維亞軒素食

營業中

休息中

本人是街坊並長期食素，本來很高興附近有一間素食店，當幫襯左兩次之後發現這是我去過的所有素食餐廳最不堪的，不但服務態度很差，第一次買外賣回家發現食物根本不是我order的，裏便食物根本是胡亂放入去的「廚餘」。當時我想可能是侍應擺烏龍，過了一陣子決定再去買外賣, 怎知道第二次買回來的泰式冬蔭炒飯裏面的材料根本未有煮熟, 回家只是3分鐘路程，炒飯是冷的，例湯像是隔夜的例湯，吃了兩口根本吃不下去, 而且隔了一會已經拉肚子！總括來說這家餐廳一無是處，食物唔衛生，服務態度又差，我就不會再幫襯, 而且這種經營方式根本做不長, 由其這區附近素食餐廳選擇甚多，不需要貼錢買難受。

朋友介紹這餐廳，因為佐敦已經很多素食食肆，所以不會抱太大期望，不過吃完覺得好好食，忍唔住一星期又再去食過。門口有齋鹵味及點心外賣，仲有迷你bb芋頭魚賣。堂食送中湯，糖水及糕點，试過口水雞，泰式海鲜炒河，芥菜黑胡椒湯水餃，微辣程度連唔吃辣的我也可接受，全部好好食，值得一试。環境算清靜及坐得舒適，同朋友吹水食飯好適合。

維亞軒除咗提供中菜、傳統齋菜之外，仲有提供pizza、意粉、牛角包等西式素食。一般齋舖只會係晚市送湯水，呢到午市都有送湯水同蛋糕。千島薄餅 ($75) (需時15分鐘)千島醬好好食，同薄餅好夾，餅底外脆內軟，表面嘅芝士有拉絲嘅效果，餡料好夠熱，有素蝦、素腸、蘑菇、紅椒、粟米、菠蘿等。菠蘿油 配什果沙律 ($55)菠蘿包鬆軟、微暖，什果沙律有蘋果粒、青瓜粒、紅蘿蔔粒。肉醬意粉焗熱狗 ($65)初頭見到呢個菜式名時覺得幾得意，又肉醬意粉又熱狗，上菜時先知原來係熱狗上再鋪上肉醬意粉。肉醬意粉雖然份量唔多，但幾足料同惹味，有羅宋湯嘅味道，配料有肉碎、西芹粒、紅蘿蔔粒同蕃茄粒。炸春卷 ($38/ 3件)煎蘿蔔糕 ($38/ 3件)

嘗試了一間新開不久的素食館，在佐敦德興街的維亞軒素食，據聞此位置前身是維亞軒餐廳。餐廳內空間尚算寬敞，中間打橫放了一矮攔把餐廳前後分成兩個主廳。餐牌上有兩頁是西式的選擇，例如：卡邦尼意粉、素肉醬意粉、薄餅、焗法包、沙律等等。另外，還有很多中式的。一頁是點心，一頁炒粉麵飯，還有幾頁中式餸菜。今次午飯時間來醫肚，朋友和我點了涼瓜排骨炒河及三個點心：蝦仔餃、燒賣、腐皮卷。落單後，先送上兩碗免費例湯，是老黃瓜眉豆粟米湯，雖然是免費，但沒有欺場，真材實料，好好味。 排骨炒河先來，味道適中，如可少點油就更好。幾款點心陸續上枱，腐皮卷煎得好好，外皮脆香；燒賣有很多姬松茸，整粒都係菇的香味；蝦仔餃不像蝦餃，並沒有仿蝦嘅餡料，其實似吃粉菓，內有粉葛粒。吃完還有糖水送，是西米露，雖然免費但並不馬虎，不太甜，幾好味。好飽，食唔晒，打包半碟炒河拎走。這次午餐，兩人合共$230。整體都滿意，見其他枱點了蘿蔔糕，亦有湯麵，頗吸引，想下次試吓。還想試紫薯春卷、法包、薄餅 ..........😬