納舍

營業中

休息中

有別於坊間的咖啡店，茶舍這個名字，似乎更適合 Nutshell 納舍。位於前往泳灘的路上，從飲品到甜品選擇，Nutshell 都將焦點放於茶的各種演繹。將京都丸久小山園青嵐抹茶，加入湯力水中，清新消暑中仍能感受到抹茶的回甘。甜品鐵觀音達克瓦茲餅殼鬆軟，搭配濃郁的鐵觀音忌廉，茶香迷人。Nutshell at Cheung Chau focuses on various interpretations of tea around the world. Take a sip of the bittersweet and refreshing matcha tonic with Kyoto Marukyu Koyamaen Green Tea, with Tieguanyin dacquoise that is crispy and rich in tea aroma.

今天下午，我跟朋友兩人光顧這間café，我們在角落的長方形枱用餐，café人流不多，一切平常的。約兩小時後，一行五人的客人來到café。然後，一名黑衫長啡直髮女職員走過來，要求我和朋友調去另一邊的小桌子坐，把原本的餐桌讓給那五位客人。我和朋友見用餐時間也差不多，所以就不打算調換桌子，準備收拾袋子離開了。 當我們正準備離開時，聽見那黑衫長髮女職員在廚房用極無禮的語氣對另一職員說：「呢張枱唔係打算俾嗰兩個人咁樣坐架囉！」其態度非常惡劣，我們聽到後感到十分無奈！😅😅本來我們用餐那段時間，café 人流一直不多，餐廳仍有空位，所以我們才沒有匆匆離開。而當那五位客人到店時，我們也願意把桌子讓出，沒有打算霸佔桌子。因此，我們對餐廳職員極無禮的態度感到既無奈又失望！衷心希望你們的customer service可以改善，謝謝。

食過正餐，同友人閒逛一會，想再搵間cafe坐低飲杯野，食個cake，繼續談天說地。記得行入沙灘時，見到有間木系cafe感覺唔錯，就隨意咁簡左依間。店鋪細細，入到去位置不多，但每個位都有特色好岩打卡。木系既裝潢，有種夢想中家的感覺，真係好舒服。同友人分別叫左一杯飲品同蛋糕再share。其實本人係奶茶狂熱者，見到佢地有印度香料奶茶、玫瑰奶茶、黑糖桂花奶茶真係好想試！但奈何太口乾，都係叫左杯香烤焦糖檸檬茶，解解渴先。烤過既檸檬真係提升左依杯檸檬茶，多種一份香，焦糖同檸檬茶更加係最佳拍擋。而友人就叫左京都丸久小山圓-青嵐抹茶。偷飲左一啖，不愧用日本茶，抹茶味香濃不已。蛋糕有好幾款選擇，最後我地簡左柚子伯爵茶巧克力蛋糕同埋抹茶芝士蛋糕。柚子蛋糕中間係巧克力，上層既柚子好清新，同巧克力既甜中和左，變得剛剛好，最底層既伯爵茶海錦蛋糕，將層次豐富起來。而抹茶芝士蛋糕，一樣入口有濃濃既抹茶味，芝士夾層軟滑，香而不漏，整體有水準。依間cafe不論係食物同飲品都係好睇又好食，咁出色，下次再黎真係會想試埋奶茶同咸食！

入嚟長洲除左食大魚蛋，仲可以搵間cafe坐低傾下偈飲下嘢。發現咗一間都幾靚嘅茶舍cafe，入面有各種特色茶飲同輕食，環境都佈置得好靚好舒服！坐係窗邊陽光照落黎果下打卡真係一流呀🥰🌖今次試咗三款茶飲：桂花普洱、柚子氣泡紅茶同百香氣泡烏龍茶。桂花普洱飲落去香氣濃郁；柚子氣泡紅茶茶味就冇咁濃，帶有微微嘅柚子香，雖然對我嚟講有啲甜，但飲落都好fresh好解渴。而百香氣泡烏龍茶嘅茶味就好清新，加埋果味飲落去好清爽👍🏻📍 Nutshell納舍長洲新興後街156號地舖🧧人均消費$50@hea4_food

◤ɴᴜᴛsʜᴇʟʟ 納舍◢木系感滿滿嘅店子 ·˙‧̍̊店外設計已經好吸睛 是路過都一定會被吸引的程度❣︎店內環境都十分舒適 木系感覺很統一🜸❥ 玄米綠茶雙色生乳酪蛋糕 $𝟻𝟻茶味舒服自然 分層又靚 而且喜歡佢有餅底 加分✧❥ 提拉米蘇蛋糕 $𝟻𝟻ᴛɪʀᴀᴍɪsᴜ相對地就偏甜一點但味道也不錯❥ 祁門黑糖桂花奶茶 $𝟺𝟻桂花味道突出 賣相優雅的感覺♔❥ 柚子氣泡茶 $𝟺𝟾顏色美美的 味道正正常常 🜚 甜品有驚喜 比想像中出色❣︎會再訪 下次再試試主食  (๑˃̵ᴗ˂̵)و

長洲裏面嘅都有幾間比較出名嘅cafe想同大家介紹呢一間超好影帶少少復古風嘅#Nutshell #納舍 😍-🍝自家製玫瑰醬蝦意粉呢一份意粉份量都算大份玫瑰醬味道都OK✅雖然唔會話非常出但整體上過關❕-🍸Bubby Citrus作為🍊愛好者呢個氣泡飲透心涼😍配埋意粉就更加開胃🥰如果係小鳥胃嘅人好推薦你嗌呢個嘢飲你就可以食多啲好嘢😆-☕️Keemun Osmanthus Au Lait 呢個一定要叫啊真係好好飲👍🏻黑糖嘅少少甜味令桂花嘅味道更加突出！大推❤️-🍰 柚子伯爵茶法式巧克力蛋糕🤣呢個一定唔係佢個名😅但係我搵唔番佢係咩蛋糕裏面有一層朱古力但配上柚子cheesecake 入口都唔會話覺得特別溜可以叫😆-大家見到的相片仲有一個圓咕碌嘅嗰個我唔記得咗係咩啦😂只係記得餅比較硬身同朋友share會有少少唔方便所以建議嗌返cheese cake😂 #長洲 系列未完㗎😂等我有時間再講啦❕😆📍 @thenutshell_island 納舍 (長洲)長洲新興後街156號地舖

長洲比較新開嘅cafe🤎冇咖啡 只有茶飲嘅茶舍🍃除咗茶飲仲有唔少自家製茶蛋糕🤤-🍝【自家玫瑰醬意粉 蘑菇/ 蝦】$88玫瑰醬有啲似泡菜+忌廉 帶少少辣 幾惹味配料我揀咗蝦 都幾大隻彈牙整體好唔錯😋-🍰【玄米綠茶雙色生乳酪蛋糕】$55玄米同綠茶味都幾香 不過對茶控 我覺得茶味可以更濃最鐘意有餅底 口感味道都豐富啲整體唔錯 唔會好甜好漏~ -🍹【百香氣泡茶】$48熱情果 菠蘿 湯力水 紅茶呢杯幾好飲！tonic water同茶原來又幾夾！茶味幾出 好fresh~ -🍵【抹茶 青嵐】$55呢杯普通 奶味重 抹茶味偏弱🙈-✨推薦指數：8/10💰人均消費：~$120+ ⏳等候時間：0mins (平日2pm)

搵食搵到黎長洲，過黎長洲行下，輕鬆輕鬆一下，行到攰，見到間感覺好清新嘅cafe，不過原來無咖啡☕️飲嘅納舍好有文青氣息，點左個抹茶玄米蛋糕好唔錯，飲品亦可口，環境舒適，值得一試！

長洲多小店，俾人一種假日悠閒嘅感覺🌿 今次介紹嘅納舍Nutshell，係無意中發現嘅小店🛖 出碼頭向右行，轉入「魚蛋小食街」，再轉右就到（不專業帶路😆）Cafe以木系裝修作為主調，裝修新淨，但唔會過於突兀，融入到周遭環境🪵🪵 原本諗住入去坐下hea下，對食物方面冇乜期待，畢竟係打卡Cafe🤪 點知食物質素相當有驚喜，特別係佢嘅Brunch menu!1️⃣ 自家製玫瑰醬意粉🍝🌷（$88）非常推薦嘅輕食👍🏻👍🏻 意粉配搭自家製玫瑰醬，醬汁有少少辣，味道似明太子醬配泡菜，醬汁調味啱啱好，唔會太鹹🤤 配搭蝦同蘑菇🍤 大份又好食，推薦👍🏻👍🏻👍🏻2️⃣ 柚子伯爵茶法式巧克力蛋糕🍰 （$55）係口感有層次嘅朱古力蛋糕，蛋糕分為三層，底層係伯爵茶蛋糕，蛋糕底厚實，伯爵味濃郁🍵 頂層應該係酸乳酪，夾雜柚子粒🍐 蛋糕中間有黑朱古力層，蛋糕混合酸酸甜甜苦苦嘅多種口感，係幾新鮮嘅組合🤫3️⃣ 凍百香氣泡茶🍹（$48）氣泡茶外觀好養眼☺️ 味道方面，氣泡茶混合熱情果、菠蘿、湯力水，茶底可以揀紅茶或者烏龍茶🍵 口感清爽，熱情果味唔太出，不過不失🍃———————————————————

適逢假日黎到長洲玩，揀左依間新開既文青cafe休息一下，揀左兩杯飲品，一杯係熱特濃朱古力，有香濃既朱古力味，面上加左少少泡沫鮮奶和可可粉，另一杯係熱既抹茶奶茶，飲上黎有好香濃既綠茶味，而且冇綠茶顆粒感，值得一試。

推介指數：🍽️🍽️🍽️｜Comment｜店舖裝修好文青不過食物選擇唔多得幾個選擇 所以要睇清楚啱唔啱先入去食不過呢間都係比較新嘅cafe感覺係主要飲嘢嘅Cafe |食咗咩|📍Location🚇長洲大街...#cmhere #hkig #hkfood #hkfoodie #長洲 #一日遊

難得weekday放假，又去長洲行個圈食嘢，天氣唔錯，少少曬。人流冇週末咁多，啲餐廳又唔洗等位，爽YY！ 第一站係好近碼頭嘅Nutshell納舍，深木色大門、深木色傢具，環境舒服，大玻璃採光度高。重點係冷氣好夠，餐具都靚，坐邊個位都影到滿意嘅照片，消費合理。呢度唔係咖啡店，所以冇啡㗎，供應茗茶、氣泡茶、冷泡茶、朱古力、焙茶、抹茶、手工煮茶等。食物有三文治、意粉、茶漬飯、蛋糕、達克瓦玆。茶漬蛋三文治 $78鐵觀音達克瓦玆 $30玄米綠茶雙色生乳酪蛋糕 $55三文治烘烤過，加肉鬆、飯素、牛油果同茶漬蛋。麵包厚切，呢啲材料加埋都唔乾。雞蛋流心，收貨。達克瓦玆唔貴，餅殼有進步空間，食落爭少少鬆化度，鐵觀音內餡微甘，一試無妨。蛋糕ok，以玄米茶香為主，口感柔滑，清爽不甜膩，餅底微微脆焙茶湯力 $48果漾氣泡茶 $48焙茶湯力好飲，估唔到幾夾。氣泡茶好啱夏天，紅茶底就唔濃嘅。

長洲呢間新開嘅cafe近住行去沙灘果邊，環境幾有文青feel，入面嘅cake同野飲幾正，抹茶同焙茶都好出色，甜度調校得啱啱好，茶味又濃不過價錢就同出面市區差唔多，但唔駛同人迫都算值得試！

長洲新開以“茶主力嘅”cafe，成間舖以木製品做裝修，非常文青，環境乾淨企理，但坐位唔算多，所以假日lunch time時段人較多，要到tea time先會少啲人。呢間cafe飲品方面主力提供‘’茶”同朱古力，同埋輕食例如三文治同意粉。適合坐低小吃雖然無咖啡提供，但佢地嘅“茶”並唔係是是旦旦一個茶包沖比客飲，佢地嘅 ‘’奶茶”係值得推介比大家。呢杯 焙茶奶茶☕️ 飲入後先有奶味，再有有好香嘅焙茶味出嚟，唔想飲太濃郁嘅奶茶都係適合的，唔流胃，唔係細細杯兩啖就無。焙茶奶茶 Hojicha Au Lait $45另一杯點咗 印度香料奶茶 ☕️ 如果喜歡薑味嘅你，一定要試下，入口飲完一啖會有個薑味由喉嚨湧返出嚟，而且唔會有辛辣感，啲奶茶會先沖係個茶壺到，自己想飲幾多先倒嚟慢慢飲，亦都係茶奶適中，入口過引。印度香料奶茶 Masala Chai $45Earl Grey Dacquoise $30軟餅 Earl Grey味香仲有另外仲有兩款蛋糕，望落去都好吸引。

長洲又一好去處😍😍😍 一眼就望到一間高質日本風嘅木系Café ☺️ 坐位都唔多，平日嚟，好好彩，唔駛等位就入到啦📌提提大家, 呢間Cafe 係飲茶㗎，無coffee 嘅！揀咗有汽嘅茶，都幾 fresh, 但唔大杯，好快就飲晒😅 😎 影咗 menu 俾大家 ，記得拉到最後啦😉蛋糕嘅出色，以下兩款都好食！焙茶巧克力夾層巴斯克乳酪蛋糕 $55焙茶味幾重，加埋朱古力，有少少變咗咖啡味咁；巴斯克蛋糕都幾 heavy, 都幾飽肚😂玄米綠茶雙色生乳酪蛋糕 $55