美心西餅 (置富第一城)

營業中

休息中

尋日(8-7-2015 Wed),係女同事KYK又o係呢間公司返最後一日o係o度做,佢就講我食呢個道別甜品,我揀o左呢個.食落,有啲酸,口感幾滑,而唔單止有上面o個粒車厘子,下面o既漿都有果肉.而裡面都有啲啲朱古力蛋糕.成個都酸酸地,應晒唔捨得KYK o既心情.

今年生日, 又係食D新款蛋糕, 今次係黑森林蛋糕, 好彩得返細個, 如果唔係我老公真係會買個大蛋糕返嚟, 但得兩條友, 都唔知要分幾多餐食?好彩晚餐食得剛好, 仲有空間放個蛋糕, 兩個人一晚KO咗佢, 一人半個, 其實飛哂D cream走, 係食得落的, 完全比佢外表同個名呃咗, 以為全個都係朱古力, even係d cream都應該係朱古力cream先啱, 但一甩開圍邊的朱古力片, 完完全全比d cream重重包圍, 當然中間係朱古力蛋糕, 仲有d芝士tim~ 蛋糕偏甜, 最鍾意係最中間有d酸酸地似jam的液體, 中和返d甜味, 所以我地可以一人半個食哂唔駛留~

尋日(14-2-2014 Fri)中西情人節,上司買o左西餅返o黎請我o地食,今次我可以趁未派出前影相,之後我揀o左唯一有卡通人物o既藍莓朱古力.影完相就開動喇,食落,口感好鬆軟,朱古力味唔太濃亦唔太甜,藍莓cream同樣唔太甜,成件感覺輕盈唔膩,都幾好食.多謝上司對下屬o既愛.

今日(30-8-2013 Fri)係女同事DW最後一日o係呢間公司返工,佢請同事們食西餅道別. 西餅盒中只有兩種味道o既西餅,一款係類似我o係今年3月15日食SH o個件o既朱古力差唔多(o個個食評: http://www.openrice.com/restaurant/commentdetail.htm?commentid=2287510&tc=sr2&con=rvw)另一款就係呢隻,我就揀呢隻啦.忙完一輪終於可以食,正中o個個係桃o黎,唔知係咪雪耐o左,外面o既酥皮唔脆,內裡只係普通唔鬆軟o既西餅,西餅本身唔甜,而面上o個片蜜桃竟然係苦,而成件餅其實都幾扁,唔好食加唔抵食,實在太差喇.