粥麵好盞

營業中

休息中

入坐見到隔離枱叫左個蒸飯，成個蒸籠上，咁特別即刻試啦，再叫左個粥同埋湯飯，全部野都okay既，唔會有哇 好好食既感覺，但份量足，食到好飽，加上北角咁旺既地方，餐廳用餐位置算好闊落，平價飽肚午餐就推薦呢間。

食物味道其實整體係唔錯，不過平時路過好少會入去試。星洲炒米幾足料，可以稍為在濃味少少就更好。叉燒腸粉好滑，叉燒夠多，個人其鍾意食。豉油王炒麵同埋豆漿正常發揮，冇乜嘢好comment。

間鋪服務質素真係不過關，行入去冇人招待，點咗杯飲品催幾次等咗十幾分鐘先到。成間鋪只得一个胖姐姐盡心盡力招呼客人，仲有侍應黑面問都唔理！好㗎地方都係有，餐品實惠都算好味，店鋪面積夠大落座舒適，如果能夠多改善服務一定做得更加好。

推輪椅入餐廳有斜道係我首選服務唔錯，我推輪椅入餐廳，服務員都幫忙搵位整理，有熱水提供QR code 落單，都容易操作。食物，熱騰騰，最喜歡醬油另上，咸/甜自己喜歡💯牛腩麵合格蒸飯，我叫的是比目魚蒸飯，好食，啲飯好淋，老人家好啱胃口。油菜，腸粉都好味，唔錯。樣樣都即叫即整，上枱都熱辣辣。服務員全是後生仔女，抹枱，做清潔無hea 做。隔離枱有漏單情況，希望做熟咗就無啦以北角區黎講，價錢算合理。食完比錢先知新開張，加油。我會再來😀