羅麥記 (已結業)

因為買野的關係，送了一張$50的現金卷😝😝，所以就揀左係呢度食晚餐喇🤣🤣🤣。叫左一個炒粉，一個西蘭花，一個多士炒蛋，再加一杯好耐無飲過的菠蘿冰😍😍😍，好好飲呀，2個人加埋食左$110（已經扣左$50 coupon ）食物都不過不失。

本身想食一風堂, 但要等 30張台, 於是過左隔離只要等 2張的羅麥記. 圖片好吸引, 但係佢漏單...左右隔離都食完, 我地叫的都仲未到.催完可能hea做, 叫左個叉燒炒飯, 來到個飯濕身, 無味. 叉燒粒少到可以數得到. 黃咖喱大頭蝦撈丁, 面唔係出前一丁, 淋身, 無咬口. 咖喱還咖喱, 面還面, 完全唔入味. 大頭蝦都是無味架!!!! 怎麼可能?! 難度分 10分!垃圾到爆....永不再食!!!! D waiters 仲要完全無歉意, 唔好意思都無一句! 埋單 $180, 2碟劣食, 1杯波蘿冰

《羅麥記》 #食在銅鑼灣📍銅鑼灣希慎廣場14樓1402號舖-去到希慎廣場今次黎到14樓既羅麥記食飯，一間好似平時去開既冰室設計既餐廳.🔹羅麥雞翼撈丁(可辣)$56 凍飲+10見呢到撈丁都幾出名，今次就試左雞翼撈丁，而咁多款，只有雞翼撈丁可加辣，佢麵身同平時既出前一丁唔同，麵身比較幼，食落一條條分明，而個辣度都幾香，仲有一隻辣椒乾添，雞翼有4隻，係瑞士汁雞翼，甜甜地佢仲有好多款撈丁都想試，有雞脾撈丁，腐乳雞球撈丁，遲下可以試試呀.8/10

今日好開心，好興奮。因為我個人係好鍾意食啲比較懷舊嘅食品，嚟到呢一間餐廳睇見個餐牌眼花撩亂，有好多都係懷舊嘅食品，但胃就剩係得一個，所以揀咗好耐就決定底叫下面果幾樣野啊。首先梗係整返一杯熱奶茶飲啦，聞落去就好有奶香，但係第一口飲落去嗰種茶香係經過燒香嘅茶香，簡直正。趁熱嘅時候飲多幾啖，享受下拒嘅香。跟住就係呢一個磚頭豬扒飯，佢嘅豬扒飯用咗最傳統嘅蕃茄醬汁，而且亦都係舊時喺茶餐廳食到嘅味道，但係佢呢一度將普普通通嘅豬扒飯改良之後用個麵包轉妝，令到成個飯非常吸引。跟住就係到餐廳必食嘅炒蛋同埋多士啦，呢度嘅炒蛋味道偏淡我食嘅時候覺得有點淡，有點失望。之後朋友就話唔係要落鹽架咩？咁樣就令我想返起之前同媽咪去食炒蛋嘅時候 ，媽咪都會幫我耍啲鹽落去，就係嗰種味道，就係要加埋鹽食嘅味道。

今日和太太往銅鑼灣希慎廣場羅麥記食午餐, 我們點了灼菜心, 焗朱扒飯、蔥油雞扒撈丁、蜂蜜朱手仔、蜂蜜紅豆西多士、熱檸蜜和凍蜂蜜鮮牛奶。灼菜心食落新鮮爽口, 配上蠔油帶出菜心美味；焗朱扒飯份量十足, 焗朱扒大大塊食落軟腍, 啖啖肉、蕃茄甜酸度適中, 食落開胃, 炒飯炒得乾身, 飯好軟綿炒蛋炒得香滑, 整份焗朱扒飯食落開胃, 美味十足；蔥油雞扒撈丁雞扒食落鮮嫩惹味, 撈丁炒得乾身香脆, 味道醬汁鮮甜美味, 配上蔥油帶出撈丁的惹味, 質量美味的蔥油雞扒撈丁；蜂蜜朱手仔食落味道鮮甜, 蜂蜜是寶生園的蜂蜜, 朱手食落香脆有嚼勁, 甜度十足, 食落醒胃；蜂蜜紅豆西多士賣相吸引, 紅豆西多士炸得乾身香脆, 紅荳食落軟腍, 甜度適中, 配上牛油食落美味, 紅豆西多士連牛油配上寶生園蜂蜜, 能帶出西多士的香甜美味；最後凍蜂蜜鮮牛奶蜂蜜味道清甜, 牛奶香滑, 一杯美味特飲。餐廳座位舒適,而且餐廳很有本土特色, 餐廳食物美味高質素, 價錢合理, 我和太太食了一頓美味午餐。

Needed to pickup something from my friend at Causeway Bay the other day. And came to Hysan for lunch. All places were full of people. As I had to rush for a movie showtime at 15:00, I had to pick a place that’s nice and fast. Ended up choosing this Hkg style cafe. The decoration of the restaurant was quite unique.We had total of 3 people, we ordered a instant noodles, a fried rice, and a deep fried shrimp toast. Overall, I’ll rate the restaurant 3.5/5. Preserved Tofu Mixed with Chicken &

羅麥記是一間多元化的茶餐廳，環境乾淨舒適，食物款式眾多，而且價錢算是經濟，所以不時都來光顧一下。天氣漸涼，點了杯熱蜂蜜檸檬紅茶 $20蜂蜜用上本地品牌寶生園，味道清甜有花香味，紅茶色有點混濁，味道有點澀。黑汁墨魚酥 $46意想不到份量這麼多，墨魚酥彈牙可口，醬汁是甜豉油味，不錯。羅麥雞翼撈通粉 $58撈丁就食得多，通粉也是頭一次，選了小辣。通粉算乾身，醬汁是瑞士汁味道，辣辣地將惹味，而雞翼將幾入味。無骨海南雞飯 $65雞肉都幾滑，不過部份未熟有血水，而飯不是雞油飯，好似是蛋黃飯，有點怪。麥Sir 乳鴿仔 $56炸乳鴿好正，但炸得有點過火候，不過肉質還不錯。

希慎有好多間食店, 食得多FODCOURT都會悶, 今次就上頂樓羅麥記, 真係抵食夾大件哦羅麥記三文治, 層層疊疊的材料、豐富的口感和味道、厚厚的手感，都給我帶來大大的滿足, 它的特點是它會疊起好多不同的材料，例如、番茄、火腿、雞蛋、芝士、生菜等等，一口咬下去口感豐富有層次感，令人充滿活力蜜糖雞翼, 香脆可口, 每口都有香甜既蜜糖香味Laksa豬頸肉撈丁 ,，豬頸肉夠爽滑，咬落煙韌, Q彈的麵條配上Laksa醬料，吃來口感很好, 帶點椰漿香甜口感，微微香辣的口味真的很夠味耶

中午上到去，我地兩個人，門口待應指向店內話隨便坐，我見窗口有二個卡位，便走過去坐低。一拎起餐牌，我見到收銀個大姐示意個待應叫我地起身換位，個待應然後走埋黎話張檯俾人訂左。跟住我地換左位，一路坐，後尾見有兩個女仔walk in, 沒有訂位，待應便領她們到那張檯坐下！言談間聽到佢地講國語，唔通佢地睇唔起香港本地人，感覺好差！我即刻同自己講，以後都唔會再幫襯呢間野！如果佢地唔想我地坐窗口位，可以搵個待應把我們一早帶去佢地想我地坐的位，落order時待應全程表現不秋不睬，埋單更加唔會講任何野就放低個碟！我地呢餐兩個人幫襯左$2xx。食物質素不過不失，食左一個炒飯一個炒河，要左杯特飲。

難得放假，帶爸爸去希慎食一間懷舊冰室上到最高個層見到冰室同商場格格不入，懷舊為主 爸爸都話好似返返細個嘅感覺員工安排我哋坐卡位，睇到Menu有好多款式最後揀咗一個晚餐套餐、兩款小食同埋一個炒飯套餐包左餐湯，清清甜甜幾好飲晚餐套餐揀咗通菜牛肉配意粉呢個中西合璧嘅配搭第一次食，通菜牛肉炒得好香好夠鑊氣有驚喜第二個主食叫咗避風塘海鮮炒飯，呢個比我想像中炒得更香，味道有小小辣，好鍾意至於小食叫了蜂蜜豬頸肉剛燒完嘅豬頸肉配上蜂蜜，味蜜甜甜地 口感爽口份量唔算多，啱晒兩個人食再嚟蝦多士，呢個份量就真係好多，有五大件，每件都好足料，好大件蝦喺面，配埋洋蔥同埋蔥，食落更香最後叫咗避風塘雞翼剛烤起既雞翼好香好juicy皮脆肉嫩總括而然，冰室夠懷舊性價比高，價錢唔算貴，質素好味值得回頭再食

一入到羅麥記頓覺走進八十年代、九龍皇帝字跡牆、紅色鐵閘、照雞蛋燈等等、感覺懷舊。香茅蜂蜜豬頸肉 $42肉質挺爽口、加入了香茅、甜甜的味道不錯。馬拉盞通菜牛肉 $68 牛肉份量幾多、馬拉戔通菜炒得惹味。最吸睛莫過於這個磚頭茄汁豬扒飯$85、以方包磚盛載拿去焗、茄汁蓋過整個飯磚、焗得好香、豬扒亦軟腍。紅豆冰粒粒奶茶 $38第一次喝用奶茶做的紅豆冰、味道又幾夾喎！冰粒用奶茶加紅豆雪成、可以整粒吃掉😆又不會溝淡奶茶味👍🏻

銅鑼灣區茶餐廳多的是，但要數懷舊概念茶餐廳，非羅麥記莫屬羅麥記以香港70年代的冰室作為主題， 兩位店東一位姓羅，一位姓麥， 對於昔日的香港充滿深厚感情， 於是在2013年成立全新感覺的茶餐廳, 帶大家回到過去座落希慎14樓，望出窗外景觀好靚好多懷舊的擺設，好似入左時光隧道咁蝦多士(5件)~ 炸得好鬆脆，蝦肉亦好彈牙，蘸埋沙律醬一齊食，正呀磚頭焗豬扒飯~ 嘩！D豬扒份量多到呢將茄汁芝士連埋切成塊狀的豬扒放在個麵包磚上一齊焗，麵包裹面盛放住炒飯, 如果唔夠汁仲可以問伙記攞ga羅麥汁牛河~有D似瑞士雞翼汁牛河，牛肉好腍，豆角好爽，每一條牛河都充滿汁，好味麥sir乳鴿仔~ 炸到成隻金黃色，D肉仲好嫩好juicy,正呀紅豆冰小忌廉奶茶~勁多忌廉on top, 加埋奶茶好滑，茶底好香，D紅豆仲好腍好大粒雪糕紅豆冰~ 即時勾起童年回憶，用左懷舊的冰杯裝住，仲有一球雲呢拿雪糕，加埋又腍又大粒的紅豆，真係好好味呀

開設在希禛的羅麥記裝修似懷舊茶餐廳，而且整潔企理。靠牆的一排梳化位，外望利園一帶，坐得舒服。餐廳門外poster介紹了幾款經典食物，在openrice食評看到最多人推介磚頭茄汁豬扒飯。超厚多士中間的麵包鏤空，取而代之的是白飯。原期待是炒飯底的，但實物看來又不太像炒過的，有點失望。豬扒已經切成5-6件，方便進食。肉質較為結實，帶點嚼勁。個人覺得晚市套餐最抵食因為主餐牌沒有太多菜蔬選擇，所以也點了馬拉盞通菜牛肉餐。通菜微辣，牛肉也夠腍。套餐例湯熱生薑檸檬蜂蜜水薑味突出，蜂蜜以小瓶另上，隨自己喜好加入檸水中。喝後感覺很暖胃，味道也合我口味。西檸蜂蜜乳鴨仔肉質肉味不俗，以$58來說，價錢合理。

因為有時間，可以到希慎廣場吃下午茶！ 能吃下午茶，是一件開心事！ 但吃下午茶，又會增肥添！ 🤭🤭突然想起，希慎廣場14樓，有間用懷舊的東西做主題，咪就係.... 羅麥記因為 lunch 吃得太豐富，只能吃少一點的東西！只 order 七彩朱古力多士， 同埋 凍檸樂， 合共48元！原價：多士36元，凍檸樂要20元其實要杯凍檸樂是非常唔健康，但天氣太熱，胃口又唔太好，只好叫杯有汽的飲品，可以令自己開心點！七彩朱古力多士 其實是麵包烘了底，加點朱古力醬，煉乳，還有 m & m 朱古力豆同埋七彩糖一齊！味道非常好味👍🏼，只要你是朱古力 fans, 你是會必定愛吃的！凍檸樂一罐可樂，冰底加檸檬🍋只要罐可樂夠凍的話，那一定非常得的～ 因為沒有任何地方會有問題出現🤣🤣🤣 評分：🤩🤩🤩🤩🤩 味道💯 ：9/10價錢💯 ：8/10環境💯 ：10/10服務💯 ：7/10回頭率💯：8/10地點🏢 ：銅鑼灣希慎廣場14樓交通🚇 ：銅鑼灣站#小女皇吃喝玩樂篇 #momobandlittlequeen👸🏼#羅麥記#銅鑼灣#希慎廣場#小女皇👸🏼增肥篇

出到黎CWB想搵個舒服又唔高消費既地方，真係唔易，今日朋友話有間餐廳係希慎，食野唔洗加一...聽到心諗，唔洗加一都唔會平得去邊!!!不過是旦喇，出黎食個飯，冇4百都要3百既...點知一黎到，睇佢地第一頁既menu價錢平到你唔信...唔講咁多，睇左先~!咁抵食，唔理咁多喇!!!黎兩杯特飲透心涼下先~!呢個雞翼都幾大隻，同埋好入味，雞肉都好嫩滑，好味~!而呢個避風堂豬頸肉撈面，有小小干身，但豬頸肉夠哂大塊，一個人食就好快會食飽<3呢個小食魷魚，好香口，食得出係自家製，必叫呀~咖哩軟殼蟹飯..飯呢?原來佢用左個大方包，下面有包上面夜飯，真係無敵呀!!不過如果汁可以再多返D就好喇<3蝦多士..大份到好似手榴彈咁打得死人!!!而且好香脆可口而呢餐飯$410都唔洗!!!真係好抵食，唔會有人趕你走，坐得又舒服，食物味道同份量都好滿足，真係要再返黎呀!!