講起肉蒲團火鍋放題，第一時間就會捻起呢間係唔會有限時的，適合一班朋友來gathering的好地方。 接待處的職員好有禮貌地詢問我地要咩湯底，餐廳有3個價錢 豐儉由人 我地揀左套餐C，因為肉類選擇也相對較多， 例如係坊間比較少見的A4和牛後腿肉、牛背峰等的肉類供客人選擇， 除了肉類以外 仲有海鮮、廣島蠔等的海鮮。 另外值得一提的是自助吧 有各式各樣的丸類、菜、辛辣麵、烏冬、公仔麵，仲有一些小食（當晚我見到有炸燒賣、炸魚皮、麥樂雞） 食完之後侍應會問你想要食雪糕/芝士蛋糕，最後我揀咗芝士蛋糕，味道不俗雪糕仲要係Häagen-Dazs😍Encore下次要再來！敲碗🥳

平昌位於人流多的兆萬中心，一直都想食韓燒，但朋友就話有好推介，就帶我來兆萬中心搭𨋢直接上去，一上到去就有好香的燒肉味撲鼻而來，聞到都流口水，同職員講了訂檯，即刻幫我們安排位置入座，一入座就會係爐邊倒入蛋漿，餐廳係用QR code落單，落完單，食物都好快上檯。 當日食的套餐係大君餐LV3，肉類的選擇也比較多，好驚喜的是海鮮味道也是不錯，整體來說是有驚喜的，而且肉質也不會好粗糙。 再加上職員換爐的速度迅速。值得一讚 而且吉列炸蝦也是即叫即炸。味道不錯 整體來說我會再來Encore

究極堂（銅鑼灣） 有日同同事講開食日本嘢，同事極力推薦究極堂，因為她上次一家人去了餐廳用膳，餐廳安排他們在VIP房，餐廳位於登龍街永光中心11樓。一出電梯就見到餐廳的門面比較乾淨，門口亦放了餐牌供客人查看。 一推開門就有個哥哥仔問我地有冇訂檯，因為我們有訂檯的情況下立刻安排了2人位置比我地，位置亦都舒適，有足夠的空間可以供客人可以邊吃飯邊同朋友傾計。 究極丼 滿滿的是日精選新鮮魚生、大蝦、油甘魚、帶子，拖羅、三文魚籽、吞拿魚蓉，朋友見到亦大讚圖片和實物是相符的，因餐廳的飯是用了赤醋飯，食下去的壽司飯味道醇香 海膽右口魚邊蝦卷 由於朋友係海膽的fans，他打開餐牌就指定要叫呢個卷物，右口魚肉質鮮滑，再加上中間有炸蝦，一啖食下去好有滿足感，連醬油都可以唔點，直接食都好好食 刺身（三文魚、油甘魚、帆立貝） 三款刺身都新鮮美味，朋友大讚餐廳的刺身頗高質，下次一定會再來。 薯蓉廣島蠔 廣島蠔食落好肥美，由於他係用鐵板上，職員亦有溫馨提示，要小心鐵板的旁邊位置比較熱，薯蓉味道亦都好出色，與廣島蠔一齊食味道昇華了另一個層次。 豆腐魚餅 因在是日精選黑板上見到，所以好奇下是什麼，原來是炸豆腐魚餅，食落味道不俗。可以值得一試。 整體用餐都是愉快的，在和職員傾談中得知，如果下次有一班朋友來gathering，可以提早預約，安排VIP房用餐

講起食鐵板燒 大家一定會諗到去油尖旺區/港島區食，好難會諗到喺長沙灣呢個地區都會有一間高質嘅鐵板燒餐廳。餐廳嘅格局走比較簡單和帶有居酒屋的感覺，整體都舒服和闊落。 我同朋友最後都order了人氣之選的鳥海山鐵板燒餐。 首先就會上了沙律先，胡麻醬淋在沙律菜上好fresh，不錯👍🏻 是日精選刺身 職員好貼心地介紹我們要由淡味的海鮮開始食起，海鮮亦都好新鮮，朋友亦都大贊海鮮的鮮味不錯，以呢個價錢黎食，高質 活鮑魚 呢個鐵板燒鮑魚值得一讚，口感較軟，再加上油香，令人食到停唔到口。 活龍蝦🦞 呢個活龍蝦真係驚喜到我，師傅將龍蝦的蝦膏取出去做個醬汁，口感彈牙爽脆，正 牛肉薄燒 入口比較淋，整體都是不錯的 鵝肝多士 熱辣辣嘅鵝肝再配上牛油多士，呢個配搭真係冇得頂，再加上鵝肝入口即溶，食得好滋味 最後就有炒飯和炒雜菜，不得不讚師傅的功架，把飯在高溫的鐵板上炒到粒粒分明，再配上櫻花蝦，將個味道昇華。

黑門令大漁魚子醬脆脆包 係餐牌見到個名字好吸引🤩，再加上朋友同自己又好鍾意食魚子醬，呢個係必定order的Item，份量十足的魚子醬脆脆包咬落去好有滿足感，加上食材新鮮。食完真係返尋味 極上大漁貝燒 餐廳可以用QR code下單，之後職員就會係order完食物後就拿個類似燒烤爐係你面前即場燒，職員的手法純熟，等左幾分鐘就會將貝燒放在碟上供客人食用，味道超級鮮甜，朋友亦大讚冇得輸 秋刀魚（刺身） 成日聽秋刀魚係煎嚟食，估唔到刺身秋刀魚既口感食落去係食緊啫喱咁，再配上附送嘅豉油，好食到我覺得可以encore 黑門令海膽櫻花蝦海鮮炒飯 呢個炒飯一定要趁熱食，滿滿的海鮮再加上海膽和魚子和足料的櫻花蝦，我覺得好正 海膽蟹味噌甲羅燒 甲羅燒配上梳打餅一起食，個味道即情係好食停唔到口，忍不住再refill多2塊梳打餅 壽喜牛肉鍋 湯滾起的時候，職員建議可以飲咗湯先，之後再放牛肉係鍋裡及生蛋，值得一讚牛肉高質，再加上有好多配菜在鍋裡以呢個價錢來食好值得。 黑門大阪燒 可能食得太飽的關係，食了一塊大阪燒，廚房好貼心地幫我哋一開四份以便客人食用，足料的柴魚與和紫菜在大阪燒面上，鍾意食紫菜既朋友一定要試下啦 人均消費價錢大約4-5百左右

佐賀山田（太古） 今日係AEON星期三特價，相約同事去呢間太古佔地應該有過千尺的Aeon掃貨，買完野行行下就見到打邊爐 見到啲食物好吸引，就即刻撳飛，幸好不用排隊就即時安排入座 職員好細心地為我哋介紹餐牌，客人可以因應返自己要求去選擇。我地就揀咗美牛三重奏， 由於唰唰鍋係一人一鍋 我和朋友就各自揀了一個湯底。 我就揀咗美顏玫瑰花膠雞白湯，個煲一上檯就見到有個玫瑰形狀嘅冰係湯底裏面，之後加熱就會融入湯底裏面。再加上有白蘿蔔，成個湯飲落去好鮮甜 朋友就係揀了華味鳥雞白湯，湯底裏面有幾雞，朋友大贊湯底雞件嫩滑 店舖係QR code落單，我地order了幾款肉，分別是： 美國SRF和牛 肉質鮮嫩唔會鞋，最緊要係個牛味好食 美國CAB牛坑爪 個人認為肉質不錯，只是坊間打邊爐店好少有，加上店員極力推薦必試的item，果然有驚喜 美國牛小排 肉質未去到好驚喜，但我認為都可以值得一試，因為每個人對於肉質的要求不同 牛舌 個人認為牛舌打邊爐必定有的，因為不用碌太耐，大概15秒就可以夾起，就會食到牛味的爽口 唰唰鍋亦有自助區域供顧客拿起，分別有丸類、菜、飯、飲品、蛋糕及明治雪條

Bot Noodle （尖沙嘴） 對於泰國情有獨鍾的我突然好想食碗船麵,突然想起K11 Musea 有間food court，正好可以滿足我食船麵。 由於我去個晚是星期日,比較多遊客在food court用餐，搵位都係需要時間，幸好唔使等太耐就有位坐。 餐牌有5款船麵可以供客人選擇，亦可以自選配料。 招牌牛皇船粉（牛骨湯） 好有驚喜的牛骨湯，好濃淆的牛骨湯，再加上配料十足，性價比高。 雜錦船粉 +10 喇沙湯底 值得一讚係呢個喇沙湯底唔會好辣，同埋食落去湯底有酸酸地感覺好開胃，再加上有牛丸、豬肉丸、雞肉、扎肉，配合金邊粉和喇沙湯一齊食好味道 泰式脆炸豬皮 食落去索索聲，亦都好大兜，兩個人食就會有啲多。不過整體味道係唔錯 鹹檸檬梳打 職員好貼心提示呢杯梳打係得個咸 唔會有甜。飲落去都係鹹鹹地。好解渴

Greyhound Cafe Galleria 講起K11 Musea就會捻起個商場賣既野都係名牌、餐廳都係行高檔路線，咁啱朋友講起話呢間餐廳環境舒服，價錢都幾合理，一於就來試試 鮮蝦炒金邊粉 呢個金邊粉炒得好乾身，再加上蝦和青檸汁配合一起食，酸酸辣辣都唔錯wor👍🏻 蟹肉奄列 係泰國食唔到，一定要黎泰國餐廳試下，唔知係咪期望太高呢….我感覺餡料係蛋多過有蟹肉喺裏面，但係嗰個紅色醬唔會好辣，適合唔食辣嘅朋友仔。 泰國大蝦冬陰功湯 個湯裏面有一隻大蝦和幾粒雲吞仔，冬陰功湯比較辣，酸味唔太重。但值得一讚個蝦係幾爽口。 整體嚟講都適合一啲好想食泰國菜嘅朋友仔過嚟試，下次一定會過嚟試埋佢個甜品

甜牙牙呢間甜品舖係我中學年代成日來食，有時候行過呢邊都排長龍，咋晚同朋友食飯特登行過睇下要唔要排隊，幸好我地2個人有位，即刻安排入座， 本Menu好厚，都多了好多選擇，有窩夫、有pancake和芋圓等的甜品可以選擇， 水晶紅豆芋圓杯 配料十足,有爆爆珠、小丸子、紅豆、西米、芋圓及透明啫喱，味道不錯，仲要係小丸子和芋圓口感煙韌，略嫌啫喱冇乜味，整體都不錯。 芒果窩夫派對 窩夫由於即叫即製，所以大概需要等15分鐘，窩夫切下去都係比較軟，不過咬下去個口感就一般，芒果雪糕的味道好重香料味。 下次會想試下pancake

山林道銀座整棟都係好多食肆，之前朋友向我推薦Deep Sea Oyster & Steak ，她話呢間餐廳環境舒服和食物比較多元化，適合我們鍾意食野嘅人黎食 角切魚生沙律 啱開始以為得好少魚生，點知有好多三文魚和魚卵，再加上新鮮沙律菜和芝麻醬，食到我大滿足 美國安格斯肉眼 我地同職員講話要5成熟，切開個牛排又真系有少少血紅色喎，食落去又幾夠味道，唔需要特別再加海鹽，因為牛排已經配埋炸蒜，個味道好正，加上薯角又炸得香口，外脆內軟 松露蟹膏意粉 呢個令我地好驚喜，因為個蟹膏真系好重手，幾乎每食一啖意粉，個嘴巴都係滿滿的蟹膏絲，食到好滿足，勁力推薦。 冰鎮醫燒魷魚 入到餐廳見到個黑板寫住是日推介，食落味道都不錯。亦好推薦 柚子梳打 由於第二日要返工，所以就沒有order酒精， 柚子梳打飲落去比較淡，不過解渴都係一個幾好的選擇。