粵舫老趙

營業中

休息中

🥘 尋找觅食の好去處！元朗老字號「粵舫老趙」 👨‍🍳點解香港咁多人又熱又凍都要去排隊食嘢？就係因為好嘢真係排都要食！今次同大家推介元朗一間好搵食嘅老字號 - 「粵舫老趧」🏆一入到去，陣陣咖喱香味已經撲鼻而來！招牌咖喱牛腩飯啲咖喱汁香濃無比，牛腩仲要係用慢火燉到軟腍入味，配埋啲白飯真係無得輸 💯 要數第二好食一定係佢嘅霸王雞飯，雞肉嫩滑多汁，配上爽脆青瓜絲同辣椒絲，仲要淋上特製豉油，係一個字 - 正！👍夏天嚟到梗係要嗌佢地嘅特色冰品啦！紅豆冰同仙草冰都係老店招牌，啲紅豆煮得軟淋又唔會爛，配埋幼滑嘅煉奶，清甜唔會太膩。而仙草冰就香滑有膠質感，啲仙草係自家製，一啖清甜一啖香，食完個人都清爽晒！🧊小店做到今時今日真係憑住良心同實力！有咁多街坊捧場絕對係有原因！識飲識食嘅你，記住要快啲嚟試下！😋

📍 達輝徑1號足彬大廈地下1號舖在元朗縱橫交錯的街巷中，無意間闖進這家掛著褪色霓虹燈牌的「粤舫老趙」。瞬間將人拉回八十年代街坊飯堂的時光。🥢 茄子牛仔骨｜驚豔指數：★★★★☆紫茄掛著琥珀色醬汁，入口竟帶出淡淡豆豉鯪魚的鹹香！牛仔骨斬得豪邁，肉筋交纏處藏著驚喜——軟嫩帶膠質的筋膜與濃郁柱侯醬完美交融，最妙是墊底吸飽肉汁的茄子，綿密如慕斯的口感讓人忍不住白飯再添。🦑 椒鹽鮮魷｜酥脆王者：★★★★★現炸魷魚圈裹著金黃脆衣上桌，咬下時「咔嚓」聲響徹耳際。薄如蟬翼的炸衣竟能完整鎖住魷魚汁水，椒鹽粉撒得克制，襯得海鮮甜味更鮮明。附贈的炸蒜粒是神來之筆，佐冰啤堪稱絕配。🍖 蒸肉餅｜懷舊情懷：★★★☆☆傳統梅菜剁肉餅的變奏版！肥瘦三七分的豬肉混入馬蹄粒，蒸得微微塌陷的狀態正顯功力。驚喜發現底層竟墊著腐竹，吸足肉汁精華後比主角更搶戲。唯獨鹹度稍高，配粥想必更妙。🐔 鹽水雞腳｜冷盤黑馬：★★★★☆本以為是普通滷味，入口卻被陳皮香驚醒味蕾！雞腳皮凍凝而不散，關節處保留恰到好處的嚼勁。最妙是骨髓藏著淡淡酒香，冰鎮後當開胃菜，不知不覺竟啃完一整盤。📝 老派粵菜的溫柔反擊：沒有網紅店的擺盤噱頭，卻在細節處見真章。

估唔到平日8點幾去到餐廳都仲有咁多人等位食飯，菜式選擇太多有時都係一種煩惱，最終驚食唔哂，叫左四個餸菜，好彩冇叫太多，因為份量都幾足，性價比都算高。啫啫排骨煲：上枱個時冒哂煙，成個煲‘滋滋’聲好香既葱蒜味，排骨唔韌唔痴牙。豉汁蒸白鱔：白鱔口感爽彈，落單既時候另外要求左加辣椒，加埋辣椒食落更加鮮味。西湖牛肉羮：每一啖都有免治牛肉同芫茜既香味，唔會得味精湯味，味道咸淡適中，個晚飲左幾碗之後都冇話好口渴。咸魚雞粒炒飯：最怕炒飯太濕同太咸，呢度既炒飯相當有水準，炒飯粒粒分明，有鑊氣得黎又唔會太油。餸菜基本上都好夠鑊氣，價錢又公道，難怪餐廳人來人往，下次有機會仲想再試下其他菜式。

2024年10月21日(一)工作關係早咗出到嚟元朗食返個靚早餐先醒神早餐$46招牌吉列海魚柳餐肉炒蛋牛油方包熱齋啡吉列海魚柳略嫌炸得唔夠時間，圖片大家都睇到，只係黃色，炸皮外邊有油，已經係即食，但係放底的炸皮是淋的，魚柳質地係比其他的不同，較結實，有咬口。餐肉冇煎過，室溫的呢一份早餐嘅份量係足夠兩個人食用食量不是特別大的朋友們真係可以一個餐兩人食我最後都係有一半嘅份量打包為何OpenRice，成日都話拒絕批出食評，因為有人檢舉款待或試食，好多擺明做假嘅食店，又唔見你哋拒絕批出，等我幫襯咗先知道中伏。真係想知道， OpenRice員工，有冇真正看過食評內容，我都不是只讚不彈，今次擺明係有意見，食物出品不算好，只係份量大。邊個去食都係呢個份量，如果其他人去不是這個份量，就有圖有證據，當場申訴。

（這間店第二次光顧）晚餐叫了一個啫啫雞煲（第二次食）這個雞煲夠「鑊氣」，雞和豬潤的份量足夠，味道除了食出鑊氣味，也食得出大排檔雞煲應該要有的水準和風味，雞件不會太老，也不會不熟。另外中式牛柳粒（第一次食）比起蜜椒薯仔牛柳粒失色，沒對比沒傷害，這店的蜜椒薯仔牛柳粒對比深水埗知名的大排檔較為不同，他有獨特的回香小小辣味，但水份比較多，如果水份能夠收得乾少少會更完美。重回正題，這中式牛柳粒的味道比較單調，口感層次一般，只有基本的甜酸味，強烈建議以上兩道菜選一款的話要選蜜椒薯仔牛柳粒。總體來說性價比還可以接受，價錢如果可以更親民一點會更好。

元朗粵舫無記錯都係開唔算好耐，但就經常爆滿，價錢公道嘅（唔算好平）但份量就好大碟，其實都幫襯過幾次我認為有幾個招牌菜值得推介一字骨份量超大碟，啖啖肉而且幾入味冬陰功海鮮之前用個大碟，現在改用大碗搞到似湯🤣（其實都可以當湯飲）基本上每一次幫襯必點大班兩食，蒜蓉蒸班腩和西蘭花班球，食得出魚肉新鮮咕嚕肉正正常常不過都大碟上湯魚滑時蔬，只係食肉唔食菜唔得㗎😝啫啫黃鱔煲，呢味唔係人人鍾意，另外仲有薑蔥魚卜出面唔係好多地方有，黃金蝦球鮮魷好適合送酒，冬天推出嘅羊肉煲都夠一家四口食。講真啲嘢都幾大件夾抵食味道又ok，其實呢啲小店好多時比大集團嘅酒樓好好多（只係環境無咁好），最少每次都飽住個肚走，希望大家多多支持小店。

講起夜晚餓肚，走入老趙這間菜館真係揀啱！首先，啲咕嚕肉，哎呀，外皮咬落去嘎吱作響，肉汁即刻喺口腔內爆發，真係咸甜酸香四溢，食一啖仲想食多啖；就算腦海閃過要減肥，嗰份誘惑嘅力量，我受唔住啊！🤤然後，椒鹽鮮魷嘛，一字—正！脆卜卜嘅口感配上鹹香嘅椒鹽，真係摑醒咗我每一粒味蕾。無論你屬於邊種飲食主義者，嚟到呢度，你都會讚佢一句「質素一流」！嗱嗱，XO韮菜花炒啲什菌蝦球，個蝦球咬落去爽滑得嚟，XO醬嘅味道提升咗整體既層次感，簡直係大滿足！👌食夜晚就係要滿足，食得開心最緊要。老趙嘅小菜嗰種親民感覺，有時連五星級飯店都比唔上。下次有機會，我一定再嚟，試過之後，特別想同滿枱人分享嗰種滿足感，呢度，正！😋

今次經朋友推介，到了這個大排檔，我們三大人一小孩點了三個菜、份量真的很大，價錢合理，尤其點讚椒鹽鱿鱼，很爽口好吃！另外那個上湯魚滑浸時蔬也很出色，味道清、魚肉也爽口，菜的份量也大。唯一比較遜色是稱為「男人的浪漫」的支竹豆腐火腩煲，味道太鹹了。整體來說也是挺有氛圍的大排檔，但不是超出色非去不可的那種。

七点开始排长龙不过都几快就有位，上菜嗰阵我开始好期待，跟住好失望。蚝肉得个大只，唔鲜唔甜甚至有啲腥，我一个蚝王尝试佐两只，两只我都剩係咬佐一啖就顶唔顺。鹅肠唔够爽脆，唔够咸。龙躉真係…好一般，一般到我觉得自己係随便食佐啲鱼。完全冇Feel。猪大肠做法几过瘾！係唯一我冇失望既菜。服务係几好既，菊花茶都好味道既，同埋最主要係价钱真係好平！其他完全冇感想，唔係好明好食得係边&点解咁多人排队…？可能係因为平？呵呵

今日和老友去咗元朗都比較出名嘅小炒王吃飯….的而且確未夠七點就已經好多人排隊我首先叫咗我最鍾意食嘅咕嚕肉…坦白講味道未合乎理想…因為比較乾身….好少有咕嚕肉，我會食剩的…這個是$98呢個XO醬西蘭花炒蝦球就係最正嘅😆😆138元非常足料….蝦仁爽滑彈口👍🏻👍🏻👍🏻呢個薑蔥魚雲就一般般…168元…冇乜肉食🙄但係呢個顯介鯪魚球就吾錯…98元有成20幾粒…而且粒粒都好遠淑😄😄😄我哋兩條友食咗$574….嘢食雖然都叫做可以…但係唔能夠坐得耐…因為實在太多人排隊…食唔夠一個鐘，就要起身走人😤😤😤不過佢哋嘅小炒又真係幾有鑊氣

食物質素份量都ok,一間以大排檔形式做生意來講,都係想坐耐啲食多啲飲多啲為目的,不過21：30 就用不同方法趕客走（唔多講,感覺非常不良好）,我哋問佢幾點收,佢話22：00截單23：00收工,都唔緊要,咪諗住叫多2支啤酒,（都係諗住十點半左右走）但21：30已經清哂我哋所有碗碟,趕埋單等等不愉快動作,口講叫我哋慢慢飲,最後我哋22：10走人,就算所有嘢都ok,但都真係唔會有下次...........

今次係屋企人推介嚟食 但估唔到碟西蘭花配魚有小強係入面🥲 雖然細細隻 但都有啲內心唔太接受到 職員好好咁幫我地換左碟新 亦都好肯定係新嘅 我地坐卡座 見到玻璃都好多細細隻嘅昆蟲 衛生真係有啲差 著短褲都feel到啲野飛嚟飛去 痕痕地咁 食物質素唔差嘅 所以野都幾好食 特別係滷水鵝腸同牛柏葉 一啲都唔會煙靭 最怕食到橡筋咁 而且仲有芽菜底 吸哂滷水汁 好岩餸飯～ 食完都有啲口乾 蝦球同魷魚都比較咸 想食嘅話可以6點到或啫8點 我地6:30到已經坐滿哂 book位都可以

鍾意炒餸食飯既話，可以試下呢間小炒煲仔菜。雖然係開放式大排檔，但室內冷氣都夠，唔會好熱。只係想食就要好早排定隊。小炒皇足料有鑊氣，蝦乾魚仔乾爆得幾香，加埋韮菜花同菜甫，口感爽脆惹味，仲有燒肉絲同蝦，口感豐富，餸飯一流，必食推薦。蜜椒薯仔牛柳粒好香，牛柳粒唔算太韌，味道香濃，薯仔炸過配埋醬汁，入口甘香，成碟野都好大份。椒鹽海蝦除左有一兩隻唔太新鮮，其他肉質都正常，不過無乜蝦味，靠外層椒鹽味道，唔算太咸，都幾香。馬拉盞通菜上菜好香香，咸香又脆，餸飯一流。魚香茄子煲夠晒鑊氣，茄子連肉碎加汁撈飯食，非常惹味。

同班好耐冇見過嘅朋友仔入元朗吃飯，選擇咗呢間網評幾好嘅食肆試吓！原因今次大家想吃大排檔風味小炒，又可以飲吓啤酒吹下水啦每人各點了一款，上枱餸菜都快，侍應都好爽又有笑容，全部都係好nice室內冷氣夠勁環境又夠通風透氣，因為兩面L位置向街全開放式無牆冇玻璃又冇門阻隔，雖然枱與枱之間都接近不過感覺空氣都不渾濁菜式都好有賣相都好味不過鑊氣對比屯門大排檔就差咗啲啲咁多，努力💪仍然有進步空間希望下次再嚟吃貨會有「正」嘅感覺

一大班人 個個人都鐘意食唔同野最好就係去大排檔😝最近試左元朗依間新大排檔 整體都唔錯仲要全室內咁制 但又保留返開通同開揚 讚🧚🏻‍♀️椒鹽雙拼 （鮮魷+雞軟骨）$128佢份量都唔錯炸皮無好厚粉 啲鮮魷都仲食得出好新鮮雞軟骨就略嫌有啲細舊 咬落似一啖就食完分唔到舊骨同皮咁 差少少🧚🏻‍♀️脆皮大豬手 $168豬手原隻上大舊舊配埋佢既醬汁夠哂開胃食兩舊都夠飽😂 啲肉又夠滑唔痴牙 讚🧚🏻‍♀️菠蘿咕嚕雞球 $88啲菠蘿一啲都唔酸又唔會太甜依個配菜正過主菜😂啲雞都好味同唔重粉 無醃到失哂味🧚🏻‍♀️蜜椒薯仔牛柳粒 $98啲薯仔加蜜糖煮個種焦焦地既味堅正！啲牛柳夠鮮夠滑彈牙 夠哂獲氣🧚🏻‍♀️啫啫雞煲 $98佢啲煲都好食 入面啲配料都好多又有豬潤啦菜啦雞 好味🥰🧚🏻‍♀️豉椒炒鵝腸 $88依個大愛🥰 鵝腸超爽身 好好ja 而且洗得乾淨份量又夠多🧚🏻‍♀️枝竹豆腐斑腩煲 $108枝竹同豆腐夠哂入味 希望下次可以落重手啲枝竹🧚🏻‍♀️馬拉盞炒時菜 $68馬拉盞炒時菜成日出街出都會太咸但佢就岩岩好 唔會話太濃食到好口乾依間大排檔都真係幾抵食我地仲另外叫野飲同白飯 （唔飲酒）人均先$120 野食又夠味又獲氣元朗又多個大