慮食“蟹肉伊麵”﹐個名好鬼死豪﹐因為呢樣係以前去飲宴時早到的客人醫肚的“名物”而家已經少地方有得食。因為個蟹肉伊麵絕對唔係一個伊麵搭兩條人造蟹柳﹐而係麵上面的“獻汁”係落真蟹肉炒完再鋪落去伊麵度的﹗真係寫寫下又想食。。。飲品必叫的係紅豆冰。而家已經好少有餐廳煮紅豆好過美都了。美都紅豆冰中的紅豆﹐完全熟透但又唔爛﹐唔會飲飲下變紅豆沙﹗甜度亦剛剛好。不過﹐D冰好快溶。最中意就係秋冬交接時黎幫襯﹐唔開冷氣而開窗﹐卡位貼住窗口﹐真係好鬼死懷舊FEEL。食完野﹐叫杯紅豆冰﹐傻傻地望住窗出面的公眾四方街公園﹐好容易就進入“發白日夢”狀態﹐霎眼間又半日。將來60歲時再上黎﹐會唔會諗返起而家, 又或者再傻傻地望住個公園半日..?

這裡的食物價錢都唔平喎招牌焗排骨飯----排骨好多肉,似焗肉粒飯多.不過都好食.排骨一d都唔肥.班腩湯麵---麵都班腩都好好味.熱奶茶----奶多左少少.

呢一間老店蓮子杏仁茶清甜好味,蓮子洗得好乾淨,無苦味,咬落去又唔太硬,唔太soft,加上個糖水清甜,係天口熱去嘆waiter反應唔快,價錢貴,同煙味係間冷氣大房盤旋,呢三樣嘢就唔多好總之,夜晚係廟街行,肚仔有d餓,上去食嘢,望吓風景,有的確幾寫意

一個不顯眼的舊式冰室,去到門口你都未必會入的餐室,但內裹的焗排骨飯的的確確是貴店的招牌菜,排骨肉感獨特,豬扒肉質夠厚又軟滑,這種味道令人十分回味,大家不仿試試!焗排骨飯或焗豬扒飯會食到你很飽.

真係正!上星期,同男朋友黎左呢度食野,之前一直都好想食,但成日都唔經呢頭,所以食唔到,,,,,上星期,我地6點多D鐘黎到,可能係閒日,所以人唔多,我地仲座到卡位tim呀^^睇左好耐個餐牌,都唔知叫D咩好,諗左一陣都係叫呢度最有名0既,,,排骨焗反,,男友就叫左唔知咩咩時菜排骨反,,唔,,,佢個反,,冇咩特別,又唔大碟,比起其他茶餐廳,,,,細少少,男仔就唔係好夠食囉~~我0個個焗反,,真係正!!!好熱好熱,,,好香好香,,又唔油,幾干身,,,d排骨好多,淡淡肉,,真不愧為鎮店之寶呀!係,,,,,,,,,,仲有不得不提個菠羅冰,菠羅大大粒,又新鮮,好采我叫佢少甜,因為少甜都夠甜,各位減緊肥0既姊妹們,記得要同佢講明少甜呀,,唔係既話,後悔莫及呀!~ ^^ ~

絕對認同KC說法. 我就未試過在美都食野.不過我試過起沙紅豆冰:真係掂~!

好似呢款咁舊式的冰室，在香港實在數得出仲有幾多間：90度直角卡位、窄長紙皮石樓梯、資歷深厚的伙記等，統統都是老冰室的特徵。熱咖啡奶茶當有一定水準，起沙的紅豆冰亦值得推薦。除各式乾炒意及豬扒飯外，焗排骨飯都不能錯過，排骨是半肥廋的很正。價錢唔係平，都要50幾蚊一位的。當然下晝走來歎杯鴛鴦食件餅都平過去Starbucks的。

下午去無咩人,大把位任坐。環境好懷舊，但幾乾淨，而且好舒服，去坐下都唔錯，成個人都即變得悠閒。紅豆冰起晒沙，但凍奶茶就一般ja。服務幾周到，周圍都有"小眼睛"，我不小心倒瀉晒，即有人用咪叫人來幫手。所以d 情侶卿卿我我時要小心，好多人睇住嫁。

焗豬扒飯.....真係好正下, 焗豬扒香口鬆化, 炒飯亦十分乾身唔覺多油. 地方十分有60年代的感覺, 十分懷舊!