糖宮甜品專門店 (積信街)

營業中

休息中

近排非常忙😵‍💫 嘢都唔得閑食，更加唔好講share嘢食😭 呢間糖水舖係好耐之前食，一直都未得閑打🤣 最記得店主隻貓貓🐈個pat pat對住我同🐡一齊食嘢 (雖然我驚小動物🌝 但佢唔郁比我遠觀都ok)💛白雪 ($43)入面有北海道奶凍、芒果、小丸子、西米露、忌廉汁、芒果雪糕🥭🐡：本身想食啲凍野，又想有啲嘢飲下，所以嗌咗呢個🤩 北海道奶凍同牛奶一樣重奶味🥛 芒果加奶變咗一流👍🏻 小丸子好煙靭😋 成個甜品係甜嘅，但唔會太甜👌🏻💛朱古力窩夫拌雪糕 ($52)個碟有啲細，佢整咗個類似三角錐形狀去擺之後，好驚放翻落嚟會跌😂 同埋平放咗之後都唔太夠位切🍽 但呢個窩夫幾好食🧇 朱古力冇話好濃或者好苦🍫 加埋啲雪糕同蕉令成件事冇咁dry，都係平時常見嘅配搭👍🏻

🇭🇰糖宮甜品專門店·洛重西$68同場加映我哋打完邊爐係附近食嘅呢間糖水舖😎我哋一開始就係俾佢呢個西瓜冰吸引住 雖然佢個西瓜冰比我想像中細嗰啲 不過佢個西瓜都幾甜 好解渴🍉而且佢上面嗰雪花冰係可以自己揀味既 我地就揀咗益力多味 佢唔會話太甜 而且真係好綿 味道唔錯 好適合依家呢個天氣食😎😎不過佢下面個西瓜係冇幫你切開嘅 所以你係真係要用匙羹畢出黎食 所以就真係麻煩少少🤣·📍大圍積信街61號地舖·#rbyeat#rby港式 #rby甜品飲品#rby💛#rby灣仔

話說大圍咩甜品店也有，最開心係見到貓店長，期待牠們待客之道。 以為要在門外排隊，好在尚早，已八成滿，上層滿了未能探多兩位貓店友。 特選坐位，店長在旁陪坐，真令人戀戀不捨，打卡不停。 選了心太軟及綠林。先講一講綠林：抹茶奶凍有2層當中抹茶味香，奶凍夠滑；紅豆🥰應是日本原裝紅豆，甜度適中，仿如“起沙”的紅豆；小丸子甚有口感到，襯上紅豆正到不得了；綠茶雪糕正常。 心太軟配上2款雪糕（綠茶與曲奇）：心太軟一放在桌上時熱烘烘，香氣撲鼻，朱古力外層蛋糕香口，內裡流出朱古力醬，停唔到口，配上香甜雪糕，心花怒放。

大圍食甜品嘅舖頭都算多，呢間幾值得推介👍🏻佢哋有2隻貓店長坐鎮，好多人都為咗佢哋以來，10分可愛。貓貓會同你一齊食糖水，好乖好乖咁坐喺你隔離，享受住你幫佢按摩同佢傾偈，場面10分溫馨。😄今次試咗「心太軟」和「榴槤系列」，都唔錯呀。呢排開始喺榴槤嘅季節，佢啲「榴槤」出品都幾出色。另外「心太軟」裏面嘅流心朱古力做得啱啱好，都幾好味。再配兩個雪糕球，都覺得幾抵食。😋餐牌有勁多選擇，真係諗食乜嘢都要用啲時間😂😂

食完晚飯落街諗住行下城門河消化下，突然醒起大圍有好幾間甜品糖水店，咁經過一間裝修風格好似文青feel既舖面，仲要係黃店，緊係入去支持下🙈入到去舖面唔大，但有兩層，坐位尚算寬敞。點算左份肉桂窩夫伴雪糕，雪糕口味可以自選，價錢親民，賣相唔差，都好食既，窩夫面既朱古力醬唔會好重手落好多，岩岩好。入面仲有幾隻貓店長好可愛唔怕人，有一隻會討摸摸🤤但唯一美中不足係好似冇bgm襯托下🙈下次會再試下其他甜品🥰

向附近食完晚飯，因為唔太好食所以都廢事再叫強行室滿胃，唔係太飽可以諗下食糖水，咁岩講起大圍有貓cafe，朋友提議去有貓的糖宮食糖水，咁我地就出發過去，門前有幾個露天雅座夏天坐着食綿綿冰也不錯呢入去我地叫左三個糖水，冷的，好味但唔記得佢哋啲糖水名，我果個係焦糖燉蛋，份量比出面的多小小，三個都好味道，好好食，我只係影左兩張相，餐牌好多都好岩我食，下次再去過我朋友好鍾意貓咪的，我地坐向上層，貓貓有時都有上來轉個圈，好乖好可愛🐱

係沙田食完飯之後諗住搵個地方坐下食個糖水知道大圍多甜品鋪就諗住到時是旦搵間坐低最後結果揀左哩間人氣比較旺盛既揭開餐牌 選擇都幾多下不過食飽左食唔多最後都係每人嗌左一樣甜品———————————————芒果拿破侖 （$58）其見唔少街坊糖水鋪既拿破侖都係會焗到咁上下樣大大舊酥皮好似好正咁食落係新鮮香脆 但口感唔夠鬆化酥皮中間空心層次比較單薄無嘜牛油既香味我都係鐘意典型薄薄一層酥皮既拿破侖蛋糕爆芒（$50）鐘意多花款既揀哩款就岩有齊芒果雪糕 布甸 芒果粒 爆珠 蘆薈粒 小丸子個底就係芒果汁加椰汁既味道配料份量唔少 多重口感 唔會過甜聽講間鋪有養左幾隻貓咁岩有隻坐左係隔離———————————-總括黎講味道正正常常 好難話有咩過人之處但又唔係唔好食一分錢一分貨街坊價錢 街坊味道

夜麻麻榴槤癮起 好想好想食榴連但係周圍嘅生果舖 惠康都閂晒🥺就唯有向最後嘅甜品舖出發睇吓有冇機會食到榴連❤️.平日好少嚟大圍如果唔係網上面搵糖水舖都應該唔會搵到黎呢度🤣🤣🤣.嚟到嘅時候已經好夜舖頭打算閂門但係見到心急如焚嘅我 老闆好好人咁問我食啲咩睇吓做唔做到俾我我打開個Menu就揀咗個榴槤飄香老闆亦都好快就整好俾我.榴槤飄香 $48本身以為面嗰舊雪糕 係普通雲呢拿味點知原來係榴槤味 而且亦都幾好食 有驚喜下面嘅西米露亦都有淡淡的榴槤肉西米唔算整得好好食 但係有真材實料榴槤肉叫做補返數啦

食完大圍一間窩心之後周圍行左一行同幾個大學同學決定去食甜品就揀咗呢一間啲甜品的名稱都幾特別芒果三重奏有芒果雪糕、芒果粒、芒果汁及西米露三重奏芒果非常適合芒果控的人士菠多野結衣冰（透明人間係）呢個甜品係以菠蘿為主，但係用咗AV女優的名稱實在非常搞笑，用咗半個菠蘿內載着一啲菠蘿冰絲，另外有一個菠蘿、椰果、椰汁西米，非常豐富佛系芋圓話明佛係芋圓當然有店舖自己選擇，今次嚟咗一個曲奇味的雪糕，有一些芋圓、湯圓、珍珠、以及一啲糖水構成一碗糖水

//< 糖宮 >食晚飯前經過見到呢間甜品鋪🈶️3隻貓貓看門口🐱 所以食完就黎試下甜品喇🍮點知貓貓已經訓左覺lu😚————————————- 華華 $42 -呢個其實係椰汁🥥西米露裡面有阿華田奶凍、粟米片穀物同朱古力🍫雪糕～ 阿華田奶凍幾濃郁幾滑，朱古力雪糕亦都幾香濃！唯獨椰汁西米露個底唔夠凍，而且覺得同阿華田唔算非常夾🤧可能牛奶底/花奶底更好～————————————- 椰皇燉蛋白（凍） $58 -平時小編都唔多食椰皇，但係見到佢凍嘅呢個版本好似cream brulee 咁上面有層焦糖😋 就抵擋唔住喇🤪食落去其實唔算非常特別😂只係上面多左層焦糖！不過味道唔會過甜，帶有少少🥥味清甜清甜好清潤～————————————評分：7/10地址：大圍積信街61號營業時間：14:00-01:30#糖宮 #糖宮甜品專門店 #大圍美食 #大圍必食 #大圍甜品 #香港美食 #美食博客 #香港美食地圖 #香港美食推介 #hkfoody #hkfoodie #hkfoodblogger #hkfoodlover #hkfoodshare #hkfoodblog #hkfoodgram #hkfo

清甜椰皇燉蛋白配薑汁湯丸底下嘅椰皇肉又清甜，下層嘅蛋白亦夠嫩滑薑汁湯圓夠香飲落個胃好暖身紅豆夠夠綿,起曬沙又唔太甜 入口順口啖啖紅豆紫米露 濃濃椰汁香甜加碎紫米,養生清香不甜味道十足大圍積信街61號地舖消費$111

難得來到大圍這好地方 跟朋友用膳完畢後 我建議住在附近的朋友向我推薦一間好吃的甜品🍨有人二話不說便帶了我來這裏 🥰從店外已可得知 這裏是年輕人的聚腳點 因為不論是裝潢還是店內的侍應 都是充滿年輕的氣息🤣🤣 客源也大多數是大學生 在等候和用餐的時間 讓我也感覺自己重回freshman的時光🤣🤣🤣🤣 友人與我一人點了一個冰品 她點的是巧克力味道🍫的 而我點的是榴蓮口味🍨🍧 兩者都是即點即刨的 很快便上枱了 榴蓮口味🍨的配料有煙韌的小丸子、脆脆的粟米片、新鮮榴槤肉 層次口感非常豐富 略嫌榴槤肉有點酸臭 可能是久存了〰️巧克力口味🍫的則有黑糖味蒟蒻、原味蒟蒻、巧克力醬、巧克力彩虹碎碎🌈 巧克力濃度頗高 不會過甜 口腔裏一直徘徊着巧克力的香氣〰️-店內有兩層 地面那層還有室外的位置 方便吸煙者使用🥰 而上一層由於樓底不高的關係 人多起上來 聲音被壓縮於同一空間 嘈吵起上來 會有點辛苦 由於店內業務太過繁忙 不要期望有很好的服務👅 衛生也是一般 〰️〰️

真係真係一定要推介下呢度嘅椰皇燉蛋白！❤️本來都係諗住簡簡單單食啲唔係好肥嘅甜品，所以就叫咗啲款，點知咁好食！！椰皇好香，而且呢度嘅蛋白處理得好滑！！❤️而且甜度適中啱啱好，再加埋椰汁嘅香味簡直無得輸！！值得推介❤️❤️

冇人時食物上來嘅速度都好慢用同等價錢可以食到更好唔洗專登過嚟食叫左幾個甜品冇一個係有驚喜西米露用椰漿溝左好多水+糖水芒果吃落有龍眼味 唔知係咪同龍眼放埋一齊。。。

有樓上樓下，我哋坐樓下，座位都好闊，餐牌有好多選擇，可惜我叫嘅雪花冰同芋圓都唔好食，有朋友話心太軟好食，可能烤焗類好食啲呱。*楊枝甘露雪花冰 $48雪花冰係芒果味，質感綿密，但太甜，而且係假芒果甜味，旁邊有啲柚子肉，酸到不行不行，芒果粒好甜好食，不過果肉量唔多，48蚊一個雪花冰係少失望🥲佛系芋圓 (凍) $38撇除芋圓嘅樣，賣相有100分，芋圓嚟講，你一見到最外層係透透地明嘅，你就知大鑊，一定係冇芋頭番薯味，然後又得個韌字，果然BINGO! 真係冇味又韌到好似橡筋咁。小丸子腍啤啤，0口感可言，相反，紅豆就唔夠腍，唔夠綿。底係涼粉，量多但好普通，所有野撈少少咁食都好一般，非常唔推薦。