紅茶冰室

營業中

休息中

今日咁啱到荃灣行街，行完就特意到紅茶冰室食嘢,之前已聽聞呢間餐廳服務一般，原本以為只係謠言，點知竟然係真，果然名不虛傳，佩服🙇🏻‍♀️！入到去唔算好多人，見有空餘既卡位就想坐，但都被有心人提醒可能一陣要搭枱同陌生人坐，仲唔止一次，人多既時候仲特登大聲提醒我多一次，原本今日心情已經麻麻，仲要被有心人提醒，真係唔多Happy,有心人係我用餐既時候仲特意望向我呢一個方向，好似不肖我一人坐係卡位，唔知我仲以為我曾經得罪過佢😅，原來一人坐卡位係有罪架？咁你唔好係貼住一人不准坐卡位？！👍🏻🤔,其實有時候，服務既效率高唔等於你既質素係好，份芝士炒蛋魚柳包伴薯皇亦唔算話中上級，只可以説是一般般，正常人可以放入口既普通食物而已，不過杯凍奶茶就係中上級，最離譜係埋單既時候，個女人一手搶過我張單，仲用晦氣既聲音講“謝謝”！真係傑出！絕不再光顧👋🏻👋🏻

除左晚餐去食好東西我都鍾意試吓唔同嘅茶餐廳而家嘅冰室每一間都有佢嘅獨特嘅地方紅茶簡直係大壩街之最最多選擇，最長人龍，最多人食今次試咗黑椒雞扒意粉同菠蘿咕嚕肉黑椒雞扒味道唔錯不過咕嚕肉就有點失望，咕嚕肉唔夠肥，印象中太X紅色啲既係.. 餐附送例湯，例湯足料加埋杯特濃朱古力好滿足

連鎖茶記，聽聞是翠華班底，早餐和飯市，都經常要排隊，今日改食bunch，不用等，之前其實已經幫襯過幾次，品質正常， 服務欠奉。諗住茶記都冇乜嘢好寫，今次就真係有點兒不吐不快。《巨型雞尾包》 賣相不錯，味道普通。《 招牌菠蘿油》 要讚嘅， 包面酥皮吃落不會容易碎掉一枱， 但味道都係普通。《鮮茄焗豬扒飯》 顏色鮮豔， 出嚟來還熱辣辣， 飯都算正常水準，但豬扒先係重點吖嘛， 食落啲粉重厚過件豬扒， 仲有啲怪味， 如果你想投訴， 費事講盞攞氣來受。不如下次食番常餐炒蛋好過！一係有骨氣就唔好幫襯，因為佢都唔憂冇客，樓面態度惡劣囂張。《懷舊紅豆冰》 紅豆夠大粒，不過勁甜。如果喜歡甜嘅粉絲，我會覺得不錯，不過灶君小弟飲咖啡轉咗美式，凍檸茶都走甜，就有點兒不適合我胃口。十分滿分形 6色 6香 6味 2 （比返啲飽類）速度 8態度 2裝修 8整潔 8性價比 7回頭指數 6Total：59分

No.1 茶餐廳💯💯紅茶幾時都係我至愛嘅茶餐廳👍🏻👍🏻👍🏻之前都都會特登行去大窩口食，係荃灣廣場附近開分店正合我合河車😍😍😍佢地嘅午餐同晚餐又大份又抵食扒餐仲會有兩塊大大塊嘅扒🥩🥩，夠晒飽，女士仲可能會食唔晒添😂😂紅茶嘅麵包🍞亦都好好食，每逢新鮮出爐都會好多人立即點黎食😋😋而我至愛就係菠蘿油，菠蘿包皮脆鬆化，再加一片牛油，雖然好邪惡，豁出去都要點黎食㗎喇🤣🤣🤣

好高性價比嘅茶餐廳又黎食紅茶，今晚晚餐係豬手，特別喎，無理由唔試姐一如以往高效，餐湯餐飲好快送上等左一陣，大大份嘅豬手上台喇份量都算好足肉質唔會話好難趙，皮雖然唔夠脆，但個汁搭救左。一啖接一啖，食到停唔到68蚊黎講非常抵食不過個特餐就份量少左啲，幾柱米粉幾啖就食完嚕，個奄列都有點失準，勁油，似炸出黎咁偶有失手就唯有下次再食啦要起行去路德圍掃街，咁唔叫咁多野食喇下次再睇睇有咩特別嘅晚餐可以一飽口福先

從來未試過叫個外賣都咁受氣😡😡下午4:00左右電話叫定，諗住之後自取，可以快啲電話中已經講左要乜，（中文全部照外賣單讀）落到去，去俾錢時，check 單發覺唔啱，因為貴左，再同佢講佢竟然話：你要嗰個係晚餐個西冷嘛，所以貴啲！咁我答佢：而家下晝，點會係叫晚餐？個收銀黑口黑面仲要話：你講號碼嘛，邊有人叫外賣講中文架？你下次講號碼嘛！我好自然咁答：咁我下次唔幫襯囉😡成個過程中，仲有第二個女人係咁答咀，仲話我麻煩⋯真係唔明點解佢落錯單，都仲可以唔道歉，仲話番客轉頭真係唔知有咩原因令到我會再幫襯！

在荃灣要數我最喜歡的茶記必定是紅茶冰室，諗不到吃什麼時必定想起它！這天又來幫襯不過生意亦因疫情有所影響！不用排隊之餘更可二人獨享卡座真的從來沒試過！ 凍檸茶加熱奶茶絕對是我倆不二之選，老婆大人飲凍檸茶因走甜的關係很多時遇到反茶的情況，即一篤檸檬便混濁得像奶茶入口又苦又澀，紅茶的出品就沒有此情狀況而且檸檬清香很合佢口味，我就幾鍾意這兒的熱奶茶有茶香之餘亦算滑口飲得過。 點來特餐內有招牌沙嗲牛肉麵、火腿奄列、香酥丹麥多士、及熱飲一杯，沙嗲牛肉麵老婆大人很喜歡吃，但只限汁跟麵牛肉由我包底吧！ 另一個我喜歡紅茶原因是它的香酥丹麥多士，烘得酥香加上牛油的香味真係百吃不厭的，另外還有一份火腿奄列，不過我覺得它們的炒滑蛋更加吸引！ 另外點了一份午餐內裡包括了飲品、餐湯，我選了足料的羅宋湯內有不少新鮮蔬菜，味道酸酸甜甜挺開胃的。 從數款午餐中選上了燒汁豬扒飯，一大件淋滑香口的豬扒很有風味，喜歡有大量紫洋蔥及椰菜作配搭，香口惹味之餘又健康點，寫著時又掛念那香酥丹麥多士了！！

紅茶冰室，午市通常有三個選擇，今日坐低叫咗個A餐同埋c餐。A餐：板燒豬扒拼香草豬肉腸C餐：焗馬來咖喱薯仔牛肉通常有跟紅、白、中湯，凍飲加$3今日見丹麥多士有少少失準牛油似係擦上去唔係一齊焗到家左成8蚊架A餐到咗，一個戴眼鏡嘅侍應準備上台，眼見冇位我想親手幫佢接個餐放返入入邊俾女友食，點知佢就態度惡劣咁，搬走晒我枱面所有嘢，仲同我講：你自己擺入去啦！如果唔係食開，真係會想鬧人講完態度，講下啲食品。焗飯真係冇得頂，一流嘅好味不過今日個A餐豬扒薄到好似張紙咁，仲要側邊好多肥膏如果有睇到嘅，麻煩跟進一下。雖然比$50一個午餐，區內來講算好抵食，性價比亦都好高。偶然失手可以體諒，希望唔好係經常

雖然呢期肺炎疫情嚴重，但係為食嘅人依然係要出街食飯唔係話唔驚，只係食唔飽死得仲快見到是日晚餐係豬鞍，二話不說即刻衝黎紅茶。一嚟到嚇親我，竟然唔使排隊仲要任得你坐邊度都得嘩！實在太神奇了。入返正題先，職員一如以往嘅高速。10分鐘左右，餐包、湯、晚餐、餐飲，全部上齊晒有食開嘅朋友應該都知道，晚餐嘅餐湯，就會系第二日午餐個餐湯（所以我多數淨係嚟食晚飯）湯：白湯係一般嘅金寶湯、中湯就日日都唔同要問一問服務員先餐包：個包熱嘅都鬆軟，茶記來講算高質，特別推薦佢哋個丹麥多士加$8你會有驚喜豬鞍：豬鞍好大份，冇梳打粉味，但就有啲小可能要叫多飯。整體來講算非常好如果5分滿分都就4.5

黎親荃灣做嘢都會去幫襯「媽咪」，是日行經荃灣廣場附近，無理由唔食紅茶可能時間仲早，12點鬆啲，唔駛點等。可惜嘅係午餐三款都唔啱食，所以叫左個特餐—沙嗲牛肉麵+火腿奄列+丹麥多士正呀喂。午餐平時有三款，1中1西1焗，任君選擇，性價比區內黎講算非常高不過今次有少少失準，丹麥多士燶左，冇平時咁香咁好味個沙嗲牛肉麵就咸少少外，算係冇得挑剔，個麵唔駛轉一丁都已經好味道少少挑剔就係落親野飲少甜少冰，都係同正常飲一樣，可以改善一下值得試嘅茶記

服務態度差到冇人有，見門口有人排隊，食完個飯，杯野未飲完，即刻收晒枱面嘅野，見你仲未識做，就走過黎抹你兩次枱面，又係側邊同其他同事，講埋d難聽說話，話咩唔趕有排坐，之後仲走過黎擺埋幾set新餐具係你面前！不知所謂！咁嘅待客之道，唔駛指意再賺我錢！

晚上涼了好多，九點多才工作完，平時已打道回府，今晚特想吃飯。想起早上經過，原來新開了紅茶，心中忐忑，還是去了。觀塘分店光顧多次，質素穩定中上，以茶餐廳來說，做得相當不錯。為人所不悅多與服務有關，受者就是快靚正，不受者嫌無禮貌。偏偏每次經過大排長龍，其實自有獨特之處。早上經過，大排長龍，不知道星期五六日會旺得如何？晚上到來還好，九成滿，一位還是有的。點了焗鮮茄豬扒飯，我的情意結。等了十多分鐘，合理時間。外表靚仔焦脆，碗碟熱辣，新鮮焗起。一般廚房焗爐分兩種，一種只有上火，目的是快速加熱上面，取色，一種是正常焗爐，焗飯用後者較好，有飯焦，熱辣辣，紅茶一睇便知是後者。焗飯一到，一般我會先起豬扒，以免水氣太多，令飯不香。炒飯爽身，金黃色澤，可惜是沒有調味，自己補鹽。豬扒不是生煎，有過油，粉太厚，甩皮了。猶可調味醃得好，厚度均秤，斬件舖滿飯面，所以豬扒又較貓扒貴。鮮茄汁調味也好，舊底味道。整個焗飯熱到燙咀，但食得好滿意。整體而言，以茶餐廳來說，價錢也比觀塘店要貴，但食物質素好，優於附近同類，也難怪人如此多。地方也算整齊，店員其實都是爽快的人，茶餐廳不就應該如此？

第一次寫食評，唔好意思冇相片, 只想記錄過程. 4個人消費$347.米飯偏硬.外賣份量偏少.星期日晚大概晚上7點, 當時環境沒有當場睇清楚就拎走外賣. 返到屋企先發現溜了一份餐. 打返舖頭, 當時經理話可以第日拎返錢, 咁好啦我信佢. 到第2日, 大概下午2點-3點. 返去問係咪可以拎返錢, 點知個個職員都話唔得, 叫我即場叫野食補返俾我. 咁我沒有叫. 因為好飽! 整個過程我感覺好似俾人騙去信任. 都係大窩口個間紅茶冰室好食啲, 職員都好少少

早前的某個星期日在紅茶冰室吃了一份挺滿意的午餐，過程中車爸爸更加插了爆笑又甜蜜的片段可按此笑點！真心羨慕他那份天跌下來當被冚的性格，無憂無愁在這亂世中最舒心！ 在荃灣大壩街開了不久的紅茶其實早已在太子嚐過，記憶中質素不俗怪不得行經多次亦大排長龍！這天只有數人排隊不消5分鐘已可入座。 被安排坐於半邊卡位真的挺迫夾，但沒相干茶餐廳勝在快吃快閃嘛！安座好後跟車爸爸各選一份茶餐，他點了特餐＄48內有招牌沙嗲牛肉麵、火腿奄列、香酥丹麥多士、及熱飲一杯，押上招牌沙嗲牛肉麵的味道果然有料到，跟公仔麵簡直是天作之合，而牛肉車爸爸亦頗為滿意呢！ 很喜歡這兒用上香酥丹麥多士，烘得香脆加上牛油的襯托下更加吸引，而火腿奄列返而較為遜色！蛋有點老火腿亦比得較孤寒！ 而我當然要捧自己場所以點了常餐＄48，內裡包括有金寶豬扒湯通粉、嫩滑炒蛋、香酥丹麥多士，豬扒厚度恰好醃味入味可口，煎得香口而且肉質淋滑，湯頭比坊間的普通味精水優勝，通粉烹得煙韌彈牙最重要是沒坑的(生平最憎吃有坑通粉)！ 而炒烹調得十分出色嫩滑中更富蛋香，配合酥香多士同吃很滋味耶。 我例牌喝凍檸檬茶走甜凍飲須另加＄3，茶味挺香

我都幾喜歡飲港式凍奶茶，以前係大窩口果間食早餐都成日飲，果日行過荃灣廣場對面見他們開左就去食個下午茶，杯凍奶茶似凍奶多過似奶茶，茶餐個薯角又凍，不過個包都ok幾好食，但總括來講，有些失望囉！