糖堂私房甜品專門店

營業中

休息中

【油尖旺區】【糖堂私房甜品專門店】同事食晚飯，但係我有另一個飯局所以去唔到。不過由於我嗰邊早啲完，因此我就去咗 join 佢哋食糖水。喺冇 idea 嘅情況之下就去咗呢間近旺角東站嗰邊嘅甜品店，我哋一行五個人，去到就有位，唔使排隊。就咁睇價錢嚟講，啲嘢又唔係好貴，就坐低叫嘢。同事們叫咗 $42 嘅「宇治豆腐花小丸子」、兩碗 $48 嘅「香芒小丸子」同 $35 嘅「生磨芝麻糊配香滑合桃糊」，佢哋話啲小丸子 okay，不過其他配料就相對平庸，好普通。份量都合理，畢竟都只係幾十蚊碗，最貴嗰碗都唔過五十，就真係冇得要求太高。我就叫 $33 嘅「香滑合桃糊」，食落唔算濃味，感覺水份比較重，不過又真係覺得呢個價錢係咁上下。畢竟埋單 $206 係講緊五個人食糖水，都係志在一班人食完飯行陣之後意猶未盡再隊碗糖水咁解。如果以呢種心態嚟對待呢間食肆嘅話，咁佢又真係唔錯喎。。。（地址：旺角黑布街96-102號威發大廈地下D號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #d

在旺角黑布街紮根多年的「糖堂私房甜品專門店」，以高性價比與創意組合成為街坊的甜品食堂。招牌「黑金剛」將朱古力元素玩得出神入化——濃郁的朱古力奶凍為基底，疊上脆卜卜的朱古力脆米與粟米片，再淋上融化中的棉花糖與朱古力雪糕，冰火交融的層次感宛如甜品版熔岩火山，每一勺都充滿驚喜。  鍾意咬野必試隱藏食法：將經典「紅豆豆腐花」的小丸子換成煙韌芋圓，自製獨家版本！豆腐花豆香細滑，紅豆大粒清甜，搭配三色芋圓的Q彈嚼勁，口感豐富度直線上升。同行友人更讚嘆：「十年如一日，加料轉配搭都唔會失手！」  數十款甜品選擇涵蓋中西風味，定價親民卻用料實在。搵次挑戰下，唔食野過黎食成個幻彩西瓜盅先得！

諗住夜媽媽食個快糖水結束一整日既忙碌，點知入左個意想不到地咁難食既糖水，真係唔會有下次，在此奉勸大家唔好咁諗唔開試伏🤮🤮🤢包你即刻bad trip 巨蜂提子冰：份量十分小，圖片只供參考真係，張圖好似山咁高，出到黎得幾塊冰，d料都小左一半有多，成個擺設一個字hea 同唔好味🤢🤢🤢🤮🤮🤮而燉木瓜雪耳糖水：既味道好似水喉水，令人懷疑係味唔乾淨，因為有陣唔係食物本身既味存在，食落十分腥🤮🤮😵‍💫😵

星期六夜晚食完飯本身見到舖面好似幾吸引就入左去，一入到去唔洗等位，叫左個士多啤梨芒果拿破崙，同朱古力疏乎厘，拿破崙個餅皮太硬，成塊餅乾咁，冇鬆化嘅感覺，啲芒果同士多啤梨都ok嘅。至於個朱古力疏乎厘，賣相其實唔算差。但係一食落去，入面完全係未熟嘅，淋啤啤，仲要岀水，啲朱古力係死甜嘅味道，聞落冇乜朱古力味。如果係一個靚嘅疏乎厘，理應係好香。我係疏乎厘愛好者，喺香港食過咁多間都未食過一間餐廳係未焗得熟嘅，喺呢啲小舖頭唔要求話要啲食物好食到升天，但至少食物要熟係基本野啦掛。總結，成晚最好食係個雪糕。好失望，下次唔會再食呢間

👯由波鞋街搵路行向旺角火車站途中, 經過這間甜品小店, 被彩色店舖燈及食物海報吸引, 決定入去小休兼食下甜品🥰甜品種類選擇相當多元化😍🍨宇治豆腐花小丸子$42滑口的豆腐花做底士多啤梨,芒果肉夠甜😋紅豆,小丸子再配綠茶雪糕好足料🥰❣️雪糕黑白涼粉$38涼粉夠彈牙（不是罐頭涼粉的口感）👍白涼粉是杏仁味的...綠茶雪糕茶味濃不甜膩😍✨白朱古力木糠布甸$35白朱古力味道不會太甜口感軟滑,入口即溶伴碟的多款生果粒夠新鮮😋

我哋叫左個心太軟同芒果小丸子。其實小丸子真係好難唔好食，芒果冰沙底加芒果粒同小丸子。呢間就加左d椰果，啫喱咁，九唔搭八，個汁又少，係我食過咁多間最唔好食既一間。反而心太軟就夠熱，都OK

以前可以大家大細出街 就間中經過都會幫襯吓抗疫期間 少咗出旺角今日終於帶埋女女出門上堂經過就食我女至愛嘅幻彩西瓜盅同埋我至愛嘅魔鬼冰（朱古力綿花冰）幻彩西瓜盅裏面有除咗有西瓜肉同其他生果 又有西瓜汁同冰 有得食又有得飲 不過依家西瓜已經係水尾 唔太甜 但阿女本身好鍾意食 無辦法而我一直都好鍾意綿花冰平時唔太鍾意食凍嘢 但綿花冰因入口即溶 而且呢度嘅係有好濃朱古力味所以係超正作為旺角嘅糖水店 少咗人流 真係要多啲搞作佢推出咗三色九份丸可以自己煮亦有芒果拿破崙訂購 睇落都唔錯下次嚟再試其他嘢

繼星期三從「西貢」坐車前往「旺角」後「摸門釘」，發現目標食店未有開門營業，被迫轉往光顧港式燒烤小食飲品店之後，翌日「星期四」我重臨「旺角」「黑布街」，發現那目標食店仍然未開門營業。結果我今次被迫光顧「黑布街」其他有開門營業的食店，例如今次同樣有在「黑布街」營業的港式甜品店，甜品店的實際店名叫做「糖堂私房甜品專門店」。我剛剛進入「糖堂私房甜品專門店」，看完「糖堂私房甜品專門店」裡面的餐牌之後，本來就已經立刻選擇了，享用有甜味牛奶在裡面的刨冰甜品「天使冰」。可惜「糖堂私房甜品專門店」裡面的侍應告訴我，「糖堂私房甜品專門店」「天使冰」原材料，有甜味牛奶原材料在裡面的「牛奶冰」在雪櫃裡面仍未完全凝固，需要時間進行繼續等候，所以未能製作「天使冰」甜品給我。於是我被迫放棄享用「糖堂私房甜品專門店」裡面的「天使冰」，改為享用其他的刨冰甜品。其實我選擇「糖堂私房甜品專門店」裡面的「天使冰」，純粹因為想享用有牛奶甜味在裡面的「牛奶刨冰」。畢竟我以前經常光顧韓國菜餐廳或者甜品店，還經常有機會享用韓國流行刨冰甜品「雪奶冰」，還以為有機會試到「糖堂私房甜品專門店」廚房製作，類似韓國「雪奶冰」牛奶刨冰甜品。我被

一大班人食完飯有咩好做，梗係去食糖水啦😋明明旺角有好多間糖水舖，極度後悔搵咗呢間，仲要個位置比較偏僻🥶我地總共叫咗八樣野，所以絕對唔會係咁啱叫咗啲唔好食嘅😂都驚係自己問題，即刻上OpenRice睇，果然好多負評🙂絕對唔推介俾大家🤮.🍧朱古力心太軟配雪糕我地八個人每人點咗一樣，呢個算係最好食🥶但比起出邊，仍然係比較遜色。入面啲朱古力唔夠流心，水果望落都唔太新鮮🥺.🍧榴槤班戟榴槤嘅份量極少，個皮都好難食😟最後我地仲食剩啲皮😂.🍧宇治豆腐花小丸子呢個簡直係極品🤨入面係綠茶雪糕、豆腐花、紅豆同小丸子，但係完全係乾撈，一啲汁都冇🥱紅豆同小丸子完全無味😰超級難食！.🍽味道: 1.5/5🏙環境: 2/5👨🏼‍🍳服務: 3.5/5💧衛生: 3/5💰價錢: 2/5

橙酒梳乎厘配鮮橙肉雖然好多人都會覺得梳芺厘只係一堆空氣,食落肚冇咩飽肚感,但本人覺得入口即溶的感覺好新奇,唔駛咀嚼就溶係口好似棉花糖甘軟棉棉😍令人一食就愛上❤今日同朋友係旺角食完飯之後轉場食了一間甜品店的梳乎厘,味道好特別係橙味的梳乎厘入面仲混入左橙皮,橙皮份量都多每一啖都會食到,食完唔會覺得太甜要飲水,反而覺得冇甘口渴,可能因為橙皮有生津的作用😋另外伴係旁邊的橙肉橙汁都好豐富,但本人覺得酸了一點😉

旺角糖水外賣又一選擇！家人星期五夜晚跟朋友聚會後，經過黑布街有這一間糖水店，於是買了兩碗芋圓糖水回家一起吃宵夜。等候時間很短，幾分鐘後便可以拿着外賣回家吃。芋圓紅豆沙(熱)$39- 紅豆沙很足料，有粒粒紅豆，可惜煮得比較硬，沒有起沙的口感，甜度偏低。芋圓有幾種顏色口味，咬下來比較軟，失去煙韌的口感。芋頭味道咬下來裏面吃到粒粒芋頭，不錯。芋圓椰汁西米露(熱)$39-整體糖水比較淡味，椰汁味略嫌不足，西米口感不錯。總括而言，芋圓質素不是太好，如果經過黑布街突然想吃碗糖水，也是一個還好的選擇。

正巧路過，先生喜歡西瓜類甜品，我喜歡芒果小丸子，小丸子味道不錯，可是不知道是因為芒果冰淇淋味道不好，還是什麼，總體不喜歡，西瓜幻彩冰，先生說不錯，清涼而且爽快！

頭重重，身寒寒，食返碗熱騰騰嘅中式糖水就岩唒~~~上枱後了一了...唉...係罐頭紅豆(平時食宇治金時有個種原粒紅豆)同新鮮紅豆兩溝左嘅紅豆湯。之所以話係湯 因為一睇就知無起沙，係溝左罐頭紅豆汁嘅糖水，仲要係翻叮叮熱嘅。不斷聽到微波爐聲，我諗鋪頭嘅熱食應該大部分都係翻叮...就依一點 下次都唔會食温温地，攰攰地，食翻叮”糖水”，有點雪上加霜嘅失落感~~~30蚊 唔抵食喔！

食完飯，同朋友傾到興起，於是搵糖水舖坐低繼續傾，以前記得黑布街好多甜品架，依家得返呢間，入去試吓啦。10點幾，入邊都算多人，一開始以為要等，咁啱有枱人走，所以即刻有位👍一打開menu見到木桶豆腐花，於是叫咗一個試吓，朋友叫咗心太軟。 豆腐花好快到，首先賣相麻麻地，見佢冇用蓋擒住就知道唔對路（因為我幻想嘅木桶豆腐花係擒住蓋，另外會有個計時器等15分鐘開來食嗰啲），原來佢唔係即使用石膏粉撞嗰啲，但係都唔緊要啦，好味就得。點知一食落去，一啲都唔熱，口感吾滑，而且好「鞋」。朋友叫嘅心太軟反而幾好食，流心做得好。總括而言，豆腐花真係好失望，但係心太軟加返少少分。而且老細好Nice，職員都幾有禮貌。希望佢嘅豆腐花會改善啦。

假期前間間甜品舖都多人，以前黑布街好多甜品舖（我承認我好耐冇出過旺角），依家好多都摺晒，摺淨依一間。又唔駛等位，咪入去囉。款色好大路，開得係旺角都預左唔平嫁啦，又預左坐得迫嫁啦，不過佢都算有人性，都俾一張櫈我放個背囊。友人叫左個蜜瓜黑白涼粉，唔知佢好唔好食。我就叫左焦糖燉蛋，生果冇乜味，提子配搭怪怪的，總體平平無奇咁囉。食完其實都唔催人走既，但係好快收左隻碗，都唔好意思再逗留啦，出面又有人等位。價錢都唔算平，但係旺角區預左要咁既價錢。