影片
更多
2021-11-01
1855 瀏覽
依間位於樓上既火鍋店，唔係特別搵都未必會見到，但原來大有來頭，除咗係連續十年米芝蓮推介既餐廳之外，超多明星都會黎依間餐廳聚腳😱門口就已經見到有超多老闆同明星既合照，譬如發哥、古天樂、任達華、張敬軒等等，完全唔惹小架😻雖然餐廳名都幾傳統既感覺，但餐廳一啲都唔殘舊，環境非常新淨光猛，座位寬敞舒服💆🏻♀️坐卡位仲可以獨享一部電視📺小編覺得依間餐廳真係好啱公司聚會或者慶功宴黎食，坐得舒服，食物唔太貴之餘選擇又多👨👨👧👦—《 #鴛鴦鍋湯底》1️⃣越式牛肉濃湯 $448 ⭐⭐⭐⭐💥2️⃣冬蔭功Cappuccino $198 ⭐⭐⭐⭐餐廳既湯底選擇非常多，有好多款自創湯底，而小編就試咗餐廳推薦既越式牛肉濃湯🇻🇳，再鴛鴦鍋一個聽落好得意既冬蔭功Cappuccino🦐越式牛肉濃湯會配上越式香料同牛肉(牛尾、牛脷、牛展、牛肚)，客人可以按喜好落入湯底🥸而冬蔭功Cappuccino唔好誤會係咖啡，只係用椰奶打咗一層泡沫係上面模擬Cappuccino☕️冬陰功湯底會大大隻字寫住MK(Megan’s Kitchen)，但一滾之後就溶咗，變咗一個好濃郁既冬蔭功😀無可厚非湯底比起出面打邊爐貴啲，但一試個湯就知佢係落足料
依間位於樓上既火鍋店，唔係特別搵都未必會見到，但原來大有來頭，除咗係連續十年米芝蓮推介既餐廳之外，超多明星都會黎依間餐廳聚腳😱門口就已經見到有超多老闆同明星既合照，譬如發哥、古天樂、任達華、張敬軒等等，完全唔惹小架😻
雖然餐廳名都幾傳統既感覺，但餐廳一啲都唔殘舊，環境非常新淨光猛，座位寬敞舒服💆🏻♀️坐卡位仲可以獨享一部電視📺小編覺得依間餐廳真係好啱公司聚會或者慶功宴黎食，坐得舒服，食物唔太貴之餘選擇又多👨👨👧👦
—
《 #鴛鴦鍋湯底》
1️⃣越式牛肉濃湯 $448 ⭐⭐⭐⭐💥
2️⃣冬蔭功Cappuccino $198 ⭐⭐⭐⭐
餐廳既湯底選擇非常多，有好多款自創湯底，而小編就試咗餐廳推薦既越式牛肉濃湯🇻🇳，再鴛鴦鍋一個聽落好得意既冬蔭功Cappuccino🦐
越式牛肉濃湯會配上越式香料同牛肉(牛尾、牛脷、牛展、牛肚)，客人可以按喜好落入湯底🥸而冬蔭功Cappuccino唔好誤會係咖啡，只係用椰奶打咗一層泡沫係上面模擬Cappuccino☕️冬陰功湯底會大大隻字寫住MK(Megan’s Kitchen)，但一滾之後就溶咗，變咗一個好濃郁既冬蔭功😀無可厚非湯底比起出面打邊爐貴啲，但一試個湯就知佢係落足料，獨立做一個湯品賣都唔係問題😃
兩個湯都好滋味，但小編會偏向鍾意用越式牛肉濃湯打邊爐，清甜濃郁既牛肉湯更能帶出食物既鮮味🥩侍應都建議我地就咁裝黎飲，最後仲加咗一份越南檬粉 ($38)落去淥，十足十食緊pho咁🍜
而冬蔭功第一淡飲落覺得好驚喜，椰香味濃而帶有少許辣味，小編同朋友都裝咗一大碗😆但係用黎打邊爐小編覺得呢個湯底反而太嗆，食物既味道會被冬蔭功味遮蓋咗🧐
—
《 #牛肉》
1️⃣手切雪花牛頸脊(例) $228 ⭐⭐⭐⭐⭐
2️⃣日本宮崎A5前肩肉和牛 $118 ⭐⭐⭐⭐
牛肉係成餐既重頭戲，餐廳罕有地有供應和牛，足足有5款和牛可以選擇，而普通牛肉都有過10款選擇😀
必點既係依個手切雪花牛頸脊，CP值爆哂燈‼️淨係睇個雪花分佈咁均勻已經好吸引，似足和牛，仲要每一塊都切得超平整，好難相信咁完美既形狀竟然係手切😨食落第一淡真係好驚喜，味道都好接近和牛，充滿油脂香味，而且有相當既厚度，唔係薄切😱二百幾蚊真係物超所值，餐廳9:30之後入座仲要牛肉買一送一，真係會想食多幾碟🥺
前肩肉部位就主要係食佢既肉味，同帶點筋位會有咬勁，但個外觀就唔會有好吸睛既雪花😣兩塊前肩肉都有成隻手掌既大細，口感較紮實有嚼勁，牛味更為濃郁🐄
—
《 #餃子》
1️⃣泰式紅咖哩鴨茘枝餃 4pcs $88 ⭐⭐⭐⭐💥
2️⃣馬來沙嗲花生雞肉餃 4pcs $58 ⭐⭐⭐⭐💥
一般小編打邊爐都好少點餃子同丸，但依度既餃子同丸可以話係餐廳嘅特色，全部都係自家研創，仲有好多fusion嘅元素，值得一嘗😌
紅咖喱餃嘅鴨肉味道好出，加埋荔枝肉係入邊，味道非常豐富👍🏼而沙嗲餃則口感特別，有香脆嘅花生，沙嗲夠惹味💕
—
《 #肉丸》
1️⃣越式扎肉手打蝦丸 4pcs $68 ⭐⭐⭐⭐
2️⃣越式香茅草菇豬肉丸 4pcs $68 ⭐⭐⭐⭐
扎肉蝦丸食落就真係好似平時食開爽口彈牙嘅扎肉，蝦味唔太突出，但好有扎肉嘅鹹香味😉香茅豬肉丸則有極濃檸檬葉既香味，味道清新，配搭草菇同豬肉，食落一啲都唔膩😚
—
《 #素食》
1️⃣泰式羅望子素肉絲素雞餃 4pcs $88 ⭐⭐⭐⭐
2️⃣九層塔松子仁素牛肉丸 4pcs $88 ⭐⭐⭐💥
3️⃣黃薑秋葵素豬肉丸 4pcs $68 ⭐⭐⭐
三款素食都係用咗OmniPork同Beyond Meat，對於食肉獸既小編黎講，始終覺得素肉係做唔出真正鮮肉嘅口感同味道🥲但餐廳係食材上面既創意同配搭，令素肉嘅選擇充滿新鮮感，喺餐牌上都佔一重要席位😚
小編特別鍾意泰式羅望子素肉絲素雞餃，羅望子醬即係Pad Thai會用上嘅醬汁，食落好啱香港人口味，酸酸甜甜，非常開胃😍
—
《 #蔬菜類》
1️⃣湖南新鮮有機舞茸 $98 ⭐⭐⭐⭐💥
2️⃣福建白玉木耳 $98 ⭐⭐⭐⭐
3️⃣野生竹笙 $98 ⭐⭐⭐💥
餐廳所提供嘅蔬菜款式都非常罕見刁鑽，而小編都故意試咗幾款平時火鍋店少食到嘅蔬菜🤣
舞茸食用營養比其他菇類高，質感軟身，菇味清香😋餐廳提供嘅份量都唔少，舞茸嘅吸湯能力非常高，放入越式牛肉濃湯就更鮮甜😙
白玉木耳亦係營養價值上凌駕於黑白木耳，質地較細緻點同飽滿，味道亦食唔出草青味👍🏼
本來店員推薦另一種更高價嘅竹笙，不過賣哂嘅關係就揀咗普通嘅竹笙，都非常唔錯🤩由其揀咗個好足料鮮甜嘅湯底，落竹笙索曬湯底，食得非常痛快🥰
張貼
