綠林甜品

營業中

休息中

今日係深水埗食完晚飯就黎食糖水..呢間鋪頭有得禁飛仔..幾in..等一陣就好快有位..鋪頭細細都坐滿人..我地叫左個凍香芋西米小丸子..香芋味好濃..有粒粒芋頭係入面..又唔係好甜..好味道👍🏽小丸子好煙韌..好Q..紅豆雪糕涼粉小丸子..個呍呢嗱雪糕好好味..紅豆都好淋..配埋涼粉小丸子..簡直係一流..楊枝甘露小丸子..芒果好甜..楊枝甘露都整得好唔錯..最後有6粒糖不甩..花生夠香..甜不甩都好煙韌..又好大粒..抵食..呢間可以再黎👍🏽有質素🤗

講真，呢一個真係令人畢生難忘嘅食甜品嘅經驗呢度嘅職員(包括員工和太子爺)態度惡劣、沒有禮貌就不在話下啦，因為作為甜品店最緊要都係味道。 點知，我飲左杯鮮搾果汁一啖，嗰D令人生厭嘅味道由我喉嚨傳返上我條脷，我推開咗杯嘢，跟住試一啖楊枝甘露，我不禁由心底裏嘩！了一聲，：「乜嘢黎架，淨係得個甜字一啲楊枝甘露味都冇！」 之後我望住我個仔對住佢碗芝麻糊露出嫌棄嘅表情，跟住我試咗一啖，我個心充滿咗疑惑，究竟呢碗芝麻糊同我頭先個碗楊枝甘露有咩分別，佢哋同樣都係得個甜字，唯一嘅分別只係佢哋嘅顏色。 我俾完錢怒氣沖沖，留返淨係食得嗰少少嘅甜品，就走咗去。 呢間鋪頭果然名副其實係一間糖水舖，佢哋出產嘅食物的味道的確係含糖嘅水份。

深水埗一向是美食小天堂，各式美食應有盡有。是日同爸爸在深水埗食完父親節晚餐意猶未盡，決定去綠林食糖水。深水埗有大大小小幾家甜品店，綠林可以說是中式糖水的老字號，但是日我們決定決戰綠林的新派糖水。是日八點人不太多，我們五個大人一個小朋友都獲分八人長檯，食得闊落。我點了芒果汁涼粉，涼粉是綠林自家製，和平時出面食的口感相若，食落爽口但味道偏苦，要靠芒果汁的甜度補償。一碗三十一蚊大大碗，芒果甜而且多，消暑好選擇。男朋友話飽吾想食大大碗糖水，叫左杯芒果汁椰奶配雪糕，雪糕選了香芋味道。椰汁都幾多，整體味道中規中矩，雪糕質素就一般，不香又不滑而且偏甜，味道一般。同行家人叫了雜果涼粉，水果有木瓜芒果西瓜蜜瓜，份量大但椰奶吾夠。另外點左紅豆白玉涼粉配巧克力雪糕，雪糕依然一般，紅豆甜而且冰涼，白玉普普通通。比起中式甜品，綠林的西式甜品明顯失色一點，但大大份尚算抵食。

綠林甜品唔講唔覺原來喺深水埗立足咗超過30年, 單睇裝修同甜品款式真係唔知咁有歷史!! 睇睇餐牌除咗有經典中式甜品, 仲有啱哂年青人口味嘅OREO系列甜品, 呢間老字號真係潮~OREO炖鮮奶 ($28), 有凍有熱可以揀, 我今次就試咗熱嘅!! 一大堆Oreo舖喺面, Oreo唔係太碎, 食落有Crunch口感~ 即使炖鮮奶溫度暖熱, 但Oreo都唔會變得冧身~而甜甜嘅Oreo與淡淡嘅炖鮮奶配合埋一齊好match, 鍾意食OREO嘅朋友仔一定會想嚟試呢道甜品!!綠林甜品喺傳統中式甜品方面都係一個大驚喜😋 皆因試咗個芝麻糊,  芝麻口感超滑溜又濃稠, 唔係得個甜字, 呢間芝麻糊絕對係我心目中嘅No. 1👍🏻

好多年冇嚟過，但依然對豆腐布甸念念不忘。所以今日終於嚟咗！結果好令人失望！已經不是以前又滑又香豆腐味嘅布甸。睇圖已經清楚見到質感唔滑！其次，叫咗兩杯蜜瓜汁，令我畢生難忘！咁大個人未飲過咁水汪汪嘅果汁，成杯都係糖水，但竟然menu上面寫住「鮮榨果汁」。我忍唔住同個姐姐講鮮榨果汁點解成杯都係糖水，姐姐話你可以叫少糖，我呆咗。第一次聽鮮榨果汁可以叫少甜，然後佢幫我哋換過兩杯，換完一飲依然淡如水-----無味！打開蓋一睇，裡面有渣浮面就明白了。用攪拌機攪嘅果汁可以咁多水，即係一啖蜜瓜份量加一大杯水攪拌，盛惠$20！再見了，綠林！Black list！Black list！Black list！重要事情講三次！！！

公司有人請吃糖水，常吃寧波街的寧波湯丸，真係超正，我一個人也可以吃兩碗，公司請吃糖水，外賣紙有寧波湯圓，一於試下有冇好食過佢？於是叫咗寜湯圓, 送到黎，放我枱面我以為係小籠包，咁大個女第一食牛眼咁大粒的寧波湯圓，皮又厚又已經發脹哂⋯加上不是用䕬糖水煮⋯⋯⋯吃了一粒之後，其他分哂比同事⋯⋯

係深水埗買完兩大碗車仔麵，之後順便買埋糖水返屋企食，於是去左呢間家傳戶曉嘅糖水店，買左兩碗糖水，揸車返屋企慢慢享用。買左一碗「西瓜大明珠」同一碗「哈蜜瓜大明珠」。返到屋企食完正餐，之後就到飯後甜品喇！先打開碗西瓜大明珠，見到佢每粒西瓜都大大粒，四四方方，而且佢唔係用花奶，而係用忌廉奶，忌廉奶比椰汁/花奶更香更滑！（而家好似無乜糖水舖會用忌廉奶）另外佢啲大明珠唔會整到好"林"，個口感好煙韌，而西瓜都好甜，無乜核。至於啲哈蜜瓜相對地失色左少少，雖然佢哈蜜瓜既份量都算多，但唔夠甜，同埋有啲硬，而唔係爽脆嘅口感。

星期日下午竟然滿座，我有超過5年冇食過，一於試下個薑汁寧波湯圓（$20），同埋栗子露（$30）。一上檯見到個賣相已經有點O嘴，首先我叫的湯圓睇唔出有薑汁，好似清水湯底咁，湯圓又發到好大粒，咬左一口，嘩，好厚粉呀，至於個餡就偏甜，咬到有加左砂糖。老公的栗子露，佢話除左見到有一粒粒碎栗子之外，就好似加左獻同糖水的產品，勉強至食到半碗。估唔到事隔多年再來綠林，感覺好一般，如果要食湯圓，我寧願去佐敦佳佳食好過。

深水埗晚飯後指定動作是甚麼？不用猜也知道是湯水時間了, 黃金那邊大大小小的糖水店我都吃過, 但一想起糖水綠林便是首選. 栗子露 踏進綠林, 一種傳統卻跟得上時代的感覺呈現在眼前, 開放式廚房, 落單電腦化, 地方非常整潔. 雖然餐牌已羅列了眼花撩亂的甜點, 但我的視線早已給貼在牆上那張綠色A4紙吸引了- 是"期間限定"的栗子露. 所謂不時不食, 寒風凜凜的冬天正好來碗栗子露. 大大碗, 啖啖都是煮成軟身的栗子, 比較大的栗子粒很好咀嚼, 亦有很多更蓉的在碗中, 味道確是天然無添加, 香噴噴暖笠笠的.擂沙湯丸 幾個人開心Share的甜點非擂沙湯丸莫屬. 煙韌的糯米團包住黑芝麻, 點了花生碎, 黏黏糯糯之餘更有脆脆的口感. 真材實料我最喜歡, 也是這裡座無虛席的秘密呢.

Wrapping up the food tour in Shum Shui Po with a sweet note but we were too full so could only share a double boil milk pudding with red beans. The place offers a full range of traditional and more innovative choices. The double boiled milk pudding was disappointingly a bit on the hard side. I had expected something more silky, and the red beans would have been a better complement if they come with more juice. The combination is now a bit too dry on the whole.

深水埗多甜品店，普遍質素差不多。今日午餐後便隨便進入一間試試。地方不太多，座位也較擠迫，不是坐得太舒服。點了一份朱古力心太軟，等了大概20分鐘便有。朱古力味十分濃郁，襯熱切開朱古力便慢慢流出，加埋cream食十分好！

其實早前已食過1次 個次剛巧行完山 見有d餓就試左個紅豆豆腐布甸配綠茶雪糕 覺得非常好味 就唸住推薦朋友黎呢間試下 所以今次都唔例外 再encore紅豆豆腐布甸配綠茶雪糕 不知是否今日食到好飽先去食 覺得第1次去食好食d 但其實都係好味既😌 可以但得一試 特別個豆腐布甸 友人叫左楊枝甘露配豆腐布甸加小丸子 表示不知是否楊枝甘露味太濃 好似摭蓋左豆腐布甸既味道 但都覺得好味

一大班人喺深水埗食完個LATE晚飯，仲有乜嘢可以做？？咪就係要醫飽埋女仕門的第二個胃！深水埗食甜品邊間好？？梗係綠林喇，由細幫襯到大，食咗廿幾年，而佢最近終於願意衝出深水埗，喺銅鑼灣開分店。粟子露（加湯丸），一年一度，唔凍、唔時令都冇得食嘅粟子露，今年又可以食到你喇。頗濃的粟子露，熱辣辣的上枱，內里有細中粒的粟子肉，為你增加了一點的咬口。仲有加埋兩粒芝麻湯丸，皮夠薄，芝麻夠多，真係兩粒都唔夠喉，可惜個肚已經FULL。

今日同友人係深水埗褔榮街食完晚餐，就係附近搵糖水舖，記得附近有間舊式糖水舖--綠林甜品，就去試試。由於我係夜晚8點幾左右時間去食，不用等位，可以直接入去。成間糖水舖大約有50個位，我入去時已有8成滿座，十分受歡迎。 今次我點左熱芝麻糊同蛋白杏仁茶。芝麻糊大約係1分鐘後就送到，芝麻糊佢地話係自家磨製，我食落個糊都夠幼滑，同個糊一啲都唔稀，不錯。 等左大約5分鐘，佢地講嫁即叫即做嫁蛋白杏仁茶送上，蛋白和杏仁味都濃，而且個茶唔太稀，不錯。

終於天氣有點轉凍，食甜品可以點一些熱的。今次又來到綠林，點了栗子糊。濃濃的栗子香味，呈糊狀，不算太甜。另外還有一粒粒栗子碎，十分有咬口，而且栗子碎很香甜，是一個十分溫暖的甜品。只是$30一碗，價錢略貴了一點，而且環境真是太嘈雜了。