美都餐室

營業中

休息中

香港還有不少地道歷史悠久既餐廳好似依間美都餐室記得最近台灣朋友來香港,都有帶佢去食來到記住必點「蕃茄牛腩通 」HKD38價錢相宜,濃濃的蕃茄湯底牛腩好稔，細細舊易入口，好味道份量唔多唔少岩岩好除了蕃茄牛腩通之外另一樣必點食品就是焗排骨飯 HKD58排骨唔多肉啖啖肉,汁都算幾多不過如果男仔食的話可能要叫多樣小食因為飯唔算多，女仔食就岩岩好，但就好味既黎到舊式餐廳,我一定會飲紅豆冰 HKD20可能我太鍾意飲紅豆冰上次介紹的Let's Jam 那個比較新式的各有各特色,傳統的我都鍾意如果比較上次上水榮昌茶座的紅豆冰我覺得上水那間的紅豆比較大粒少少

每次到油麻地買整蛋糕材料, 都會吃美都, 只因友人對這兒的茄牛通粉著魔. 由上年的半滿坐, 食到而家經常要排隊, 見證住美都與經濟的相向關係. 今次我吃時不時會點的豬扒飯. 茄汁香濃又多, 絕對可以拌勻整個焗飯. 豬扒夠厚夠大塊, 吃到 juicy. 炒飯底, 邊有微焦夠香口. 提提你, 這兒是遊客區, 唔好以為是食hea 飯而唔知價!

油麻地美都餐室，聞名已久，不過咁耐都未去過，即本去試試啦。我自己點了個白汁魚柳海鮮飯，白汁中帶少少芝士，汁味道一般，芝士偏埋一邊；魚柳lum曬，完全唔洗咬...可是我不是老人家呢...海鮮都係離唔開少少迷你無味八爪魚、麵粉蟹柳...毫無特別。至於飯底，係炒飯底，蛋同飯炒唔均，唯一係飯炒得乾身，可以加返少少分。至於呢個錦滷餛飩呢，都幾脆口，中間粒蝦幾爽口，無咩雪味。醬汁偏酸帶少少甜，好足料，又唔會稀，ok！加返少少分！希望食物有的進步！

去油麻地睇完他們在島嶼寫作，回味電影段落間，行過美都。舊式冰室，聽過好多次，呢次就第一次去。叫左西多，叫左豬扒飯。先講西多..有別於小時候有個syrup壺俾你自己倒，佢幫你倒埋，然後.......就係超級甜，太甜了....不過咁！個豬扒飯真係無得輸！！！茄汁味濃，豬扒已剪開，容易入口，焗到香噴噴咁，好好食，不會過酸，但就令到你好開胃。正！係就係portion太細，食完一碟想再叫多碟，叫人時刻回味回味。hahaha 所以返食指數有4粒星(最多5粒)。

焗豬排飯簡直有被騙感，問侍應焗飯有冇炒底佢話有一食嗰時發覺"飯還飯旦還旦"，什麼叫炒底廚房應該再培訓，另外飲品可以用災難來形容我叫熱杏霜，一飲我以為自己飲緊什麼?"淡奶加熱水"爭氣啦！好快會被淘汰!祝你好運

焗茄汁豬扒飯第一次到美都餐室...從電視, 電影看了N次, 冰室二樓窗門的位置一直在我腦海徘徊等了約20分鐘, 焗茄汁豬扒飯上枱了, 香氣撲鼻...茄汁沒有被焗得太乾, 足夠令每一口飯都有茄汁覆蓋, 厚切豬扒件數, 雖然煎香後再放在飯面一併焗香, 但肉質仍然軟身(不是鬆肉粉的效果)而且很有肉香, 另一滿意位是用炒飯底來焗...因為很多茶餐廳都改用白飯來做焗飯底, 味道的確比炒飯底遜色

「美都餐室」由開業至今有60年以上歷史，仍完整保留了傳統的特色，不少電影和電視劇都曾經在此拍攝餐牌的選擇由小食至中式炒麵飯都有這裡必吃的是「西多士」和「紅豆冰」金黃香脆的西多士塗上軟滑牛油和糖漿，吃一口，酥脆、香甜，再配上馳名紅豆冰，粒粒紅豆軟綿綿、甜滋滋，可為餐室的靈魂。坐在二樓雅室，一邊品嘗地道的香港食品，一邊欣賞廟街的街景和榕樹頭，了解到香港的文化特色，又頗為閒情、寫意------------------------------美都餐室地址：油麻地廟街63號地下營業時間：星期一至日 10:00~20:30

今日週末男友又帶我出去覓食lu~上次食美都已經係五，六年前既事lu斑片時菜飯：飯較硬身，啲汁好漿，味道一般鮮茄牛腩湯通：湯夠濃，要趁熱飲，牛腩真的有牛腩，為什麼這樣說，因為有啲餐廳係得牛肉。通粉好滑，幾好味熱唂咕：我中意飲唂咕係因為佢可可粉濃度較高，可惜很失望，好淡又無咩味紅豆冰：不錯，紅豆好稔！

質素很一般，一來無人係樓下招呼你，入到去無侍應生，樓下得一個老人家收數，好荒涼.見字就上樓層，就有好多人食客，三個侍應，都係後生仔，應是拎緊社會殘障津貼的有需要人士.老闆見我一個上黎，先用國語問我幾位，我用廣東話回佢一個.佢後來就叫其中一位侍應帶我去搭枱.餐牌平均都50-60@，但食唔飽，汽水唔夠凍.舉手埋單時又無人黎，要自己出去找老闆，佢反問我係邊張枱，食左咩:-)) ，之後拎單落樓俾，全程都聽唔到一句：歡迎，多謝.

好耐無嚟呢啲茶餐廳食野啦，以前吖媽係我細個噶時候就成日帶我嚟茶餐廳，感受下我地自己噶茶餐廳文化咁多年無嚟，發覺都仲係殘留著多少以前噶回憶。 不過味道就變得唔同曬。芝士三文治，就係普通噶兩塊三文治麵包，夾著舊火腿腸，可能再塗左些少芝士落去，芝士味比較淡，好普通噶麵包阿華田噶味道可以飲得出就係粉沖噶，好淡，兌水可能比較多 不過油炸西多士仲係唔錯噶，起碼上面真係有一舊牛油係上面食落去好鬆軟 茄汁豬扒飯醬汁味道比較濃郁，拿嚟送飯啱曬，不過豬扒比較少 牛油多士噶麵包好脆食落香甜可口

唔覺意黎到美都，剛剛又覺得想食翻啲熱辣辣嘅食物。西多士色澤金黃，表面嫩黃酥脆，而且剛吃的時候不會令人覺得太油膩，不過多吃幾口之後就覺得太油了，而且吃的時候會有小小過硬，而且擺上檯嘅時候已經冷卻了，如果是暖的應該會更好味。點了一個聞名的招牌焗排骨飯，坐在舊舊的店內，面前擺著冒著熱氣的排骨飯，一杯奶茶，看著身邊來來往往的客人，感覺自己還活在以往的時光裡。環境雖然不是華麗輝煌，但是別有一番風味和底蘊在裡面。菠蘿油應該是我覺得頂級的菠蘿油，鬆鬆軟軟的，吃不夠癮吖!價錢還可以吧，不會太大負擔，服務都是很nice，沒有因為客人多而降低質量。

對上一趟來這間遊客對之趨之若騖的老冰室，已應是十分多年前的事了....從來到這裡的原因都不是為追求美味的食物 (就算是所謂的名物"焗骨飯"的水準小弟都覺得只是一笑置之)，為的只是在這繁囂的廟街中找一個寧靜角落坐下來，嘆杯咖啡奶茶或食件多士及麵，再拿份報紙慢慢看，這樣一個單身寡佬就能很輕易消磨一個下午....相隔多年，已不再是形單隻影孤家寡人。當然就沒有時間再來此地無聊啦....過往，小弟最喜歡一個走上閣樓，揀一個窗邊卡座坐下 (而且要是正正對住對面的榕樹頭公園)。今天的早上，自己又再次重覆這動作。四圍望一回，一切的裝修仍在，但感覺上是有略為翻新的....一杯熱鴛鴦照舊擺在眼前。茶甘味仍存，奶茶與咖啡之間味道平衡度處理得算是很好，而且勝在熱辣滾燙，於這寒天底下喝實在甚令人受用....除了油多之外，我在這裡常常叫的，便是這個以店名命名的"美都湯麵"....一如以往，雞湯底有點師傅在內；粗麵有咲鹼味，麵質亦偏淰；內臟類的水平也一般 ---- 豬肝很老帶苦；豬心很韌；豬肚像在吃橡筋。其餘的如雞肉，味道淡出個鳥來；魷魚鬚同樣韌韌的吃得人氣餒....一碗麵加上一杯熱飲，埋單要七八十大洋....值吃

只有懷舊，沒有味道，沒有人情。奶茶沒有茶，可叫奶水。西多一早炸好，到我吃時已不脆，糖漿都沒有，有的只有糖水，滿滿的把那炸過的東東浸沒。唯一可放進口的就只有依舊的蓮子紅豆冰。老闆娘可否放點心機精神在吃的，不要再繼續恃寵生驕的態度惡劣吧！

Brought a large group of non local friends to Mido Cafe for dinner, hoping to let them see the unique and old decoration of Mido Cafe while enjoying dinner. Instead, they got to see the ugly side of Hong Kong service industry.The staff made sarcastic remarks when we placed our orders too fast for him to write and when I made a slight mistake in ordering milk tea, he rolled his eyes and gave a very irritated look at us.The last straw came when a dish that we did not order came and we tried clarif

年幾無黎，點知已經成為呃遊客食堂 .. 叫個蕃茄湯牛腩通粉，成 48 蚊，乜都冇，你竟然俾個錦魯雲吞醬開水 加幾舊生歐歐既蕃茄我 做蕃茄湯？然後個牛腩鞋既，勉強叫有少少五香味，個通粉淋既，而家做嬰兒食品呀？最可怕既係，食左幾啖發現左條疑似生物毛髮既物體！我即時放棄，埋單走人，理論都唔想教精佢！敗壞香港名聲，多謝美都！