紅葉茶屋 (黃金海岸商場)

營業中

休息中

不嬲都覺得依間係比較好食環境同服務都比較舒適而且嘢食都比較高質！價錢屬於少少貴！但起碼覺得超值，因為佢都比較多小菜同埋有個湯飲下所以就算食咗幾多次，都係會再幫襯！

紅葉茶屋 (黃金海岸商場)平時就好少會去黃金海岸，今次嚟行下，就去左紅葉茶屋食個lunch！平日其實就唔洗等位，比較少人。今次叫左個豪華吉列定食(豬扒&廣島蠔) - $138同埋辛辣北海道味噌叉焼野菜拉麵 -$108。同一杯泡沫咖啡 -$38。吉列定食(豬扒&廣島蠔)我覺得幾好味，仲有兩款前菜同一個湯，因為自己好中意食日本米，暖暖一碗配炸物同菜，岩岩好！食晒。相比之下拉麵就冇咁出色喇，有種公仔麵嘅湯底感覺，男朋友話下次帶我去日本食過好味嘅拉麵。😗

入到黎黃金海岸放鬆 晚餐想要多啲選擇紅葉茶屋就滿足到你 等位嘅時候已經俾餐牌搞到花多眼亂有飯、烏冬、拉麵、仲有多款精緻嘅甜品可以選擇餐廳係屬於較半自助形式包括自己掃QR code落單 自助倒水由於想食壽喜燒 有分三個等級: 牛肉壽喜燒定食、和牛肉壽喜燒定食、豪華和牛肉壽喜燒定食今次叫咗餐牌寫住推介嘅牛肉壽喜燒定食，但略為失望可能因為最低等級嘅牛肉 相對上都比較散但定食有配蛋 壽喜燒湯底都夠甜想試嘅朋友建議試另外兩個等級另外叫咗火炙三文魚刺身茶漬飯 可以選擇蝦湯或者鰹魚湯由於蝦湯比較少有就叫左呢款火炙三文魚刺身茶漬飯包括咗刺身同火炙 每款約4塊 仲加咗三文魚子作點敍兩款食法一係傳統丼飯直接用wasabi+日本醬油一係就湯飯加wasabi方式食用蝦湯唔算特別濃郁，屬淡淡嘅蝦味Matcha Tiramisu原意係叫黎打卡 結果一嚟到嘅時候抹茶粉超級少 同餐牌照片都幾大出入 少失望最後詢問咗職員都樂意幫我地再處理過食落入分層有cream一層綠茶同蛋糕但綠茶味道不突出

行完黃金海岸睇日落，找些東西喝。到這間日式裝修店子，有熱抹茶忌廉試吓，用QR code 點了，來到個碗，更和托盤好有特色，忌廉洒有綠茶粉。吃完忌廉後，喝下層熱抹茶很濃厚，但少一份滑口感，伴有一份碎石狀朱古力，好有食日本料理感覺。

同朋友行過餐廳見到Menu有好多唔同款(有壽喜燒/甜品/udon/便當）好多選擇已經勁吸引我哋星期日去，只係等咗10至15分鐘就有位🍽蜆肉有子意粉朋友話都幾特別🍽忌廉卡邦尼烏冬 ，好濃郁🍽炸芝士都唔錯，幾濃芝士味🍽忌廉抹茶latte，有啲太甜人均消費只係$150!見到佢仲有幾間分店

剛搬入屯門Gold Costs 附近，放假落街搵野食，見到呢間日式餐廳好乾淨闊落，坐低叫咗個定食，好大份😍 眼闊肚窄嘅我竟然食得晒成個定食，肥牛的膩度好適中，又大份，好滿足🥰食完仲可以來多個宇治抹茶雪糕🤤 都好好味，雪糕奶味好濃，啱晒我口味Btw 呢個肥牛定食仲可以任添飯㗎，碗肥牛好足料好好味我添多咗一次飯😆🙈推薦給大家👍🏼👍🏼👍🏼高質😋

一場來到黃金海岸，一晚食了兩間餐廳，晚餐食了西餐，因為老公想食豬手，而飯後來到了紅葉茶屋，因為我被日式裝修吸引了，還有我是個抹茶控，只要有抹茶的餐廳就會去試我入去時看到其他客人枱上的主食食物，外表都很精緻，再加上餐廳是日式裝修風格，這間餐廳好適合打卡我們三個人，點了兩個甜品，一個抹茶Tiramisù，一個自選特製芭菲抹茶Tiramisù$58，質感細滑，抹茶味還好，有點回甘自選特製芭菲$75，味道正正常常，贏在可以自選配搭食材，價錢合理，性價比高

今日放假諗住同平時一樣同媽咪去飲茶，點知媽咪好難得地話唔去飲茶，想試其他嘢，見天氣涼涼又有陽光，同媽咪出去黃金商場行下順便搵下有咩好嘢食，去到見到呢間日本野間隔四四方方幾別緻，又好木系feel幾舒服咁，就決定入去試下。可能我地太早，店裡無咩人，揀咗個梳化位坐，場內無音樂都幾寧靜。牛肉壽喜燒，開頭以為佢係一個鍋有火燒住嗰啲，不過上檯都夠熱，壽喜湯底鹹鹹甜甜咁，加埋隻溫泉蛋撈埋一齊幾好食，值得一試👍🏻媽咪叫咗個黑麻油拉麵，啲小菜倒入埋拉麵送湯一流👍🏻最後叫埋個甜品，啲丸子好圓好靚，咬落口比湯丸更煙靭彈口，丸子本身無咩味，要配少少嗰啲黑蜜糖醬食或者溝少少紅豆引出個甜味無lunch set，店舖單點叫定食或拉麵，埋單兩個人三百幾蚊唔算貴，同媽咪都食得幾開心🫶🏻下次會再黎試埋啲茶漬飯同甜品

晚餐嚟呢間餐廳試一試，見會外觀唔錯。叫咗個火炙三文魚茶漬飯嚟食。嚟到真係嚇親，餐牌寫住包兩份前菜，份前菜係用清酒杯size裝住，真係一啖都唔知有冇。個飯仲搞笑，係得半碗飯，女仔食完都覺得唔夠飽。味道還可以，但只可以話係合格。個餐百幾蚊，完全唔值。另外老公叫咗吉列蠔豬扒定食，啲炸物炸得唔錯，但份量都係超份。個啲碗碟已經比平常細，仲要裝唔滿，真係幾寒酸。態度又差，勁快收走你啲份餐。嚟黃金海岸唔好試呢間。

7:14撳飛，2人抬等咗一個鐘一張飛都冇嗌過，四人以上嗌咗10次有多！問佢係唔係唔會有二人枱，佢話要順序，係人都知要順序啦！問題係你成粒鐘一個2人枱No.快都無叫過囉！眼見餐廳得2張2人抬，但佢將二人枱嗰兩張櫈搬咗去七八人枱度，真係好識做生意囉，咁嘅餐廳唔食都擺，留返俾啲10人枱食啦！真係第一次見到咁樣做生意嘅餐廳！大家想要同小朋友食真係建議去第二間好啲，唔好白等，晒時間。第一次咁嬲！係未食已經嬲。

呢間位於黃金海岸既紅葉茶屋，外面裝修有歐陸式感覺好啱打卡，入到去係光猛日式cafe裝潢，都坐得好舒服。佢餐廳食物都好多元化，有茶漬飯，刺身飯，烏冬同甜品等。你想入黎食個dinner又得，齋入黎食個甜品都得。今日試左佢兩樣野：🔸️鎌倉紅葉茶屋腐皮烏冬 （$78，8.5／10）呢樣係我既comfort food，熱熱既清湯底係鰹魚昆布湯布，好清好鮮好暖胃！日本烏冬正常水準。甜腐皮索左啲鏗魚汁湯底都係好好味。最有心思係佢腐皮上面有塊小小既緣色紅葉果凍做裝飾。😍🔸️紅豆抹茶軟雪糕芭菲(配期間限定軟雪糕）（$75，9／10）佢menu有兩大版芭菲item，好多芭菲選擇！可以食預選或自選既！我地揀左個預選既。芭菲黎到個樣已經好賞心悅目！好colourful! 今期既限定雪糕係哈蜜瓜雪糕。佢有軟雪糕，蕨飲，豆沙餅，脆脆，玉子，生朱古力，抹茶果凍....好豐富好開心！個抹茶生朱古力超級超級超級好食！！🤩唯一覺得係個軟雪糕有點太融，如果再凍啲會好啲！另外佢都有好多抹茶類既甜品同latte,佢個魚生茶漬飯都好吸引！下次可以再試下！

今天星期日同friend去完黄金海灘之後，想揾個下午茶食、行過黄金海岸商場見到呢間裝修望落幾舒服又有甜品，就決定食呢間。入到店內、用QR code 落單。因為游完水太肚餓既關係， 叫左個set。- 生薑豚肉燒set飯 有前菜 有味噌汁- 個生薑唔係好似係日本個種直接落咗去豚肉到一齊炒- 而係隔離有個生薑可以自己想點幾多就點幾多 跟個人口味落👍🏻👍🏻- 食落d肉係新鮮 唔UN 😀- 味噌汁幾好飲、飲落有鰹魚味道、唔知係咪落左鰹魚粉👍🏻- 美足不足地方： 下午茶set同午餐set 一樣 唔見有discount

今次去咗黃金海岸商場食晚餐😋吹住海風真係好舒適呀🙆🏻‍♀️🙆🏻‍♀️行到入去黃金海岸商場就比一間日本餐廳吸引咗我😝和牛壽喜燒定食🍱一上菜就已經覺得好豐富啦🤤除咗主食之外仲有配菜、餐湯同埋溫泉蛋🥚和牛味道濃郁入口即溶🥩仲有各種蔬菜解膩😍香蔥柚子蜆肉烏冬🍜呢個烏冬其實無柚子味㗎🤣🤣只係用柚子皮增加香味🌬湯底其實係好味嘅蜆肉鮮湯🤤烏冬軟硬適中又夠曬彈牙😋食完嘢仲可以行去海邊欣賞海岸夜景🌃悠閒散步拍拖都一樣咁適合😚

好多時黎到黃金海岸~都會揀食西餐多~今次~就等我試下哩間日本野既lunch set先~入到黎先知~原來佢地係來自日本鎌倉人氣Cafe黎架~🤩🤩▶️牛肉壽喜燒定食($128)成個set~有前菜~主食~味噌湯同飯之外~仲跟一隻溫泉蛋架~😋😋十分豐富!!牛肉壽喜燒份量十足~雖然冇叫和牛個款~不過牛既質量都唔錯~以價錢黎講~性價比真係幾高~👍👍👍▶️吉列豬扒滑蛋丼($118)吉列豬扒外表酥脆~咬落仲有肉汁咁~幾JUICY添~滑蛋味道適中~撈埋D飯一齊食~唔覺唔覺咁就食咩成碗飯~🤤🤤▶️鐮倉紅葉茶屋特製軟雪糕芭菲($75)未食主食~其實已經比佢地既芭菲吸引住啦~😍😍點都要叫返杯黎食下~😋😋軟雪糕我揀左抹茶味~濃濃的~不太甜~好味道~可能太好味~覺得軟雪糕好似少左D~多D雪糕少D cream就正啦~🤣🤣除此之外~仲有紅豆蓉~抹茶果凍同銅鑼燒餅皮係裡面~整體黎講成個配搭都唔錯~好好味~不過如果可以加返少少脆脆既玉米片落去~口感應該會更正~😋😋

豪華吉列定食$138定食包括味噌湯、前菜兩小碟。吉列豬扒香脆，外脆內軟。酥脆廣島蠔都幾香。牛肉壽喜燒定食$128牛肉香濃，醬汁甘甜，豆腐滑嫩、新鮮既蔬菜菇菌，味道偏清淡，感覺冇加更多調味，食食物原味。軟雪糕芭菲夕張蜜瓜雪糕，配紅豆、燒餅、抹茶凍、抹茶忌廉，都算豐富，唔會太甜。