素年 (福隆大廈)

營業中

休息中

見係紅日所以之前book咗枱去到就唔駛等即刻可以入座兩個人叫咗一個冬蔭risotto一個四川擔擔意大利粉 加咗個小食炸蝦menu上抹茶燕麥奶寫住可以轉豆奶所以點咗抹茶豆奶朋友嗰個好似係蘋果生薑之類唔係好記得個名係咩抹茶豆奶嚟到見到有拉花 跟餐就+$26都有少少驚喜 算係幾有心思朋友嗰杯佢就話正正常常冇乜咩特別 跟餐叫+$30冬蔭risotto好入味 好好食冇諗過冬蔭同risotto咁夾 辣辣地幾開胃炸蝦就 本身都知道呢間係食素嘅覺得texture上就唔係太似 但味道就唔錯嘅四川擔擔意粉真係份量過多啲素肉食落好似真咁 但真係好飽哈哈所以最後都食剩嘢整體cp值高 味道都唔錯而且出菜都快 佢啲idea都好特別好似fusion菜咁值得一試！

近年興起好多素食餐廳 睇黎大家都愈來愈注重健康 以前覺得食素會好悶好難食 但食完呢間素年就完全改觀左😆日式咖喱豬扒飯 💰118外貌同真既吉列豬扒一樣 真係扮得好似😝 外層炸得好酥脆 中間層肉係用左新豬肉 食落唔會有油膩感 食多幾舊都唔會滯😆 個咖喱同平時既日式咖喱味道一樣 還原度極高👍🏻不可能肉醬意大利粉💰98呢個肉醬意粉好大碟 一嚟到就聞到好香嘅蕃茄味🍅 因為係肉碎嘅關係 用新豬肉取代真肉真係食唔出分別 味道同口感同平時cafe既差唔多🍝 唔同嘅係食完冇負擔感😋番薯條💰68番薯條就算唔係去素食餐廳平時都好鍾意食 炸得好脆好香口再加埋黑松露醬真係絕配🍟豆腐芝士蛋糕💰58最後當然要叫甜品做結尾 豆腐味好香好濃 仲有少少芝士香 甜而不膩🤤 間唔中想食素既話 呢間都係唔錯既選擇☺️

終於終於來到Years 素年用餐。開業多年也沒有光顧過。因為地點並不是我經常去的地方。即使有到過深水埗，看到餐廳外等候的人群便離開了。10月25日星期二，我放假一天。我和媽媽到了深水埗。差不多是午飯時間，我便提議到這裡吃午餐。平日已經不算有很多客人。我們在餐廳外等了約5分鐘便有座位。假日應該是排了長人龍。餐廳的座位不多，也是經常滿座的其中一個原因。這裡面積不大，面向街道的落地大玻璃窗讓人沒有置身在狹小環境的侷促感覺。餐桌之間的空間不夠多。桌面也不大，食物會擠滿桌子。用餐環境是有點擁擠。另外，媽媽說音樂聲音太大。這也影響了進食的心情。餐廳的餐單，食物很吸引。差不多每一樣食物我都想吃。日式燒汁豆腐竹炭漢堡包，$108。番薯條好好吃。就是焗番薯的味道和口感。切成一條條放進口裡吃是十分好的食用體驗。因為平時吃番薯要邊吃邊去皮，弄得手指滿是皮屑和番薯肉。餐單上的介紹：材料有紫蘇葉、生菜、自家製醃蘿蔔、自家製燒汁和自家製純素蛋黃醬。不看餐單還以為那是菠蘿。原來是醃蘿蔔。豆腐炸得外脆內嫩滑。比使用植物肉排，豆腐吃起來是較輕盈。我沒有留意有否紫蘇葉。純素蛋黃醬味道不錯，有軟滑的口感。像搗爛了的嫩豆腐。

一直都好鍾意食素但多數都係食中式素好難得搵到一間食fusion 素食餐廳有得電話book位 👍🏻平日夜晚去食人唔算好多冇限時90分鐘我同朋友叫左四川擔擔麵及不可能漢堡不可能漢堡既番薯條真係世界級😍跟住個漢堡像真度都好高分擔擔面正常發揮有飲品送，揀左熱飲玄米茶感覺更健康最後嗌埋甜品朱古力伯爵茶撻朋友生日舖頭有特登幫手插蠟燭及寫Happy birthday 依樣野超加分甜品唔錯 佢定期會轉甜品Menu下次可以試新野

米飯稍微軟，紅菜頭不會太出味道輕微，橙酸酸甜甜畫龍點睛，菇沒有味道。走五辛所以沒有蒜蓉等重口味。玄米茶濃度熱度剛剛好。送了小禮物，窩心。欣賞紙袋用訂書機緊緊釘好，乾淨衛生。推薦！

其實我食過幾次汝洲街素年，今次第一次黎福隆街呢間，一入到去格局/環境同汝洲街有啲唔同。諗住同朋友仔傾下計，可惜音樂有啲大聲，唔係好傾到；而且因為政策問題，每張格連圍板嘅隔離好窄，我爭少少會撞到人地枱嘅菜。不過都唔緊要，食野係開心野黎，我點左一個日本精選定食，入面有紫薯、茄子、烏冬、豆腐、支豆等等，味道不過不失，不過我有些失望係我有一碟菜的碟有崩角，感覺有些不整齊啦🤎🤎 希望可以留意下。另外，朋友點左泰式香辣意大利粉，試左少少，感覺辣味同意大利粉都幾夾，最鍾意就係食豆腐乾同啲菇菇 好好味。如果有下次，我會揀環境優靜同諾大嘅汝洲街素年，謝謝🙏🙏🙏🙏🙏🙏

返傳統素食 一如既往都好有驚喜同好好食仲要仲係好大份 個四川擔擔意大利粉終於都岀返黎，味道香濃，好有花生🥜既香又唔膩，就算好飽都想食埋去泰式冬陰意大利飯 ，味道香濃 ，中間野菌好有咬口，以上兩樣野個名以為好辣 但係我覺得係好少少少少🤏辣 ，幾乎係無咁濟，只係得個香氣which is very good ,對於我麻麻地辣嘅人黎講蕃薯🍠條 粗切口感好好，黑松露蛋黃醬個黑松露味，未夠岀 不過都可以接受 總括嚟講係好好食嘅素食，起碼唔會油膩先丫😏

呢排餐餐大魚大肉，今次就嚟到深水埗呢間素食Cafe，試下新嘢順便清清腸胃，我同朋友嗌咗兩個意大利飯一齊share日式咖哩吉列豬扒意大利飯塊豬扒食落都真係幾似豬扒，不過炸得有啲乾，個咖哩係平時成時食咖哩飯嘅味道，個飯好大碟，入面有好多唔同嘅蔬菜，好似車厘茄，露筍，好多菇等等，食落口感都幾豐富泰式青咖哩意大利飯呢個飯冇任何假肉，飯入面全部都係蔬菜，車厘茄，茄子，菇等等，食落好健康，不過可能平時我都鍾意食肉多啲，呢個飯我覺得有啲齋，我就會鍾意吉列豬扒飯多啲喇#foodie #深水埗美食 #素食 #hkig #hkfoodieblogger #hongkonger #foodblogger

Often times I look for a vegetarian place for a lighter meal. Just happens chat with this (long time no see) friend who became a vegetarian four years ago. It seems that many of my friends have become vegetarians.很多時都會尋找素食的地方。剛好，有朋友四年前開始成為素食者。好像，身邊很多朋友都開始變成素食者了。I seldom eat on Kowloon side, but this time with a friend, I decided to go for it. This vegan restaurant does come with as a surprise. The restaurant looked small from outside, and the seats are a bit crowded. I had a little hesitati

今次來到深水埗，到人氣素食餐廳食個brunch 🤤我們點了：🍽️ Impossible burger 🍔 素年經曲不可能漢堡 $138不可能漢堡扒的外型和調味做得相當好，我和朋友有一刻真的以為自己在牛肉(≧∇≦)配上青瓜、甜椒🫑、羽衣甘藍🥬、水瓜榴千島醬，整體感覺酸酸甜甜，很爽口！ 番薯條🍟真是不得了！ 炸得金黃香脆，番薯微甜，勁正🤤我個人喜歡返薯條多於薯條，感覺沒那麼油膩！ 🍽️ 生酮純素沙沙律碗🥗材料非常豐富：炸豆腐、合桃、牛油果、沙律菜、芝麻…所有食物的味道的剛剛好，感覺很天然，新鮮無添加！🥤兩杯飲品都選了凍伯爵茶，是最健康的無糖之選（跟餐）(⁎⁍̴̛ᴗ⁍̴̛⁎)🍽️整體而言，素食一向給人的沉悶、寡的印象，但是素年的餐點相對種類多，而且色彩繽紛，食物味道層次豐富!最重要的是，一餐能夠吃到不同的蔬菜和膳食纖維，對繁忙的都市人來說，吃一頓較輕盈的午餐，能讓身體放鬆，減低負擔。

痾到九彩第二日嚟食個飯補返啲氣🥲今次試吓個芫茜經典意大利飯一打開個盒就好強勁嘅芫茜味芫茜控應該會好鍾意但可能因為芫茜味佔據哂味覺同嗅覺入面嘅茄子粒食唔到佢獨有嘅草青味同埋蘆筍都冇乜味🤔啲飯都係咁好食 粒粒分明硬硬哋唔會淋哂好似食糊仔咁調味仍然好啱口味唔太淡又唔太濃但可能個腸胃未完全好返今次差啲食唔哂細食嘅女仔應該更加易食剩不過唞咗陣都係食埋粒附送嘅花生糯米糍😍軟綿綿到咁真係抵擋唔到呢個份量+價錢好抵食如果配料啲味出啲就好食落會再有層次啲

點左個二人餐，食材及烹調功夫有驚喜，估唔到素菜都可以整到咁嘅味。個甜品Brownie 最好食，切咗幾片細橙一齊焗，啲橙味同朱古力香味同食味都混為一體，再加一大羹厚忌廉俾你點，口感冇咁乾，簡直係神來之筆 👍🏼 個兩杯果汁飲品都好好味，我覺得淨係為呢三樣嘢，再入嚟食都值。個D Impossible mince meat，我覺得係噱頭嘢，大家唔好咁高期望。碟頭好大嘅，兩個人食唔晒。嗰個免治牛肉意粉，要成碟打包攞走。打包前趁熱，食咗兩啖，其實個汁煮得好好味，肉醬意粉高水平之作。個乳酪椰菜花，有新意。但係暖食Yogurt，真係唔係好慣～ 😄

難得平日放假約左個好耐冇見既朋友食lunch，勁有默契地揀左呢間大家都想試好耐既素年，下午兩點幾去到等兩三張枱就到我地，知道佢地主食既份量比較多，我地兩個人叫左一個Burger同兩杯飲品share夏日版不可能芝士漢堡包 ($138)新豬肉呢款食物聽就聽得多，都係第一次食呢個Impossible Burger，麵包好香夠鬆軟，漢堡扒用既係植物肉，口感同出面既漢堡扒冇太大分別仲要健康咁多，純素車打芝士燒至半溶既口感，加埋自家製純素青芒柚子蛋黃醬、羽衣甘藍同青芒漬，口感非常豐富，伴碟既係番薯條，新鮮炸起熱辣辣，健康之餘又夠飽肚燕麥奶咖啡 ($34; 套餐+$24)飲品方面我就揀左佢地既燕麥奶咖啡，口感清新唔太甜奇異果🥝羽衣甘藍富士蘋果燕麥奶 ($48)朋友就叫左呢杯奇異果🥝羽衣甘藍富士蘋果燕麥奶特飲，望落去好清新，酸酸甜甜夠哂開胃，解膩消暑一流

位於深水埗嘅新派素食cafe素年，都一段時間之前食㗎啦，最近先有時間寫返評論☺️呢間分店店舖唔算好大，不過坐得都幾舒服，而且呢度嘅店員服務真係100分，好有禮貌👍🏻今次試咗不可能漢堡包，係用Impossible Foods嘅素肉製成，口感好似食緊真肉咁，而且仲做到juicy富有肉汁嘅效果🤩配嘅番薯條亦都好好味，好出色。另外仲叫咗一個忌廉菠菜闊條麵，闊條麵嘅口感好煙韌，有咬口，我最鍾意。❤️配菜仲有三色椒，雞髀菇，整體感覺好健康，而且份量都幾多啱晒同朋友share一齊食。

過去一年都蛋糕餅乾代替飯今次就叫個泰式青咖哩意大利飯補償吓啲青咖喱好香 唔會太辣太辣時食啲配菜可以平衡返菇嘅香味冇俾辣味影響所以特別夾黃豆乾有少少微妙 口感實實淨淨 但係唔太食得出係豆製品而飯嘅黏度同濕度都係理想中嘅意大利飯唔會太濕又唔會太漏粒粒分明得嚟又好咬口食完再飲埋個玄米茶就飽哂今次都有花生糯米糍😍軟綿綿好治癒