紅磡雞蛋仔

營業中

休息中

本身想去睇開嗰間戲院買$45戲飛睇調教你處男。點知 間嘢冇上。搵搵下竟然畀我搵到黃埔嘉禾再平啲！原來逢星期三只售$40！ 作為窮豬嘅我梗係即刻9衝。好日都唔去黃埔，既然去開梗係要幫襯下紅磡雞蛋仔。因為個lunch仲未落格嘅關係，我嘅雀仔胃只可以喺雞蛋仔同pancake之間二選一。 最後因為同行友人係終極芒果控，所以決定滿足下佢，要《沙律淨芒果班戟 $21》。 只見老闆一手攞住 pancake ，另一隻手就不停撥不停撥啲大大粒芒果入去！拎住佢打卡嗰時啲芒果多到係咁sir落嚟，浪費咗我幾粒寶貴嘅芒果！ 終於打完卡。臨走老闆一如既往好好客咁指住個三色雞蛋仔問：「真係唔要雞蛋仔？ 全世界都一定食佢！」只怪我今日同佢真係緣份未到呀施主～ 然後，同行友人已經急不及待 「 好食！」 叫佢畀啲專業食評「 好食！」 有冇第二個形容詞「 真係好食！ 芒果好甜！」「好食！」佢每食一啖講一次，直至食完為止。

大熱天時，嚟到都有人排隊真係大癲不過都好彩都好快到我地第一次食沙律芒果班戟超足料🥰芒果又多又甜，每一啖都有芒果同埋芒果都係凍凍地 夏天食都不錯班戟好似有少少鹹味（唔知係個pancake 定個醬鹹鹹地），但甜鹹一齊食好正😋雞蛋仔叫左原味朱古力味（一半一半）可能因為係兩溝就要等一陣因為佢即叫即整，所以我哋食個陣係熱辣辣個雞蛋超脆！大推！😋😋個人認為原味好好食，好有蛋香朱古力味就一般唔係特別濃味個人認為雞蛋仔比pancake 更加出色😋😋

其實紅磡雞蛋仔屹立呢區已經至少30年以上，老公細細個已經食佢地，今日再次幫襯主要係想比較一下雞蛋仔邊間好。今日排隊時間約5-10分鐘，我前邊嘅人主要係買班戟，比例大概係六成班戟四成雞蛋仔，遠遠望見芒果班戟餡料十足，前邊啲人個個都會揸住影相。我今日食雞蛋仔，但有啲失望佢唔係即叫即做（以前老店主會即叫即做），現在落咗order 5秒就交到我手上，可能係烘得唔夠耐，又或者放耐咗，雖然仍有餘溫，但係外面一啲都唔脆，有少少失望，但裏面就軟糯有濃濃蛋香，味道都OK。價錢方面，比起其他出邊出名嘅雞蛋仔價錢仍然係好平，$15一底原味雞蛋仔，普通班戟就$11，裏面就係有煉奶同花生醬。總括而言，表現不過不失，性價比仍然係高，但如果可以保留老伯伯嘅功夫就更加好。

聽過好多身邊人嘅推介，經過紅磡終於去試下先！果然名不虛傳！10幾蚊嘅一個肉鬆雞蛋仔非常足料！滿滿嘅肉鬆再加上花生醬 令到嘅雞蛋仔冇咁乾。對比起甜口味嘅芒果雞蛋仔 我會鐘意食鹹嘅口味。經過可以值得一試

紅磡名物 芒果班戟黎到紅磡冇理由唔朝聖紅磡雞蛋仔好彩當日排隊唔係好多人,但係嗰日都好多一家大細來買雞蛋仔由於雞蛋仔即叫即做，顧客都需要在側邊排隊等攞，但係由於我地只係買班戟🥞所以等咗一陣就有得攞😋老闆好熟手咁攞左塊班戟係個爐到反幾下，再加上牛油和鍊奶放係紙袋就搞掂芒果班戟就有滿到瀉的芒果，再加上有沙律醬，食落去好正😋😋😋值得去一試🥞🥞🥞父子檔經營，各自係崗位上各司其職，呢一個係好少喺香港見到嘅畫面。因為始終飲食業都係比較辛苦，如果冇咗後生去繼承，我諗香港人就冇呢個口福去食到咁好食嘅班戟

在红磡吃了晚饭后散步偶然碰到了这家大名鼎鼎的鸡蛋仔，还是忍不住驻足买上一个！店面很小，老板动作利索，人也很nice。点了一个香蕉班戟，现烤的饼底溢出的鸡蛋的香味，即使已经饱腹，仍忍不住贪吃几口。下次路过，一定试试他们家驰名40年的鸡蛋仔，品一品这被街头巷尾的街坊邻居传颂的传奇故事。

喺紅磡掃街，又點可以唔嚟紅磡名物之一嘅小食店呢?!!😏 雖然店名叫雞蛋仔，不過我今次只係試左佢嘅兩款班戟🙊。蛋白肉鬆鹹班戟 $14呢款班戟皮口感煙韌、厚實，唔似麥記果D咁鬆散。班戟搽左一層花生醬，之後灑上大量肉鬆，味道唔錯，不過食到好捩棄😂邊食邊跌，加上班戟皮好痴牛油紙，好易連紙食埋。沙律淨芒果班戟 $21呢款班戟多左D蛋香；搽左沙律醬後，加入大量甜芒果，作為一款唔錯嘅甜點。可能人大左，無咁中意食甜野，所以個人覺得鹹班戟比較好味😋。班戟皮厚實、配料飽滿，食完其實幾飽肚。星期六當日行經幾次，都見到有人排隊，而老闆就密密煎，所以拎上手一定新鮮。

Hung Hom Pancake opened for 40 years - from a mobile trolley cart to a brick-and-mortar store, valuable prices and generous portions 💫 the owner was so friendly, chatting with customers during the wait 💬 everything is made to order 🔥 and they recently just got michelin-awarded 🌟紅磡雞蛋仔開咗40幾年 由木頭車做到入地舖 價錢親民 抵食足枓 💫老闆好親切 一路整一路同大家傾偈 💬 樣樣都即叫即整 🔥啱啱仲入選米芝蓮 🌟 🥭 沙律淨芒果班戟 mango pancake with salad dressing HKD$21班戟好似西式 pancake 🥞 唔係法式 crepe個人覺得比平時啲 pancake 仲好食 ✨軟綿綿 煙煙靭靭 甜甜地 好香蛋味 ☁️ 唔使落糖漿落已經好好食 🍯入面搽咗層沙律醬 鋪滿大量新鮮芒果

經過紅磡有啲肚餓，去咗食出名食班戟、雞蛋仔、格仔餅嘅紅磡雞蛋仔😋😋😋 呢間小店長期有人排隊，老闆密密做😝 班戟有咸有甜仼你選擇，必食推介有芒果班戟同蛋白肉鬆咸班戟！🤘🏻肉鬆控嘅我點了蛋白肉鬆咸班戟！班戟皮帶點煙靭，比平時食開的較厚身，肉鬆分量十足，班戟仲會搽滿幼滑花生醬，咸甜味道出奇地夾🤩🤩🤩 價錢非常親民 $14!!! 屬抵食推介😋😋下次再嚟嘅話要試吓沙律芒果班戟🥭仲有大大件雞蛋仔🤤🤤

路過紅磡，無專登搵就見到出名既紅磡雞蛋仔，就試吓肉鬆pancake, 見人哋個啲相影到好多肉鬆，老闆果然一啲都唔慳，大大更咁筆落去。一塊塊蛋白pancake一早煎好，放在熱板保溫，有人order 就可即刻查少許花生🥜醬和煉奶，然後就落肉鬆成件pancake 比想像中細啲啲，但其實食完都勁飽Pancake 講名係蛋白所以色水唔太濕，唔濃蛋味，但濕潤度幾好👍🏻個人希望花生醬多啲啲，唔駛好多，但今次試覺得如果可多啲啲更好，始終肉鬆係乾性料，多少少醬整體都可濕潤啲價錢方面係抵食既，仲係賣緊14蚊，無因為出哂名而加好貴，欣賞

聽到紅磡雞蛋仔個名好耐～ 一直未有機會試。呢日食完lunch經過，見到都幾多人排隊，就去買超人氣嘅班戟下。🥭沙律淨芒果班戟超好食！必點呀！有好多芒果，而且都係甜嘅唔酸，加埋沙律醬一齊食好正！班戟皮有啲厚度，唔係平時好薄嗰啲。班戟鬆軟，又帶少少煙韌，超推介！🥞蛋白肉鬆鹹班戟另外點咗呢款鹹班戟，都好好食，好多肉鬆，加埋醬一齊食好滿足！肉鬆控必點！見住伯伯即整班戟皮，每個都又圓又大，好治癒☺️見到前一位客人點咗幾個原味班戟，相信都會好好食！下次要試下😆

好細個已經食呢間雞蛋仔，個叔叔咁多年都依然咁nice、咁talkative😂佢真係不停打倒昨日嘅自己😂今次去竟然有3色雞蛋仔😲咁細個雞蛋仔，竟然可以整到三隻味，而且真係食到朱古力同綠茶味，勁正🤤芒果班戟都係每一次去到都要食嘅芒果好甜，而且多到飛晒出嚟😂嗰班戟仲要係好鬆軟㗎😋

依家d雞蛋仔價格高，見過$48一份真係唔捨得買！！呢間非常之有人情味，雞蛋仔價格好划算，質感又同其他貴價雞蛋仔差唔多！入口酥脆、內餡香軟，真係好好味，十分推薦！！

講起雞蛋仔大家第一時間諗到嘅係咪媽咪雞蛋仔呢 其實呢間紅磡雞蛋仔都一樣咁出名 只不過係分店同口味選擇上冇咁多 但係就係價錢方面勝出啦 睇過好多post都讚呢度嘅肉鬆產品 份量好多 咁就要係睇演唱會之前買個來試下啦😗🥞肉鬆蛋白鹹班戟💰14個伯伯係真係就咁畢一大殼麵粉漿之後就煎成一個熱辣辣嘅蛋白班戟 將佢卷完之後搽牛油同花生醬 仲畢好多肉鬆入去🫣可以睇到肉鬆份量唔少 不過呢個口感比較碎D 同埋黏口 但係調味唔錯 搭配甜嘅班戟反而有新感覺！班戟韌勁有餘 可能下次會試下肉鬆雞蛋仔或者格仔餅見呢度都多街坊買雙拼口味雞蛋仔或者其他 下次去黃埔掃街個陣must會試其他種類😌📌 紅磡雞蛋仔 (紅磡)紅磡大沽街寶利閣2號舖

Intro: 依家原味雞蛋仔都賣到30蚊，而真係好食嘅真係買少見少，而理大學生一定會知道紅磡有間老字號嘅雞蛋仔，店舖好細但仲會成日排出龍，原味雞蛋仔都只係賣15蚊底，今次就試下特別啲嘅朱古力味～___________________🍽 朱古力味雞蛋仔💰 21 ⭐️ 8.5/10✍🏻 如果叫特別味嘅會即場整，即整真係暖好食，而上次叫原味係一早整定，雖然會即刻有，但口感會冇咁脆；✍🏻 朱古力唔算好濃，但個人認為岩岩好，太甜嘅雞蛋仔會好膩，仲有原味嘅感覺；✍🏻 每粒嘅雞蛋仔真係好脆，但中心嘅漿肉部分仲有六成，外脆內冧，而唔係空心。___________________🏠 紅磡雞蛋仔📍 紅磡大沽街寶利閣2號舖⭐️ 8.5/10___________________