美都餐室

營業中

休息中

今日一早送辣椒女去旅行，之後便坐車來這裏；之前一心以為來到時已經可以食午飯，原來還很早，最後只可以食到早餐。我叫了火腿通粉、阿華田和鮮牛油菠蘿包。火腿通粉- 火腿沒有什麼好說；通粉都煮得幾好，唔會太稔，還有點口感。阿華田- 很久沒有飲了，所以叫來飲。鮮牛油菠蘿包- 菠蘿包幾大個，菠蘿皮都幾鬆軟幾脆，可惜牛油落得比較少，今味道唔得平均。下次再來，要試試專兄介紹的蟹肉伊麵先得。

服務態度其差...差得不能再差..話說我同媽咪坐左係個對住個風頭既位置~好凍..凍到媽咪震哂..咁我除左件外套比媽咪著啦..我就勁凍喇..then媽咪裝下睇下有冇第二個冇咁凍既位可以轉啦..結果係滿座....媽咪總共係裝左兩次...(只係用個頭裝下!)跟住..個唔知係咪老闆娘氣沖沖咁就走埋黎..好惡好大聲咁話:"你地一轉位!我就即刻取消你地張單..唔該你地走!"....我地呆左.....我話:'我地只係想轉jei~都冇煩過你丫"..佢: "係呀..我見到你地意欲想轉!咁而家你地係咪想取消丫~~!!"......咁既服務態度..邊得架!

貴~ 名不乎實~ 排骨多骨無肉~ 份量不足~ 與價錢不相乎~服務態度有待改善~不值再次光顧~屋村餐廳比其更好吃~

呢間野平時小貓三四隻，服務又唔好，恃在有歷史同樓上個景吊命，食過幾次，聽聞舊老板仙遊後品質已大不如前（例如超牌焗骨飯無咁香，唔夠熱濕得滯）。但近來因電視介紹過竟然水鬼升城隍，今日行過驚聞罕見場面﹣排隊入座！講老式茶座呢度服務就比較差，服待唔周到，伙記好似啞剩係識企係到望住人等人點菜，好似欠o左佢咁，「歡迎」、「隨便坐」、「謝謝」呢d野從來未聽過，無客都好似唔休做咁。想到突然間多咁多客，真好擔心服務同食物質素（相信老街坊都有同感）。如欲一試者可等眾人熱情冷卻後再試。

I have been to Mei Do more than 50 times. I am summarising my experience as followsecoration:It is in the 60s style. Most decorations are original. It is always comfortable to sit by the windows because of the unique view of the street. The use of natural lighting makes me feel reliefing.Food:The food quality is only average. Some dishes are even below average. The best choice includes baked rice and fried noodles. The price is a bit high. Service:The service of the 3 ah sums is okay to above av

排骨飯完全失望, 無味之餘, 炒飯又"林"又濕, 覺得名不乎實..服務就更加令人氣憤..一句到尾, 有無試過例湯要等3個字?

星期六下午同女友去，有很多窗口位，都幾好氣氛，地方都整潔又夠光，樓梯幾高，要小心上落，點了焗排骨飯、飯炒很香又夠味，排骨有水準，肉質鮮，咬落去無成口粉，必食！西多士就早加了糖漿，都幾甜，但很有懷舊風味。蓮子紅豆冰一定要點，蓮子好"淋"，亦很大杯，足二人份量，但女友唔吃蓮子，齋吃完蓮子，再點了周打魚湯，用料十足，好飽肚，但比較"杰"同咸一點，有點像吃一個粟米汁的感覺。

滿心歡喜, 走去試試佢既50年招牌焗排骨飯, 點知....d飯都炒得幾靚, 幾爽, 但d排骨就一d 都唔入味. 整體來說, 成碟飯都d味都好淡, 要用鼓油撈飯先掂! $45 -- 真係唔抵!講返環境, 雖然好有懷舊feel, 但2 樓整個都係"冷氣開放既吸煙區"! 只係聞煙味都飽! 樓下好似冇冷氣, 但唔知係咪非吸煙呢?

滿心歡喜去, 點知...好難食, 除左間野個景懷舊之外, 野食非常差叫左個炒牛意, 炒叉燒河.... 多油, 太過熟比起之前差左好多

叫左個馳名焗排骨飯, 無咩驚喜, 都唔知點解叫馳名.... 飯身唔夠乾, 一舊舊咁, 排骨亦唔見得特別, 唔難食o既, 但唔馳名law.....反而亂叫的o者o者雞煲就好好味喎, 夠乾身, o的雞都好入味, 連洋蔥都好唸好好味(我本身唔食洋蔥, 都食左好多下, 因為炒得好香口^.^), 值得一試!同行有人叫左杯蓮子冰, 評語係ok, 如果想懷舊一下, 都係個幾好o既選擇o既

晚上８：００朋友約我到此食飯，可能夜晚燈光有點昏暗，二人點了一個小菜---西藺花炒什會（有魷魚．雞肝．爽肚）跟冬瓜湯．白飯和點了一個雞飯．西藺花炒什會很普通，沒有鑊氣，而且份量小，只是小菜碟的一半，本人已食了early bird dinner，所以沒食多只是淺嚐．雞飯很奇怪，好似雞的部份都有一舊，有雞胸，雞翼．．．放得很散，我只食了一件．冬瓜湯一般，有２件冬瓜我個人覺得這裡比一般茶餐廳差，只是有點懷舊氣氛．但有好多外國人前來嘗試．這裡的亞姐經常同客傾下當年往事～

美都o既環境正就唔駛多講，食物亦係絕頂！焗排骨飯、咖喱、蟹肉伊麵、波蘿冰、紅豆冰...樣樣皆出色，而且無論坐幾耐都好，永未試過被趕走，呢o的先叫做享受o麻！

星期六下午兩點幾,都係因為去電影中心睇戲關係,所以先黎呢度食lunch,好彩預早好多...唔係就弊,因為d 野等左好耐...焗排骨飯預左要等,牛肉會意粉都等左好耐,唔知係咪因為多單呢....兩個人叫左: 焗排骨飯,牛肉會意粉,蓮子冰,例湯焗排骨飯-味道ok,炸排骨咬落鬆化,不過淡左d,四十幾蚊真係貴左d牛肉會意粉-我覺得正過奇香喎,牛肉無soda 粉味,意粉軟硬適中,無發漲,好好味,我覺得正過焗骨飯!例湯-無味精,幾清甜蓮子冰-純粹係見出面少見就試下,10個甜,仲有d 羶味,飲左唔夠一半就放棄了,咁就無左$16...>_<

$43 的焗骨飯，整碟飯得3or 4 件排骨，雖然好味，但有點唔值。

外表懷舊，聳立在廟街，別有一番風味，剩係食個Feel都幾正ga!引到人好想入去~BUT 錦鹵雲吞認真麻麻，有海鮮係d sauce 到，d 味唔係幾討好，焗排骨飯正ar!!Especially 排骨！