羅麥記 (已結業)

無骨海南雞飯 $65蝦多士（5件） $60推薦指數：6.5/10海南雞飯份量都算多 雞肉都嫰滑👍不過就無乜味 好在有3種醬料點 特別推薦泰式甜酸醬 點完惹味好多！🤩💕 蝦多士就真一般般 雖然望落去幾大舊 但係面包佔左九成😭蝦餅既部份又薄又冇味 值得一讚嘅地方係炸得幾脆口既 🔅🔅🔅🔅🔅🔅🔅羅麥記 (銅鑼灣)銅鑼灣軒尼詩道500號希慎廣場14樓1402號舖…查看更多

今日放假就同左閨蜜出黎聚會順便食完去行街, 因為想搵個地方傾下計, 見到唔算太多人而且裝潢好有特色就入左去試一試。見到餐牌, 真心覺得價錢偏貴, 但本住試下可能有驚喜既心態去試下:焗豬扒飯份量都算可以, 豬扒焗完之後都KEEP到有肉汁, 蕃茄汁同芝士, 再加埋炒飯都幾夾, 但蕃茄汁有啲偏酸, 炒飯有點乾。但整體黎講, 其實水準比某某連鎖店黎講遜色左啲。蝦多士不得不讚件件份量都幾大, 而且佢唔似出面係用方包去做, 而係用長法包去釀蝦膠, 食落去比平常既更有質感, 加埋沙律醬味道更加豐富。但可惜咬落法包有小小油, 但整體黎講, 頗有特色而且味道不錯, 食落有口感彈牙。…查看更多

行完希慎食lunch 去到14/F見到間港式餐廳睇餐牌有個磚頭豬扒飯幾特別 之前都見人介紹過 環境裝修都幾有香港特色~~磚頭焗豬扒飯 $85上枱嚇親 好大個麵包磚頭🍞 啲豬扒都堆到好滿🍚飯份量唔算多 因為麵包底算厚 唔係挖得好深 飯係炒底 但覺得炒得唔夠香 🍅茄汁幾好食 甜酸適中 小弟幾中意 但略嫌太少汁 仲有新鮮蕃茄 話說之前睇其他人寫食評話呢度啲蕃茄係臭嘅😂 但今日就冇呢個問題😌 🍖豬扒都有五大塊 用嘅係連骨豬扒 咬落冧身唔鞋 食得過🍞麵包皮焗得脆 但中間啲部分冧唒 同埋太多包食唔唒🙁~~總結1）豬扒飯不過不失 但其實餐牌有個正常冇麵包的豬扒飯 而且仲平$20 所以唔好麵包嘅可以叫嗰個🤔…查看更多

👉🏻磚頭焗豬扒飯🐷🍞💲85Giant Toast Over Bread Pork Chop with Rice我鬧上癮 呢個聲稱係本店馳名菜色得個樣 就係一大舊面包裝住個焗豬扒飯 但重點係個食冧晒一patpat又冇啲汁 係legit一滴都冇🌚淨係冧上面 但佢上面啲豬扒又唔好食 個包又焗到外乾內濕 似食緊比水浸嘅紙皮🌚我上次係「永興冰室」食過好好食架囉 點解咁大分別〰️〰️〰️〰️〰️〰️〰️〰️〰️〰️👉🏻腐乳雞蛋撈丁🐔🍝💲53Dried Noodles with Chicken Balls and Beancurd Fermented馳名個個都出事 呢個更加唔洗講 個名都出事 坐對面條友大我 所以突登叫個troll嘅 點知真係troll as expected 雞冇雞味又硬又鞋 個腐乳醬好結根本撈唔起 我乾食麵🌚(仲有佢個英文譯名咩事 真係唔識英文先會睇得明)〰️〰️〰️〰️〰️〰️〰️〰️〰️〰️羅麥記 (銅鑼灣)📍銅鑼灣軒尼詩道500號希慎廣場14樓1402號舖🔗#7eating銅鑼灣#7eating荃灣#7eating青衣#7eating屯門#7eating港式…查看更多

銅鑼灣食晚飯，當然係同女友一齊啦⋯⋯今日落雨，又唔想周圍行，所以是是但但就喺希慎上面食，間間都要排隊，見到有依間羅麥記冇乜人，心諗喺希慎開得都唔會太差，但係無乜人食，始終係有少少伏...侍應的態度一般，感覺應該係part-time所以唔會太投入餐牌就係一般茶餐廳餐牌，所以叫咗個乾炒牛河、焗豬扒飯，加$25有小食，加咗一碟菜心同埋豬頸肉碟菜心$25得幾條，少少哋都唔緊要，但係好老又多渣，雲吞麵舖嘅油菜絕對係好好多$25 五塊豬頸肉，比較硬避風塘炒牛河，我以為係乾炒牛河啦，但係佢冇味道，牛肉亦都好似橡筋焗豬扒飯上面有粒蕃茄仔，我好鍾意食蕃茄，一咬落去「臭嘅」🤮個飯就冇事，所以費事換啦埋單嗰時明明見到外面有個牌寫着，用匯豐卡食滿$200有消費回贈10%，但係我俾咗現金，同收銀講，佢話比咗現金就冇得轉比卡😡依間野唔會再去！…查看更多

早幾日我去左Hysan食lunch千揀萬揀揀左羅麥記羅麥記宜家剩番3間我見meun有港式撈麵，心諗正，好耐無食😅係云云眾多嘅撈麵中🤔，我揀左一個有隻手指公係旁邊嘅<腐乳雞球撈丁>我理解手指公即係好好味咁解點知中曬伏公道d，個雞球就正常，啱啱好但d麵好乾好硬，明顯係煮好放左好耐個腐乳汁好淡，無咩味而且得好少，都唔夠撈埋d麵到🙈我仲叫左個<豉汁魷魚鬚>魷魚鬚又係好硬兼無味，豉汁又無咩味呢餐我食左d咩？🤢🤢🤢…查看更多

最近開始喺銅鑼灣番工，去左希慎度見到呢間裝修十分有心思既餐廳，餐廳裡面既窗花、牆身都仿照香港六、七十年代的風格，牆身的字句亦都睇得出係餐廳特地設計，與餐廳、食物有關，坐得舒服，環境又吸引。除左裝修之外，餐牌上面啲野食名都好用心設計，叫左一個＂哈哈哈炒飯＂，初時未諗到係咩，但原來係鮮蝦、蝦米同埋蝦醬既炒飯，以午餐黎計份量都幾大，獲氣好足，啲飯唔會黏埋一舊，一粒粒好乾爽，唔同蝦既味道都好突出，整體黎講６０蚊左右既午飯係幾抵食。下次放午飯時間會繼續去。…查看更多

在3月份，跟兩位朋友上完攝影班，連教班的朋友一行4人及他美國的朋友一起去銅鑼灣希慎廣場 <羅麥記> 食宵夜！還記得5 年前，在屯門分店試食；不經不覺，原來現時執剩3間！分別是屯門、銅鑼灣及青衣分店！一貫以舊香港作為藍本，把餐廳設計成懷舊冰室，供應港式懷舊美食！讓大家回味七十年代的事物及味道！我們入座時，已經晚上約 9:15，食客稀少！店員們大致上招呼我們一枱！芝味牛肉蔥油餅卷 $48蔥油餅香氣洋溢！ 其質感好似印度薄餅柔軟又富香氣！加入芝士及牛肉，鹹香與鮮味共融！水牛芝士炸雲吞 (4 件) $46即叫即炸！金黃色的外層，既香脆又熱辣辣！一咬開，鮮味與肉汁爆出！ 蘸上甜酸醬增添風味！蝦多士 (5件) $60蝦多士比預期厚身，加上白芝麻，令整體更加香脆可口！豬羅包 (兩食) $40我選擇的鴛鴦豬扒包，特別在於用上煎豬扒及炸豬扒，實行一味兩食！ 一次過可嚐盡兩種口感，配上青瓜、蕃茄、生菜...，食得津津有味！磚頭焗豬扒飯 $85如此巨型的份量，恐怕連我自己一人也吃不消！  跟大家一起分享是最好的！以未切成方包及未去皮的方包磚，盛載豬扒及焗飯！ 外型的確吸引！而且有特色！頂層豬扒有好幾件；切開後，其實！飯量也不少！  茄汁也酸香惹味！我們也有點飲品，較為特色的特飲是紅豆冰粒粒奶茶 $38紅豆冰加港式奶茶配搭夠創新！香滑帶甘的奶茶可中和紅豆的甜美，甜度恰到好處！:) 值得一試！整體食物由第一次至今，質素都係過得去！只是價位稍高！:(…查看更多

你呢度食，主要係俾佢嘅懷舊港式裝修吸引着，而且在人流極多嘅希慎，呢間為處於較高層位置，所以係易搵位一點嘅。佢嘅價錢亦都公道。叫咗個XO醬炒通菜牛肉片嘅小菜，配埋白飯一碗，另外加咗$12叫咗個鹹檸七。鹹檸七係成罐七喜相俾你，我幾欣賞呢個安排，因為我鍾意自斟自足。鹹檸都夠鹹嘅，呢杯野唔會有失望。至於通菜牛肉片， 份量都唔少，無論通菜定牛肉都有好多，我個人好喜歡吃通菜，所以呢碟餸啱我學河車。牛肉片都炒得唔錯唔靭，買單連埋+1 ，$100有找。…查看更多

叫左個芝士菠菜吞拿魚飯。個獻傑到好似漿糊｡又醎到拿喉。 所謂嘅波菜。一少粒。一少粒。仲少過蔥花。又貴。又冇套餐。又唔好食。又要收加一。以後唔會再去。服務一般。整體又貴又差…查看更多

銅鑼灣希慎廣場十四樓，有一間玩味很重的餐廳， 以舊香港為裝修主題，這餐廳叫羅麥記Law Mark Kee。餐廳門口用綠色鐵閘做裝飾，還放上幾部復古的公仔箱(大電視)， 相當盞鬼。餐廳內有一個模仿大排檔的水吧。牆上也有一幅畫上舊香港的壁畫。 餐廳菜式很特别。下午茶餐不是普通茶餐廳的款式，有些比較少見如牛脷包，美祿牛奶包等。。我和朋友點了兩個下午茶餐。重量級三文治($43)這個三文治可以說是公司三文治和班尼迪蛋的crossover。 三文治的底部是方包切成圓形， 上面舖上青瓜，煙肉，最後是半熟蛋。 賣相似 班尼迪蛋， 味道卻是公司三文治。 三文治淋上了燒汁， 起初以為很古怪， 但味道不錯。炸雞髀配薯條($38)這個非常好食。 炸雞髀脆粉不算厚，炸得很脆，雞肉很嫩滑，而且有肉汁。調味也是剛好，很香，不太鹹。粗薯條熱和脆，炸雞髀配炸薯條簡直是perfect match。飲品也不錯，奶茶是一貫茶香奶滑。離開餐廳，發現門口有一張很設計很特别的咭片，背面是餐廳分店地址，有心思。餐廳裝修有趣，食物款式特別，食物質素也不錯，推介！…查看更多

放工經過希慎廣場望下有咩食，見到有羅麥記，又唔使排隊，就入去試下。🍴芝味牛肉蔥油餅卷 hkd48烤過既蔥油餅包上芝士及牛肉，超級芝味，味道意想不到的配合，推薦🤤🍴磚頭焗豬扒飯 hkd85賣相夠獨特吸引，份量超足料大份，兩個人叫埋其他野食完全食唔哂。蕃茄味好濃郁，可惜只得面上豬扒有蕃茄醬，底下炒飯冇醬。雖然用麵包裝上焗豬飯夠特別，但試一次就夠，下次叫普通焗豬扒飯就好。🍴避風塘牛肉炒河 hkd68炒河味道帶辣惹味，但食落都幾油膩。雖然係茶餐廳既食物，但帶點特色，環境裝修懷舊，都幾特別，可以一試。…查看更多

係銅鑼灣嘅夜晚時間比較夜係希慎廣場入面去到食肆嘅一層見呢間羅麥記之前見到都想試下有幾間分店咁唔駛等位即刻入去港式茶餐廳嘅設計茶式都算種類多嘅有鐵板 有炒飯 有焗飯嘢飲方面 都有咖啡奶茶檸茶檸水咁佢仲有紅豆冰個啲 連黑牛都有焗豬扒飯由於我幾鐘意食焗飯所以我同女朋友叫咗兩個焗飯食呢個焗豬扒飯都算唔錯嘅甜酸適中 熱辣辣份量都唔算少忌廉汁芝士窩蛋雞皇飯芝士都幾多所以食落有啲滯滯地隻蛋同呢個飯都幾夾下呀我覺得都算幾好味嘅呢個飯芝士多 忌廉味反而唔濃但焗得幾好有杯我都唔記得係咩嘅嘢飲總括價錢算ok啦始終係希慎上面 坐位幾多下…查看更多

此店一向不是本人杯茶，一見餐牌，相片中，雞翼，捞麵……顏色，餐廳的裝潢顏色配襯，给我暗黑的印象，就好像林風眠的畫都是帶深色，沉鬱，就算了解佢的畫風後，也不喜愛，就是感覺。那晚只因我等不到名館，其他仍排長龍，沒有選擇，不妨試試！焗豬扒飯，優點在豬扒不燶，易嚼，味道適中，沒有芝士，飯不硬，無蛋炒，為何無蕃茄？有，一粒車厘茄。在豬扒上面加一層茄膏，隨意焗一焗就算，無誠意之作！啱那些怕熱氣的顧客，像我，但都覺一點失望。素炒面，大碟，足份量，麵脆而不焦，雜菌，糖豆粉芡，色淡，即有無豉油呢？，味道不濃不太咸，可接受，如放條菜或且2條豆角，或2粒䓤，綠綠地，加些色彩呀！賣相會靚的！海南雞飯有雞肉香味， 肉彈嫩，就算雞胸，都不覺粗鞋，伴酸紅白蘿蔔， 酸度適中，白飯，無雞油飯。了解咗，變相茶餐廳，係雞令我有些好感！…查看更多

星期日，兩個人黎食lunch 。今日有少少雨，以為好多人都會轉去商場食，但又唔算多人，唔使等位！我哋點左2樣食物，2杯飲品。蜂蜜檸檬鮮薑水$2x美碌暴龍$38飲品先上：（左）無咩裝飾，一上枱只有一片檸檬，兩粒薑，以為無咩味。未落蜜糖，試飲一啖，已經有啲薑辣。加埋蜜糖，變得易入口左。味道ok! 但個位好大風，好快凍！（右）美碌暴龍，上枱時真係有滿滿嘅美碌粉。飲落去，都有美碌味，算係thick 嘅，但就唔夠凍。羅麥辣雞翼撈丁$55🌶雞翼有4隻，都算幾大隻。揀左辣味，未食都見到雞皮上有辣椒粒。雞翼食落少辣，咬開後，雞肉都有味（似有調味），尚算juicy ！撈丁幾乾食。建議：如味個麵底都少少辣汁會更加錦上添花😂焗住食（焗豬扒飯）$63一向都鍾意食焗豬扒飯，大x樂/ 美x 嗰類食完係覺得食左炸漿同肥膏，豬嘅部分會因為太薄而唔似豬，但哩度嘅豬扒雖然得4塊同有骨，但咬落有彈性，無炸漿。飯底有炒過，汁嘅份量剛好（有時太多汁，得個咸字，佢ok）汁係食得岀有少少茄味🍅 [無叫麵包焗嗰個係因為：先前試過兩個人食唔曬，唔想再浪費，轉戰就咁焗，份量啱啱好！]…查看更多