紅葉茶屋 (黃金海岸商場)

營業中

休息中

大老遠來到屯門黃金海岸，除咗想放鬆一下心情之外，估唔到有意外收穫！呢個餐廳之前都有幫襯過，係吾錯的，黎到呢度都可以遇到，無拒絕的理由可能係新開張關係，都有好多人等，等左20分鐘度先可以入座，吾知係呢度限定還是改左餐牌呢，多左啲新嘢食點左個海鮮茶漬飯，同黑松露牛肉壽喜燒定食老實講，茶漬飯真係比較少見，每次都會試，呢度都能夠保持水準，讚果茶係一定會點的，試左百香果茉莉花茶，味道又幾夾呢最後想提及一下呢個的員工，係現時疫情環境下，加上都幾繁忙，都見到他們盡心盡力去做好每個服務，加油！

終於等到黃金海岸開新餐廳，見到裝修幾好，價格都算中間位。諗住都唔會差得去邊。點知一開波個排位系統已經唔得，會skip號，會消失左啲號碼。連啲客都都聽到啲staff問點解會咁。6點禁堂食黎講，5點依啲時間真係爭分奪秒，仲要skip鬼走左。叫左一碗黑蒜油拉麵，一份鹿兒島和牛定食。拉麵奇差，返返去味千嘅境界，同出前一丁湯底一樣。失望到極致。係依啲餐廳食拉麵麵唔會期望有同拉麵店食嘅水準，但都未去到咁差！個和牛定食真係令人想啪枱走，咸到痴晒線，仲要冇一粒似和牛，連係超市買嘅安格斯牛粒都唔係。唯一可以接受嘅係加左一份炸南瓜餅，不過大膽假設，通常依啲炸物都係急凍野，都唔太關佢地廚房水準事。我地坐個個位同佢地放抬盤個位一塊玻璃之隔，不斷食食下就有人勁大聲啪去我耳邊。

疫情下，都需要四圍走呼吸一下，由港島搭車去屯門黃金海岸行吓，經過呢間野，上網搵吓資料，先知原來其他地方都有分店，源看鐮倉既日本料理，主打和食、刺身、清酒、甜品等，大部份食材均由日本直送。 基本上，茶屋的內外裝修同我上次去關西和歌山黑潮市場感覺都好相似，有返鄉下感覺，食物水平都相當高，我點了茶漬飯和綠茶飲，聽說綠茶是出自一家老鋪，有一百八十年以上歷史，總算過咗一個日本感既下午，每人平均消費都是 2700日元，價錢屬於中等，不太貴。

黃金海岸最近新開嘅日式餐廳，其實九龍區都有分店，但睇過啲食評好似唔係幾好，所以一直都冇試過。因為黃金海岸餐廳少選擇不多，所以決定試吓...果然超級失望1. 叫左「親子丼」～好似白烚雞肉 （見到雞肉顏色都知白烚）～雞肉難食無口感2. 叫左「滑蛋吉列豬排飯」～ 豬扒超級韌，無口感～ 豬扒夾上手，同面個層炸粉分離～ 未見過豬扒係面，通常都係蛋係面，搞到塊豬扒乾到死問待應攞個 他他醬 ，佢話公司要叫個醬$5，本身都唔想食評，難食都算，激到我勁嬲*食過 大戶屋 同 丼丼屋，都係蛋係面，好juicy ，係同級質素，反而E 間紅葉茶屋 感覺好似扮日本甘*

今日無野好做就搭新巴士線A33由屋企到屯門轉車站再行返屋企.行左廿幾分鐘到黃金海岸商場,因為未食晏所以就去睇下有乜好食.睇開飯見呢間是新開,我就拎張飛等....點知一等就等了60分鐘...餓到呢...等位時已經諗定食乜, 呢個係鹿兒島黑毛一口和牛定食$148, 和牛份量唔多, 我講明要全熟, 肉質唔會整到好鞋,肉有微牛味,但呢款牛唔算是特別好食,似一般牛肉, 汁醬是酸酸味味, 配料有煮冬瓜和雜菜絲。定食的飯可以添,可是飯粒好乾硬,唔知係落水少定係米的質素, 因為肚餓就添飯, 添個都是一樣乾硬.碗湯就反而幾好味.飲品叫了百香果茶,少甜,味道清甜,有好多百香果籽,夠解渴.心思思食芭飛定新地,但聽到其他枱追甜品,職員詬甜品多單要等,我見都差唔多要返屋企所以轉呔叫最簡單的軟雪糕。期間限定是夕張蜜瓜味,另一邊是牛奶味, 不過兩種味都唔濃香,好普通, 雪糕質感好水仲食到有微冰碎.得個筒最好食...  屯門區少有呢類日式CAFE,如果下次黎開黃金海岸都會再去呢間, 試其他野.

眾所周知黃金海岸商場附近都冇咩好食，見佢新開諗住試吓啦，都係天氣不似預期～門口擺咗個牌， 初初以為佢係set lunch，但係入到去又唔見佢有set lunch牌，問過侍應佢又唔係好似唔知發生咩事咁.... 跟住同我哋講話剩係得a la carte Menu... 最後叫咗一口和牛同魚生茶漬飯麵豉湯嚟到係和暖，和牛份量較少同埋頗多肥膏，食物一眼望哂，配菜味道有啲奇怪，唔包嘢飲$148魚生飯啲吞拿魚食第一啖已經有消毒藥水味🤮🤮 初初我以為係自己搓手液啲味，但係越食越唔妥🤢 相信應該係切魚生啲刀/砧板消毒完未洗乾淨，食多兩啖已經唔想再食... 之後飲咗杯水都仲係成口消毒藥水味🤢🤢🤢乾淨係好事，但係我都唔太想食消毒藥水囉🤮食物：2/5環境：4/5服務：3/5CP: 2/5回頭：應該唔會*後記：雖然黃金海岸貌似旅遊區，附近又住宅林立，但係除咗麥記外，黃金海岸商場搵間叫做有質素好食少少嘅餐廳都冇，一係就得啲貴價唔飽嘅酒吧/唔好食嘅茶餐廳。其實附近越黎越多樓盤（尤其掃管笏一帶），係哩一頭做食肆一定有得做，希望有心嘅餐廳/飲食集團發展吓哩區嘅生意，等附近居民有啖好食！！

又到聖誕，今年無得飛，都想行遠D，遠遠下煩囂，一早book左黃金海岸酒店慶祝下聖誕，一直都知戈度係美食沙漠，所以都無抱好大期望。我哋4個人中午就到左黃金海岸，諗住行下影下相，一出廣場就見到一間綠色白色既屋仔，出面已經有好多人等緊位，身為港女既我梗係吾執輸啦，等埋一份終於到我地啦，侍應哥哥好有禮貌咁安排左個相鄰2人台比我哋，中間用隔板隔開見到個餐牌，選擇困難症嘅我地已經吾知點揀好，因為樣樣都好似好好食，最後我地點左一個豪華原條鰻魚茶漬飯，直係豪華版，又大條又厚肉，不得不讚佢個茶漬，好香鯛魚味，呢個價錢食到兩食，而且咁高質素，值回票價另一個我哋點咗個芝士雞肉蕃茄烏冬，個芝士湯冬竟然同個烏冬好夾而且食完吾覺得好流，抵讚我哋仲點咗鹿兒島黑毛一口和牛定食，性價比掛住影其他嘢同太想食既關係，已經吾記得同佢影相。另一個我哋點咗既係豪華海鮮丼茶漬飯，刺身好新鮮，個茶漬同樣抵讚，夾落個toro好香最後我哋再追加左個刺身，不得不讚個刺身真係好新鮮，果然係直送食材眼闊肚窄嘅我哋因為太飽嘅關係，望住個甜品menu已經唔敢點，唯有等下次，返黎再試其他嘢。臨走，我哋留意門口有個色彩繽紛嘅酒牆，睇嚟下次要揀個夜晚試

2020-12-27號下晝，放假出去黃金海岸行下，見有間新開餐廳，紅葉茶屋，於是入去試試，㩒飛等10分鐘有位，叫咗呢6樣嘢食！1）刺身盛，食材新鮮，有水準；2）炸物3項（蠔，虾，豆腐魚餅），炸蠔及豆腐魚餅係好食，配他他醬更顯出特別；3）全條鰻魚茶漬飯，接近日本柳川太宰府水準，我至愛；4）牛肉壽喜燒，配白飯一流，牛魔王必食！5）百里香水果茶，可以一試；6）蜜瓜雪糕芭菲，季節限定，雪糕甜而香滑，紅豆蓉甜度啱啱好，配底層綠茶忌廉及啫喱，一流，甜品控必愛！中價價錢，酒店級數！有機會一定再食！尤其係2＋3＋6！

今日和朋友去黃金海岸行過圈，叫做望到海和給自己休息一下，嚟到見一間新餐廳似乎係新開幕，記憶中旺角也有呢間餐廳，味道不俗，所以很快已經攞飛等入座。因為疫情關係，只可以坐半成人數，入座時也有量體溫和膠板分隔。今日我叫咗一個海鮮五色茶漬飯，入邊有吞拿魚，三文魚，帶子，赤蝦同埋三文魚子。三文魚同蝦，味道肥美，食得出很新鮮，而且解凍做得恰到好處。上枱時還有一張小小的咭紙，教大家點樣食茶漬飯，一個價錢兩種享受。另外我朋友叫咗個生薑豬肉定食，朋友話好重薑味，而且分量十足，在黃金海岸用呢個價錢可謂10分超值。另外我都叫咗抹茶提拉米蘇，上面鋪滿滿的抹茶粉，下面應該係忌廉，每一入口是上面的甘苦味和下面的甜味，一定會令愛不釋手。原來呢度有酒飲！海鮮刺身丼飯生薑燒豬肉定食抹茶提拉米蘇