影片
更多
2023-01-17
343 瀏覽
大概係度食過十次野左右，以下整合一下自己既體驗，相信幫到你決定要唔要黎食。惡劣服務態度：👎👎👎我相信係因為管理不善，老闆只以賺錢為目標而忽視員工培訓同埋食客體驗，因此侍應既服務態度極為惡劣。1. 你入去食野果陣，第一個侍應會勁快又勁細聲又勁冇禮貌咁比個檯號你，例如係「19」，然後你行入餐廳之後，第二個侍應會叫你比翻個檯號佢，試過好幾次冇聽到或者唔記得個檯號，個侍應會叫你行翻出去問多次個檯號係乜，你一日答唔到個檯號，個侍應都唔會安排你座低。我第一次見茶記為左短時間招呼多d客，而用d咁破壞食客體驗既方法黎安排座位。雖則呢個只係公司規矩，但set得呢d咁既規矩既餐廳，加上侍應惡劣既語氣，我唸，都冇乜d考慮過食客既體驗。2. 我試過問個侍應：「唔該比多杯水黎」，佢答：「咪比左你囉？」，然後就冇左回事。3. 試過同侍應講佢漏左上杯凍檸茶，個侍應答我：「一早落左啦，等下得唔得？」，然後等多20分鐘食曬野都未有，催多兩三次，個侍應先偷偷地係遠處重新落過張單，驚死自己出醜咁。4. 呢間餐廳冇得比你揀位，就算有空檯，個侍應都會逼你去同人搭台，個位細到淨係啱啱好夠擺一隻碟5. 無論係上錯野食野飲，漏單，你
惡劣服務態度：👎👎👎
我相信係因為管理不善，老闆只以賺錢為目標而忽視員工培訓同埋食客體驗，因此侍應既服務態度極為惡劣。
1. 你入去食野果陣，第一個侍應會勁快又勁細聲又勁冇禮貌咁比個檯號你，例如係「19」，然後你行入餐廳之後，第二個侍應會叫你比翻個檯號佢，試過好幾次冇聽到或者唔記得個檯號，個侍應會叫你行翻出去問多次個檯號係乜，你一日答唔到個檯號，個侍應都唔會安排你座低。我第一次見茶記為左短時間招呼多d客，而用d咁破壞食客體驗既方法黎安排座位。雖則呢個只係公司規矩，但set得呢d咁既規矩既餐廳，加上侍應惡劣既語氣，我唸，都冇乜d考慮過食客既體驗。
2. 我試過問個侍應：「唔該比多杯水黎」，佢答：「咪比左你囉？」，然後就冇左回事。
3. 試過同侍應講佢漏左上杯凍檸茶，個侍應答我：「一早落左啦，等下得唔得？」，然後等多20分鐘食曬野都未有，催多兩三次，個侍應先偷偷地係遠處重新落過張單，驚死自己出醜咁。
4. 呢間餐廳冇得比你揀位，就算有空檯，個侍應都會逼你去同人搭台，個位細到淨係啱啱好夠擺一隻碟
5. 無論係上錯野食野飲，漏單，你每次同d侍應講完野佢地都唔會應你，連句「ok」都冇，你永遠唔知個侍應有冇聽到你講野，而事實上佢地真係經常（80%）都冇聽到，因為佢地經常漏單，而且唔會覆單。
6. 其他比較次要既缺點：一定逼你要人齊先有得入座，食完會好快趕你走，冇得用八達通比錢。
午市晚餐一般，但早餐係好食既：👍🏼
推薦早餐沙爹牛肉面+丹麥蘇+炒蛋。
個炒蛋炒得嫩滑，丹麥蘇脆得黎充滿牛油味，而個價錢只需要$39，係唔錯既。
比各位既建議：
我希望每間餐廳維持翻最基本既服務質素，呢間野早餐係好食，但餐餐食完都係嬲住走。
張貼