米泰 (圍方)

泰式奶茶個茶味夠香，奶味滑，甜度啱啱好，唔會太傖，飲落順口。口味都好正宗同埋夠大杯。肉碎煎蛋飯係打拋豬肉，辣度中等，九層塔香好突出，豬肉碎炒得乾香入味。個煎蛋金邊流心，蛋香同豬肉一齊食好match，撈飯超香口，仲有少少腌菜同花生碎解辣，簡單但好夠味。fd叫左個紅咖喱炭燒雞扒飯，雞肉用香茅串起炭燒過，有少少煙香，皮焦肉嫩。紅咖喱椰味濃，辣得溫和，醬汁撈飯好下飯，仲有青瓜洋蔥做配菜，清一清口氣。整體嚟講三樣野都味道正宗又足料飽肚，出菜快，環境舒服，食完覺得滿足又唔會太重口。…查看更多

貨不對辦到咁嘅地步，可以嘅咩？呢碗所謂嘅牛肉船麵完全唔係船麵。首先，個湯根本就唔係船麵，只係一碗啡色嘅水，都唔知點叫湯，又稀又淡，味道又尷尬又曖昧，唔知咩肉嘅湯，真心難食，負十星程度。啲牛肉難得一見嘅難食，又鞋又硬，最後要吐，係食唔到嘅。啲檬粉嘅份量少得可憐。呢碗粉，真係完全唔值呢個價錢。勁失望。全碗麵最最最正常係幾粒豆腐卜，味道正常。人生食過最難食嘅船麵。呢間餐廳成日好多人排隊，以為唔會差得去邊啦，點知真係可以咁差。可能其他主食，炒粉麵好食啦，但船麵真係唔好試。…查看更多

前排同朋友嚟到大圍，大家都想食泰國菜，就決定試吓「米泰」水準如何😋結果我哋都食得好滿足，啱啱喺泰國返嚟嘅我哋都完全冇失望🤩➊ 菠蘿海鮮炒飯 🍍🦐菠蘿炒飯香氣四溢，甜酸果香同鹹香炒飯完美融合，每一啖都帶住鮮甜海鮮嘅味道🦐🦑 菠蘿粒鮮嫩多汁，飯粒粒粒分明，炒得均勻又唔油膩，令人一啖接一啖停唔到😋➋ 金不換牛肉炒飯 🥩🍚呢款炒飯牛肉厚切又嫩滑，醬汁味道濃郁又帶微甜，完全鎖住牛肉嘅鮮味🥹 炒飯粒粒香口，帶少少焦香，配合金不換嘅醬香，口感層次豐富，真係食得好滿足🥰➌ 馬拉盞炒飯配雞肉串燒 🌶️🍗馬拉盞香氣撲鼻，炒飯帶微微辣味又有海鮮鮮香，配埋雞肉串燒，外脆內嫩，汁香味濃🥰 呢個組合既開胃又夠味，真係一試難忘，保證食完仲想再叫第二份😭➍ 芒果椰汁三色糯米飯 🥭🥥甜品上枱即刻吸引目光，色彩鮮艷又好有夏日感💛💚💗 芒果香甜多汁，椰汁柔滑香濃，糯米軟糯帶嚼勁，每一口都係清甜又滿足🥹 三色糯米飯口感豐富，甜而唔膩，完美為一餐畫上完美句號✨😁Overall我會話呢一間餐廳係gathering之選👯‍♀️環境乾淨、服務好之餘，食物質素都非常之唔錯💓快啲約埋班朋友仔一齊嚟試吓啦🤣…查看更多

周中晚上七點多，一個人在大圍附近逛街，到了飯点，發現之前來，心心念念想吃的圍方泰國菜居然不用排隊。一個人就點了一份泰式鮮蝦炒金邊粉，量很足，味道不錯，完全能吃飽。有5只蝦，酸酸甜甜很喜歡，粉軟軟的，煮得恰到好處！總之，味道很讚！…查看更多

本人一同6人昨晚大約7點半已經在圍方米泰拿了6位飛等號，到了8點左右，我們去完洗手間，已經過了號，但男接待員主動問我們幾多位拿了什麼飛，跟著就幫我們補號，之後他見到我們拿著生日蛋糕，問我們要不要幫你雪存起，真貼心，感覺他好像留著我們的心，之後我看見他拉一張小枱去後面，竟然變了兩張6人枱，之後一起給2張C飛叫號，真的很盡力做我們生意，事後員工也主動拿碟子給我們慶祝生日切蛋糕，離坐時終於看清楚男接待員原來是Manager ,著淺藍色裇衫，及後Manager還主動送上生日祝福，哄得我們生日主角很歡喜，在此，我們之後有家庭成員慶生一定會光光臨貴餐廳，期待你們貼心及盡力的服務，多謝你們團隊為我們送上一個難忘的生日晚餐！最後當天晚上，其實外面真的很多其他客人等飛，但Manager都努力安撫大部分客人，亦看見等太久的客人都很苦燥，言辭上可能出現攻擊店內員工，亦希望大家等位客人盡量將心比心，體諒各飲食業前線服務員，其實他們已經做得很好，加油…查看更多

今日同女朋友過來大圍呢間「米泰」過生日，開開心心來食飯，但無唸到d服務員嘅質素咁低，無啦啦對住我地發火？系咪見到我女朋友講國語？送餐過來完全無耐性，我女朋友將個空碟遞過去，無眼神交流就算啦，仲要好惡死咁大大聲講「等等先！」。Excuse me？加一服務費就係用來買火藥嘅？其他服務員都差無多質素，面臭臭，全程一次水都無加過。真系犀利👍之前來過覺得都幾唔錯，但係今日嘅體驗非常非常之差👎，之後唔會再翻轉頭。…查看更多

今日去到圍方，本身都好期待食呢間餐廳好奈，點知一去到餐廳門口就見到門口有個女職員在門口俾人圍住鬧，不過佢都依然保持著服務水準有禮回應客人。然後見到一位應該係淺藍色衫我估應該係店長，想講呢個店長講野態度非常差，仲聽到客人同店長係度講「客人：咁話我補飛咪有排等？訂檯都未入座，店長：係囉 啲客食完都唔走」呢啲說話真係好無幫助。聽到即時唔想食，做服務性行業講啲咁既說話，所以我都係食第二間唔幫襯，分分鐘話埋我架，多得啲咁既員工，客都俾佢趕走曬啦。…查看更多

7月19日 ，因為週六無得訂枱，所以walk in 排隊拎號，等左約半個鐘左右，大約晚上7點半入座，一入去 已經聽到帶位女員工好熱情咁叫歡迎光臨米泰，仲好齊心，感覺同出面餐廳唔同，有氣氛。之後坐低後，一個好熟悉既男經理行過黎，主動送上水，一見原來之前係荃灣一間餐廳見過，仲記得佢有溫度既服務，今次再遇見，我對他點頭，thomas主動介紹餐牌有什麼推介，全程笑住對住所有客人，感覺相比半年前再來米泰，氣氛及服務轉變很大，改善左好多，臨走前我問thomas有無卡片，但佢話佢剛剛入職，俾住餐廳卡片再用筆寫佢whatsapp聯絡方式，星期一至五如果訂枱可以隨時搵佢，真貼心，食物質素繼續保持高質，加上thomas既服務感染下，令到餐廳有埋服務，我地會再黎，約定每月一次…查看更多

今日同屋企人食lunch ，突然想食泰國菜，經過圍方，就決定試吓米泰！🔸泰式鮮蝦炒金邊粉🍤鮮蝦共有五大隻，口感爽脆彈牙！金邊粉酸甜香辣十分開胃，配搭埋香脆花生碎，令人越吃越上癮！！🔸 泰式青咖喱炭燒豬頸肉飯豬頸肉經過炭燒後，散發出獨特的煙燻香味，而且肉質嫩滑，外皮微脆，內裡多汁，配上青咖喱的椰香味，配搭一流！🔸 香芒牛油果素菜米紙卷（4件）香芒牛油果素菜米纸卷十分清新和豐富！新鲜蔬菜如生菜和黄瓜提供了爽脆的口感，加上香芒的甜味为整体增添了果香，再配搭甜辣醬增加風味，健康又有營養，非常適合夏天享用！🔸 芒果椰汁三色糯米飯糯米飯外層有綠色、白色和藍色色調，加上芒果呈現色彩繽紛的感覺！每一口芒果糯米飯都是一種享受！糯米飯的口感軟滑，配上椰汁與芒果，香甜結合在一起，非常好吃又滿足！🔸 兒童餐炸薯條｜炸蝦餅｜雞肉忌廉汁意粉｜蘋果汁好開心這裏有兒童餐！可以叫份比小朋友，自己可以叫自己想吃嘅，唔洗就佢唔揀得辣…兒童餐都很大份，仔仔食得好開心！…查看更多

最近去咗米泰（圍方）食嘢，真係超正！以下係我試過嘅幾樣菜，分享一下～香芒軟殼蟹米紙卷第一樣係香芒軟殼蟹米紙卷，OMG，超好食！米紙包住軟殼蟹，外脆內嫩，配上香甜嘅芒果，食完好想再來一份！鮮蝦柚子沙律跟住試咗鮮蝦柚子沙律，醬汁好有風味，味道比較濃厚。鮮蝦搭配清脆嘅沙律，仲有柚子嘅酸甜，食完真係好清爽，夏天食啱啱好，完全唔會膩。鮮蝦 Pad Thai再來係鮮蝦 Pad Thai，呢道炒河粉完全唔會失望！鮮蝦夠新鮮，炒粉香噴噴，醬汁調得剛剛好，味道層次分明👍🏻菠蘿沙冰最後係菠蘿沙冰，呢個甜品真係必點！沙冰滑滑地，菠蘿味超自然，食完好消暑，完美收尾！總結總結一下，米泰（圍方）真係一個好地方，菜品唔單止好味，仲有創意，食完心情都好好。如果你喺香港搵地方聚餐，米泰（圍方）絕對要試下！…查看更多

自從圍方開幕之後，對我哋呢班成日要夜收工嘅打工仔真係天大福音！每次收工肚餓，就可以即刻衝上圍方搵食。最近唔知點解好迷泰國菜，而呢間泰式餐廳雖然位唔多，但坐得幾舒服，裝修簡簡單單用木系風格，好適合同friend一齊嚟吹下水食下野。* 米泰生蝦 (6隻)啲蝦肉通透到呢～配埋佢哋特製嘅酸辣汁，一入口先係青檸同香茅嘅清新，跟住先慢慢嘗到魚露嘅鮮味，真係好開胃！*米泰秘製海南雞 (半隻) 雞皮又爽又彈，雞肉滑到呢～連雞胸都唔會「鞋口」。如果可以配碗油飯就perfect池啦！*米泰極上船麵個湯底黑金黑金咁，用牛骨熬出嚟嘅湯又濃又甜，最正係啲炸豬皮，吸晒湯汁都仲脆口！牛小排都幾多下，牛味夠，不過牛丸就似港式嗰種，如果有爆汁效果就更好。食得辣嘅記住加辣，會更加惹味！*芒果椰汁三色糯米飯 擺到成件藝術品咁！蝶豆花、斑斕同白糯米三種顏色，椰漿濃淡啱啱好，每粒米都掛到漿，食落又綿又香；加埋啲炸綠豆碎，脆脆地好過癮。芒果甜到漏，一啲都唔酸，自己食晒都唔會膩。*飲品: 杞子龍眼水蜜／泰式咖啡龍眼蜜飲落好滋潤，就算凍飲都飲到桂圓香。至於泰式咖啡香濃得嚟唔會太甜，好啱香港人口味。…查看更多

開11:30，得4.5張枱入座，大約11:40叫餐，去到12:03還未有嘢食，問第一位侍應追單，一直都無回覆.到12:09問第二位侍應幾時有？終於有答案，要等多十分鐘，師傅炒緊，替個師傅辛苦炒個金邊粉要40分不停咁炒。聽完起身走人。…查看更多

二人套餐幾抵食，但上菜慢同店員服務麻麻味道：🌕🌕🌕🌕🌕🌕🌕🌖🌑🌑二人套餐($428)炭烤燒魷魚呢碟係我地等位見到好多枱都有叫所以決定叫🤪🤪佢真係原隻魷魚上枱🦑好澎湃既感覺😍😍魷魚口感夠爽口，易咬唔痴牙，而且個醬汁都好惹味👍🏻👍🏻泰滷味(豬手，蛋，豆卜）豬手係充滿骨膠原，所以食多啲對皮膚都好好😌呢到既豬手份量係勁足，好似成隻豬手搬曬上枱咁，豬手調味剛剛好，又夠彈牙，每人起碼都食到5-6舊😂😂豆卜份量都好多，不過索左啲汁有啲漏就食唔曬😂泰式鮮蝦金邊粉金邊粉係我地比較鍾意食既泰國菜之一，食親泰國菜都係定要叫，呢到既水準都唔錯，味道夠曬惹味，蝦都夠啦隻夠多，同埋份量一啲都唔少，2個人食完都飽曬😂😂香蕉烤餅配椰子雪糕因為無曬芒果糯米飯就惟有叫呢個😢烤飯係比較煙韌既口感，入面都幾多香蕉，整體感覺唔算太甜👍🏻不過佢個雪糕並唔係椰子味，係普通雲呢嗱味，有啲失望🫨🫨價錢：🌕🌕🌕🌕🌕🌕🌕🌑🌑🌑連鎖餐廳黎講價錢都算可接受，圍方本身其他餐廳都係咁上下既價位，食物份量同質素都對得住佢呢個價錢既，但如果飲品可以包多啲唔同款式就儲會更加好👍🏻交通：🌕🌕🌕🌕🌕🌕🌕🌕🌑🌑圍方本身交通就方便，再加上佢$400有泊車優惠2個鐘，呢個2人餐就岩岩好👍🏻👍🏻環境：🌕🌕🌕🌕🌕🌑🌑🌑🌑🌑裝修黎講都有啲特色，但員工服務態度就真係唔多掂，門口叫位個呀姐長期唔係做緊野咁，明明有位又唔叫人入去，落單上菜時間都比較耐，我地明明見到個甜品一早整好左放左出黎，但就啲員工行過見到都品願上菜🫨性價比：🌕🌕🌕🌕🌕🌕🌑🌑🌑因為係睇完戲太夜見呢間等位最少人就隨便走左入去食，本身都冇嗱期望，但就變相有嘅驚喜🤪🤪味道唔錯，份量夠大，係服務質素差咁啲，路過有興趣可以一試😎👍🏻米泰 (圍方) (大圍)大圍車公廟路18號圍方4樓431號舖…查看更多

朋友聚餐相約到近期好喜歡去嘅圍方，今晚選擇米泰泰國菜，我早了15分鐘到但係見餐廳入座率大概只有一半，即管問問是否容許我先坐下等朋友，幾位員工都以因為要入座計90分鐘，所以我的要求全無反應😓我覺得既是平日又非繁忙時間嚟講未免有點不人性化及處理不靈活了吧！最終還是只能等到朋友到來亦都到了訂枱時間才坐下，我選擇店舖外用餐，因為覺得店外對開幾個卡座更寬敞舒服，我哋叫咗一個四人餐，平心而論四人餐份量相當足夠👍🏻味道亦都非常好👍🏻首先泰式生蝦賣相非常吸引🤩鮮蝦炒貴刁，馬拉盞炒椰菜苗，軟縠蟹紅咖喱配薄餅，燒排骨都非常不錯，但要批評泰式拼盤竟然放幾條炸豬皮就作為其中一個美食🙄有點那個吧🙂‍↕️而且豬皮受潮了煙靭難食⋯⋯希望餐廳留意一下需唔需要修正一下泰式拼盤嘅內容呢？…查看更多

點了一個二人套餐，即時入會再加送一個小食。跟餐的前菜和加送的小食都是炸物，都一致地油淋淋地上餐，程度係墊底紙可找到油滴。其他套餐內上的菜都是光速上餐，速度之快令人咋舌。不要嘲笑北上的港人食預製菜，其實我十分懷疑我當日毋須北上也可享受。最後，加了一個芒果糯米飯，部分米粒可以乾到有脆口感覺，真係難得。。。…查看更多