糖水佬甜品

營業中

休息中

上次去食一個"熱芝麻糊+湯丸"，雖然做法簡單，以自制手磨的芝麻糊。但係就香味十分，而且令人齒甲留香，加上湯圓味美，令我回味十分！

以前d芝麻糊係超好食,唔知點解近三次食都唔好食,yyyyyyyy轉試腐竹糖水,哇好甜,重點係腐竹唔融既,有無攪錯,以後唔黎,機會已經俾左好多次

上堂前補充能量, 我叫左合桃露豆腐花, 豆腐花有淡淡豆香, 又很滑, 有驚喜. 合桃露不只是糊狀, 有粒粒合桃碎.另和同事share了一客檑沙湯圓, 熱乎乎, 芝麻餡唔算太甜但唔夠香.

2/6 9:45pmbf 睇到雜誌,想食新出既炸維記雪米糍, 元朗又無乜邊度有得食,出開黎就去左糖水佬試.叫左一客($18 /3 粒) 亞姐話無得攔味道喎,d味一早撈亂晒~上到枱, o下?! 咁既??個面用既係面包糠??? 同廣告唔同, 人地張相影出黎個皮好滑, 好似咸水角咁啦, 但係佢整出黎就好似炸蝦餅咁囉.心唸佢面頭d粉係唔係自己整,定維記送黎已經係咁???3個雪米糍, 有2個係芋頭, 一個係朱古力.用叉一吉, 個皮好薄,但d雪糕好實,應仲未炸透, 雪糕仲未有半液體狀,只係好表面咁炸過, 而且好油. >_<西瓜西米露($14): 好普通, 西米發得好大粒, 好林.

已經食到飽飽地,就黎呢度食個甜品作總結啦! 兩個人要左: 鮮蜜瓜雪糕($25):雪糕要了芒果味,份量真係好大,蜜瓜甜,配上我最愛0既芒果雪糕,好味!不過如果佢可以份量少d, 收平d就好啦! 鮮芒果雪糕($25):雪糕要了雲呢拿味,一樣係大到驚人!

在附近食完日本野，就去搵糖水食。今次的目的地不是松記，也不是綠林三記，而是揀來糖水佬。瞄一瞄餐\牌，整體的價錢好像略比松記貴。掙扎一輪後，我要了什果黑珍珠而朋友就揀什果涼粉。什果黑珍珠幾足料，生果滿滿的，有西瓜、哈蜜瓜、菠蘿、芒果等，全部都好甜好新鮮，黑珍珠既味道略嫌過\"濃\"，卻都算可以，總體來講都幾滿意。若嫌松記太多人坐得唔舒服的話，這也是另一選擇。但當然，這裡食物的質素還不及松記。

深水步有很多糖水舖，大部分都很抵食。糖水佬的糖水也不貴，試了芝麻糊豆腐花，沒有驚喜。既然質素相若，我情願下次再到綠林，起碼比它便宜^^"

和朋友叫了兩款糖水外賣:凍腐竹薏米--很多碎腐竹,清甜得來又有咬口,不錯。凍紅豆沙--多豆又有蓮子,good!糖水味道不錯,可惜是不夠凍,吃不夠凍的凍糖水,口感是相當打折扣的呀!(價錢算可以,但說到抵吃,附近的綠林糖水更抵;不過這裏兩溝糖水都是同價,下次一定要試)

口痕想食糖水，同朋友試下呢間。選擇不算多，可能我食開松記啦，始終松記出名花款多嘛。事日對乜糊乜露都冇興趣，點了腐竹薏米(熱)，朋友點了薑汁蛋白燉奶(凍)。不消一分鐘便到，腐竹碎碎的，偏甜，薏米有咬口。燉奶試了一口，薑味不太突出，唔係我杯茶。環境都算唔錯，幾光猛乾淨，價錢亦好抵，但係食糖水我都係鍾意松記多d

路過深水步，到黃金入點貨之餘過來幫襯這裡，點的是她們掛頭牌的涷咋喳；材料很正宗但芋頭不合時而不夠粉，食味很正宗跟咱家煲的差不多，但太甜及椰味不足就影響很多，起碼筆者沒太大興趣及進了大半碗已投降。價錢很相宜，可能是競爭大之故，服務及環境都不俗，但還是太甜之累。

大熱天時行街行到「慶洽洽」，食番碗冰凍糖水降一降溫。要o左碗凍o乍喳涼粉：好在落涼粉，原來隻o乍喳除o左足料之外，仲係「足（冰糖/砂糖）料」；面既係椰奶，由於有「凹凸不平」既涼粉，所以D 椰奶落得無齋糖水一圈圈咁咁靚。呢度勝在溝乜都係$10（除o左合桃糊、撈生果之外），相當抵食。

21/6(三)食dinner之前黎左食糖水,只因又累又熱,想搵個地方坐下叫左碗凍紅豆沙$10碗紅豆沙唔太甜,起沙的,加埋蓮子,有d咬口,$10碗真係抵到爛環境唔錯,幾乾淨

噚晚叫咗雜果涼粉&雜果豆腐花,啲水果好新鮮,好好味,豆腐花好滑,但涼粉好似落咗太多糖水,太甜喇,佢哋通常問你要唔要加椰汁定芒果汁,只要加兩蚊,加咗芒果汁鮮甜好多!!!

叫左芒果黑糯米同木瓜黑糯米。生果超多又大粒，抵食到不得了！芒果仲多過黑糯米，好似唔洗錢咁，多到滿瀉！第一次食凍既黑糯米，都幾好食，不過黑糯米都係熱食正d。ａｎｙｗａｙ好抵食好滿足，會再去試其它野。我地隔離個女人食燉奶，好香好滑，好似好好食咁～

食過呢間野兩次每次都冇失望雖然佢淨係得甜野食就單調左d但d 糖水水準唔錯綠豆沙好正價錢又經濟