影片
以上資料只供參考, 請與餐廳確認詳情
食家推介
相關文章
港島東確是比較少來，所以，覓食足跡亦很少，難得因工作關係過到來鰂魚涌這區，又遇上招牌十分搶眼的「純發食堂」這外賣店，自不然就買點外賣回家，並留下港島東的覓食足印。從外面就可知店家主力外賣，但店內亦有少量座位，堂食快閃一餐也可以。溫馨提示，因為食物都時即點即做的，所以，稍稍需要等待。便當有多款選擇，包括滷肉系列、打拋肉碎系列、咖哩系列、稻庭烏冬……等等；此外，還有一些小食、飲品供選擇，而+$15 / +$20可轉為套餐，多一份小食及飲品。最後，買了兩份便當，其中一份加$15轉了套餐，一大袋滿滿的食物！睇睇個「月見牛腱滷肉便當」（$68），拿上手已感受到很夠份量，打開看看有半顆滷蛋、牛腱、滷肉、青菜，排得整齊，更可說是營養均衡。牛腱口感軟腍，牛腱下有超多滷肉，將濃香的滷肉跟飯拌勻，非常美味，黏糯的白飯亦很有飯香，吃得出用料不賴。另一款「咖喱極上牛小排便當」（$68）亦都高水準，先說說咖喱，是比較港式的一種，微度辛辣，很對胃口，拌飯當然一流。而牛小排煎得柔嫩可口，又有少少油脂香，並且每片都裁得大大片，吃得夠爽，同樣地，飯量十足，讓我們吃得飽足。升級套餐中，小食選了「秘製醉雞翼」，雞皮帶點爽口，吃下去有淡淡酒香滲出，很不錯。而飲品揀自家製飲品「熱檸檬熟薏米水」，是非常健康的飲料。小店自有生存之道，首要就是食物做得好，這點不用有懸念，此外，店員好有禮貌，做菜亦很有誠意，值得再訪。
繼續閱讀
今日想去鰂魚涌公園野餐，地鐵站一路行過去就發現呢一間台式小食便當，嘩原來款式好多，性價比仲要好高添😋嗌咗幾樣嘢好大份差啲食唔晒😝先嚟一個月見牛腱滷肉便當啲牛腱又腍又夠味，仲要有好多塊👍🏼滷肉飯有好多汁味道啱啱好，肉碎都多過人😊仲有幾條菜，啱晒啲健康人士，連隻雞蛋都好好味😋再叫咗個醉雞翼，酒味好濃，但係唔會搶咗雞嘅味道，同埋啲雞翼真係好大隻😂好抵食不得不提嘅，就係佢自家製飲品，佢個冰糖燉雪梨好好飲，啲小朋友一早就飲晒🥰🥰呢啲天氣飲一流原來佢仲有得賣咖喱，烏冬，泰式肉碎，鮮茄嘅飯，仲有炸雞髀，樣樣都好吸引，下次一定要再嚟買試晒佢哋😈😈😈店員仲要好好服務，不斷介紹有啲乜嘢好食同推介👏🏼👏🏼👏🏼
繼續閱讀
今日食呢一間係位於鰂魚涌嘅食堂，主打外賣，行過已經俾佢嘅彩虹玻璃窗吸引咗。再睇吓佢嘅餐牌有各式各樣嘅外賣便當。有台式月見滷肉系列，有泰式打抛肉碎，有鮮茄，有咖喱，稻庭烏冬等等有港式小食，店舖細細選擇多多。🌟金不換打拋辣肉碎飯🌟一打開嗰個已經聞到香噴噴10分惹味。打包辣肉碎香辣醒胃，呢個價錢，有驚喜！🌟月見牛腱滷肉便當🌟呢個便當比我想像中大份，每一片牛腱滷肉都好入味又淋。選用牛腱部位的滷肉多一過份膠原同彈性。小食揀咗醉雞翼，秘汁燒賣，好滿足！值得一讚嘅係佢嘅便當今日蔬菜份量好多，自家製飲品跟主食，只需要加價$8，黑糖薑蜜同薏米檸檬水好足料大杯又足料好有誠意！
繼續閱讀
最近鰂魚涌開左依間賣各式各樣便當港、台、泰應有盡有暫時最推介雞扒辣肉碎便當打拋豬炒得好香夠辣辣得黎好惹味雞扒略嫌濃味 可以微調白飯粒粒分明 軟硬適中配菜都夠哂誠意自家製飲品：冰糖燉雪梨清熱潤喉
繼續閱讀
這間純發食堂內邊只得2 個座位，所以他們主打做外賣的。餐廳提供不同系列的便當，有鮮茄，咖哩，月見滷肉，打拋肉碎系列等，款式有二十多款，價錢實惠。月見滷肉系列的月見雞翼滷肉便當，賣相不錯。有半隻滷水蛋，雞翼醃得夠入味，鍾意他們的滷肉，滷水味十分香，滷肉比較瘦配上大粒香菇粒，送飯一流。打拋肉碎系列的豬頸肉辣肉碎便當，味道則頗為香辣，豬頸肉爽脆，隻煎蛋是燶邊的，有驚喜。主食加$20 可配小食及特飲。炸花枝丸炸得金黃，不會太油膩。西柚梳打好清爽，可減油膩感。
繼續閱讀