紅茶冰室

營業中

休息中

日本朋友來到香港話要試下西多士，我就推介佢一試網紅排隊排半個鐘嘅紅茶冰室，我哋今日揀咗荃灣享和街呢間紅茶冰室，坐車去到荃灣西站(A出口)，沿住荃灣廣場一直行，去到享和街附近問人冰室起邊，街坊都會話你知位置，易搵，行7分鐘就到，好方便丫。流心芝士西多士絕對是紅茶冰室的招牌菜， 西多士外層金黃酥脆，內部柔軟濕潤，加上芝士嘅流心效果，每一口都充滿了濃鬱嘅芝士香味&豐富的口感層次。 茶走嘅茶膽香濃不澀，配上煉奶使口感更加濃郁細膩，讓奶茶的味道更加醇厚絲滑。 無論是搭配美食還是單獨品嚐，都能感受到它獨特的魅力。

兩人入店叫我地坐四人位，但要我地排排坐唔可以對住坐，我地講明想對坐搭枱都無問題，個男人話對坐位俾人坐咗叫我地坐住先，我地見根本無人隊排，而且見到有四人位都係得兩人對住坐，就想對坐先，真係有客咪調坐返囉，點知一想調位就好似犯咗事咁，有個紅髮女人埋嚟鬧呢邊有人架，我地起身人問，人呢 ? 外面又冇人排隊張枱得我地兩個，佢冇嘢好講，我話：咁我地對坐住先得唔得 ? 個男人返嚟話，咁你地出門口等孖位啦。我企係門口睇住入面有坐冇人坐，有四人枱兩人對住坐，自己仲係好似乞咁十幾度係門外吹風，結果企咗5秒就吹醒，我又唔係嚟乞食，人地根本唔憂做當你乞衣仲入去咩，食第間好過，以後唔駛嚟。我知間間店都有自己規矩，可能老闆指示要咁做，但伙計果種不可一世嘅態度語氣差到唔只唔當客係客，直頭唔當客係人，一句唔好意思，麻煩你等陣先都冇，而且態度同喝狗冇分別，真係慘過乞食攞救濟。

紅茶對客係零友善態度一早已知。去買個麵包拎走咁簡單都要嘈，仲嘈到收唔到口。我走入店收銀機錢俾錢買包，直接叫我行番出街。仲口口聲聲話從來無試過在收銀機收過買麵包錢。你紅茶職員點都岩晒，有次堂食在收銀機前俾錢連企左企右都喝住客人做，禮貌當然無，講野全部無尾音。俾錢你做生意仲要個客遷就埋你點企。如果有咁多強制性收錢要求，勞煩 貴店清楚列明，唔好埋位俾錢你就隨職員個人喜好呼呼喝喝、指指點點。同最初在大窩口開店果間差天共地。職員完全得閒無事做撩交嗌。從來無聽過哩間紅茶職員講「唔該」、「多謝」。上次堂食已一落千丈，叫個午餐仲差過兩餸飯店舖，紅茶既飯最多只能勉強稱微暖，個餸只室溫，差到不能想像。

好耐前去過一次已覺服務態度差唔憂做咁，諗住隔咁耐去食吓啦，点知執枱倒瀉成杯水，搞到衫和衭也濕埋，那位阿姐好敷衍講唔好意思就行開，完全冇理客人有乜需要協助，起碼說聲對唔住卦，向經理投訴又係懶理你!!

今晚行過荃灣紅茶冰室見佢晚餐有T骨牛扒 入去食下叫左個T骨牛扒意粉，牛扒煎到有啲焦香 咬落有油脂香，但牛肉口感有啲淋 有啲位有啲靭 但味道唔錯 。意粉就比較硬身啲係我鍾意既 配上少少蒜蓉醬，正！另外叫左個波蘿油，波蘿包既香味好吸引同埋牛油黎到仲未融哂，咬落去係一種幸福感 。總括來講，紅茶冰室既T骨牛扒意粉同波蘿油都值得一試無論係味道定係份量，都滿意下次一定會再食

垃圾餐廳養垃圾員工， 同 waiter 投訴食物有問題又藉口多多話全世界都係咁，服務差態度又唔好，價錢又唔係平，野又唔好食， 炒河粉唔係炒係撈啲芡汁落去， 肉絲炒麵就濕嘅， 完全唔入得口。

今日午餐唔知食乜好啊，同埋因為今日係星期五，所以就冇帶飯啦，最後結果去咗紅茶冰室度食咗個豐富嘅午餐，今日紅茶冰室嘅午餐係有雞扒飯，質素就可圈可點，照平時紅茶冰室嘅水準嚟講，可以話係差咗少少，首先塊雞扒煎得比較乾肉汁唔夠，飯亦都係唔夠汁撈，整體嚟講成個飯就比較乾身。但係另外焗肉醬意粉，就頗有驚喜，首先上面嘅芝士肉醬，十分之豐盛，而且味道都好濃郁，食落熱辣辣，令到個口感更加豐富。配埋杯凍飲，個lunch簡直係完美。

今日係7月1日回歸喜慶日子嘅第一日假期，所以去咗中國內地社交平台推介的香港網紅餐廳，呢一單網紅餐廳真係好多人去食，喺出邊都要排隊先至可以入去。今日就揀咗個set lunch ，每日佢哋嘅set lunch都有三至四個選擇，今日有黑椒牛扒、椒鹽豬扒、同埋咖喱焗飯，最後我揀咗黑椒牛扒意粉，黑椒牛扒好大塊肉質都好好食。不過意粉就差咗啲，可能因為黑椒汁唔夠，意粉係冇乜味…不過佢哋的餐飲又真係唔錯，用咗杯凍奶茶，奶茶味都好香。

本身我係荃灣。一個人諗住食早餐，見架車叉緊電有時間，就諗住食紅茶。我行到去門口個阿姐叫我住兩人枱，點知就比入面職員叫我坐第張，佢又無理我，仲叫左兩個人入來坐，我就一直企係到。好似比d職員玩咁，最後一肚氣，唔使食。

今朝早去咗荃灣紅茶食早餐點咗個早餐B餐，包沙嗲牛肉公仔麵配太陽蛋、丹麥多士加杯凍檸茶。平時呢間餐廳好多人排隊但係今日好彩冇乜人咁我就可以好快坐低食首先個沙嗲牛肉公仔麵真係幾好味牛肉煮得啱啱好，入晒味，唔會太硬。丹麥多士香脆可口，配上太陽蛋，呢個組合真係唔錯。凍檸茶亦做得幾好。最令我驚喜嘅係呢度嘅服務，真係快到不得了。我一坐低點完餐，唔夠10分鐘就上咗嚟，效率極高。唯一不足之處係呢度仲係用緊現金，冇電子支付。希望佢哋可以跟上潮流，方便更多唔帶現金嘅客人。整體嚟講，呢次早餐體驗非常滿意，無論係食物味道定服務速度都好好。呢間餐廳平時好多人排隊，如果有機會，不妨早啲嚟，免得等耐。

今同多多睇戲前諗住食個tea，見對面間紅茶無人排隊就入去，有卡位坐，但下午茶啲款式唔多啱心水，就叫了個鰻魚炒飯，多多就要黑椒牛肉炒意，一杯凍檸茶一杯凍奶茶两樣上枱時都夠熱，是即炒的，味道ok，但油太多，食完見成碟都剩油，两杯飲品就偏甜些，是同一種甜味，典型港式茶餐廳味道，不知是油膩定飽，一直到夜晚都不覺餓，完！ 塡肚指數：80分 味道指數：70分 服務指數：70分

紅茶（荃灣）🍅沙嗲牛肉公仔麵/米粉🍜紅茶真係間間分店都咁多人，荃灣都唔例外。好在茶餐廳大家都快食，即使前面有六七個人，大約等10至15分鐘已可以入座。去食早餐，茶餐廳來說，沙嗲牛肉算中上水平，如果沙嗲可以多少少花生就更好。公仔麵和米粉都煮得啱啱好。當然，以滋味計，一定係夾公仔麵；要健康就米粉。🍅炒蛋🍳炒蛋幾滑，都有蛋香，應該加咗少少牛奶或者忌廉去一齊炒。🍅丹麥多士🍞丹麥多士係最好食嘅，微脆，又有牛油香。

嗌3份早餐，落漏單嚟到變咗2份早餐，加單點一杯$22嘢飲 已經好搞笑因為出餐算快，所以都唔介意等多陣嗱嗱臨食完埋單點知個收銀拒收我張紙幣 (話唔可以找俾客!?)張紙幣無巢、無穿、無爛、無被人塗污係有歲月痕跡 但無脫色所以舊銀紙就唔收 ？(嚇得我仲以為舊銀紙而家唔喺市面通行即刻拎去7-11實測，呀姐望完話完全無問題 照收)一間連鎖餐廳 只收現金 係有啲唔方便但你貼咗告示，我可以揀入唔入去所以尚可接受但竟然咁串，舊嘅銀紙唔收我就bye bye 唔會再入啦費事八達通又唔收，又拒收我啲紙幣到時要我再去專登㩒錢就煩

前幾日到尖沙咀見到有一條長長的人龍，原來正是紅茶冰室的排隊入座人龍，有些驚訝。今日路經荃灣大壩街的紅茶冰室，沒有人龍但也想試一試他們的出品。今日午餐set選了「香煎牛扒配法蘭克福腸配薯菜」正常餐食沒有特別，餐湯出得比較慢，我選忌廉湯裏面有好多紅蘿蔔碎、肉碎等也不錯。「麻辣嫩雞拌麵」這個辣味十足，香麻很出。他們的奶茶也不錯。

到底點解紅茶有咁多人排隊⁉️｜係唔係真係咁好食🤔｜感受多國語言同氣氛之選🤗今日咁啱經過，見比較少人排隊，就去食吓啦！🔆早餐時段最後等咗2分鐘就有得入去啦✔️其實服務都算OK嘅，姐姐都安排咗張四人枱俾我哋兩個人坐。但係一坐低就係咁問我哋食乜嘢。🧐隔籬左右幾張枱都講唔同嘅語言，有韓文，普通話等等。感覺好熱鬧🫨🌟早A-鮮味彷鮑魚絲火腿通｜$41+$3｜7.8/10火腿通🍲基本嘢啦，好難唔好食，個湯都濃郁既。鍾意食佢個牛油餐包🍞，有輕微暖暖地同埋溶溶地嘅牛油。👍🏻煎蛋🍳都唔錯，冇煎到好燶，蛋白係滑既，冇油淋淋既感覺。凍奶茶正常水準+$3其實啲嘢食味道都係唔錯嘅，但係要排隊排好耐隊就不了。