紅茶冰室

營業中

休息中

長頭髮，紮馬尾，瘦身材負責帶位個Y姐，串到爆，吾知以為欠左佢，員工服務態度好有問題.試過比多次機會去食，最近食過兩次，服務態度都係咁差，想受氣就去食呢間，永遠冇下次，永久黑名單。

首先係香港食野排隊都正常，我們仨人排左一陣，有四人排我地後面一黎就有位，問阿姐點解三位唔入，四個人就立即有位！阿姐個告案係佢地卡位四個位！請問聲有咩枱係三人位都算等多十分鐘入去食，野食難食又凍不在話，個豬扒包凍架！仲有杯什果賓治入面有舊黑色物體搵個阿姐落單都面黑黑我食野都要睇阿姐面色，真係唔怪得呢排「紅茶」比人劣評真係影衰晒香港茶餐廳業界，香港茶餐廳係香港特色而家比佢攪到咁！本人以後絕對都唔會去食！

平時都有食開紅茶既早餐，覺得佢地唔錯，性價比高，早餐快靚正，員工動作快，很有活力，今次試左佢地個All Day Breakfast,可能係全港性價比最高的All Day Breakfast🍽️🍽️🍽️歐陸套餐H $55早餐包括（吉列魚抑、紐倫堡腸、黑松露妙蛋、煙肉、茄汁豆）配Top One丹麥酥奉送熱咖啡式茶（凍飲 + 3、特飲+9）食後感：魚柳大塊兼又香又脆，配上紐倫堡腸，有我至愛的黑松露炒蛋 ,炒得滑嫩，煙肉唔會乾淨淨，丹麥酥好味，熱辣辣外脆內軟。食完很滿足，心想若有多塊薯餅就更Perfect!

下午茶叫左炸雞翼配沙律，但雞翼唔熟入面仲係好紅，好聲好氣叫侍應可唔可以再整熟d，但佢就一尾話雪藏雞翼係咁, 廚房都冇問過就拒絕翻熱，叫我就咁食冇問題, 我問佢如果我食到肚痛係唔係你負責，但佢都係連入一入廚房問下都冇，都係話雪藏野係咁。我唔想浪費食物唯有打包番屋企……老實講，廚房忙得濟有時炸唔熟d野唔緊要，follow up得好d嘅都唔追究，但侍應態度惡劣唔認錯就有問題。或者間野多遊客加持唔驚冇客人，但亦就係e間係其中一間代表香港嘅茶餐廳，所以希望可以改善下d服務，唔好丟香港臉。

聽聞紅茶d嘢好好人食，好多人排隊，今日經過見到唔駛排隊，一心諗住去試下，點知令我一試難忘，係難食到一個點，因為唔太想食麵包，所以叫左個下午茶-焗芝士腸仔肉醬意粉，意粉都叫做煮得幾好，唔太淋，但個肉醬嘅醬又勁酸又宿宿地，由於好肚餓，食左幾啖後忍唔住，而腸仔都又淋又宿，最後剩左大半個沒有食，慶幸杯凍檸茶叫做正常好飲。我好心同d職員講聲話個肉醬意粉有問題，但佢哋d反應係唔理唔講嘢，我又唔係要佢賠，要佢請，但比我感覺好差，總體而言，我諗以後唔會再幫襯，好難想像點解要排長龍去食垃圾。

炒蛋，個包ok嘅…..但服務真係差，平時見要排隊，今朝見門口冇人等，我就企門口等位，之後一個阿叔衝入去，個阿姐就叫佢坐，ok冇問題……我照同阿姐講「一位」，佢都唔理我，反而俾左我後2枱「2位」嘅入先，仲要同我講「我未叫你」…..我心諗…咁打尖個阿叔衝入嚟，你又俾位佢坐？唔同佢講：「我未叫你？」但4枱人，我第一個嚟。

紅茶，屋企人就食得多，但係我未試過，紅茶嘅食物。我為咗清明節 + 復活節這個悠長假期。假期前，最後一天上班，給自己一個醒神嘅外賣早餐。特意去紅茶買早餐。雖然是假期前，也有人排隊買早餐，。等大約5分鐘左右，才可以落order。選擇多，叫了我至愛嘅腸 和 炸魚柳。外賣盒，是好實淨的膠盒。最怕有些，預熱便溶掉了的膠盒。魚柳炸得甘香可口，火候啱啱好。炒蛋滑溜。腸仔實淨，可煎脆口少少會更好。咖啡是香濃的即磨咖啡，不用另外收費。值得加分。

今日去同女朋友叫左兩個下午茶餐，見佢新鮮出爐左蛋撻同埋菠蘿包，於是加單即刻各叫一個，點知只上了蛋撻，我咪好聲好氣請佢上返個菠蘿包俾我，點知個姐姐話，會睇單上架，到我地食晒枱面上野都未來，於是買單嘅時候就同樓面講，個菠蘿包未來，我地不要了，點知樓面又問邊個同我落單，客人原來有義務記低架咩？於是我同佢講如果要證據睇機啦，我地真係無食。心諗:咁大間紅茶集團，連小小野都做吾好，仲要問返個客人轉頭邊個落單，有啲姐姐態度就好好，有啲就好差，真係只能說有啲問題，不想影響到態度好的姐姐。

呢間冰室每次經過都會有人排隊,見今朝起身已經晏，而佢既早餐又做到11:30am, 冇理由唔幫襯下既🤣🤣🤣排隊都唔洗排好耐就有得入去喇，估唔到11點都仲有咁多人安排左要同人搭枱，不過位置都ok既，唔會太迫。叫左個柞菜肉絲公仔麵餐，一黎就上左個麵先，好咸！！太咸喇！我本身食開重口味都頂唔順。份量都好足，凍檸茶都好好 用冰杯，佢唔係用一般既麵包多士，而係丹麥多不過個麵食左幾啖就冇食喇總括嚟講： 個公仔麵實在係太咸，其他都ok, 我下次會試吓其他茶餐廳

時間過得好快喎，又到星期六，有節目，約會好友逛街 吃吃，黃昏時分，肚餓了，途經金魚街附近，有間 「紅茶冰室」下午茶☕️排隊 稍等⋯⋯😊餐牌：下午茶餐奉送熱飲，凍飲 +$3多士、蛋撻、雞翼、雞髀、意粉、烏冬…. 等等 可供選擇芝士煎蛋🍳菠蘿油 😊 $38賣相ok la, 軟熟菠蘿包，皮脆 脆卜卜 香口揭開睇吓，大大塊煎蛋，番茄🍅片芝士慢慢溶化了，張開口大大啖慢慢品嚐🤗吃得滋味餐飲：點了 熱奶茶，香滑⋯⋯味道唔錯😋

今朝去咗紅茶冰室買外賣早餐，每次去都會叫早餐B，沙爹牛肉麵，丹麥飽和炒蛋。唔知係咪外賣的關係，食物質素真係比堂食差，沙嗲味唔夠濃，只有鹹味。炒蛋、丹麥飽和奶茶都ok。

去到金魚街買嘢食比寵物之後 忽然見到一條好長嘅人龍 就係呢間位於金魚街嘅紅城冰室 見到咁多人排隊 都要去試吓係咪真係值得排隊之前都食過呢一間茶餐廳 多數都係叫沙嗲牛肉麵嗰個餐或者豬扒通心粉 今次決定試吓佢個午餐我同朋友都不約而同地，叫咗牛扒意粉，配上黑椒汁 本身都冇乜期望 覺得都係茶餐廳質素 但係有喜出望外嘅感覺 牛扒有兩塊 適合大胃王嘅我哋 意粉嘅軟硬 亦都控制得非常好 唔會話有好硬嘅感覺 午餐亦都有 餐湯 可以揀中式或者西式 我就揀咗蘑菇湯 都唔錯

難得揸車經過有車位，就停低食個大早餐先開工。其實side by side 有2間茶記，次次經過都因為紅茶排長龍就去咗另一間，今日夠早，唔算排太多個就入來試試！職員很快問2位要坐car 位嘅一邊，介唔介意，咁我地ok, 佢就帶我地埋位。過一陣就有人幫手寫餐，送餐來仲講小心呀。態度很禮叫咗早餐B沙嗲牛肉通粉配炒蛋，丹麥酥。沙嗲牛肉味道很好👍🏻👍🏻👍🏻，啲牛肉唔係「乸」到無哂質地，通粉硬工度適中。炒蛋好香牛油味，丹麥酥熱辣辣又夠脆👍仲有杯熱檸茶，茶地唔會濃到苦👌臨走時，職員都會提「攞齊野，多謝晒！」服務態度非常專業有禮，雖然多人做野但唔會手腳亂😊

入去叫外賣早餐，叫叫下有人行我隔離預備比$，甘我移左一步讓少少路，點知個收銀好冇禮貌甘叫吾好行甘埋，我即刻話有人讓少少路啫，仲要收多我一個歺，好彩睇到退番$。服務性行業係要禮貌架。

大概係度食過十次野左右，以下整合一下自己既體驗，相信幫到你決定要唔要黎食。惡劣服務態度：👎👎👎我相信係因為管理不善，老闆只以賺錢為目標而忽視員工培訓同埋食客體驗，因此侍應既服務態度極為惡劣。1. 你入去食野果陣，第一個侍應會勁快又勁細聲又勁冇禮貌咁比個檯號你，例如係「19」，然後你行入餐廳之後，第二個侍應會叫你比翻個檯號佢，試過好幾次冇聽到或者唔記得個檯號，個侍應會叫你行翻出去問多次個檯號係乜，你一日答唔到個檯號，個侍應都唔會安排你座低。我第一次見茶記為左短時間招呼多d客，而用d咁破壞食客體驗既方法黎安排座位。雖則呢個只係公司規矩，但set得呢d咁既規矩既餐廳，加上侍應惡劣既語氣，我唸，都冇乜d考慮過食客既體驗。2. 我試過問個侍應：「唔該比多杯水黎」，佢答：「咪比左你囉？」，然後就冇左回事。3. 試過同侍應講佢漏左上杯凍檸茶，個侍應答我：「一早落左啦，等下得唔得？」，然後等多20分鐘食曬野都未有，催多兩三次，個侍應先偷偷地係遠處重新落過張單，驚死自己出醜咁。4. 呢間餐廳冇得比你揀位，就算有空檯，個侍應都會逼你去同人搭台，個位細到淨係啱啱好夠擺一隻碟5. 無論係上錯野食野飲，漏單，你