外賣自取精選優惠 $38特選鐵板餐珍寶雞扒

又到外賣自取優惠時間啦，繼續一齊睇吓今期有咩$38、$48優惠～

呢間日式鐵板燒店主打高溫岩盤即燒鐵板料理，唔使飛日本都食到道地滋味，喺區內都有唔少捧場客。必試有特選鐵板餐珍寶雞扒，大大塊雞扒即叫即煎，外層煎到香脆，入面肉質仲保持嫩滑多汁，配菜豐富又有飯，分量十足，係午市或者晚餐嘅飽肚之選。鍾意牛肉嘅可以試吓黑椒鐵板美國肥牛飯，鋪滿咗香氣十足嘅肥牛片，加上濃香黑椒汁炒香洋蔥，撈飯一流，牛肉油香四溢但唔膩口，簡單但好有滿足感。

燉湯皇后（粉嶺、鰂魚涌）指定食品低至76折

除咗靚湯，佢哋出品嘅飯類都相當有驚喜。其中和味手撕雞飯係人氣之選，雞肉嫩滑唔嚡口，拌飯一流，加埋惹味醬汁食落更滋味。另一款烏梅豬軟骨飯就好啱鍾意酸酸甜甜味道嘅朋友，豬軟骨炆得夠腍，滲入烏梅香，開胃又入味。燉湯方面更加係佢哋嘅強項，可以試吓揀隨機盲盒燉湯，每次打開都有驚喜，帶少少趣味感覺之餘，仲可以試到唔同款式，幾過癮。除咗主打燉湯同飯餐，餐廳仲有提供台式肉燥系列同唔同小食，選擇好多～

千樂燒味餐室（北角）指定食品低至76折

主打傳統燒味飯嘅港式茶記，燒味每日新鮮即燒，香氣四溢，令人垂涎。推介叉燒煎雙蛋飯，叉燒切得厚薄適中，肥瘦相間，醃得入味但唔過鹹，焦香位更加係精華。配埋兩隻煎得香口嘅太陽蛋，蛋汁撈飯一流，滿足感爆棚。豉油雞飯雞皮滑嫩，淋埋豉油汁落飯，真係一啖接一啖。佢哋仲有提供全日炒粉麵飯系列，選擇多又夠鑊氣，如干炒牛河及XO醬豬頸肉炒一丁，想食清啲仲有冬瓜鮮龍躉片湯飯揀！

印度野（將軍澳、北角）指定食品低至8折

主打正宗印度風味，食材用得實在，香料配搭又夠地道，好少有可以食到咁原汁原味嘅印度菜館。素食之選方面，必試菠菜薯仔粒咖喱同黑豆薯仔粒咖喱，兩款都好啱配白飯或者香噴噴嘅印度烤餅。建議試吓蒜蓉烤餅，烤得微焦帶蒜香，拎嚟點咖喱一流；或者想食得濃郁啲，可以揀奶油烤餅，入口有種滑滑奶香。除咗素菜佢哋亦有唔少肉類咖喱選擇，例如菠菜燴羊肉咖喱同黑扁豆烤雞咖喱都好受歡迎，仲有奶油咖喱、香料咖喱系列同埋印度香料飯系列，配料選擇多，想換換口味都好方便。

日食（上環、鰂魚涌）指定食品72折

喺鰂魚涌同上環搵平靚正便當，唔可以唔提呢間便當專門店，主打嘅三品便當，不但可以自由揀配菜，仲會送埋一份是日湯品，夠晒實在。配菜選擇方面都幾多元化，由黑椒蜜糖薯仔炒牛柳、沙嗲烤豬扒到爆蔥香烤五花肉、香辣烤雞翼、蒜香蜜糖牛油雞扒，全部聽個名已經夠晒吸引。如果想清啲嘅，仲有泰式檸檬魚柳、粟米新豬肉伴玉子豆腐同乾鍋什菜等選擇。今期嘅湯品係無花果紅蘿蔔粟米薏仁湯，夠晒清潤，飲完有種暖胃感覺。

純發食堂（鰂魚涌） 指定食品66折

主打台式便當同小食，主要做外賣，款式好多而且性價比仲要好高～推介古早味雞絲飯，鋪上大量手撕雞絲，鹹香味濃，飯香撲鼻，簡單一碗就已經好有飽足感；貢丸番茄米粉亦係人氣之選，湯底用蕃茄熬煮，酸酸甜甜好開胃，米粉軟中帶彈，台式貢丸爽口多汁，啖啖滋味。呢間店仲有滷肉系列、打拋肉碎系列、咖喱系列同稻庭烏冬，亦有其他港式及台式小食添！

越南料理（葵涌） 指定食品低至79折

主打地道越式粉麵同小食，價錢親民，喺區內都算係性價比高嘅越南小店，特別適合平日午餐或者晚飯簡單醫肚。越式法包每日新鮮烘焗，外脆內軟，包入多款配料，仲有招牌醬汁提味，食落層次豐富又唔會太膩。牛肉牛丸河粉湯底清甜見功夫，牛肉片薄切但唔嚡口，牛丸彈牙夠肉香，河粉則煙韌唔易斷，配埋羅勒、芽菜一齊食就更加有越南風味。另外餐廳仲有惹味清涼嘅撈檬同越式飯類，小食就有供應香脆juicy嘅牛油雞翼同埋鮮菠蘿豬頸肉米紙卷，款款都好吸引。

別忘了（太和、荃灣） 指定食品57折

台灣家常風味嘅餐廳，喺荃灣同太和都有分店，主打各款台式便當、熱湯米線同台式茶飲，用料實在，味道亦保留台灣地道風味。塔香鹽酥雞飯嘅鹽酥雞外脆內嫩，加上九層塔一齊爆香，惹味十足。香腸蝦捲飯就一次過食到兩款台灣街頭名物，香腸鹹香十足；蝦捲外皮炸得香脆、內餡彈牙，配菜豐富，夠晒滋味。餐廳仲有其他人氣選擇，包括酒香撲鼻嘅花雕醉雞飯、麻香帶辣嘅鹽酥雞麻辣鴨血米線，以及古早味十足嘅排骨飯，值得逐一試勻。

13 Thirteen（灣仔） 指定食品低至7折

灣仔一間人氣港式餐廳，以滑蛋飯同炒蛋多士聞名，吸引唔少附近打工仔幫襯。滑蛋餐肉飯係經典港式組合，煎到微脆嘅餐肉配上香滑炒蛋，蛋汁滲入飯粒，每啖都鹹香滿分，簡單卻令人滿足；滑蛋蝦仁叉燒飯就用咗爽口蝦仁同香甜叉燒，海陸雙拼層次更加豐富。除咗滑蛋飯系列，仲有供應大熱嘅炒蛋多士，當中黑松露炒蛋多士更加係人氣之選，蛋香混合松露香氣，濃郁又唔膩，啱晒午餐唔想食咁飽嘅朋友仔。

一丼麵屋（荃灣） 指定食品73折

主打日式定食同丼飯嘅小店，價錢親民，款式選擇多，深受區內街坊同上班族歡迎。人氣之選包括和風牛肉飯，用上慢煮牛肉片，搭配洋蔥同秘製日式醬汁，鹹甜開胃，肉質軟腍。野菜鹽焗手撕雞飯食落清新健康，手撕雞肉滑嫩，配上大量蔬菜同微鹹鹽焗風味，啱晒想食得清爽又有營養嘅朋友；鍾意刺激口味嘅朋友可以試吓野菜麻辣手撕雞飯，帶有花椒香氣嘅麻辣醬汁配手撕雞，微辣過癮，加埋蔬菜辣得惹味又唔會膩。

OpenRice繼續為你帶嚟超抵優惠！只需$38/$48就可歎到豐富一餐，價錢超抵分量十足，輕鬆滿足你嘅味蕾需求！即日到5月1日，輸入優惠碼「YUMMY」，消費滿$50再減$10！

仲等？按此立即落單

YUMMY：https://www.openrice.com/info/takeaway/tc-YUMMY.html