糖宮甜品專門店 (積信街)

營業中

休息中

朋友鍾意貓咪所以特登帶她來這裡嘆甜品和可以探吓2隻🐱店長⋯⋯貓不太怕人有時懶洋洋也有時會跳到枱或梳化逗下你摸下佢☺️集合中西台式嘅甜品店，小店有兩層，晚上來要等位。今次下午茶來都要等一陣。甜品都有下午茶食。 一入到舖子已經聞到香噴噴嘅酥皮味，所以點左芒果拿破崙• 因即叫即焗，所以需時15分鐘。 拿破崙皮脆脆，層層鬆化。芒果滿滿加埋吉士咩醬，甜而不漏。爆芒有寒天，小丸子，芒果布甸，金柚，芒果雪糕同芒果汁，充滿口感岩曬芒果控嘅我。抹茶紅豆小丸子加綠茶雪糕- 粒粒大紅豆Q Q丸子配埋綠茶雪糕好夾。糖不甩 - 口感煙煙韌韌加埋椰絲花生醉。 唔太甜👍

今日原本只是閒逛，卻意外地發現了一家名為這間甜品專門店。門口已經有一隻貓貓坐左係到，營造出一種慵懶舒適的氛圍，貓貓吸引左我入去坐低一試。坐低發現鋪頭細細但有兩隻貓，猶如置身貓cafe，相當溫馨。兩隻貓貓完全唔驚人，老闆甚至在menu中印埋佢地嘅樣貌同喜好，貓貓完全融入呢間鋪頭。我叫左碗佛系芋圓配曲奇雪糕，好快就有野食。芋圓，紅豆，涼粉配上冰凍的曲奇雪糕，一啖q彈芋圓一啖冰凍雪糕，口感相當豐富，係一個慵懶嘅下午，有著不一樣嘅快感。一邊品嚐著美味的芋圓，一邊可以欣賞著兩位貓店長的慵懶姿態，時間彷彿在這一刻靜止了。在這家充滿溫馨與甜蜜的小店裡，我度過了一個愉快的下午。原本只是路過，卻意外地收穫了一份甜蜜與驚喜。在這家充滿溫馨與甜蜜的小店裡，我度過了一個愉快的下午。

我哋三個人叫咗三份甜品，個南北杏雪耳燉木瓜都幾好味，好重木瓜味。另外叫咗個玉桂蘋果香蕉酥皮卷伴雪糕，都好食，但係足足等咗多過半小時。我覺得作為一個甜品店，要等一個甜品半個鐘實在太慢了…

今日去咗大圍一間甜品舖，之前喺尖沙咀見到佢哋嘅招牌甜品，心心念念，終於可以試到！原來大圍都有分店，真係太開心啦❤️首先試咗「西冰冰」，即係西瓜冰沙，口感清新，味道濃郁又唔會太甜，真係一口接一口，好好味😋裏面仲有粒粒西瓜味嘅爆珠。口感好特別。然後係「椰皇燉蛋白」，仲係熱食，椰香味撲鼻而來，蛋白燉得滑溜，入口即溶，搭配椰汁嘅香甜，真係好享受。接著試咗「芒果拿破侖」，層層酥皮包住鮮嫩嘅芒果，甜而不膩，果肉嘅鮮味同酥皮嘅脆口感完美結合，食完真係令人回味無窮。最後係「朱古力心太軟」，搭配雪糕真係一絕！朱古力心底流出嚟，配上雲呢拿雪糕同士多啤梨雪糕，味道層次多，甜而唔膩👍🏻

今日黎到由大埔踩單車到大圍踩到攰攰哋，嚟到大圍搵嘢食但又唔想食得咁飽，於是乎就嚟到積信街呢一度搵吓搵吓見到有兩隻貓咪企響門口一隻叫阿旺，一隻叫公仔咁我就殺咗入去呢間叫糖宮嘅甜品店一入到去聞到好香嘅榴槤味我哋呢啲榴槤控二話不說立即叫咗個榴槤拿破崙同埋榴槤飄香榴槤拿破崙要等大概15分鐘左右但係榴槤飄香就即刻有兩個嘅榴槤味都非常之香拿破崙皮唔係一般嘅拿破崙係非常鬆脆嘅酥皮一層層食落去連埋吉士醬真係不得了食食吓店主忽然間講話研究咗一隻新嘅甜品應該係榴槤味嘅心太軟仲請咗我哋做白老鼠食㖭其實我哋本來已經好飽㗎啦但係都覺得超級好味榴槤肉同榴槤嘅汁喺個心太軟度流出嚟搞到我心思思想過幾日帶埋屋企人過嚟食希望店主真係快啲研究成功上架啦其實我好懶寫食評不過今次真係唔寫唔得店主仲話會研究更多嘅甜品希望大家都繼續支持小店啦

今晚喺大圍食晚飯，食完飯想搵甜品食，上網見呢間多好評，就嚟試吓先。.呢度都幾多甜品糖水選擇，包括椰皇系列、傳統中式糖水、奶凍布甸、芋圓、沙冰、雪花冰、烤焗及窩夫類等等。.今晚我哋想食西式甜品，就叫了〈芒果拿破崙加朱古力雪糕〉及〈菠蘿酥皮卷伴曲奇雪糕〉。兩款都即叫即做，酥皮好脆，係有誠意之作。.芒果拿破崙加朱古力雪糕 —呢度嘅拿破崙賣相同坊間嘅不同，酥皮肥嘟嘟好可愛，賣相幾靚😍酥皮好香，好鬆化；兩層酥皮，上層放有芒果粒，中間夾住吉士醬，酥皮沾吉士醬好食；芒果粒都算甜，一啲都唔酸，配埋雪糕一齊食都幾好味。.菠蘿酥皮卷伴曲奇雪糕 —呢款甜品幾特別，喺其他甜品舖未見過。酥皮卷好薄好脆；入面有微烤過嘅菠蘿粒同蛋糕，菠蘿酸酸甜甜好食，烤過仲幾香幾好味；微溫嘅酥皮卷加凍雪糕一齊食，口感都唔錯。呢款甜品幾特別又好食，有驚喜👍🏻

腐竹蛋花芋圓糖水，芋圓冇味又硬，啲雪味仍然仲留左係度。另外，腐竹少得可憐，得腐竹碎同埋少少蛋花。係個味道都ok椰汁紫米露，入面啲西米煲到腍晒,一pet嘢, 紫米又少，冇野咬，難食！🙂‍↔️紫米露剩係得熱，冇凍可以揀。仲聽到離枱班男仔話呢間出名，但話估唔到咁難食😅我望一望佢哋食咩，佢哋食緊芒果西米露、楊枝甘露之類嘅糖水..第一次來糖宮，一開始見到佢門口好多人排隊，覺得一定好食。我哋仲要特登夜麻麻揸車出嚟食佢，真係失望🙍‍♀️

食完晚飯嚟到大圍呢間有貓店長而且性價比高嘅甜品舖😻入門口就已經見到有隻懶訓貓訓到扯晒鼻鼾🙊鋪頭有上下兩層，我哋平日夜晚10點黎到地下個層已經坐滿晒，好彩座位數量充足，仲有上層可以坐😄食住甜到入心嘅甜品，又可以摸下隔離貓貓🐈‍⬛心情即刻放鬆同好治癒☺️不過要小心對待佢地，唔好造成騷擾同亂餵野食比貓貓啊😌🧇芒果窩夫伴雪糕 $50 (😸😸😸😸)熱辣辣嘅窩夫外皮口感好鬆脆，內裡軟熟😆外層金黃色而擺盤砌成三角形，十足十一個金字塔咁，都幾有心思😆(個店員行樓梯搬上黎都冇冧算幾穩😂) 芒果肉係另外跟上，比客人自己揀淋上面定分開沾嚟食☺️🍫朱古力心太軟伴雪糕 $62 (😸😸😸😺)心太軟個主角當然係朱古力！夠濃郁已經加分🤤一切開個心太軟啲朱古力就流心咁流出黎😆而且仲配兩種雪糕可以揀，值得一提嘅係個綠茶雪糕好濃郁，唔錯架☺️🍍菠蘿酥皮卷伴雪糕 $56 (😸😸😸😺)一咬落口個酥皮好脆😆每一卷都有好大舊菠蘿夾係入面，材料無偷工減料☺️如果啲菠蘿肉甜多少少會更好😌服務：😸😸😸😸環境：😸😸😸😸回頭：😸😸😸😸打卡指數：😸😸😸整體評分：😸😸😸😸價：～$60/per person📍 糖宮甜品專門店 (積信街) (大圍)大圍積信

📍糖宮甜品專門店今晚同朋友運動完，天氣熱辣辣，同佢來到大圍食糖水。🍈榴酷瓏（牛奶沙冰） $70用半個幾乎係完整嘅哈密瓜裝住雪花冰，每啖都充滿濃郁嘅蜜瓜同埋牛奶冰嘅甜味！搭配蒟蒻口感很豐富，料好足好多。最後仲有半個哈密瓜肉心可以食吖，呢個真係足料到爆好啱share～🥭 爆芒 $54有埋芒果布甸、芒果、金柚、爆爆珠、寒天粒、小丸子、芒果汁、雪糕咁多款材料。芒果汁係新鮮芒果整嘅，芒果好香甜。柚子粒粒飽滿多汁，寒天係好有咬口，小丸子煙煙靭靭，仲有Q彈芒果布甸，味蕾大滿足吖！🥭 即製芒果酥皮拿破崙 $62 Mango Puff Pastry Napoleon真係好大件！酥皮好脆，好少食到拿破崙個皮可以係咁香咁脆。即叫即整嘅真係好正吖，再配上份量十足嘅芒果吉士醬，滋味滿分。🥤椰青水 $10清甜又解渴，最重要健康低負擔，當然其他嘢飲都好好飲，可以試下！♡♡♡♡♡♡♡♡♡♡♡♡♡♡♡♡♡🍴餐廳：糖宮甜品專門店(大圍)📍地址：大圍積信街61號地舖💸消費：60@♡♡♡♡♡♡♡♡♡♡♡♡♡♡♡♡♡

八號風球下當然要繼續覓食🤣係大圍搵左間 風雨不改 照常營業嘅糖水舖🐈店長都繼續開工架 認真唔話得👍🏻🥥🥚椰皇燉蛋白 $60驚喜有個蕉糖脆面😍超有誠意😍燉蛋白好滑 好清甜嘅椰子味再食埋啲椰皇肉 好滿足☺️🍎🍌🍨即製玉桂蘋果香蕉酥皮卷伴雪糕 $56見到幾特別 所以揀左呢個試下😋用一片酥皮包住蘋果+香蕉+蛋糕🍰再夾埋雪糕一齊放入口 🍎🍌焗完仲帶點餘溫 +凍冰冰嘅雪糕🍨 個口感幾正😋肉桂味都幾重 肉桂迷一定要試下只係製作時間真係有啲耐我地食哂個椰皇 再等左好耐先上檯食物不錯 只係張枱有啲黐立立嘅感覺 扣左啲分係可以再encore 嘅🙂

琴晚興起想食甜品，就諗起糖宮！呢間真係由細食到大！食食下，見到有班疑似o camp 組聚嘅學生埋黎 「18位」咁拎位，即刻回憶返曬嚟👍🏻好在樓上位置多，re-u 都夠位坐～ 而且仲有三位貓貓店長🐱夠曬可愛！.言歸正傳，講返甜品先！叫咗個 「即製榴槤酥皮拿破崙」一上枱已經聞到好香榴槤味，而且榴槤蓉超足料👍🏻 趁熱即刻食，外皮金黃酥脆，同濃郁榴槤真係絕配至於「爆芒」就係芒果愛好者必叫🥭滑碌碌又有奶香味嘅布甸，襯托住金柚酸味味嘅清新感，同爆爆珠嘅口感，真係好fresh🍃另外叫咗個熱「椰皇燉蛋白伴芋圓」椰子🥥香味淡淡地，加埋柔滑嘅燉蛋白，真係要用入口即溶嚟形容！另外加$10 叫埋芋圓，都幾q 彈！大熱天時再叫多個冰，係云云選擇中決定叫「抹茶雪花冰」d 冰做得好綿密，同紅豆一齊食，口感層次分明。抹茶微苦，唔會好死甜。埋單每人～$60 左右以高質甜品嚟講，都ok👍🏻#糖宮 #大圍美食 #大圍甜品

大圍 📌 【 糖宮甜品專門店 】大圍積信街61號地舖今晚喺顯徑體育館打完波，天氣熱辣辣，我同幾個波友就嚟到大圍食糖水。記得外賣過【 糖宮 】出品都唔錯，今次第一次坐低堂食。❥⁠ 菠多野結冰配水晶涼粉🍍 $70菠多野 🍍 唔單止個名好正，雪花冰造型 & 味道一樣咁正 💛 呢兩日34度嘅高溫，綿綿嘅雪花冰，簡直將我融化；仲有煙煙靭靭嘅水晶涼粉，口感十足，私心推介 💛❥⁠ 爆芒 🥭 $54芒果布甸、芒果、金柚、爆爆珠、寒天粒、小丸子、芒果汁 & 雪糕 如果鍾意食芒果甜品，呢個【 爆芒 】一定要推薦比大家。芒果汁係新鮮芒果整，滿滿芒果香甜，柚子粒粒飽滿多汁，寒天係好有咬口，小丸子煙煙靭靭，仲有Q彈芒果布甸，味蕾大滿足 🧡 至於雪糕味道我就轉咗雲呢拿。其實，雲呢拿雪糕同芒果汁不嬲都係天作地設嘅絕配：雪糕完全係將呢個爆芒昇華。❥⁠ 朱古力心太軟伴兩球雪糕 🍨 $62個心太軟焗得好香，朱古力味好香濃，又唔會好甜，雪糕球揀咗曲奇味同雲呢拿味，個心太軟用個兜裝住，局限咗朱古力醬流出，但係會依然見到濃濃 der 朱古力醬好澎湃 vs 凍冰冰雪糕，哈哈！冰火交融 ~ 正呀 🤎❥⁠ 即製芒果酥皮拿破崙 $6

第一次係朋友帶我去食, 記憶中係芋圓好硬.... 朋友仲話應該因為個糖水底係凍既, 所以令到芋圓變硬 但芋圓無芋圓味道..... 真係😡🤬🤯🥶食咗少少覺得好難食..... 仲同朋友講呢間野無下次....連朋友都話比以前難食好多👎🏻👎🏻不過有貓貓ss 店長, 心理平衡咗😂😂 估唔到..... 人錯一次都係會再錯....🥵-事緣有一晚成12點幾好想好想食糖水.....外賣 apps 得番 糖宮甜品專門店 (積信街) 營業中....心諗,, 俾多次機會你! 結果..... 今次仲差 ....就連熱個碗既芋圓都係又硬又無味..... 永久 black list 😵‍💫😵‍💫😵‍💫

.#foodie #hk #hkfoodie#HTB美食推介【大圍貓貓甜品店｜🍨甜品下午茶一樣高質】🐨朱古力窩夫配雪糕 $54推薦度：⭐️⭐️⭐️⭐️朱古力窩夫有兩大舊，兩個人share食都唔過分！上面鋪滿朱古力醬，令到朱古力味更豐富，如果揀埋朱古力雪糕就會係三重朱古力嘅感覺啦～不過小編貪心，所以揀咗曲奇味，曲奇味都好濃而且有Oreo碎，口感都好豐富～.🐨法式焦糖燉蛋 $45推薦度：⭐️⭐️⭐️⭐️份量比其他甜品店大份，表面焦糖滿滿，敲落去好脆！焦糖薄薄一浸潷埋燉蛋一齊食，令到甜度同口感都有提升～不過可能份量偏大嘅關係，就令到底部嘅燉蛋冇咗呢份甜味...反而就更加食到燉蛋嘅嫩滑🥚🥚——☼——☼——☼——☼——☼——糖宮甜品專門店📍地址：大圍積信街61號地舖🐨推薦度：😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB大圍 #HTB甜品.#大圍美食 #大圍 #甜品 #窩夫 #燉蛋 #焦糖燉蛋 #美食推介

{🍽️ 香港搵食 🍽️｝ 糖宮甜品專門店位於大圍，食過勁多次既糖果鋪 ❤️ 店入面同店出面都會有座位，好快有位🤭🤭 而且仲有勁得意既貓貓做店長 🐱D24 榴槤拿破崙 $64由細到大都係榴槤控嘅我，梗係唔會任何榴槤甜品嘅機會啦！！ 特脆鬆軟嘅酥皮，配上佢哋自家製嘅吉士醬，上面仲有勁大嚿嘅D24 榴槤，簡直係好食到停唔到口 😙😙爆芒 $54用金柚，寒天，芒果布甸，芒果🥭🥭，小丸子，芒果果汁，仲有芒果雪糕組合而成既 😍😍 超香芒果味，勁香濃；小丸子煙煙韌韌咁，好有口感！！加埋金柚同芒果雪糕🍦 完全將個口感昇華到另外一個層次👍🏻菠多野結冰 （透明人間篇） 配水晶涼粉 $70份量十足，整個甜品分咗左右兩個部份；左邊係原個菠蘿去裝住菠蘿雪花冰 ❄️ 味道酸甜清香，入口即溶，口感軟綿。而右邊就係水晶涼粉，滑嘟嘟嘅口感，入面配有香甜菠蘿，仲有清爽椰果，成個配搭都好FRESH好清新😍😍😍 啱晒夏天消暑降溫 芋圓紫米紅豆 （熱） $44呢碗熱既糖水好足料，而且香滑，紫米 + 紅豆，補氣又補算👍🏻👍🏻👍🏻 📍大圍積信街61號地下☎️ 51333776🕑 2:00 pm - 1:30am