紅茶冰室

營業中

休息中

干炒牛河，一上台就闻到阵镬气，明显系即点即炒，镬气够晒香。豆芽放得好多，咬落爽脆多汁，中和咗河粉嘅油润。最惊喜系牛肉，块头够大，分量又足，啖啖都有肉香，真心推介！​咖喱吉利猪扒饭都系必食之选！猪扒炸得外脆内嫩，外皮卜卜脆，里面啲肉厚身又 juicy，咬落超满足。咖喱汁调得岩岩好，唔会过咸，香料味好浓郁，送饭一流。里面仲有炖到腍腍嘅土豆，吸晒咖喱汁！​菠萝油配红豆冰套餐都好有惊喜，热辣辣嘅菠萝包夹住冻冰冰嘅牛油，一啖咬落去，冰火交融，外皮酥脆带住牛油香，甜而不腻。不过男友话食一口就觉得滞，我就觉得啱啱好，可能每个人口味唔同啦。总体嚟讲，呢餐真系食得好开心！

晚餐主食食完，啜咗兩啖嘅凍奶茶，想抖下飯氣，待應就立即過黎收碟，清理一下現場非常好，但我同太太嘅飲料都一齊收埋，仲有大半杯未飲，之後我望住佢，佢問我「你仲要返呀？」你都成隻手指插咗落去仲点要，成枱吉哂即係俾訊息我要立即消失一樣，成個晚餐只用咗唔夠20分鐘就要強迫起錨，又打劫咗我加錢嘅凍飲，真係。。。。

第一次嬲到要寫食評既餐廳，食物質素普通，茶餐廳味道，服務差到離譜，其實係冇服務。連垃圾餐廳都不如，負評。侍應不斷趕客，坐下秒速要落單，不能思考兩秒。所有侍應態度差是絕對的事，問多一句，一位短髮女侍應已經黑臉，又串，自己做錯野仲要話你。未放下刀叉已經過來收走枱上所有東西，連清水紙巾也要清走，想呼吸一秒也差點被趕走，我以為自己參加左鬥快食野比賽。勸告各位想安靜食一餐飯，千萬不要來！你估你食野快定侍應收野快？！

平時一般好少寫差評，但係今日去沙田嘅紅茶，服務非常之差😢食物質素係正常嘅，但係上菜冇幾耐，侍應就開始逐樣逐樣收拾我地枱面嘅東西，非常干擾。 而且我哋嘅用餐時間並唔耐，但係過程中間，侍應無間斷地干擾我哋進餐，並且喺收拾間隔膠板時，將全部餐牌打翻到我們的身上，而且並沒有道歉，即使看見也沒有幫忙收拾好。食到最後仍然不停在繼續地看枱面有沒有東西可以收走，在付款時，收銀員面口非常黑，而且把找換的金錢丟給我們，體驗非常之差。

這款曲奇底蛋撻真是讓人驚喜！酥脆的曲奇底為整體增添了獨特的口感，搭配柔滑的蛋奶餡，形成了完美的對比。每一口都能感受到香脆與滑嫩的交融。曲奇底的甜香與蛋奶的濃郁相得益彰，讓人忍不住想要再來一個。無論是作為下午茶小點，還是聚會的甜品，這款蛋撻都絕對能讓人留下深刻印象！強烈推薦給所有蛋撻愛好者！

今日同朋友仔去香港冰室，叫咗幾款經典菜式1. 牛油花生醬厚多士🧇這道厚多士外表金黃酥脆，內裡則是鬆軟的麵包，搭配濃郁的牛油和香甜的花生醬，豐富的口感，香氣撲鼻，十分誘人。2. 菠蘿油菠蘿油的酥皮外殼鬆脆，內裡的奶油香氣濃郁，搭配一大塊牛油🧈，熱騰騰一啖咬落去！好滿足。😋😋3. 沙爹牛公仔麵（常餐）+ 奄列🥣沙爹牛公仔麵的牛肉鮮嫩，沙爹醬的香辣味道恰到好處，讓人垂涎欲滴。搭配的奄列輕柔滑嫩，增加了整體的口感，讓這道餐點更具風味，非常適合作為午餐選擇。 4. 豬扒通心粉（常餐）🥩🍴豬扒通心粉的豬扒煎得金黃酥脆，肉質多汁，與通心粉的搭配十分和諧。這道餐點適合喜歡重口味的食客，能夠滿足大部分人的味蕾。經典款式，價格亦都正常，值得一試！

早餐過咗繁忙時間，大約10點左右，同媽咪嚟食早餐，餐廳已經冇咩人，都要趕客埋單。第二次 下午茶時間，叫咗個肉絲炒麵，成間餐廳個廚房咁大，紅醋都話冇嘅，然後問攞辣椒油，掉一包比你，唔夠問佢攞多包，黑晒面！之後見你食完，都係一樣 叫你埋單趕你走！第三次 中午時間大約1:30pm，服務員態度又係差嘅，又係嗰句，見你食完 即刻收嘢，趕客走！比咗三次機會，以後都唔會再嚟，永遠都唔會去！ 所以點解個個都北上，咁嘅服務態度，自己檢討吓先啦，永遠賴人哋！

就是这样才叫正宗招牌芝士流心西多士 🥞吐司的余温让黄油逐渐融化，油箱逐渐浸润到土司的每丝纤维中，吃起来很油又很腻很爽番茄猪扒饭 厚重浓稠拉丝的芝士将米饭酱汁番茄充分的融合🍅，让大块的猪扒也吃起来奶香中蕴含着酸甜，更显柔润融合味道比较正宗，但排长队就不值得了

星期六的早餐時段行經這茶餐廳，一如既往見長長的人龍，我們二人加入行列，排了不到十分鐘便可入座。一坐下，我們便叫了兩個醒晨早餐。～招牌沙嗲牛肉麵配 Top One 丹麥酥 + 嫩滑炒蛋沙嗲牛肉麵份量也不少，牛肉軟滑，麵質彈牙，湯不是太濃、味道亦剛好。很喜歡這店的炒蛋，果然嫩滑，蛋味濃郁。趁熱吃，味道和質感也很好。丹麥酥入口同樣鬆軟，牛油味突出，烤得外脆內軟。餐後來一杯熱飲真教人滿足。這店的早餐果然不錯，出餐快、質素又有所保證，價錢公道，怪不得常見人龍。

沙田紅茶冰室紅酒燒汁鴛鴦扒午餐傳統茶餐廳格局，平價食材加上神奇嘅烹調補救，再嚟多轉花呢花綠裝修，做就出親民大眾化嘅高級茶餐廳。紅湯紅湯以羅宋湯為藍本但帶酸辣味，蔬菜份量與濃度有少少稀疏，餐湯以辣味為主角，肉味就太過輕飄飄，覺得傳統羅宋湯好飲好多。鴛鴦扒肉量足夠，二師兄雖然乾身兼身材淺薄，但係經過神奇粉粉處理後，入口非常鬆軟，蕃茄紅酒汁配上豬肉開胃易入口。炸雞扒則皮香肉軟腍，雖然肉味唔出眾，但係肉汁夠晒豐富補返數，雞扒醃漬味濃郁好食。意大利粉為幼身天使麵，烹調軟硬度掌握得啱啱好有口感，比一般餐廳更勝一籌。曲奇餅底蛋撻同場再加多個蛋撻做甜品，餅底薄夠鬆軟，嘴𥚃充滿牛油香酥味、唔知係咪有另外一款神奇粉粉橫行霸道，雞蛋香味感覺唔出，蛋撻口感及味道算OK啦！檸檬茶有茶味，紅茶味及檸檬份量足夠，屬於一杯有誠意嘅凍檸茶，可以一試咪走雞。餐廳裝修設計用料金光燦爛多樣化，款式較爺爺嫲嫲look，都算係另外一種表現。座位通道闊落，但係散客就要互相對住塊膠板開餐，雖然清潔衞生較好，開餐時就非常唔方便，店員有禮貌做事快手快腳勤力，親和與笑容有進步空間。

今日早餐叫咗個香港人非常喜愛嘅沙爹牛肉麵早餐， 都係一般嘅炒蛋麵包咖啡。先講沙嗲牛麵， 牛肉份量有五六片 幾嫩滑， 沙爹濃度啱啱好， 微辣開胃， 麵亦煮得爽口。麵包係丹麥麵包有驚喜， 鬆軟有牛油味， 炒蛋有蛋香亦保持溫度。平時飲開齋啡， 今日講漏咗嚟咗杯有奶嘅， 入口香滑咖啡味濃，滿意。埋單43蚊ok， 服務員服務快上菜快， 裝修環境舒服， 早餐值得一試 ，推薦。

呢間無論早、午、晚餐都見到有人排隊， 但係一直覺得都係一間普通嘅連鎖茶餐廳啫，有冇咁勁😂 好啦最後都係忍唔住去試下嗌咗一個冬陰功海南雞，價錢應該係大概60蚊賣相比預期中靚，紅橙黃綠顏色都齊曬，即刻忍唔住影張相打個卡😂😂湯底都有酸辣味，個人覺得都唔比泰式餐廳差份量適中啦其實我覺得最吸引我嘅地方係個餐牌😂 真係嘅咁多選擇，我都係揀咗好耐之間到呢樣， 如果唔知食咩嘅話嚟呢度都幾好， 實有一樣啱你服務呢日正正常常好似一般茶餐廳咁啦， 冇啲負評講得咁差嘅

難得今日放假，中午12點幾帶阿仔阿囡來吃飯，初時唔係好多人，排隊排咗5分鐘左右，點食物的時候，服務員態度也還可以，當去到一點鐘繁忙時間，阿姐個樣立刻黑起塊面，細細聲話”食咁耐，想食到幾時？” 仲要勁惡咁望住哂，直係離晒譜不知所謂講真嗰句，如果你話限時食，我無話可說，而家係冇限時，加上我三個人都有消費，唔係白坐!!! 唔好似住自己日日好多人排隊好多生意，就講啲咁嘅嘢去趕客，呢啲服務態度真係好差，下次唔會再幫襯。。。

我們大約在下午兩點到餐廳用餐（一行五人）一開始他們就給了一張大枱卡位。除了常餐以外，其他食物都等了25分鐘，等候時間長度不能接受。其次，我們有四人先行離去，剩低一位繼續享用剛剛等了很久的食物，然而竟然遭到侍應趕走！！！食物延遲送到不是我們客人的責任，只要客人未享用完食物，也沒有權趕客人走！就算你們這張枱趕着給另外一輪客人，也不能不公平地對待其他客人！用餐體驗十分差勁！經營食肆，身為一個服務行業，員工態度差劣，惡對客人，甚至趕客人走，這是一個什麼的態度？！

紅茶本來是我很喜歡的一家茶記。但這次實在令我覺得好很差。叫左個咖喱牛腩飯，啲牛腩好似牛肉乾咁，又黑又硬。乾炒牛河正常，但叫佢比2包辣醬，就只比一包，仲要掉過來。咁鬼熱，叫杯紅豆冰啦，但似紅豆水多啲，好難飲。飲飲下仲要有芫荽味。我仲以為我食左啲咩影響左。點知食食下紅豆真係有芫荽係入面。 職員好老實呀，話應該係洗唔乾淨。唔係紅豆有芫荽。到底要點樣洗唔淨先可以做到有芫荽味嘅紅豆冰？唉。。。香港既茶記冇啦冇啦。。。