紅星餐廳

營業中

休息中

匆匆忙忙的每一天，總想找機會好好的和妳食餐飯。選擇尼間餐廳係因為實在太多選擇，妳一定可以揀到妳鐘意食嘅嘢？由於周末原因，我晨咁早就打去訂台。安排我哋坐在近門口的窗口卡位，有禮貌地递畀我哋餐牌。門口的棕色大遮正首先送上係自家製香草包及餐湯，今日係菜湯及鮮菇忌廉湯。麵包同我上兩次來食一樣好味，口感超正蝦控的朋友們，睇到尼張相是否垂涎欲滴呢？實在有驚喜，竟然係兩隻大蝦而三文魚煎得恰到好處，外脆內滑。我的她讚不絕口，也已在期待下一次，下下次開心，滿足的2人晚餐

奶油包爸爸正日生日就梗係要慶祝一下而奶油包第二日又要返工唔可以去得太遠食所以就決定去屋企對面既『紅星餐廳』因為上次媽媽食過煎魚柳配飯所以今次媽媽就encore返呢個呢個餐真係好大份有2條完整既魚柳媽媽話食極都仲有好有五餅二魚FEEL魚肉冇泥味或腥味以奶油包呢個唔鍾意食魚既人嚟講佢係食得過既而奶油包爸爸就要左個燒羊架配意粉份量又係多到喊個羊架冇個D羊既SO味爸爸覺得OK...但奶油包覺得個羊架既肉唔夠軟身有DD筋同硬奶油包就要左豬手配天使麵豬手真係好好食....而且份量係3個SET入面最多既....成隻冇骨豬手上枱豬手咸得嚟又好軟身仲有D豬皮好Q彈咁滿滿既骨膠原餐飲方面...爸爸要左杯餐酒媽媽要左個熱橙蜜而奶油包要左杯西柚汁飯後甜品奶油包要左個 +$15 既芝士餅芝士餅份量又係唔細但係冇咩芝士味同甜味奶油包只係食到橙皮味如果再多D芝士味會好D

今日Lunch前要到北角做野, 咁近老家當然要約媽媽出黎嘆護個Lunch撐下枱腳啦。係Openrice搵到呢間紅星餐廳, 因為評價都幾好, 所以決定訂位同媽媽食好少少。可能係太遲訂枱的關係, 訂位時店員已經通知需要1小時內交枱, 我同媽媽都係習慣食完即走嘅人, 所以問題唔大。我地訂左12:15枱, 餐廳比預期細間, 卡位雖然未坐滿, 不過繁忙時間正常都會預留比4位客人, 我地被安排坐係一張由兩張細枱拼成的4人枱, 同隔離2位客人搭枱。餐枱唔大張, 見到隔離枱客人因為湯未喝完已上主菜, 搞到張枱食物放得太滿有d不滿, 不過呢度服務員的服務態度都唔錯, 好快就幫助拿走客人剛喝完的湯。是日餐湯有雜菜湯同周打魚湯選擇, 我點左周打魚湯, 材料都豐富, 咸淡適中, 不過自家製的麵包唔係我喜歡的口味, 香草味濃麵包口感偏軟。我點的主菜是鐵板雜扒, 份量十足, 牛扒雖然薄但牛味濃郁, 豬扒略略乾左少少, 值得一讚係配菜味道都唔錯。Lunch$130價錢合理。媽媽點的厚切去骨豬扒, 豬扒好厚身, 肉質都幾軟腍, 只係鐵板上豬扒底部燶左少少, 整體都唔錯。食緊主菜時隔離卡位客人入座, 估唔到會加一張摺椅

搬來鰂魚涌已有一段時間，今天終於有時間出去食lunch12點幾已有咁多人在外面等位,好彩我已訂咗位.我哋叫左羅宋湯,並冇太大驚喜,反而香草麵包口感唔錯,點埋油醋簡直一流.重要的是:尼個自家製香草麵包可以免費添加我叫左紅星意式雞扒,雞扒好滑,而意式茄蓉酱則是令我刮目相看,食到新鮮的茄粒,味道鮮d,和一般餐廳的茄酱好大分别.而朋友叫左厚切豬扒,豬扒周邊有些少肥膏煎到輕微燶,而咁厚的豬扒居然一d都唔鞋口仲相當juicy,

每年的5月18日就是奶油包一家的大事這件大事影響奶油包好深係呀...冇佢就冇我呢日係奶油包爸爸同媽媽既結婚周年紀念日今年奶油包一家決定攪攪新意思唔食中菜轉去食西餐而奶油包係一個死懶鬼行多步都會累所以就揀左屋企附近既『紅星餐廳』其實今次唔係奶油包一家第一次嚟紅星只係平時都只係食過LUNCH今次就試試DINNER入到去就覺得紅星好有懷舊氣息棕紅色的裝修Bling Bling既水晶燈環境特別舒服睇到個menu都覺得幾多選擇因為奶油包爸爸同媽媽都好餓既關係我地揀左3個SET媽媽要左個H餐--煎魚柳配飯爸爸要左個O餐--鐵板雜扒配意大利粉奶油包就要左個L餐--加拿大牛柳配薯菜而家就睇下3個餐既樣啦但你睇個Main之前睇睇個湯先周打魚忌廉湯很稠好足料而個自家製意大利香草麵包Sorry...奶油包唔鍾意食....但爸爸同媽媽就Encore左一轉麵包爸爸話麵包點油醋食起嚟酸酸甜甜好開胃睇完餐湯...就睇下3個主菜首先係煎魚柳配飯雖然係價錢最平既一個SET但卻係最好食既一個首先係魚肉唔會有泥味或腥味咸度適中之後就到鐵板雜扒配意大利粉爸爸話豬扒硬左D牛扒算OK肉腸都唔差但係一同魚柳比較就失色了最後既mai

今天係我第2次幫襯，我諗，我會多d來lunch hour,好多人，好彩，我哋12點兩鐘就到左。兩大一細叫左以下兩個set lunch天氣太熱，冇乜胃口，食尼個巨菇扁意粉（素），加左少許白酒一起煮，令個炒扁意粉變得不再寡，面頭個菇係焗的。好滿足，這是否就係人哋講ge:食物係有層次感呢？煎魚柳，個汁可揀辣或不辣。魚煎得金黄金黄，睇賣相都知值得1試我哋到達時只有四，五台客，過左一陣，出面好多人等位食飯。但我哋個小朋友食到成台都係，D侍應姐姐唔單止冇黑面，仲又递紙巾，又迅速幫我哋清理，又拎糖氹下我個小朋友……我覺得好窩心，一餐快但一d都唔倉促的午餐

今天早上十點多我與男友朋到紅星食早餐，開頭見食物份量及質素ok, 服務也不太差諗住第時又多個好地方食早餐！點知，我地剛剛食完野服務員便過來收碟，跟住就話麻煩我地埋左張單先！我地以為11:00早餐完所以趕住埋數叫人埋單，照埋啦！點知埋完先知原來淨係催我地同隔離張檯，因為有人等位，就趕我地走! 如果佢開心見誠講有人等緊位我唔介意讓張檯，但偏偏佢地無，淨係叫人埋單先😡😡😡放假食個早餐想嘆下都比人趕！太差了！

紅星餐廳係我經常食的餐廳，一來係我屋企樓下，二來價錢實惠又抵食！適逢星期六，係外面玩完又唔想回家煮飯，又唔想行遠，就帶著兩個仔同老婆黎紅星食一行四人，七點幾到餐廳幾乎已經full，好彩就打電話訂位先，呢間餐廳位置有限所以都係訂位先去安全d！餐湯個度我地一致叫了是日餐湯-西蒜清湯我推薦大家食 聽到以為好大蒜味 其實飲落完全唔會 而係清清地 西蒜亦煲到淋 入口即融 好正！不得不提ge係佢地的自家製意大利香草麵包，可免費任添之餘，又係點油醋，食起酸酸甜甜特別開胃，我地個個忍唔住order 多一轉麵包！主菜方面我地各自叫了不同餐 互相share餐飲方面我地叫左佢地推介的橙蜜同谷古橙蜜顧名思義就係橙加蜂蜜水 冇檸檬咁酸同埋比較清谷古係朱古力 但飲落比其他朱古力黎得滑！正！

餐廳播着懷舊的音樂，配上棕紅色的裝潢，環境特別舒服。餐湯分別是周打魚忌廉湯和羅宋湯忌廉湯很稠，十分足料！羅宋湯酸酸甜甜，好濃郁❤️側邊嘅focaccia好好味，有咬口，同油醋配合得好好主菜同樣沒令人失望先是挪威三文魚配蜜糖芥末汁蜜糖芥末汁甜甜的，芥末味不重一旁的骰仔薯配上這個汁也令人回味三分三文魚煎得恰到好處，皮脆肉滑九成熟的牛肉眼扒同樣不俗，因為怕吃生的的關係叫了九成熟，卻一點也不乾不硬，反而很嫩很有肉汁，口感煙韌 有咬口。飲料方面是橙蜜，十分特別的飲品，卻意外地好喝。芝士餅裏別出心裁地加了柚子，多了一份鮮，餅底不硬不軟剛剛好，味道尚好。值得一提的是waiters的服務態度很好，每個都很有禮貌，笑容和藹可親。

同MAY MAY行完柏架山走到這頭搵食 見晚餐牌有十多款SET選擇 有湯有包 有餐飲 價格也不太貴 於是一試推門入內 黑黑暗暗 地方也不是很大 但內裡客人經已滿滿 女友人又想試下於是等了一陣可惜要跟別人搭枱 四人枱坐埋一起 還以為大家相識 因為完全冇分隔 像茶記坐埋一個卡無異我們點了兩SET 一份是紅酒牛尾飯 另一個是芝士焗雞扒天使麵牛尾入口鬆軟 份量不少 而味道惹味 天使麵煮得一般 芝士雞扒味道也不夠濃郁 一般OK餐湯是羅宋湯 入口沒驚喜 而自家餐包有微溫 但不太香脆 餐飲熱啡作結 比錢後 轉戰到北角翠苑食糖水 

在鰂魚涌返工的朋友介紹下，我們今晚決定聚於紅星。朋友話，間餐廳係佢哋周不時會去嘅餐廳……果然令我哋眼前一亮，這棕紅色主色配搭令人舒服。美國穀飼厚切豬扒配西梅燒汁，厚豬口感爽，值得講講係尼個汁好掂！尼個係食肉獸仔仔要的鐵板雜扒配青胡椒汁，睇都有食欲啦，係咪？皇帝蝦蝦汁意大利飯和珍寳帶子黑松露酱扁意粉。意大利飯略嫌干身些少，而尼個扁意粉好香黑松露味，帶子亦煎到恰到好處，仲有d細細粒帶子和新鮮菇。下次，我會約埋三五知已再來。因為今晚聚得好開心，湯和甜品都唔記得影低添回想下，個自家製香草麵包點醋都好味原來仲有d唔記得影相，下次再分享畀大家。

偶然同朋友黎到Quarrybay 想搵下附近有咩好食 便用OpenRice 搜尋附近美食 見到紅星餐廳🍴幾得意個名 便同朋友一齊去試下地點都不難搵 地鐵C出口見到麥當勞個招牌左拐直行，見到麥當勞斜對面便是我地去到正是下午茶時間價錢令人喜出望外 估唔到咁有feel的餐廳 下午茶價錢卻十分實惠我同朋友分別叫左一個下午茶餐朋友叫一個C餐 要英式兵家腸因為個名好特別所以叫黎試下 結果味道都不錯本身餐牌係炒蛋🥚但朋友想食太陽蛋也可免費轉！而我叫左一個吉列豬扒配炒蛋多士！一上我地都哇左一聲！個豬扒好大塊，而且炸得好好味 唔似出面個d炸完好乾又冇味 ，而是好juicy 重點係價錢都係30幾蚊!

我唔食公仔麵唔得！一間西餐廳，以前佢地早餐冇公仔麵，經過多次要求，加左尼個餐，估唔到做得甘好。好簡單，麵爽滑彈牙，清湯味唔假，加埋麻油...正。我要求濃邊太陽蛋，做到。

格調好正，非常愛呢種舊式西餐廳的感覺，好似入左時光隧道！呢d越來越少，依家都數都係franchise。if you're looking for a little cozy western restaurant, this might be your thing. 有機會係度食lunch好開心，唔算太貴，野食都okay，有得坐卡位比較舒服，下午精神爽利。叫左三個餐都無中伏，幾好味，有紫薯食，幾特意。a nice place for some steak during workday lunch if you're in the area. the food is not bad, portions are decent. 建議叫扒類，我始終都覺得有西餐feel多d，而且穩陣嘛～

平時食早餐 經常都是太興或者翠華但如果不想走遠，一定是「紅星」啦也是我最愛我早餐下午茶餐廳之一點解咁推薦佢的早餐及下午茶呢？因為絕對是「西餐廳的質素，茶餐廳的價錢」①食物味道👍🏻②價錢便宜③份量非常足夠④環境低調舒服早餐及下午茶係非常抵食既一間餐廳. 午餐同晚餐都食過, 價錢就大概$80～$160早餐：呢個兵家腸, 好味！呢隻腸都幾特別, 味道不錯. 吉列豬扒好大舊！ 肉都好厚身架～ 都做到外脆內嫰, 唔乾, 肉汁仲係保留住, 炒蛋份量都係好多. 呢間啲炒蛋都好滑.. 佢早餐都有10種左右選擇⋯ 英式All day breakfast 都有. 選擇都算多.仲有下午茶炸魚柳好大塊, 唔會好油, 佢啲野食份量真係好大份. 相比起個價錢, 堅係好抵食. 重點係味道都絕對值得試呀推介推介推介!!!! *「有加一收費」*