紅葉茶屋 (海之戀商場)

營業中

休息中

呢度裝修沿用近代日式的設計，天然淺木色。店內還間隔了幾個區域，有和室、都有四座的卡位，地方好有空間感。蒲燒鰻魚茶漬飯，鰻魚烤得恰到好處，搭配著香噴噴的烤鰻醬，揀香濃蝦湯係非常之有驚喜。黑麻油濃厚豚骨湯拉麵，未食先聞到陣陣黑麻油香味，豚肉薄片易咬，唔可以忽略伴菜， 酸瓜牛蒡直頭想 encore。甜品嗌左特製抹茶蕨餅新地，幾樣野配埋一齊食好夾，紅豆蓉又棉又滑，雪糕都高質。包羅萬有日式茶屋呀，約朋友最好不過，有飯有拉麵有壽喜燒有小食有甜品有特飲，黎食正餐飯後甜品都得。

生薑燒豚肉定食 $118啲生薑連埋燒豚肉一齊煮，配埋珍珠米一齊食，食落去好夾好好味！溫泉蛋卡邦尼意粉 $92同平時西式嗰隻卡邦尼意粉有少少唔同，但係日式卡邦尼意粉食落去好香又唔會好漏，隻溫泉蛋係重點，將隻溫泉蛋撈埋落卡邦尼意粉到食，簡直係Perfect match！鎌倉紅葉茶屋抹茶提拉米蘇 $58超鍾意食抹茶嘅我點可以放棄試呢到好出名嘅抹茶提拉米蘇，第一啖食落去好有抹茶嘅香味，而且仲有啲回甘味，抹茶加埋啲cream好夾呀！

無論平日定假日經過呢間餐廳都要等位，既然人氣十足，就梗係要試吓啦🤣🔸A4黑毛和牛壽喜燒定食 ($198)薄切A4黑毛和牛，份量慷慨，牛味濃郁🐮配埋香滑玉子蛋，牛肉食落亦更加香滑😋壽喜燒湯底香濃又香甜，裡面有豐富嘅蔬菜、豆腐、冬菇等等，送飯一流，配上醃漬小菜及麵豉湯，十分滿足🔸火炙刺身三文魚&鰻魚茶漬飯 ($168)定食有兩種食法，可以當魚生飯，或茶漬飯去食。三文魚厚切，經火炙後，外層微微烤過變得更香，內部仍然保持著鮮嫩的質感。鰻魚味道香濃，口感柔軟。茶漬飯可以選擇鰹魚湯或者蝦湯，，小編選擇了後者放入熱湯，我個人喜好加入適量Wasabi同食，口感更清新美味甜品選擇好多，仲要每樣都咁吸引😍🔸鎌倉紅葉茶屋抹茶提拉米蘇 (+$35)Tiramisu以木盒承載， 十分精緻，芝士口感香滑，加上抹茶味道更濃，面頭灑上大量抹茶粉，食落茶味甘香，更放有一塊靚靚嘅紅葉🍁🔸鎌倉紅葉茶屋特製軟雪糕芭菲 ($75)芭菲好有層次又足料☺️雪糕揀左期間限定嘅日本夕張密瓜🍈超級香甜，口感滑溜，下面鋪滿紅豆、香滑抹茶忌廉🍵軟糯白玉、抹茶凍、抹茶味銅鑼燒等等，十分豐富

❀ 紅葉茶屋 #荃灣 ❀❗️獲得最佳甜品餐廳 坐喺榻榻米上望住河景❗️——————————————————今次介紹嘅係鎌倉過江龍嘅日本餐廳，喺香港已經持有5間分店✨嚟到位於荃灣海之戀嘅分店，裝修以舒適嘅木系為主，可以望到河景，將設有部份榻榻米嘅位置，彷彿去到日本☺️主打日本定食，包括和牛壽喜燒、茶漬飯、鰻魚飯等，荃灣分店仲喺OpenRice獲得最佳甜品餐廳！.✷𝑀𝑒𝓃𝓊✷☞ 豪華海鮮丼茶漬飯 香濃蝦湯 $178 (3.8/5)好耐冇食過茶漬飯，呢間可以選擇昆布鰹魚湯或者香濃蝦湯。豪華海鮮丼包括三文魚、吞拿魚、帶子及赤蝦。我哋選擇嘅蝦湯有淡淡嘅鮮蝦味，更能提升整個海鮮丼嘅鮮味👌🏻.☞ A4黑毛和牛壽喜燒定食 $198 (3.6/5)有幾種唔同Level嘅和牛壽喜燒選擇，價錢由$138至$218不等，我哋選擇咗中價位嘅$198。老實講有少少失望，發現原來係預先煮好晒啲牛肉，同預想中嘅壽喜燒有出入🙈而且唔算太入味，冇咗壽喜燒平時嘅香甜，較為似係普通煮牛肉。不過好彩貴為A4和牛，肉質都算幾腍。.☞ 雪糕抹茶拿鐵 跟餐加配$25 (3.8/5)$25有個雪糕同埋香濃甘苦嘅抹茶拿鐵都算幾抵🍵.☞ 提拉米

📍來自鐮倉嘅紅葉茶屋 喺荃灣都開咗分店～ 裝修簡潔 佈置加入唔少紅葉裝飾 亦設有榻榻米座位 甚有和風色彩⛩️🌀黑麻油濃厚豚骨湯拉麵拉麵採用幼身曲麵 口感較實在 比直麵更為掛湯 🍜 麻油香明顯 湯底唔會過鹹 個人會建議點特盛拉麵 叉燒肉份量會比較足夠～🌀吉列豬扒定食定食包括兩款日式漬物+麵豉湯+白飯 頗為豐富 吉列豬扒炸粉層夠薄 炸得有點似麵包糠般酥脆 肉質嫩滑唔乾身 可因應個人喜好於豬扒醬加入芝麻粒 香氣滿滿🙋🏻‍♀️🌀和風炸雞盛合(雞全翼/雞件) & 吉列炸帶子啱曬三心兩意嘅朋友仔😂 跟餐+$35 就有四件雞件 相當抵食😻 雞全翼雞肉口感多汁嫩滑 帶芝麻胡椒香 推薦! 吉列帶子酥脆 保留住帶子嘅鮮甜～🌀白玉紅豆抹茶蕨餅由於即時製作 需等候約20分鐘 白玉糯米丸子手工製作 煙韌軟糯 配上蒟蒻粒 抹茶蕨餅 蜜紅豆 同黑糖漿 口感豐富🙋🏻‍♀️🌀熱抹茶拿鐵 & 熱Cappuccino餐廳主打抹茶飲品及甜品 抹茶拿鐵嘅奶香沒有完全覆蓋抹茶香澀味 茶味相當香濃 而Cappuccino奶泡幼滑 飲品仲附送一小碟石頭朱古力配啡 好特别

過嚟荃灣西海之戀紅葉茶屋食嘢，吧枱位置望出有露台紅葉，仲設有榻榻米座位，和風味濃郁，好似去咗日本咁，感覺悠閑而且浪漫。紅葉茶屋黎自日本鐮倉，食物選擇都幾多，有壽喜燒、刺身、丼飯、定食、拉麵烏冬、甜品等，主食同甜品都非常好味！好鐘意佢哋啲定食，每款都配搭得好吸引，CP值極高，連餐牌都整得好靚。牛肉壽喜燒定食定食豐富感十足，牛肉嘅肉質嫩滑冇渣，充滿牛肉鮮甜感，配上壽喜燒醬汁，日式和風感突出，甜中帶有鹹香。配菜營養豐富，加上溫泉蛋，將佢倒入牛肉或者飯裡攪勻，香滑嘅蛋汁同牛肉好夾，提升咗牛肉嘅嫩滑與口感。溫泉蛋卡邦尼烏冬呢個係近期食過最好味嘅卡邦尼烏冬，卡邦尼汁非常豐盈濃厚，烏冬Q彈掛汁，口感滑順。溫泉蛋好大粒高質，蛋汁與烏冬同卡邦尼醬汁混合，口感更加豐富香濃。仲有超多煙肉，肥瘦適中，好好味。自選炸物盛盒(五選三) 豆腐魚餅+炸蝦+炸雞件想試多幾款炸物揀盛盒絕對抵食。豆腐魚餅外脆內軟，香濃豆味，香口而且層次豐富。炸天婦羅蝦: 炸粉薄脆，蝦肉質唔錯！炸雞件：啖啖肉，香口不油膩。抹茶蕨餅新地 黎紅葉茶屋一定要嗌甜品，勁多款甜品都好吸引，抹茶蕨餅新地用脆餅裝住新地雪糕，再加入Q感十足嘅蕨餅同甜糯紅豆

一直好想試下海之戀呢間日式茶屋 @momijichayahk 嘅甜品！餐廳日系裝潢，有和式榻榻米座位，仲有戶外位，佈滿紅葉🍁樹，幾寫意！🍭刺身5點盛 ($138)刺身都幾靚仔，有三文魚、赤身、帆立貝、牡丹蝦同魚籽～ 全部都唔錯，最好食係帆立貝，厚身又鮮甜～🍭腐皮壽喜燒定食 ($108)我地點咗2個定食，呢個壽喜燒係素食適用，套餐有漬物、溫泉蛋、麵豉湯同白飯，而腐皮壽喜燒就有冬菇、豆腐等蔬菜，清清地幾健康！🍭生薑燒豚肉定食 ($118)另一款點咗生薑燒豚肉，生薑係另上記得要撈埋燒豚肉食呀（我食到後尾先留意到🥲) 而呢個套餐同樣有漬物、麵豉湯同白飯～ 🍭鎌倉紅葉茶屋抹茶白玉 ($52)終於嚟到我最愛嘅甜品環節😍點咗呢款可愛抹茶白玉～ 楓糖先倒進白玉碗入面，中間有紅豆蓉～ 另外有一碗抹茶解甜～ 配搭唔錯！🍭炸餃子 (跟餐+$25)跟套餐點小食係平啲～ 我地就揀咗炸餃子！幾好食！炸得外脆內軟！內餡都唔少～ 🍭冰蜂蜜薑紅茶 (跟餐+$15)🍭熱柚子茶 (跟餐+$15)

呢晚嚟咗荃灣海之戀商場搵嘢食 見到呢間來自日本鎌倉嘅西式Cafe 覺得幾吸引 就入咗去食個晚餐🤤豪華原條鰻魚茶漬飯友人見到有原條鰻魚即刻心心眼😍 賣相真係好豐富呀 有兩份前菜 再加上一個自選嘅湯 有香濃蝦湯同埋鰹魚昆布湯可以選擇😎 我哋揀咗清清地嘅鰹魚昆布湯😝 果然味道幾夾 店員仲提供咗一張食茶漬飯嘅方法俾我哋參考 可以先就咁食個鰻魚飯 然後再分一小碗加入鰹魚湯🍲 一份定食有兩份享受生薑燒豚肉定食即使係豚肉 佢係比較滑嘅🐷 面頭有日式嘅照燒汁 撈飯一流🥰 側邊仲有炒雜菜同埋生薑蓉 食落口更加解膩 定食套餐仲會有兩個前菜 呢日嘅前菜有醃蘿蔔同埋漬牛蒡 同埋一份麵豉湯😙和風炸雞盛合呢份小食真係好抵食🐥 有齊雞件同埋雞翼 雞件炸粉唔算好厚 入面都幾多肉汁😛 雞翼係芝麻雞翼 外層好脆卜卜非常雜莓芭菲呢個芭菲望落已經好吸引🤩 一層間一層 層次感豐富 面頭有香滑嘅牛乳雪糕🍦 鮮忌廉 crunchy嘅脆脆 同埋底層有蒟蒻 飲品熱蜂蜜薑紅茶 養生之選☕️ 冰雜莓香橙紅茶 額外仲有糖水可以加入去自行調味 但係我就覺得就咁飲其實都已經好好味 入面有啲雜莓同埋香橙 酸酸甜甜幾開胃🍊我同友人都幾滿意呢個晚餐

之前去日本鐮倉🇯🇵旅行已經有留意到呢間餐廳😍，不過果時時間唔夠就冇喺鐮倉到食🥹，但原來呢間餐廳喺香港開咗多間分店😙，所以今次我同細妹收工之後就嚟咗荃灣分店試吓❤️餐廳裝修簡約，加入不少紅葉裝飾🍁，餐廳分為室內室外兩部分，室內亦設有榻榻米座位🎎，和風色彩濃厚🎏，以室外有紅葉樹作為裝飾，打卡一流🤳，但不可在室外進食，大家要留意吓✨- 醃牛蒡☺️ （跟餐）- 柚子醃蘿蔔🥕（跟餐）- 麵豉湯🥣（跟餐）- A4黑毛和牛壽喜燒定食🐮 $198 餐廳預先把和牛煮熟，方便直接進食🥰，薄切和牛肉質軟嫩☺️，肥瘦適中，牛味濃郁😗，另有豆腐、娃娃菜、冬菇🍄、鴻喜菇等配料，食材吸收了鹹中帶微甜的壽喜燒汁，變得很入味😎，大家更可將嫩滑溫泉蛋🍳加入白飯內，連同蛋汁一齊食就更惹味😝- 香蔥柚子蜆肉烏冬🍜 $85烏冬擺盤精美，利用蜆去砌成一個花形出嚟🌸，相當有心思，蜆肉清甜肥美🤩，湯底內加入柚子，味道清新解膩😛，烏冬煙韌彈牙😍- 非常雜莓芭菲🍦 $68 表面乳酪味道清新😗，加入士多啤梨🍓、藍莓🫐增加酸甜味道，中間加入忌廉及香脆脆片增加口感🥳，底層放了雪糕🍦及啫喱，整杯芭菲層次豐富又足料，真係大大滿足👍🏻- 鎌倉紅葉茶屋抹茶

作為荃灣人 經過海之戀發現商場廣告開左一間由日本鎌倉起家的餐廳黎左香港插旗 決定平日夜晚一試餐廳最內有3 個和式坐位 仲可以望到荃灣藍巴勒海峽 可惜夜晚天色太暗 🫠 點餐行手機自助下單 黑麻油濃厚豚骨湯拉麵 朋友一直都鐘意食拉麵🍜 肉質厚薄均勻 而麻油醬汁調配亦適中 唔會過於肥膩濃郁 份量適合女士 大食的朋友可以考慮特盛 除左主食 可以以優惠價錢加配飲品/小食/甜品兩款 係餐牌見到雪糕抹茶拿鐵幾吸引 跟餐加$25 就可以加配抹茶味香濃 茶葉選用日本一間超過百年的老店 - 森半 值得一試‼️而跟餐加$35就可以有甜品抹茶蕨餅新地照樣選擇左抹茶味的甜點 一樣冇失望 😝煙韌的蕨餅口感咬口十足 牛肉壽喜燒定食香濃的壽喜燒汁配飯就最開胃🤤亦有流心蛋配搭牛肉一齊品嘗如果對牛肉更有要求的朋友 仲有價格較高的和牛肉/A4和牛可供選擇✅加$20 配搭飲品 - 熱雜莓&香橙紅茶 果香味非常濃郁 消濟之選 而且入面係包含粒粒雜莓 並不是茶包沖泡 所以味道更香濃 有驚喜😆加$35 配搭小食- 和風炸雞盛合（雞件/雞全翼）每樣都有兩件 適合兩人分享 配上檸檬汁更加開胃亦保持到炸雞皮下的肉汁水份甜品： 除左跟餐的甜

未出發旅行之前，實在太思鄉，同埋太想飲杯matcha🍵 又去咗紅葉茶屋🍁 不過今次係去荃灣分店，有榻榻位，仲會望到紅葉景添☺️➿ 豪華海鮮丼茶漬飯 *香濃蝦湯 ($178)一碗飯兩種食法，正😆 海鮮有帆立貝、吞拿魚、牡丹蝦、三文魚、三文魚籽🍣 食材新鮮☺️ 飯量都幾多，伴漬物食，唔覺唔覺就ko咗成碗飯🍚➿ 香蔥柚子蜆肉烏冬 ($85)好有心機咁用咗蜆去砌個花形出黎☺️ 本身蜆加高湯呢個配搭都幾清甜，加埋柚子就令成碗烏冬多咗陣陣清新感😌🌱 烏冬彈牙！➿ 旬之野菜 (+$35)好和風🇯🇵 有麻油香嘅炒雜菜，入面有份量幾多嘅椰菜、紅蘿蔔絲🥕 本菇、洋蔥🧅⋯⋯➿ 鎌倉紅葉茶屋抹茶提拉米蘇 (+$35)用木盒裝住，未食已經聞到淡淡抹茶味🍵 抹茶粉同cream嘅比例好好，唔會好甜，配抹茶類飲品一流～➿ 紅豆抹茶軟朱古力芭菲 （$68)如果想一次過食唔同嘅甜品，芭菲杯就可以滿足到呢個願望✨ 雪糕口味會定期更改，我哋當日就係食咗哈密瓜味🍈 味道少見，哈密瓜嘅果香幾出～ 整體又充滿口感，大滿足😆➿ 雪糕抹茶拿鐵(+$25)➿ 熱忌廉抹茶拿鐵 (+$25)紅葉茶屋嘅凍熱matcha latte係唔會令我失望嘅，

小朋友生日，去左海之戀Donki大量掃貨到左晚餐時間就四維搵野食喜歡食日式野嘅我地，就簡左呢間紅葉茶屋係餐廳最入嘅位置會有一片大玻璃，可以望住海景食晚餐🔹️和牛壽喜燒定食熱熱嘅壽喜燒最適合凍凍嘅冬天，和牛又嫩又淋，食飽後成個人都暖粒粒🔹️和牛茶漬飯（期間限定）燒到焦香嘅和牛，好香好野味，品嚐左半碗之後再加茶漬，好味到忍唔住要加飯（加飯係免費）🔹️鰻魚茶漬飯鰻魚超厚肉仲好大條，口感軟滑，再加埋蝦湯茶漬，正🔹️黑麻油濃厚豚骨湯拉麵相比起飯類，拉麵就比較平凡，無咩特別

見到OPENRICE推介佢既甜品又見到呢間係日本過江龍所以就決定黎呢道試下D甜品餐廳好開揚 戶外仲有好多紅葉擺左係道而且亦都有個和室咁既位比客人坐好有日本風味好貼心地榻榻米係唔需要曲腳坐🥢A4黑毛和牛壽喜燒定食雖然佢唔係有個鍋係下面煮住個隻但佢上到黎都係熱既個和牛好嫩 加埋個壽喜燒汁黎送飯一流入面有豆腐 冬菇等等配料都好豐富下佢仲有隻溫泉蛋比你我就將佢撈埋落個壽喜燒入面旁邊仲有牛蒡絲同醃菜比你開下胃🥢柚子香蔥叉燒拉麵估唔到又幾好食佢個湯底好似落左柚子胡椒咁有一DD微微既辣味 好過癮叉燒都OKAY既肥瘦適中仲有半隻溏心蛋 整體都幾好味🍵熱抹茶拿鐵個抹茶味好濃郁 覺得呢杯必飲!旁邊仲有一個用紅葉碟仔裝住既朱古力不過我覺得夠哂甜就無食到D朱古力成件事好靚好日本❄️冬日限定提拉米蘇白玉窩夫入面有兩件窩夫 面頭有提拉米蘇仲有一球抹茶雪糕旁邊仲有芒果雪糕夾住窩夫黎食好正成件事好滿足🥢抹茶蕨餅新地用個cone做底裝住個芭菲同埋一球抹茶雪糕旁邊仲有D紅豆 夠哂甜味抹茶蕨餅好煙韌 岩哂抹茶控整體感覺唔錯 環境媲美到日本服務質素都唔錯既至於野食都好高質 特別係甜品會繼續encore

🍁紅葉茶屋 (海之戀商場)🍁地址: 荃灣大河道100號海之戀商場3樓3012號舖鰻魚滑蛋丼$138.0冰忌廉抹茶拿鐵$25.0柚子香蔥叉燒拉麵$98.0配熱抹茶拿鐵$25.0和風炸雞盛合（雞件/雞全翼）$35.0提拉米蘇白玉窩夫（需時15-20分鐘）$78.0抹茶雲石紋芝士蛋糕$55.0🍂🎍今次再訪呢間日式餐廳，最窩心係安排左榻榻米比我地坐，充滿日本風味🫶🏻😊而且好有私隱度🎄方便打卡同傾偈🤣由食物、餐具、出面都裝修都佈滿紅茶嘅裝飾，睇到餐廳嘅心思🍂鰻魚飯大大舊啖啖肉，柚子拉麵🍜別出心裁，淡淡香嘅柚子一改以往食拉麵嘅厚重感，湯底清飲左好多都唔覺得咸，麵條較幼身好易咬，而且彈牙，叉燒肥瘦適中，特別推薦比想食拉麵又怕食完好渴嘅你， 呢碗拉麵唔會令你失望☺️🍂再次encore 係杯抹茶🍵latte同炸雞翼🫶🏻🙆🏻‍♀️ 抹茶好香濃，奶味🥛唔會蓋過抹茶味，炸雞翼好香，仲可以點青瓜🥒沙律醬， 其實唔點都好夠味嫁，點埋再多啲口感❤️🍂餐廳🍴menu 的確有好多選擇， 相信好多女士見到有咁多款精緻甜品都好心動啦🤭 今次我想試新野，就點左冬日期間限定嘅提拉米蘇白玉窩夫，記得叫後上呀， 室內溫度暖令雪糕好快溶😂

🔸豪華原條鰻魚茶漬飯   $198Deluxe Eel Rice Bowl + Ochazuke上次喺尖東嚟過呢間【紅葉茶屋】，叫咗碗 原條鰻魚定食， 真係好大條燒鰻魚， 所以今次 經過荃灣海之戀商場， 又想番尋味要多一次呢啲大大條鰻魚嘅鰻魚飯，可以食得好豪氣好滿足。呢條原條鰻魚都係燒得好靚，令立立、甜蜜蜜，燒魚下面有好多蛋絲墊底。 茶漬飯跟上係用一個 生鐵茶壺裝住啲清湯。食材新鮮，個湯係清清地嘅，好有昆布鰹魚味，好飲😚味道：8/10性價比：7/10🔸特盛黑麻油濃厚豚肉湯拉麵   $118Deluxe special black Sesame Oil Thick Tonkotsu Ramen大大片嘅薄豚肉有3塊，有鮮甜豬肉味，配咗溫泉蛋半邊，前菜 跟鰻魚飯一樣，都係有漬物：酸蘿蔔同埋牛蒡絲，牛蒡絲特別做得好有水準，鹹鹹哋味嘅，好爽口。 味道：7/10性價比：7/10🔸鎌倉紅葉茶屋特製 軟雪糕芭菲    $75Momiji-Chaya Special Soft Serve Ice Cream Parfait芭菲基本配料有：忌廉、寒天、玉米片、銅鑼燒，雪糕球係抹茶味，唔會過甜，另外落咗啲焦