紅豆烘焙 (寶靈街)

營業中

休息中

這幾天都要過來佐敦工作，每次往地鐵站，也路過這一家街坊麵包店，艷紅的店名，十分搶眼。每一次總是看起來也是人頭湧湧的，不其然，好奇心下總會看過究竟。卒之，買了好些麵包作為明天的早餐，跟家人共享。雖然小店一家，但種類可以說是非常之多，由中式、西式到港式，由懷舊、新派到創新，麵包、蛋糕、甜品、酥餅、曲奇、卷蛋……一應俱全，包羅萬有，定價亦好親民，街坊生意嘛，否則，也不是有如此多街坊光顧。見這一款「朱古力法式布丁包」（$15）放在門口的餅櫃之上，有很多客人也會買，所以，買一個來試試。其實，這一款包有原味及朱古力味，回家烘熱後，由於外層是法式麵包，口感會是先脆彼帶韌性，而中間的朱古力布丁十分軟滑，朱古力味也很香濃。而另外一款「合桃提子包」（$13）很推薦，大大個的，焗出來外觀很好，而裡面有很多合桃和提子，絕對用料十足，包身又很鬆軟，塗點牛油就更滋味。還有一款也很好吃，就是「五穀包」（$16），有哪五穀就沒有細數，拿上手十分有份量，吃時甚具麥香，加入了不同的穀物籽，有點點咬口感，同樣是很好吃。 眼見師傅不時捧出大盤新鮮出爐的麵包來，一室麵包香氣，人頭湧湧，不無原因的！加上是街坊小店，就更加值得支持

🎈紅豆烘焙/Exploring different types of bread everywhere/其實成日都會想發挖下邊到有啲靚包包賣😂之前係旺角見過呢間麵包店 點知佐敦又有一間喎仲要呢度都有麵包布甸 咁就要買黎比較下啦🙈法式麵包布甸 ($15)麵包部分偏向普通麵包口感 唔太食到法包嘅韌度布甸部分甜度適中 creamy得黎有奶香味🍼香蔥雞皇酥 ($10)蔥香味幾濃 中間有火腿碎肉等材料🐷可能因為叮黎食嘅原故 成個質感都比較腍用焗嘅方式返熱應該會更加香口紫菜肉鬆吞拿魚卷 ($12) 鍾意呢個配搭呀🐟紫菜 肉鬆同吞拿魚 包係包包唔同嘅部位 頭尾嘅肉鬆味好濃 麵包中間就係吞拿魚沙律醬混合體 整體都算係一個味道較濃嘅麵包👻大五殼包 ($16)咁多種麵包之中 健康嘅代表😍麵包鬆軟 中間夾雜着提子乾同核桃簡單嘅味道之中帶點甜酸脆身嘅點綴

傳統港式麵包店買少見少，很麵包店轉為日式，連鎖店或已不再自設烤焗麵包房。今日經過佐敦寶靈街的「紅豆烘焙」，看到他們有多款傳統港式麵包，不禁走入去買個道地麵包作下午茶及早餐。首選道地港式菠蘿麵包，加埋塊牛油真係不得了。這個「酥皮菠蘿牛油包」$9，價錢合理。香脆的酥皮下是鬆軟的麵包，香氣四溢，菠蘿油微微烤熱後，牛油熔在麵包裡，入口外脆內香，味道不錯，歎杯咖啡，當作下午茶真享受。「 法蘭克福熱狗」$11，這款麵包都是下午茶之選，香脆克福熱狗腸香口惹味，芝麻包令口腔更添滋味。另外買埋「合桃提子包」$13，大大個，做早餐一流。

法式布丁包越來越多麵包店有得買，今次喺佐敦地鐵站一出去見到呢間麵包店都有，即管試吓做個對比👀👅法式布丁麵包 $15切開麵包有布丁嗰種滑溜溜嘅感覺，布丁係流心feel，比較creamy，唔係實的的嗰種，仲唔會特別甜👏🏻另外布丁同麵包比例亦都啱啱好。呢間麵包店嘅布丁包每日4:00會新鮮出爐，大家不妨一試～

明明已經食得好飽，但每次經過呢間「紅豆烘焙」，都會忍唔住入去買番一兩個麵包返屋企，用嚟做下午茶或宵夜，今次當然亦唔例外。呢度嘅麵包餅食種類同款式真係好多，單係餅櫃就已經有成四個，另外仲有幾個貨架同摺檯，全部都放滿晒麵包、蛋糕、曲奇、酥餅同冬甩等。另外店舖每日 4pm 仲會有近期網上好 hit 嘅法式布丁供應，可惜今日撞唔啱出爐時間，否則一定會買個嚟試下。今次買左粟米肉鬆火腿包 ($10)、紫菜肉鬆吞拿魚卷 ($12) 同 餐肉蛋包 ($9)，全部嘅包身都好鬆軟，真材實料。火腿包塞滿了咸香肉鬆，加埋粒粒粟米，好有咬口。吞拿魚卷味道亦唔錯，麵包入面夾滿了吞拿魚醬同雞蛋沙律，紫菜嘅柔韌度啱啱好，配搭 Creamy 嘅吞拿魚醬，夠晒惹味！餐肉蛋包新鮮出爐，所以就算拎到返屋企先食都仲暖，入口餡料足、味道好，加上價錢又夠大眾化，難怪每次經過都見有唔少學生哥同街坊幫襯。

返工成日經過佐敦，都會喺呢間麵包舖買早餐～而我經常買嘅就係紫薯包紫薯包大大個，麵包面頭灑滿紫薯粉紫薯內餡亦都比得一啲都唔孤寒！紫薯唔會過甜，啱晒少甜人士。食完一個包已經夠晒飽。另外我仲有試過流心朱古力糯米糍同埋長洲芒果糯米糍，都唔錯㗎。朱古力味係有少少似維他朱古力奶嗰隻味，真係好流心，正。長洲芒果糯米糍亦都大大嚿，幾好食

之前食完嘉多利嘅法式布甸麵包，母親大人過幾日就係紅豆烘焙見到有翻版法式布甸，就買左2個番黎如果我親自去見到呢個翻版法式布甸可能都未必買 佢嘅樣子實在唔係好討好麵包睇落好乾硬 中間好似唔係好滑 對比之下唔係特別吸引食落麵包好韌 要大力拉扯先食到中間嘅布甸亦唔夠蛋香唔夠滑 呈淡黃色麵包嘅比例亦比較多 相信布甸比例多啲會更好有對比之下 嘉多利嘅法式布甸果然勝一籌而且價錢同嘉多利一樣$15 就真係比下去了另外仲買左個韓式蒜蓉包但都好乾好硬，不了~

Like a street bread shop, many local western bread choices, and we prefer some more evil food haaaWalnut Cookies simply good and yummy, whole crispy cookies just satisfied your stomach easily haaa, so different from the western cookies or biscuit which sometimes having soft texture, love this crispy walnut cookies so so much, yum-yum but evil at the same time, on the topwith a walnut haaa, and its called walnut cookies, actually what I googled, the cookies actually made with pig oil(guess can us

平時返工早餐都係買佢啱啱頭先入去揀麵包後面呀姐放番好d夾果陣跌左個落地好彩有塊鏡我可以望到佢既動作佢抹都冇抹就放上架比客用呢個疫情底下(尋日先百人感染隔離街已經要強制檢疫 個衛生意識仲咁差 真係你食埋我果份🤢

沿着宝灵街走路去地铁站，经过店铺时刚好有蛋挞出炉，闻到阵阵香味。肚子有点饿就仃下来，然后就店内看看，顺便买明天的早餐。店内的面包和蛋糕有很多款式，选择也要花一点时间。回到家红豆烧饼还是暖的，外皮烟韧软熟，里面放了不少豆沙蓉，吃完后感觉比酒楼的豆沙包好吃。至于另外买的皮蛋酥和咸蛋酥，就不怎么样好吃，皮太厚，里面的馅料不多，而且吃不到皮蛋和咸蛋的味道。但是价钱便宜，试试也不会有损失。以价格和款式而言，个人认为比对面的圣安娜优胜。

位於佐敦寶靈街12號地舖的紅豆烘焙 (Azuki Bakery)，主打各類麵包。麵包店近佐敦地鐵站C2出口，位置頗為方便。麵包店的後方是餅房，麵包當天烘製，夠新鮮。剛剛是蛋撻新鮮出爐，蛋撻還是暖暖的。凍櫃裡面則有糯米糍和西餅，約十多元一件。個人相當喜愛這款肉鬆包，肉鬆的份量相當多，吃每一口都會嚐到鹹鹹香香的肉鬆，中間還有香滑的沙律醬。另外，還買了一個合桃提子包，提子香撲鼻。這個包Size頗大，可以切開分幾次吃。另外，還有一些獨立包裝的曲奇或蛋糕。

朝早搵早餐食，行到佐敦站附近見到有間麵包舖，咁就一於食麵包做早餐喇～🍞🥖🥐麵包款式好多，而且仲有曲奇、蛋糕等等，選擇困難症表示心思思，唔知揀咩好🙈🙈 揀緊既時候發現舖入面就係焗麵包嘅，前舖後廠，而且有麵包岩岩出爐，所以一於新鮮熱辣買黎食！最後揀左好款同屋企人一人一個～ 就咁望我覺得紅豆烘焙嘅包係大過平時連鎖集團個啲👍🏻🥖 粟米肉鬆火腿包 $10新鮮出爐，真係拎上手食個時係辣手架！仲要食到最後個一啖都係熱既😂 個包好鬆軟，入面亦都好足料！🥖 法蘭克福芝士腸包 $11呢個真係好明顯大過平時所見嘅同款包！ 食嘅時候仲係暖暖地～ 包面上面好多芝士！ 麵包同樣地非常鬆軟～ 芝士腸食落夠脆而且唔乾，證明焗個時間岩岩好👍🏻👍🏻小店自家即場製嘅麵包真係唔同，好食好多，鍾意食麵包嘅朋友，可以去試試呀😊👍🏻

今日同朋友去吳松街果頭食野，路過比d 麵包香吸引左，一望原來係(紅豆烘焙)，但又於趕住去餐廳，所以冇即時入去買麵包。當我同朋友食飽後，我就醒起仔仔放學要買麵包食，比個藉口自己入去紅豆烘焙到買叔幾個麵包回家嘆。一入到店就比新鮮出來的麵包吸引，佢地除左麵包仲有好多款蛋糕，甜品咁，多到唔知點選擇，最後我買左長法包， 健康五穀包， 法蘭克福芝士腸包。本身我都鍾意幫襯小店的麵包店，因為你行入去就可以比佢新鮮焗好的麵包味吸引自己動手去夾，而唔係已經一早焗好，預先包裝，味道真係好唔同的。

今早一早趕住出門口，無食早餐，去到佐敦，路經一間好香麵包🥖味麵包舖，肚子最誠實，所以被吸引咗入去，這原來不是連鎖店，小舖經營，自己的廚房，所以啲麵包係日日新鮮製造👍！揀咗兩個包：法蘭克福腸熱狗、火腿芝士包熱狗🌭️好足料，腸仔好長，配料有蕃茄🍅、青瓜🥒，醬汁應該係千島醬，另一個火腿芝士包由於新鮮出爐，啲芝士🧀係熔熔地架🤤，整體兩個麵包都好足料，麵包本身鬆軟得嚟係飽肚嘅，唔會係一陣風咁🌀！大家下次經過記住試下啦👍！

佐敦地鐵C出口一出就會見到呢間新開嘅麵包舖，舖面好光猛。我等緊珍珠奶茶時，麵包舖姐姐勁落力叫人埋嚟睇埋嚟揀😂，又真係好多人買緊，所以我都入去望下。麵包種類都好多，又有蛋糕、酥餅等等。我見啲包都大大個，所以買2個聽日做早餐，夾咗一個煙肉包🥓($11)同一個香蔥雞皇酥🐔($10)。一入咗袋就發現唔係空氣包，因為真係加大碼同埋好重。2個包包外型就唔係好靚，但真材實料，好實心，牛油味濃。食完係真心覺得飽，係平日2倍，所以就算成$10個都抵，因為唔係食空氣😋。煙肉有成條，個包牛角形🥐。雞皇酥就好多餡，但留意返唔係好酥皮好多層嗰種。總括嚟講，街坊小餅店的味道真係同連鎖店唔同，後者完全比下去。包包係加大碼，又唔空心，真係可以填飽肚子。下次經過都會再幫襯👍。