米泰 (圍方)

營業中

休息中

叫了個二人餐， 428 +10%期望有啲落差魷魚，賣相OK，直落魷魚有點霉😤金邊粉，普普通通😞咖喱蟹肉配薄餅，有驚喜，好食👍甜品，香蕉薄餅配椰子雪糕 👌檸檬茶好差 👎 ，冇茶味，好似飲水😭二人座位，比較偏細，比較嘈吵服務員有禮，幾好👍

同狗狗去圍方玩完，去食泰國嘢做lunch😍有寵物可以坐餐廳外、商場內範圍👌🏻星期日去都有set lunch食.✨極上船麵✨湯底濃郁，牛肉牛丸質素都唔錯，屬於好食既船麵✨海南雞飯✨雞肉好嫩口好滑，咁岩俾左雞翼我🫶🏻油飯有雞油香，但質地略嫌太爛。除左酸辣汁，仲有另一款應該係香草黑椒汁，都幾特別同埋幾夾海南雞。配菜既蘿蔔都落左薑黃，幾得意。✨香蕉pancake配椰子雪糕(加購）✨本身以為係切到井字型果種泰式pancake，點知係偏西式果種，pancake皮係比較厚身、有筋道既口感😊味道清新，一d都唔甜，pancake入面有cream同香蕉片，唔錯

圍方泰菜餐廳，個人認為菜式口味比較港式。1. 菠蘿黃薑海鮮炒飯$138睇Menu用菠蘿裝住個炒飯，但上枱係冇㗎！只係一碟普通菠蘿粒+海鮮黃薑炒飯，炒飯唔算好香，不過勝在海鮮都算多！2. 泰王蜆肉生菜包$92通常生菜包都係肉碎包生菜食，呢個記特別嘅係肉碎當中會有蜆肉，多咗一份新鮮感！😜3. 娘惹咖喱牛肉$168 （追加薄餅+$38）咖喱系列係冇包飯、薄餅、蒜蓉包，想夾埋咖喱食，就要加錢追加！咁我係有追加薄餅，不過薄餅唔熱, 顯得薄餅更加油膩。（以上價錢未計加一服務費）

當日叫咗二人套餐$428⬇️⬇️⬇️⬇️⬇️⬇️⬇️⬇️⬇️頭盤 - 炭烤魷魚🦑 魷魚非常大條，燒得很香，亦非常爽口另加 - 米泰生蝦 $88食泰國菜點可以唔食生蝦，所以就另加左一份生蝦刺身，味道不過不失咪泰秘製海南雞 肉質正常，雞味不算太濃 泰式鮮蝦炒金邊粉 金邊粉口感彈牙，鮮蝦都爽口，味道不錯香蕉烤餅配椰子雪糕 因為掛住泰國嘅泰國pancake，所以就試一試依個甜品，甜品比想像中好味，烤餅好煙靭，餡內有椰子醬及香蕉，配埋椰子雪糕，味道好夾💰人均消費 $260

今日放假梗係要去行吓街去左大圍新商場 圍方經過一間個名幾特別嘅泰國菜 米泰見到有位梗係即刻入去食吓啦😆首先梗係叫返個我同老公最愛嘅生蝦刺身😆呢度嘅菜式擺盤都幾靚⭐️生蝦刺身係用小酒杯去裝咁就已經點好晒醬料可以一飲而盡😂生蝦都幾大隻，個汁都係平時食開嗰啲整體感覺唔錯！🫶🏻

大圍圍方不嬲都多好野食，今日就試左一間主打泰國料理，晚餐時間十分有人氣。 店面裝潢充滿東南亞風情，菜色擺盤及味道都非常精緻!!🏝️- 米泰生蝦(6隻) HK$88 🦐🌶️開胃清新泰式生蝦!!生蝦口感爽脆非常大隻，搭配清香酸辣的泰式酸辣汁、辣椒、蒜頭及薄荷葉一同食用，味道清新開胃，辣勁十足食得好過癮!!- 啖啖蟹肉咖哩 HK$178 🦀🍛蟹鮮十足椰香咖哩!!蟹肉超多鮮味突出，咖哩濃郁椰香中帶微微辣度，鮮味十足!!- 泰式鮮蝦炒金邊粉 HK$108 🦐🍜炒功了得金邊粉!!鮮蝦口感爽脆，醬汁炒得均衡，味道酸辣開胃，香脆花生碎及香口乾辣椒添加菜式口感。金邊粉口感彈牙，酸甜香辣令人越吃越上癮!!- 香蘭葉冰霜麵包配椰子雪糕 HK$78 🥥🍦🍞冰火感覺超清新!!冰凍椰子雪糕清新可口，香蘭葉香氣及椰漿味道濃郁，滲透香脆鬆軟麵包，麵包內餡加入香蕉及花生味道超香甜!!冰凍椰子雪糕碰上熱度十足炸麵包，刺激又好味!!- 菠蘿椰子沙冰 HK$52 🍍🥥🍹打卡首選!!酸甜菠蘿與清甜椰子結合，清新易入口!!

☘️圍方嘅餐廳，基本上假期時間係唔駛旨意walk in 嘅，所以一般都只會weekday 至嚟幫襯。 朋友想食泰國嘢，咁就揀咗呢間。 佢呢度啲嘢食味道都幾好，可能又因為我喜歡濃味啩，因為確係有少少偏咸！ ☘️個船面普通，我響泰國食好味好多。咖喱同個油酥餅好夾，妹味！個芒果米卷夾住啲菜配甜酸汁啱啱可以解膩，清爽！ 最靚係杯飲品，紫色配埋綠色薄荷葉好夢幻，影相好靚👍☘️整體食物ok, 敗筆係呢度空間唔大但係枱擺得好密，坐得唔太舒服，好似同隔離枱同枱咁，講乜都聴倒哂😂 而且亦係限時 ！如果諗住食個快餐食飽就走嘅可以考慮呢度，因為上菜都快嘅😉

今日和老婆,外父和外母往大圍圍方米泰食泰國菜,我們點了炭燒泰式朱頸肉,泰式炸蝦餅,泰式蝦醬炒飯,泰式黄咖喱雞,蒜蓉炒椰菜苗,薄餅和泰式凍奶茶,炭燒泰式朱頸肉賣相吸引,食落爽脆,佐酒一流,泰式炸蝦餅共有六件,炸得金黄香脆,食落彈牙,泰式蝦醬炒飯炒得乾身,飯粒分明,蝦醬惹味,配菜青瓜和葱食落爽口,蛋絲香滑,牛肉粒和香腸食落惹味,整碟泰式蝦醬炒飯十分足料,口感豐富,泰式黃咖喱雞咖喱辣度適中,雞肉肉質鮮嫩,羅白和薯仔爽脆,整份泰式黄咖喱雞食落口感滿足,蒜蓉炒椰菜苗蒜蓉味濃,椰菜苗新鮮爽口,薄餅食落香脆,配黄咖喱一流,最後泰式凍奶茶茶味香濃,奶味香滑,餐店座位闊落,食物美味高質,我們食了一頓好味泰國菜

有提早book枱，所以去到即刻有位可以入，眼望圓形大枱只有2至3張，5個人坐啱啱好！坐低每人會有杯水，職員都好體貼，見到有長者會俾熱水，仲會提醒小心熱。🥰🫶🏻總共叫左6款食物，推介豬頸肉🧡🧡🧡通菜就鹹咗少少，需要叫個飯嚟襯托。泰式雪糕珍珠奶茶👍🏻👍🏻👍🏻👍🏻

本周二晚約了朋友飯聚, 經OpenRice平台訂了這間泰國餐廳。餐廳環境不錯, 燈光柔和有格調, 雖然分配不到卡座, 坐中央位置都是寬敞不局束, 坐得舒服。翻開菜單發現食物選擇多, 好多都想嘗試, 但只有我跟朋友兩人的緣故, 為免浪費食物, 最後我們決定先點一份二人套餐, 如份量不足夠才加點其他食品。二人套餐 (HK$428)(頭盤) 炭烤燒魷魚 : 侍應上菜時香味撲鼻, 但入口卻較淡, 沾了醬汁也未能加分, 與預期有點出入。  (主菜) 啖啖蟹肉咖哩配薄餅 : 咖哩非常出色, 配上我最愛的蟹肉(份量OK), 味道一流! 真是⸢食過翻尋味⸥ ! 強烈推薦!(主食) 泰式鮮蝦炒金邊粉 : 金邊粉味道不錯, 配有中蝦3只, 口感爽脆。(甜品) 芒果椰汁三色糯米飯 : 以往較少選擇的甜品, 朋友推薦便嘗試了。 糯米飯軟糯, 配上椰汁好清新, 吃完也不會覺得有飽膩感, GOOD!(飲品) 升級$15選了蝶豆花水蜜桃梳打 & 蝶豆花熱情果梳打 : 味道容易入口, 但甜度略減20%會更好, 賣相吸引, 適合打卡! 可能我們選的甜品是糯米飯, 比較飽肚, 所以覺得套餐份量都足夠, 最後沒有加點其他菜

米泰yummy啦🇹🇭🧸話說做尖前都要填飽一下個肚仔🤣本身想食台灣野，點知等成4x幾個位咁就食左泰國菜喇🤣🇹🇭.🔸泰式青咖喱炭燒豬頸肉飯$108🔸飲品：熱情果蝶豆花梳打🥤一上菜見到青咖喱咁青bb既🥹個心打左個突 會唔會伏架😣點知唔伏仲有驚喜😍佢既斑斕加椰汁味超重 同埋好夠辣🌶️第一次試味道唔係死辣既青咖喱✌🏻仲有豬頸肉好大份😍成條上咁✌🏻飲品就好期待熱情果😍話說岩岩去完泰國🇹🇭就愛上熱情果😍去到邊都要熱情果😍😍😍咁呢杯野飲就偏酸 示為打卡飲品🥤.🔹米泰極上船麵（配河粉）$128🔹有牛小排、牛丸、牛展、炸豬皮、豆卜飲品：凍泰式奶茶🥤呢碗係朋友叫的🤣朋友表示性價比不大🤣湯底稍為要濃d先稱得上船河🥲泰奶就偏甜🤣🤣所以佢都比較喜歡我個性價比豬頸肉🤣🤣..✩•‿• ♡ 〝＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊〞

我們叫了兩個午市套餐，泰式黃咖喱雞飯和芒果雞肉椰香斑斕炒飯。兩個套餐味道不錯，份量也足夠，性價比高。另外套餐可以加錢點其他配菜和甜品。我們加了一個馬拉盞炒通菜，雖然份量不多，但辣味適中，很好吃。可惜餐廳服務一般，上菜混亂。他們不但把其他客人點的菜上錯給了我們，還上漏了我們的泰式黃咖喱雞飯。在我們吃完芒果雞肉炒飯之後，我們催促才給我們。之後竟然在芒果雞肉炒飯上了3分鐘內上雪糕甜品，最後雪糕溶掉了，我們才開始吃甜品。可能吃得太倉猝，完全感受不到甜品的美味，味道一般。

米泰 - 異國情調氛圍一洗工作疲態💆‍♀️氛圍：精緻的裝修，暖暖的黃色燈光，淡雅的木質調風格搭配富有異國風情、顏色造型豐富的精美餐具。療癒的氛圍裡，令人食指大動，一洗工作疲態。是很適合重新插電的工作日午餐。🍴餐點：泰式羅勒肉碎太陽蛋飯 $88 + 泰式凍奶茶 $5經典泰式菜餚，以羅勒和辣椒等材料配取獨特泰國香料，調配碎豬肉，製作出集辛、鮮、香的美味可口。炒碎豬肉配以透亮蛋白包裹著圓滾滾的蛋黃，呈現出極具泰國風情的餐點。外加一杯泰式奶茶，可謂錦上添花。🤵🏻‍♀️服務：隔幾米便有穿著整齊制服的服務生站立，隨時能幫到你。❤️聲明：午市套餐餐費由本人全額支付，並未享有任何優惠/款待。

同2位朋友叫左一個2人餐 在追加一飲品雙人套餐 $428賣相好吸引而且質素都唔錯炭烤燒魷魚份量十足，最有驚喜，而且非常有咬口，又唔會靭，燒得好香。啖啖蟹肉咖喱 配薄餅蟹肉咖喱唔算辣 配係濃味汁嘅蟹肉存在感有d低，薄餅酥軟芒果蟹肉椰香炒飯都炒得粒粒分明，不錯泰式奶茶焦糖布丁泰式奶茶味道唔夠濃，但面頭pat cream有加分的！額外仲叫左一個香芒軟殼蟹米紙卷(6件) $88不錯！最抵讚係個環境，卡位自成一角，都係聚會好選擇👍🏻

新年食飯度度都好多人食晏時間去左圍方米泰上次叫過外賣覺得幾好食今次嚟堂食午餐都幾多選擇價錢中上一星期食一次都唔錯最後我都係叫番泰式青咖哩炭燒豬頸肉飯$108飲品加左$15轉香茅青檸薏米水呢間既青咖哩係我食過最好食好香椰汁味辣味剛剛好睇落好似班蘭汁炭烤豬頸肉火喉剛剛好唔會太乾幾有咬口份量亦都算多飲品好香香茅味薏米無論份量定係軟硬度都恰到好處坐位寬敞唔擠迫一個人去都比卡位唔會話一定要等到得2人位先比入呢樣覺得幾好整體感覺唔錯店員都好有禮貌會再嚟