影片
開飯介紹
來自日本鎌倉的人氣和風Cafe，供應壽喜燒、丼飯、拉麵、甜品等美食；其雅致舒適的木系裝潢，提供一個可放鬆身心享受美食的用餐環境。
繼續閱讀
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
鎌倉紅葉茶屋本店位於遊客勝地鎌倉小町通商店街，進駐香港後成為人氣和風Cafe，今次就來到荃灣海之戀商場分店，採用日式木系裝潢 ，以簡單樸素的室內設計帶出柔和感，設有榻榻米座位和落地玻璃窗，可以飽覽荃灣海旁景色，季節限定二人前套餐價錢為$488，包括2款前菜、2款主食、2款甜品和2杯$45以內的飲品。前菜紅葉四點盛集齊刺身3點、炸北海道甜蝦、芥末章魚和枝豆，刺身3點包羅三文魚、藍鰭吞拿魚和帶子，肉質新鮮爽滑，帶軟殼的炸甜蝦入口酥脆，芥末章魚微辣惹味，枝豆開胃無負擔。小龍蝦沙律揉合海洋風味和清爽蔬菜，喚醒沉睡的味蕾。三文魚他他芝士脆片 +$20三文魚他他肉質彈滑，三文魚籽的粒粒脆感瞬間在嘴裡爆開鹹鮮滋味，並以輕薄的芝士脆片墊底。主食吉列豬扒&廣島蠔每份定食附上日本產米飯、兩款配菜及麵豉湯，炸成金黃的麵包糠外層酥脆無比，豬扒肉質纖細易嚼，肉汁豐滿，吉列廣島蠔外脆內軟，細嫩多汁。照燒雞扒厚切無骨雞扒啖啖肉，烤焗期間把燒雞油份迫出，肉質嫩滑。日式照燒汁甘甜香醇，吃出傳統和風家常料理的味道。升級鎌倉紅葉茶屋抹茶提拉米蘇 +$10鎌倉紅葉茶屋最出名的甜品就是盒子提拉米蘇，日文漢字是「枡」，原本是承裝酒飲的玻璃杯下的木質容器，以和式美學的木盒盛載，印有紅葉茶屋的標誌，表面撒上宇治森半抹茶粉，與一般常吃到的提拉米蘇不太一樣，將提拉米蘇的甜奶油味與抹茶融合在一起，最底下還有鬆軟蛋糕，清幽茶香在味蕾尾韻緩緩竄出。升級抹茶蕨餅新地 +$20以花型窩夫脆筒盛滿抹茶雪糕、牛奶軟雪糕、抹茶蕨餅、紅豆蓉、糖漬車厘子和粟米片等，雪糕質感軟滑，抹茶蕨餅煙韌軟糯。餐飲雪糕牛奶抹茶茶香濃郁，散發抹茶的微瀝回甘，加上一球雲尼拿雪糕份外冰爽透心涼。
繼續閱讀
我哋喺荃灣海之戀商場行街時，經過見到呢間日式餐廳，發現佢地嘅二人餐好抵食。餐廳內有三張榻榻米座位，好有日本風情，仲擺滿咗好多可愛嘅熊貓毛公仔🐼，感覺溫馨又舒適。唔單止可以享受美食，仲可以一邊觀賞美景，絕對係一個難忘嘅用餐體驗🥰。🍁紅葉茶屋二人前 $488（每人二款前菜、主食、甜品同飲品）🧡前菜🥗龍蝦沙律小龍蝦份量十足，有一球雪糕嘅份量，味道鹹香鮮甜。沙律菜新鮮爽脆，搭配清新嘅柚子汁，令人開胃。 🍱紅葉四點盛我哋特別鍾意炸蝦，炸至香脆鹹香！芥末八爪魚帶有wasabi嘅辣味，口感黏滑，越吃越開胃！刺身有三文魚、帶子同紅蝦，紅蝦滑嫩鮮甜！仲有枝豆添，我地秒速清哂😆！🧀三文魚他他芝士脆片 追加+20芝士脆片非常香脆，芝士味濃郁！上面係三文魚粒混合三文魚他他同三文魚籽，一啖食落去，口感好豐富！🧡主食🍲牛肉壽喜燒 烏冬及麵豉湯食壽喜燒定要配烏冬，所以我地加$10轉清湯烏冬😋，煙韌彈牙好吸湯啊！牛肉份量都唔少，肉味濃郁唔鞋口，壽喜燒恰到好處，唔會過鹹。🐷吉列豬扒&廣島蠔 日本產米飯及麵豉湯兩款都炸得非常酥脆，而且粉漿又唔會太厚身👍🏻 吉列豬扒口感柔軟，而廣島蠔咬落去係爆汁！🧡甜品🧁鎌倉紅葉茶屋抹茶提拉米蘇 +$10Tiramisu入口好滑，係清香淡雅嘅抹茶味，唔會苦澀。質地輕盈綿密，比起傳統Tiramisu更清新。🧀抹茶雲石紋芝士蛋糕+$10抹茶雲石芝士蛋糕真係出色！口感好軟滑，帶有淡淡嘅抹茶香氣，仲有啲獨特嘅芝士香。🧡飲品🍵雪糕抹茶拿鐵抹茶香濃唔苦澀，搭配雲呢拿雪糕球，令抹茶多咗浸奶香味，飲落好順滑。🍵雪糕白玉抹茶拿鐵 +$8呢杯多咗大大粒嘅白玉，口感煙靭，同雪糕冷熱交融。📍 紅葉茶屋 荃灣大河道100號海之戀商場3樓3012號舖
繼續閱讀
抹茶控嘅我，今日揀咗呢間紅葉茶屋試下。餐廳地方唔算好大，以木色日本裝修為主。餐廳將最入位置分間開，內有三張枱係榻榻米座位，好有日本風。紅葉茶屋二人前 $488前菜有紅葉四點盛、龍蝦沙律四點盛有：刺身、芥末八爪魚、枝豆、炸蝦刺身竟然有3款咁多，三文魚、吞拿魚、帶子。刺身新鮮，細細件但都幾厚，可以俾我過下口癮。芥末八爪魚芥末味都幾重，好鐘意。龍蝦沙律都係前菜，但份量都幾多。龍蝦粒混入沙律醬，再配上新鮮沙律菜、洋蔥、紅黃椒，清新開胃。三文魚他他芝士脆片 +$20芝士脆片細細件，一口一件。脆片好脆口，芝士味濃，配上三文魚籽嘅咸鮮，好夾。紅葉松葉蟹味噌拌麵 鍾意食蟹嘅朋友，可以試下呢款主菜。拌麵連蟹蓋上枱，賣相好吸精。旁邊另上兩小碗，一碗蟹膏，一碗蟹肉。將蟹膏同蟹肉混合拌麵，蟹膏蟹肉令拌麵提鮮，碟邊灑上辣粉，可以按照個人口味，自行混入麵條內。牛肉壽喜燒套餐配有日本米白飯同麵豉湯，鍋裏有牛肉、豆腐、冬菇同雜菜。牛肉嫰，壽喜燒甜度調得剛好。冰忌廉抹茶拿鐵好好飲～ 抹茶拿鐵味道超濃郁，滿足曬抹茶控嘅我。抹茶甜品有五款選擇，好可惜侍應話當日軟雪糕機壞左，唯有下次再試新地甜品。鎌倉紅葉茶屋抹茶提拉米蘇 +$10Tiramisu用個盒仔裝住，面層鋪上抹茶粉。 入口散發啖啖抹茶味，忌廉好滑，蛋糕柔軟綿密。抹茶雲石紋芝士蛋糕 +$10芝士蛋糕抹茶味唔太濃，但芝士味重，都好食。
繼續閱讀
經過見到啲主食同甜品餐牌勁吸引，好想食佢個🦀蟹味拌麵同🍮抹茶提拉米蘇～見到個餐牌二人餐都好抵所以決定坐低。呢到擺法、服務同日本都好似，店員好有禮貌～叫左個紅葉茶屋二人前包每人前菜，🦞龍蝦沙律Crayfish Salad、紅葉四點盛Momiji-Chaya Assorted Combo、加左錢轉迷你角切魚生飯及麵豉湯，每人一個主食、甜品🦀紅葉松葉蟹味噌拌麵✨Noodles with Snow Crab Paste出面好少有松葉蟹味噌拌麵🥹呢個食落係暖笠笠，有溫度～同埋個蟹味噌都好出～呢個必點🐖吉列豬扒&🦪廣島蠔Pork Cutlet Deep Fried Oyster廣島蠔好鮮味，豬扒好鬆化，沾埋個吉烈汁好開胃🍵鎌倉紅葉茶屋抹茶白玉漬Momiji-chaya Special Maccha Shiratama白玉口感好有彈性仲有好香既糯米味。🍵倉紅葉茶屋抹茶提拉米蘇✨Momiji-Chaya Maccha Tiramisu抹茶味好濃但唔會太甜，口感非常軟滑～🍵雪糕抹茶拿鐵Maccha Latte Float用左“森半”既綠茶粉，茶中的微澀同牛奶雪糕平衡後，口感滑順～🥭芒果 & 西柚紅茶Mango & Grapefruit Tea濃郁既芒果後勁係淡淡既西柚味，飲完呢個熱飲個身暖哂～
繼續閱讀
紅葉茶屋係嚟自日本鎌倉嘅和風Cafe，木系裝修簡約雅致，有bar檯、普通座位同榻榻米和室，適合唔同人嘅喜好。為咗留肚食甜品，我哋簡單點咗兩個主食。豪華海鮮丼茶漬飯 $178餐廳提供了茶漬飯的吃法，先品嚐刺身，然後把餸同飯放入細碗，把湯倒落個碗。海鮮全是刺身，鋪滿飯面，新鮮可口，三文魚肥美，吞拿魚赤身魚味濃郁，三文魚籽爽口，牡丹蝦香甜，帆立貝滑身厚實。湯方面有鰹魚昆布湯同蝦湯選擇，我們選咗鰹魚昆布湯。太豪氣一次過倒咗落個大碗，不過都唔怕，個湯清清哋飲落好舒服，唔會蓋過刺身嘅味道，加上山葵更能提鮮。海鮮蕃茄拉麵 $108都幾大碗，麵雖幼身但軟硬適中，容易掛湯。蕃茄湯底香濃開胃，唔會太鹹亦唔會好膩。海鮮有蜆、魷魚同蝦，最驚喜係蜆肉數量又多又大隻，厚身鮮甜。旬之野菜 跟主食+$30每次食飯都好需要一碟菜，呢度嘅炒菜材料不少，有椰菜、洋蔥、菇、黃椒、蘿蔔等，以黑椒和芝麻調味，味道不錯。紅葉三重奏 $98啱晒有選擇困難嘅朋友。呢個set有蕨餅、抹茶雲石紋芝士蛋糕及迷你芭菲！原味蕨餅柔滑軟糯，味道微甜，可以同其餘兩款甜品一齊食。抹茶雲石紋芝土蛋糕個樣幾靚，以抹茶同芝士嘅交織紋理模仿雲石，見到就想食。抹茶甘香濃郁，芝士不會好膩，反而係好溫柔，兩者味道相互輝映，完美配搭。迷你芭菲有多種口味選擇，我哋揀咗雜莓。每次見到芭菲都無法抗拒，雲尼拿雪糕同雜莓好夾，穀物脆片為口感帶來不同層次。紅葉甘之三味 $88又係啱晒乜都想試嘅朋友。今次呢個set有提拉米蘇、牛奶布甸同雪糕（好可惜是日冇軟雪糕）。抹茶提拉米蘇以木枡盛載，和風滿滿，抹茶甘香濃郁，中間的cheese質感幼滑輕盈，海綿蛋糕空氣感十足，Ichiban。牛奶布甸奶味香濃，口感軟滑，上面嘅士多啤梨同果醬，增添風味。和風氛圍同食物，尤其個樣吸引嘅甜品，可以一解鄉愁。以上價格需另加一服務費
繼續閱讀