美都餐室

營業中

休息中

我同4個朋友一齊去啦!只不過叫左3杯菠蘿冰,1杯奶茶同1 杯咖啡,埋單竟然要$71蚊。好飲都話ja,但杯菠蘿冰係真係冰水+冰粒+幾塊罐頭菠蘿,咁就收你$16蚊。而且員工態度仲非常差,好似做唔做你生意都冇所謂。呢d老字號恃住自己出名,真係唔使理人!

認識呢到都係一個法國朋友介紹先知，第一次已經愛上佢，香港都無幾多間剩咁舊式既茶餐廳剩。星期日再來玉器市埸，所以就去左離開唔遠既美都。叫左呢到出名既焗豬排飯，都要等左幾耐下，尤其是人多，如果趕時間真係唔好來。焗豬排飯既豬排可以食到有d酒香，飯係之前抄過才焗，一粒粒飯混入蛋花，焗汁反而麻麻，濃左少少。不過其實來呢到食個下午茶，望下窗外既景同事都幾遊閑。如果來呢到一心為左食野真係會失望。

多人宣傳,傳傳下就垃圾變上品,行過呢區以為呢度有D知名度就試下喇,咁就中招勒!傳統食店都已經唔計較服務架啦,但係估唔到連招牌菜都咁樣搞!叫左個焗排骨飯,嘩!乜D汁一PAT野咁?烏哩馬叉,酸到LA喉,知先忍一忍,去食個一哥焗朱,慳番一半好過!

講真，呢間野真係好一般；野食貴(同類之中)；招呼真係差到無朋友，尤其係ｄ阿嬸既說話同態度真係搞到你火都滾。要食都真係只貪佢耐歷史，完全唔推薦。

見到電視介紹，諗住去試吓啦！點知去到又要排隊，等咗大約３０分鐘，終於上到樓上坐低（仲有卡位坐），正當我同朋友揀嘢食的時候，有個阿嬸走埋嚟話要抺枱叫我哋起身俾佢抺（都未見過人抺枱要叫個客企起身，抺枱定抺（鄧）呀阿嬸），抺完之後仲攪笑，一個屈尾十走咗去我哋兩個戇居居坐番低後愈諗愈唔like~即刻落去話俾個老闆聽，佢正到話”係咁ga la 叫你起身好正常啫，唔食就算啦”，仲開門叫我哋走哼唔駛旨意再幫襯呀！

食左個煎西多以為同普通西多冇咩分別原來咁就大鑊la中間冇花生醬餡ge, 乜味都冇原來每人最低消費10蚊, 叫野食果時先知阿媽陪我食, 即係變相要我叫到杯野飲je無良到冇命

老實講，住油麻地既人係唔會去既，因為出名食物差、服務差、價錢貴...大家不要被餐廳的懷舊外表欺騙。

光顧美都不止一次,明知這間著名的餐室服務低分,但也不止於像今天,如常叫一杯凍奶茶少甜,來的是一杯暖奶茶(這種情況已非第一次),向遞茶來的阿嬸提出,她轉身喚來老板女,回應是沖奶是用熱水,變暖一點不出奇,不情不願的說:給你一杯冰自己加囉.....我不懂沖奶茶,也不明白何以凍奶茶少甜會變暖奶茶,阿嬸還不屑地加一句:用凍水沖,飲到你疴添呀!這種服務態度果真是香港茶餐廳一大特色

情人節去左美都食晚餐，人唔係太多，但叫做全滿，每張都有情侶坐，但勝在不用搭，而且更不會學其他餐廳會收情人節套餐費，比平日貴一倍，非常唔抵。另外更有懷舊味道。去到美都當然要食佢的招牌焗排骨飯，另外亦試左個叫錦鹵雲吞的食物，嘩！有意外的驚喜，個錦鹵雲吞好正，d炸雲吞皮好正，好脆，而個汁亦非常正，酸甜度合適，而且更有d肉類在個汁中，呢個是我的推介！

坐在美都餐室的閣樓，你倚窗遠眺，乍然想起了一段悽惻往事。曾幾何時，你和你的另一半一起來過。在一個夕陽殘照，西風漸緊的下午，這裡是你倆的失樂園。沒有外人的紛紛擾擾。窗外，天空沒有朵朵的白雲，充其量只有對面一個紅燭影照的公園。可誰管外面的大千世界？窗內，你正綺語佳人，向她譜寫一段醉人曲調; 正像夜空中的星星向月兒輕聲傾訢，細說你對她的愛：甜蜜正是我倆的戀愛預告。春風得意之際，你偏偏瞥見牆壁上糊了一張“最低消費, 每位拾元”的告示。多掃興! C'mon, 溫馨愛情勝千金，豈容那個多手的獃子去定奪一個最低消費? 這一刻，這告示對你倆只是一排東歪西倒的塗鴉…你向她推介這裡最享譽馳名的焗排骨飯。這似乎包含了一個戀愛密碼。你說它製造認真，選料上乘，有飯又有肉，一碟就可以把人填得滿飽。平凡不過的菜餚卻弄得這樣有板有眼，真是無話可說的。假如她是個智慧與美麗並重的女孩，她該聽到你的隱喻：Honey, 我對你是真情痴心的，一生一世都會用最好的待你，跟著我你甭担心，一定可以穿得暖，吃得飽…你還幫自己點了一杯蓮子冰。你告訴她這樣優質的蓮子冰現在越來越難找到。輕鬆的一句，就引開話中之話：蓮子，願我倆緊緊的連在一起

美都餐室?D食ok好食啦.....都幾懷舊...效率都幾好D人話D食淡口，其實只不過係你食得濃味!!!香港人食實在落太多味精啦......呢D先叫食!!不過我地想影相o既時候，有個鬧我地:影相?影相有冇徵求過人地o既同意呀?好彩老爸擋駕，話：唔好勞氣唔好勞氣!入o黎飲入o黎飲!我心諗：徵求你同意?家陣老字號冰室好巴閉呀?依家幫你宣傳，「四拜自跪而謝」都o黎唔切啦!!

識去百老匯電影中心睇戲咁耐,就去左美都咁耐.下午茶,通常菠羅油,加凍奶茶.晚飯,焗排骨飯,必吃.仲有個錦滷雲吞,又係好得手.近日再去,個焗飯似乎退步左.點講,唔識講,總之,無左之前吃果種感覺.好似幾年前邂逅左個美女, 相隔幾年重逢,美女已經走晒樣.大約就係咁.

我尋日去左一次今次係我第二次去啦. 第一次去係年幾前, 果時有d四十幾蚊既小菜餐\, 記得個魚香茄都好得架, 而且個環境真係好六七十年代feel食得好開心。但今次就覺得差左。可能係因為週六冇左個餐\, 見果d小菜好貴ah, 所以就一人叫左個碟頭飯算。個芙蓉蛋飯都唔錯, 見個friend碟時菜鮮魷都唔錯咁...不過論味道真係翠華好d, 但呢度碟頭飯係平好多的係好似污糟d, 個friend杯檸樂好似有d蟲咁....個service其實有d慢, 我唔可以話差, 係d伙記有少少慢同慒咁, 但都幾有親切咁同好好人, 就好有家庭feel咁, 都令人幾舒服。我覺得, 得閒黎過下六七十年代癮, 都OK架...

去開附近睇戲,唔知食乜好, 於是黎呢度懷舊一番,雖然成日經過呢間野,但都係第一次幫襯入到去,當然要坐經典既二樓, 經過又細又窄既樓梯上左二樓,響窗口卡位坐底,望下個餐牌,嘩!真係嚇一跳, d野食既價錢好參差, 例如冷熱飲品,多士呢類輕食既價錢都好正常,但其他飯面小菜既價錢絕對可媲美出面連鎖既大酒樓(個餐牌連鮑魚都有,好攪笑), 由於果日真係唔係好有胃口,於是淨係叫左個雜燴飯&兩杯熱奶茶同友人share,碟飯只係一般,d料同個茨汁比出面好多"up dup" 茶樓既雜燴飯還要少,有d失望,差唔多價錢,寧願去"翠華"好過lu~

今日去美都,個四眼肥婆(扮事頭婆)好悔氣"喝"我們坐低,當我們睇餐牌尚未點菜,佢就响後面粗聲粗氣話"D嘢食起碼20-25分鐘至到",好似想趕客咁款,十分惡劣.之後食到一半,我們仲見到窗框橫樑上有一隻貓...?原來係一隻超級大老鼠走來走去,仲想跳落嚟.環境衛生簡直唔係人去!!!食物方面, D蓮子紅豆冰淡而無味,煎西多士就不外如是,一般過一般, D公司三文治就真係用"都差"嚟食.唉.....真係唔長進!!!想要命就咪去!!(其實我想俾零分,不過冇零分俾我評分.!~!