羊滋味

營業中

休息中

普遍入冬先食羊腩煲，最多去西餐廳食羊扒羊架，好少夏天會諗食羊。不過而家食羊多左選擇，有羊肉餃，羊肉麵，羊雜湯飯，真係羊邊個部位都有得食。除左羊仲有串燒食，正丫~🍍燒菠蘿 燒新鮮菠蘿，香甜。🐮牛肉串 外層燒得乾身，孜然粉香。🐔雞中翼 燒得香脆。🐷五花肉 好似食緊薯片，薄脆。🥔燴拌豆腐絲 小辣，都好大碟，我會叫佢做豆皮絲，燴拌暖暖地，都幾得意。🍲咖哩羊腩飯套餐包飲品 食完好精神嘅咖哩，辣得嚟香料味好濃郁，好多舊帶皮羊腩，炆得好淋，皮有點咬口，肉鬆化。薯仔係精華，吸晒啲汁好好味。🐑羊肉炒麵 BB辣，炒麵好夠味，越食越惹味。

羊滋味太子界限街20號地舖位於太子地理位置非常方便雖然係小店但係菜式選擇非常之多除咗有小炒 水煮系列仲有串燒前菜 燒椒皮蛋捶打至喜歡的糊爛狀態味道偏辣 超級下飯辣味濃 岩哂鍾意重口味嘅朋友推介必食内蒙羊肉串味道微辣 油香十足肉質細嫩多汁肥瘦比例均勻惹味可口烤出大漠風味 燒茄子惹味 濃郁 茄子肉口感軟綿綿蒜香味突出好Juicy 越食越想食 孜然羊肉加入香蔥 洋蔥 辣椒粒 一同爆香不腥不膻 滋味鲜香連洋蔥都入哂味 鑊氣十足配啤酒一流

行過太子唔知食咩好，見到間專食羊肉餐廳好多人幫襯，價錢又唔貴，決定入去試下。今餐食左個全羊宴，推介要試下煎羊肉餃子7隻（$48），餃子煎得好香脆，而內裏爆汁。另外一個好特別的是沙鍋羊肉米線（$58），餐廳話呢個係佢地獨家的粗糯米粉，外型似烏冬，好滑溜，而咬落就煙煙韌韌，伴上清甜的白蘿匐、豆卜、雲耳同埋羊肉湯底，暖胃。試左一試個蔥燒羊腩飯（$88），一上枱就聞到香噴噴，好多件羊腩，食落唔會有羊騷味，好適合伴飯食。最後，一定要叫番D串燒食下，必點燒茄子（$30），好大條燒茄子，多肉，入面燒到一絲絲的香軟，蒜香蔥花辣的調味配得好好。另外，再試左雞軟骨（$35/3串），羊肉串（$18），牛肉串（$18），都燒得好好食，味道恰到好處。

FD屋企附近開咗一間食羊鋪頭，一定要試試啦。鋪頭唔算大，晚市都幾多街坊幫襯。Menu真係好多新奇嘢，仲有燒烤提供，都想試試。可樂同芬達，食燒烤一定要飲汽水，好清爽。燒烤，叫咗內蒙羊肉串，牛肉串，燒雞中翼同茄子。燒烤水準唔錯，全部火候都啱啱好。羊肉串肥瘦相間，大火逼出羊肉油脂，再曬落少少孜然辣椒調味，羊肉好香口又唔會油。落咗大量蒜蓉辣椒同埋秘制醬料入茄子，食落鮮甜又好惹味。蔥燒羊腩飯，羊腩全部帶皮，大大件有5-6件。洋蔥加入，可以去除羊肉膻味，食落羊味好香。羊肉餃子（跟湯），餃子純手工製作，同出面味道好唔同。餃子皮係北方果款，偏韌性。餡料落入洋蔥，韭菜，羊肉等數款配料，再搭配埋羊湯，好鮮美。肚包肉，哩個係蒙古特色菜，估唔到香港有得食。用新鮮羊肉切小塊，包入羊肚裡面烹製。羊肚處理得好乾淨，同埋煮咗好耐，入口軟嫩唔會覺得韌。特色韭菜花醬，為肚包肉增添另一種風味。

喜歡食羊嘅朋友唔太多，不過有啲老死就確係幾鍾意食羊，記得好似上年冬天就一齊晌大角咀嘆羊腩煲。今次嚟到太子所試嘅「羊滋味」，一睇就知主打喺羊啦，又一齊擦番餐先。走進鋪內環境好街坊，無話太花巧裝修，頂多喺牆上掛上唔少跟蒙古嘅裝飾，最街坊就喺餐廳尾有部大電視，正正播緊奧運直播，啱晒我哋，而幫襯嘅亦好街坊，聽落有唔少都喺熟客，同啲店員打成一片。枱上放咗餐具、餐紙、調味料，自由取用。落單方面用二維碼，或向店員下單都可以。雖然話主打喺羊嘅菜式，不過，呢度都有好多其他選擇，唔食羊嘅都唔使擔心，而且，有辣有唔辣，涼拌小食、砂鍋米線、超多款碟頭飯餐，一系列內蒙古草原原始風味、特色煲類、串燒、麻辣燙，選擇多元化，最緊要喺定價實惠嘛！涼拌羊蹄筋 $68 牛孖筋食得多，羊蹄筋幾敢肯定喺第一次食，佢哋啲涼拌小食可以揀辣或唔辣，我哋就要咗微辣，所以食落去有少少辣勁，但已經有點刺激感，而調味方面除醬油就仲有好多芫茜、蔥蒜，味道豐富，而啲羊蹄筋非常之咬口，有韌勁，食落真喺幾過癮！羊肉煎餃 $48牛肉、羊肉餃可以揀蒸、煮或煎，分兩個份量：7隻賣$48，10隻賣$68，咁嚟得梗嗻揀羊肉餃啦，要煎嘅香口好多，咬開嗰層皮薄到

涼拌海帶 $38涼拌小菜可以揀唔同嘅辣度，非常貼心，海帶切成幼絲，軟硬適中有咬口，拌勻涼拌汁非常惹味羊肉煎餃子 $48每隻餃子都煎得金黃，餃子皮厚薄適中，重點係肉汁一咬爆出，羊肉香而不膻，質素媲美餃子專門店蔥燒羊腩飯 +$88羊腩啖啖肉，肥膏唔多，煮得肉質軟腍，加上大蔥、青椒絲、紅椒絲同洋蔥一齊炒，好香口羊肉炒飯 +$68好有鑊氣！用簡單嘅材料，羊肉片、雞蛋同青蔥炒香，炒得米飯粒粒分明，羊肉切得薄片，份量幾多，啖啖都食到羊肉片太和黑豆漿 +$10 竹庶茅根水 +$10套餐飲品可以加錢轉樽裝飲品，如豆漿、酸梅湯、茅根水同王老吉，好多選擇📌羊滋味 (太子)地址：太子界限街20號地舖評語店員友善好客食物性價比高🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #羊滋味 #羊

香港好少有得食蒙古菜，今日就同朋友試下呢間喺太子的餐廳!孜然羊肉串 $45三串好怕食肉串啲肉係乾身。呢到燒啲羊肉係嫩嘅，調味都無太重手，好食👍燒椒皮蛋 $48用搗蒜碗同棒上，我地首先試下原隻皮蛋食。然後我地就搗碎啲皮蛋同蒜食，發現原來皮蛋加埋茄子蓉、蒜、辣椒係咁夾，大推！燒茄子 $28調味到位，有水準👍小菜套餐都配大大碗飯，仲有嘢飲送，非常超值!蔥燒羊腩飯 $88羊腩大大舊，啲洋蔥、辣椒、同蔥爆香炒，有穫氣又香口！水煮魚飯 $88份量好夠，有成條魚！啲魚係滑，調味都恰當！📍羊滋味 (太子)太子界限街20號地舖

香港主要食羊嘅舖頭並不多，所以已經朋友介紹之下去咗太子呢間羊滋味，主打各款羊肉菜式。Menu選擇非常多除咗有客飯之外，亦都有唔同嘅羊腩煲、砂鍋米線等。涼拌羊肉有蒜泥、辣椒油等調料，再浸泡在醋中，最後撒上香菜等配料。口感鮮嫩，酸辣爽口，而且份量都幾多，幾抵食😝涼拌魚皮呢個會相對比涼拌羊肉辣少少，Wasabi 味突出。魚皮本身口感夠脆爽，加上刺激調味，正！😋咖哩羊腩飯羊腩同咖哩汁一起燉煮，好似食緊一個咖喱味嘅羊腩煲咁，羊肉軟嫩入味，咖哩濃郁，另外配菜有非常多嘅蘿蔔，有處理過，冇渣夠清甜😋蔥燒蹄筋飯分別有牛筋同羊蹄連筋，配上大量香菜、蒜蓉炒成，牛筋同蹄筋口感彈牙，配上白飯食十分下菜。蹄筋要夠淋夠入味，其實好考師傅火候，做得唔錯🤭

老公放工前WhatsApp我，話今晚突然好想食羊，想食啲有特色嘅羊肉菜色🥢。咁我緊係乖乖去搵下老公公司附近有咩出名食羊嘅鋪頭啦，咁就俾我搵到呢間專食羊嘅羊滋味，聽個名都知道啲羊一定掂呀😆！果然令我地好有驚喜，平價得嚟羊肉非常出色👍🏻！必定回頭！🐑蔥燒羊腩 $158/大羊腩非常非常之軟腍😋！係軟腍到唔使用力咬果種，但仲有羊肉嘅纖維，係軟腍又有咬口！而且仲非常有羊味，一啲都唔臊！調味仲岩岩好，咸道岩岩好，而且將青椒同洋蔥🧅嘅甜品用猛火迫晒出嚟，令羊肉加添一份甜品！🥟煎羊肉水餃 $68/10隻外皮煎到非常香脆，一啲都唔乾！而一口咬落去，啲肉汁就爆晒出嚟💦！肉裏面嘅羊肉非常多汁又有羊味，完全唔使點醬已經非常好食，除左煎仲可以揀蒸或湯，下次一定要試其他煮法🤤！🐷蒜泥白肉 $68可以選擇辣度，我哋揀咗BB辣。蒜泥白肉嘅豬肉片肉質好鮮嫩，加上蒜香濃郁🧄，醬汁微辣🌶️，口感非常豐富。每一片肉都滲透著蒜香😍，讓人食慾大增，用嚟送飯一流🍚！📍 羊滋味 (太子)太子界限街20號地舖

【太子•羊滋味】@ππππππππππππππππππππππππππππππ太子以羊為主題既米線湯鋪 仲有火鍋小炒 十分多元選擇牛大力土伏苓燉雞湯當歸羊排湯沙碢系列沙鍋羊肉粉沙鍋牛肉粉印象最深刻的是牛大力土伏苓燉雞湯。這道湯的湯底濃郁而鮮美，搭配了肉質鮮嫩的雞肉和滋補的草藥，帶來了滿滿的滋補感。另外，當歸羊排湯也讓我留下了深刻的印象。這道湯的湯底濃郁，羊肉的鮮美完美地融入了湯裡，鮮香扑鼻。這是一道很適合秋冬季節享用的滋補美食。如果喜歡慢燉料理，沙碢系列的沙鍋羊肉粉和沙鍋牛肉粉也是不容錯過的美味。悠久的湯底與鮮嫩的肉類結合在一起，滿足了對肉質和湯汁口感的各種需求。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#太子美食 #羊滋味 #web3太子羊滋味太子界限街20號地舖

｛食盡太子之中式 — 羊滋味 ｝————————————————講起食羊肉又點知淨係冬天有得食呢， 今日食呢間街坊嘅食羊專門店 #羊滋味 ，有多款羊肉料理同#蒙古菜 #東北菜 ，價錢實惠，食完仲有蔥油餅送！ 🔸 羊肉餃子 7個 $48 餃子性價比非常之高，大大碗而且個餡都相當足料， 鍾意佢嘅餃子唔會加太多花臣， 主要都係羊肉，味道夠純🙂‍↕️ 🔸 蔥燒羊腩飯 $88 羊腩嘅口感同羊肉相比， 肉質更加肥美而且大舊， 佢嘅蔥燒汁做得好好，送白飯一流！ 🔸 蒜泥白肉 $68 呢個真係推薦！比起連鎖店嘅蒜泥白肉出色幾倍， 每片白肉都厚厚一塊，肥瘦均勻， 蒜泥落得一d都唔孤寒，唔錯！ Overall comment: 舖頭都多街坊幫襯， 亦都有人會外賣， 相信都係一個比較質素保持到嘅街坊小店🫡

香港真係好少專食羊嘅鋪頭，竟然咁都俾我遇到一間。行過太子見到，忍唔住入去試下。打開菜單，其實呢度唔係只得羊，仲有好多嘢揀～不過我主要都係揀咗羊，因為呢度除了出面很多的大路羊肉以外，還有一些羊肉的小菜，見難得就試下。涼拌羊肉有點像麻辣手撕鷄，但不辣，羊肉撕碎不會靭，有點點麻香味。羊雜湯非常喜歡的一味，湯有大量羊內臟，味道有點奶酪香，暖身一流，夏天飲都ok~，而最特別的是湯有放羊腸，煙煙靭靭，幾好食。孜然羊肉全晚最愛，有少少辣，配上大量香菜，非常香口梅菜扣肉朋友話想食，豬肉但不會太肥，適合送飯我見呢度啲套餐唔算貴，味道幾適合我口味，而且都多人幫襯，下次嚟要試下個手抓羊肉先～

羊滋味 Lamblicious好耐無食過羊肉飯， 今次就到太子食羊肉滿足下😛枝竹羊腩飯呢碗枝竹羊腩飯好心水!羊腩塊大塊濃香,煮得爛爛咬落有嚼口感,配上枝竹條條爽脆清新,飯底都浸咗羊油跟枝竹汁,實在太好味!一大碗飽肚,好耐都忘唔到個味道。紅燒肉飯呢碗紅燒肉飯分量十足,肉塊有厚有嫩,入口即溶,簡直好吃到停唔到筷子!乾鍋干葉豆腐飯呢碗乾鍋干葉豆腐飯又爽口又好味!豆腐入味,又有麻辣鹹香氣,配飯好下飯。青紅椒、蒜苗等配料都好新鮮,加埋飯底就更加惹味。整體感覺好豐富,每一口都止唔到想食第二口。價錢：$ 150/person 分數：9/10地址：九龍界限街20-22號業利樓地下B舖#太子美食 #hkfoodie #hkfood #food #美食推薦 #美食推介 #香港美食 #太子#hkig

大食妹系個羊控，可惜香港都唔系好多地方食羊，平時間唔時就會北上食羊朋友介紹左太子有間新開食羊專門店，三個女仔一齊去左擦羊酸菜豬肉餃$38食羊之餘，另外叫咗個酸菜豬肉餃因為包咗酸菜，所以個豬肉餃酸酸美味，好解膩大盆花菜$88大盆花菜真係好大盆，四個人share都冇問題除咗椰菜花之外，仲有少少鹹肉，加咗豬油渣炒味道好香羊肉寬粉$58羊肉寬粉個寬粉勁特別，食落有啲似蒟蒻超級煙靭支竹羊腩套餐$88枝竹羊腩飯餐羊腩嘅數目好似單叫咁多羊腩肥美肉嫩，有一半左右帶皮，連層皮都炆得好腍唔難咬醬汁濃而不膩，帶柱候和南乳的味道，超下飯

每個人喜好都唔同，特別係羊肉，羊肉嘅獨特味道有人會好鐘意，有人就聞到都想嘔，而我就係愈騷愈鐘意嘅類型 😆。🐑羊滋味淨係個店名都講左俾你知係出名食羊，當晚就算係平日都坐滿客，果然有唔少人同我一樣都係羊肉愛好者 🤓。沙鍋羊肉粉（$58）羊肉粉只係$58，大滾住咁上，麵類有粟米粉揀好特別，我都係第一次食，粟米粉有少少似米線，而且更加有口感，湯係偏向清淡嘅羊肉湯。枝竹羊腩（$158）枝竹同羊腩呢個真係完美組合，呢度嘅羊肉有少少騷，係我喜歡的味道，枝竹俾得夠多，大大碟唔洗就住食 。。