美都餐室

營業中

休息中

難得一班好友來到這間餐廳，打算坐在一起聊聊天，嘆個下午茶。可惜，店裡多數只有四人枱，所以我們一行八人便要分開兩枱坐。我點了西多士紅豆冰，雖然西多士賣相並不吸引，但是新鮮製作，味道也不錯。紅豆冰的紅豆份量很多，這樣一個下午餐已經很飽。

本來除夕夜的晚飯，想前往某美式扒房，但在看過菜單及價錢後，打了退堂鼓。一家人到了尖沙咀閒逛一會後，被跨年的人潮嚇怕，所以，乘了公車回佐敦，然後，經過這裡。走上斜斜的樓梯往二樓，侍應安排我們在向夜市的窗邊坐下。店內的格局，不折不扣舊式茶記風格，畢竟店家已有六十多年歷史。A3 SIZE的菜單，式式俱備。本來想叫小菜的，但想了想，還是叫了福建炒飯、肉絲炒麵和錦滷雲吞一起分享，連飲品埋單$260。不算便宜，但可以接受。侍應態度友善。所見即所得。錦滷雲吞的錦滷料，基本上是按著傳統的做法，有蝦、豬肝、魷魚、叉燒、蕃茄、菠蘿、青椒，醬汁惹味。不過雲吞的部份，就只是炸過的雲吞皮，美中不足呢。肉絲炒麵，食物和賣相不俗，不過跟平常茶記見到的有點不同，這裡以白菜絲取代銀芽。福建炒飯，似是白飯底多於炒底，上面的配料看來也跟平常見的福建炒飯有點不同，主要是叉燒、燒肉、蝦之類，感覺不是自己那杯茶。整體而言不過不失。不過也沒有刻意再來的誘因。

Doesn't live up to the hype surrounding it. Our rice dishes were served without forks, just a spoon. The common milk tea is just average. So was the iced lemon tea

以前每次到百老匯電影中心，本人都愛到美都餐室用膳。今晚難得忙裏偷閒看個戲，當然要到美都去。今晚來到，發現美都好像有點不同了！裝潢沒變，但多了好幾個新餐牌和新的食物選擇，好像鑊仔餸和小食拼盤⋯⋯既已說是＂想當年＂，當然不會貪新忘舊，所以今晚的晚餐依然是至愛的焗排骨飯：焗骨飯賣相不變，份量亦依舊，只是味道不同了😔排骨其實仍然焗得香脆，每小片也帶着微焦的邊，但是完全沒有以前的入味而且肉質偏乾。另一個問題是茄汁下得太少了！估不到這次到美都會失望而回。希望他們不是因為要開發太多創新菜式而不能兼顧舊東西的原有水凖，否則經典不再，美都也就不是美都了。

唔值。叫左個菠蘿油，凍奶茶，茄牛通。先講凍奶茶，唔夠茶味、唔夠奶味。茄牛通湯過多，湯底一試就知罐頭溝味精加水，牛腩唔多，通粉食落浸左好耐，質地好粉，未咬落去就散，仲附送麵條(見圖)。最後，菠蘿油。上枱暖嘅，全個半寸厚包底硬到咬唔開。同侍應講個包好硬，隨手拎左去叮完，原封不動比番同一個包我。好，今次唔只個包底硬，半個包都硬左。忍唔住拎左個包去收銀比個姐姐睇叫佢取消order，佢好兇狠咁話：冇得取消架喎！最多比過另一個你。我話，已經同侍應講過個包好硬，佢只係叮番原本嗰個比我令個包更硬(我心諗，你係咪玩野？)然後個姐姐大聲喝我：咁我依家入去親自整過另一個比你好未？ 哇，我又唔係食完唔比錢，係你啲食品質素有問題，你鬧我？

服務差呢都預左因為冰室不嬲都係咁上下 點知仲衰過預期 入面全部係遊客咁濟 所以d價錢貴 又唔好食 唔指意做回頭客生意啲排骨勁多骨碎炸過 好硬 大力咬又咬到骨味道一般 茄汁排骨飯 $58 咸檸7 $22 成80蚊一餐 真係0晒咀 大把更好既選擇

Went there on a rainy Friday morning around 11am.overall, we really adore the look of the place, very retro vintage authentic old HK feel, Like those we watched from movie.service staff were not the friendliest, but not horrible la.We super duper loved the French toast cos it's freaking good, it is rather oily but definitely worth it. Also ordered the ham baked rice, quite yum yum. Like how they spam onions and also how the rice in the baked rice was fried with egg and onions.

餐廳位於平民區，但價$ 並唔平民！ 樓高兩層，底層沒冇冷氣，如天氣不熱可以考慮坐下層，會更moody! 價$於平民區來講偏貴，餐牌中英對照，明顯主打遊客生意！$68 四件蝦多，趁熱食最好食！廚師斬件上、話梅汁亦係另上，方便食客細細件容易食& 根據自己口味點幾多汁！唂咕朱古力味濃，紅豆冰紅豆軟硬適中，兩杯甜度均可接受！建議餐廳用返平民啲嘅價$ 方便區內更多嘅住客可以經常光顧！

看完精彩的《點五步》, 來這感受電影中的八十年代情懷，又是那麼剛好。故事中，1984年未做特首的曾蔭權撥款68萬幫助成立沙燕隊，其中一句對白是其他議會人士質疑並指出:「68萬?!夠買一層沙田第一城喇」一句何其笑中有淚的對白，當中的物轉星移，我想也反映在美都的價格上。中外遊客絡繹不絕，幸好今天鄰國的強人沒有造成平常在地鐵中的滋擾，總算能安安靜靜食一餐咸檸七$22有半小粒咸檸，一般冰類$30左右其實一上閣樓就「聞」到一陣焗豬茄汁味，係招牌菜之一。$68，size其實都幾細。老老實實，自己覺得快餐店出品更出色，但呢度食環境食戀舊，無得比嘅。一般碟頭飯反而份量足啲，個汁幾輕盈，唔會漿糊咁。

the food is too bad. toast is smelly. the noodle is salty and the fillet is bad.

平時都好少寫食評,但係為左呢間美都真係忍唔住要提醒大家千萬唔好去幫襯!!!下午時段大概12點幾, 行入餐廳完全冇人理會冇人帶位都預左, 自行搵位坐低後叫左3樣野.1. 茄汁斑腩飯 2. 西多士 3. 紅豆冰 首先黎既係茄汁斑腩飯, 斑腩有4大舊, 賣相差到相都唔想影呀!!一咬發覺係完!全!冇!斑!腩!, 全部都係炸粉!! 飯係凍既, 好離譜不如改名做茄汁炸粉飯!! 難食到冇朋友!! 仲要成$58蚊, 我求其去香港是但一間茶記食都一定好食過佢!!!!跟住上西多士, 冇跟糖漿既, 咁我切開試一件睇下係咪夠味都糖漿都唔駛比啦, 呀又唔係架喎 咁就問個waiter可唔可以比糖漿我呀, 佢地係聽到架, 但係呆左冇反應, 心諗係咪要講國語呀而家 跟住我再repeat「可唔可以比糖漿我呀」, 個唔知係太子爺定乜鬼既人就好大聲好差聲氣咁講話「落左糖漿架喇, 佢覺得唔夠味咪比d糖漿佢囉」.... 跟住waiter一號拎左個是汁碟size既糖漿比我...咩事呀?  夠點幾多舊西多士呀? 有冇咁弧寒呀呢間野.. 最後上埋紅豆冰, 係正常味既... 不過最嬲係未食完佢就會收你d野.. 仲要冇啦啦走過黎好大聲咁

服務態度非常差，食品又唔好食，又唔係收得平，剛剛食完嘢，飲品都未飲完，就叫人比錢，話後面好多人等緊我張枱，以後比錢我，我都唔會再去，有朋友我都會叫佢唔好去做 “傻仔”， 四個字 “不知所謂”

周日下午來到油麻地的美都餐室, 有六十年歷史, 懷舊風味十足, 好像時光倒流。地下無營業, 食客都要行上二樓, 我們二人先是和一女人搭坐卡位 (二人坐一邊), 在落單前店員主動幫我們轉另一張卡位, 可以舒舒服服的坐, 服務都不是那麼差吧。只是店員無咩笑容, 不要說是笑容, 連表情都沒有, 你叫她, 她面上不會給你任何反應, 但轉頭會過來落單, 總算不算惡劣。餐廳無餐叫, 全都要散點。紅豆冰 $25 - 紅豆還紅豆, 奶還奶, 紅豆偏硬, 未煮淋, 更加不會出味, 椰奶和淡奶也比較淡。熱牛奶唂咕$17 - 理論上是比一般朱古力更濃, 但這個是相反, 比隨便一間茶餐廳的熱朱古力都要淡, 亦不覺有牛奶味, 是否可以換另一款朱古力粉呢?西多士$22 - 新鮮炸, 蛋味幾出, 微香脆, 不會太油, 但蜜糖不能自行添加, 牛油偏少, 又不覺花生味, 扣了少少分, 整體只能說一般。鮮茄牛腩湯通粉 $48 - 先試湯底, 蕃茄味有點不自然的甜, 估計有加糖, 味道不是很天然, 牛腩大部分都好淋, 只有一塊筋位咬不到, 食到最後見到有粒通粉有D 污糟, 又扣分!焗茄汁排骨飯 $68 - 原來排骨是炸的,

經過油麻地，醒起自己已經好耐未去過美都啦~~tvb拍劇聖地吖！！！兩層建築，香港特有嘅舊式茶餐廳嘅裝修，一樓有三四張卡座，中間放咗幾張細檯，二樓嘅位置就相對比較多。茄汁焗排骨飯，味道都算ok啦，排骨唔系普通嘅排骨，而系咕嚕肉。紅豆冰就同以前飲過嘅差唔多。汽水系粉紅色嘅，飲落又似雪碧，都幾多色素下...西多士因為見到好多人推薦，所以試下。覺得味道一般，only炸過嘅麵包。通牒頭飯有牛肉粒，粟米粒，紅蘿蔔粒，比較啱小朋友食多啲涼瓜石斑魚燜伊麵，涼瓜好苦，不過味道太鹹，尤其系伊麵好鹹！

香港越來越少呢啲舊香港風格既餐廳 所以俾外貌吸引左去環境真係好新奇😍好有風味餐牌大多數係焗飯 價錢偏貴 所以我叫左西多士($22)麵包唔厚 入面係冇花生醬，煉奶餡😓比較單調其實唔值$22 完全普通 影相唔錯 野食真係麻麻地 或者下次試招牌焗飯 可能會好啲掛