米泰 (圍方)

營業中

休息中

圍方商場新開幕，我拉咗個朋友去去湊下熱鬧。逛商場之前食左個午飯先，去咗呢間泰國餐廳。餐廳燈光設計都營造咗少少氣氛，座位都算坐得舒適。叫咗幾樣野share食。牛肉串燒青木瓜沙律：青木瓜絲爽脆可口，加上一股辣勁，非常醒胃。牛肉串燒肉質軟腍，沙嗲醬微甜加埋花生粒，口感幾好。香葉包雞：雞肉嫩滑有肉汁，包住係香葉中，經過燒烤而成，入口散發住淡淡香氣和燒烤味，食完一件想再食。青咖喱豬頸肉配黃薑飯：豬頸肉十分爽口，沾上濃郁的青咖喱醬，辣味和香料味令豬頸肉昇華左。黃薑飯不過不失啦。另外仲叫咗泰式奶茶，茶香幾夠，幾好飲。整體來說都滿意嘅，下次試下其他野。

大圍最新泰國滋味 沙田大圍本身真係泰國菜蠻荒之地，好難搵到一個坐得舒服，用餐環境優質的泰國菜館。自從The Wai開左後就改變這個局面，如果你走遍整個The Wai，大部分都係連鎖小店轉左個裝修就開鋪，除了NOC與以下將會提到的這間泰國餐廳Khao San有獨特風格。 Khao San意思為「碾米」或「精米」是泰國的主食，現代Khao San Road 考山路是曼谷中心地帶一條繁華著名街道，旅者和遊牧人集中地。大圍的考山裝修有泰式Bistro的感覺，親民又不失個人風格，好欣賞店員能配合我同朋友要求，安排了較為舒服與安靜的卡位。 放工後去到餐廳坐低我和朋友就點了「泰鹵味」拼盤，鹵水味有接近泰國本土風味，有淡淡甜香味，鹵水盤內有豬手，雞蛋與豆卜，當日不想食得比較清淡不油膩就點了這道菜，順便補充一下骨膠原。 主食方面我和朋友各自點了「泰式海南雞」與「米泰極上船麵」，泰式海南雞正常發揮有雞味，配上雞醬與油飯係最佳組合，油飯有雞湯香味又唔會太油，另外朋友食的船麵，食得出比較傳統，湯底有用傳統煮法，有使用骨去煲製又不會有任何腥味，配料豐富有牛丸牛展牛小排，傳統炸豬皮豆卜。 希望米泰會不時出下新野，

這餐廳是位於你新開的商場內，我也是第一次來幫襯這間餐廳，這間餐廳座椅裝修和座位的擺設，也算舒適。這間泰國餐廳可選擇的菜式並不多，還有一些在餐牌內的菜式沒有提供，對於新開張的餐廳來說真的扣分吖。我們最後點了泰王蜆肉生菜包，炭烤沙嗲豬肉串燒，鮮蝦柚子沙律，香芒軟殼蟹咪紙卷，菠蘿黃薑海鮮炒飯，蟹肉咖喱配薄餅。比較好的就是菠蘿和薑炒飯，飯粒非常入味，還有香芒軟殼蟹卷口感很鮮美，其他的菜式味道和賣相也是一般。整體評分性價比不高。

剛剛同姐妹去完泰國曼谷旅行，一直好掛住曼谷夜市街邊美食，所以同姐妹搵下香港有咩全新正宗泰國餐廳。我地發現比較多人討論近來新開的商場The Wai有間名叫Khao San的餐廳，就決定去一試究竟。 餐廳環境裝修係商場來講偏奢華和有足夠隱密度，幾岩兩個姐妹密密斟。Menu方面對比其他連鎖泰國餐廳更有FUSION又不失傳統的感覺。 我們到步由於太肚餓，又有選擇困難就叫左「米泰小食拼盤」，就有齊炸魚餅，炸蝦餅，雞翼串，燒香葉雞，脆炸單骨雞翼和燒菠蘿。一個拼盤滿足你六個願望，味道有泰國街邊風味，特別燒菠蘿爽甜多汁最岩我地女仔食。 主食我地就叫左「米泰極上船麵」去Share，船麵是近年香港多人追捧的傳統食品，船麵源於昔日泰國水上生活，在陸運普遍不發達的年代，交易買賣在船與船或船與河岸間進行。 當時為了防止在船上吃麵時會翻倒，所以船麵都是小碗盛裝，方便人們在船上進食。 如今船麵已上岸，米泰店家更貼近新時代使用大碗盛載，把不同配料集中起來，湯底有驚喜沒有味精，飲得出有使用真材實料淆製，黑色湯底味道極為濃郁。配料方面有傳統牛丸，牛小排，牛展，還有必須要出現的炸豬皮和豆卜。 最後我們還試一杯特飲叫「蝶豆花

收工試新嘢屋企人過黎攞飛先，一收工就有得食，之前就試過megabox果間，點知開到屋企附近，一定要再食翻啦～裝修風格同以前唔一樣，冇話邊個好嘅，一個就文青D哩個就更適合網紅打卡。我就鍾意佢粉紫色個牆面，同個燈飾小食拼盤種類夠豐富，賣相好掂，醬汁少少辣夠開胃，燒菠蘿我至愛，香甜咖喱雞配薄餅，停唔到口嘅配搭。雞有少少炭燒香氣，同咖喱好夾，好似黎到泰國街頭款風味。薄餅鬆脆，用來點咖喱要追加多幾分先夠喉。炒金邊粉應該係泰國classic啦，冇得輸，蝦俾得幾多，炒得火候好好，擠少少檸檬汁一流waiter會一路加水同換碟，哩點宜家好少，我就黎忠實fans啦

陪女朋友行新商場，星期四都幾旺，周圍都排隊。我地就晚黑唔想太heave，好多餐廳都係澱粉類好多，米泰都算OK多有選擇。海南雞個顏色都幾誘人，雞皮好滑，雞肉幼嫩多汁，有三款汁人均選擇，點埋汁好好食肉碎生菜包無論肉碎定係生菜都份量好大，我地兩個人真係食唔晒，肉碎入味，包埋生菜一齊岩岩好蒜蓉通菜，正正常常，抵讚嘅係wok氣夠。我地唔食辣，我霖馬來盞更惹味成餐飯都係優質蛋白質同蔬菜，健康美味嘅晚餐。大致都非常滿意，服務食物質素水準上，之後我cheat day 會黎食大餐期待

趁工作日打卡The Wai，樓下個裝置吸引好多小朋友家長，睇耐都暈嘅，不過值得打卡。黎食泰國耶醫肚，期待我地兩個人咁大張檯，坐得非常舒服整體黎講食物分量好足，兩個人一個前菜一個主菜一個炒飯，勁飽勁滿足冬陰功湯入邊大頭蝦驚艷到我！仲要兩隻，幾開心，食埋青口同菇，滿足晒串燒青木瓜沙律，又可以食到串燒，又可以搭配埋經典嘅木瓜沙律，健康又清新。酸酸辣辣好開胃，食多碗炒飯我就會再帶朋友黎飯聚，環境靚食物好，提個小小意見，音樂可以泰DD，就更有feel D～

大圍站上蓋大型商場圍方岩岩開幕，🐷當然唔執輸，睇下果度有咩好野食啦🤭 現場睇就會發現仲有部分餐廳未開張，當🐷正想出返大圍嘅大街食野果陣，就俾呢間泰國餐廳嘅裝修吸引左～復古嘅異國風情裝修，磚紅色牆身🧱配上大量木製用品🪵，大部分都係舒適嘅梳化位，就食呢間！ 🫕冬蔭功大蝦湯(鍋) $198呢個幾好味，大蝦有手掌咁大，肉質彈牙有膏，有青口、蜆肉、豆卜、秀珍菇🍄等，食材新鮮份量多，湯底小辣偏酸🌶特別欣賞餐廳用蠟燭🕯燒住鍋底保溫，就算慢慢嘆都係熱嘅♨️🦐鮮蝦柚子沙律 $108蝦肉同樣新鮮彈牙，配菜有柚子、生菜🥬同青瓜絲🥒，🐷隊友覺得個醬都幾辣🤔 🍍菠蘿黃薑海鮮炒飯 $138黃薑味唔明顯，除左有菠蘿，仲有蝦🦐魷魚🦑蜆肉、腰果、脆脆、肉鬆等，水準正常發揮🤔 🥭芒果椰汁三色糯米飯 $72泰式美食必食甜品之一，芒果香甜成熟度高，同加左椰漿🥥嘅微鹹而嘅糯米飯結合，好味👍🏻三色糯米飯當中嘅綠色有香濃嘅斑蘭味，推薦😍 🍵椰子抹茶拿鐵 $46🐷好鍾意呢款飲品，椰奶🥥香味融合清香抹茶，回甘但唔苦澀，又唔會太甜，必飲💚

叫咗一個四百幾蚊嘅二人套餐，頭盤生蝦覺得幾好食，個泰式汁好出色，跟住金邊粉，不過不失，唔好食，但唔難食！之後出場嘅係蟹肉咖喱薄餅，啲味精重到不得了，好咸，完全食唔到，之後同侍應講佢叫我換其他，揀咗個胡椒蝦，佢話冇，跟住轉左海南雞！超級難食，啲肉好鞋，跟住成碟擺咗喺度！再加單叫咗個生菜包！完全冇泰國味道，只係肉碎包生菜！甜品奶茶布甸，苦澀味偏重！買單差唔多$700，冇下次🥲

知道多人已經第一輪5點10分入場食，點知已經冇鹽焗魚同燒雞囉，會唔會係晚市第一輪都冇得食呀，冇中午落場師父唔入晚市貨，好難唔令人覺得呢兩款菜起得慢，太多人等故意唔賣囉沙律同蟹肉咖哩都幾好味，不過就得其他泰國餐廳一半份量。生菜肉碎包個肉唔入味，得個辣味，d生菜全部都細細塊，包多d肉都跌到成手係。飲品一杯好甜，一杯好苦，得龍眼蜜正常。

食物全部唔熱,主菜,蟹肉黃色嘔吐物,唔熱,金邊粉,蕃茄醬炒埋一碟,唔熱,紙包春卷,正常,生蝦正常,魷魚正常,特飲無味,奶茶糖水,最難食就係三色糯米飯,半生熟糯米,都唔明點解會排隊,唯一就係收碟快,金邊粉一出6至8碟,到上桌而經凍晒,蟹肉咖喱好似湖狀,薄餅都係唔熱,無下次,今次無意誤入,隔離枱都食完即走,起菜慢,食物難食,唔熱,價錢係貴,份量小,係其他泰國餐廳一定好過佢,要左份2人套餐428,加左2個送,一杯無味特飲12蚊,賣單6佰幾接近700,差差差

好唔掂啲食物好似係微波爐攞出嚟咁不過金邊粉係叫熱啲之外應該無野係熱出重有薄餅係熱~泰式金邊粉，賣相都ok但係好似攞甜酸汁定唔知係咪雞醬炒出嚟咖哩蟹肉餅拼薄餅，個咖哩好似喺微波爐先至攞出嚟咁，將住一pat pat蝦紙米卷叫咗正常，但汁係咪唔係配雞醬，但都係正常野泰式生蝦正常係ok，如生虾都唔得真係無野講😅😅魷魚叫好少少炭燒魷魚食唔出，係薩莉亞厚版~仲加咗12蚊升級咗兩杯飲品青檸意米水，泰式奶茶，淡而無味~唔會再幫襯

大圍開左新商場，一定要打卡啦~中午醫肚，想食泰國菜，揀左哩間。安排我地坐卡座，粉紫色墻面，拖肥糖大理石檯面，搭配藤編燈，好適合影靚相擺ig兩杯飲品好得意菠蘿沙冰真係菠蘿甘款，芒果椰子沙冰就真係椰子甘款，而且有新鮮水果搭配埋，夏天真係推薦！！！前菜燒大蝦米紙卷，好足料，大蝦彈牙，醬汁酸酸甜甜，好開胃咖喱蟹係成隻蟹卑我地，分量超大，再點D薄餅好好味個pad thai真係好出色，有幾隻大蝦之外，超有wok氣，又入味，同我係泰國食D一樣水準最後起個甜品，芒果烤餅配雪糕，女人第二個胃都係為甜品保留。真係唔食會後悔，冇霖過芒果可以同烤餅夾連埋雪糕同cream一起食，yummy！

同兩個女仔朋友大戰圍方大買特買之後，夜晚9:00我們來到米泰食late dinner叫咗個二人餐再加個菜，好飽，3個人食最後每人$187埋單，好食前菜揀咗魷魚，好大條好好食，非常推薦好辣嘅肉碎炒馬拉盞朋友大讚嘅蟹肉咖喱甜品揀咗芒果糯米飯，但略嫌啲飯太乾

我地嚟到圍方行街買野，趁行緊期間就遙距取票，拎定飛，到shopping完就仲有2個number就到，去到餐廳門口等多20分鐘左右就入到。餐廳光線舒適有情調，適合拍拖或者聚餐都可以。見到有個二人套餐，食物係一般大路選擇，我平時食泰國野都都係主要係食呢啲，而且仲有蟹肉咖哩，咁唔使點諗就揀左個二人套餐了。頭盤就選擇左炭烤燒魷魚，魷魚烤得啱啱好，相當鮮嫩，而重點係個汁，入口有辣勁，慢慢就食到泰式酸汁既味道，相當衝擊味蕾同開胃。另外，散叫左一個泰式炸蝦餅，外皮爽脆，肉質彈牙而鮮甜，絕對一絕。主食方便，我地揀左啖啖蟹肉咖哩配簿餅，簿餅香口有層次，配合咖哩汁更加好味。蟹肉量適中（當然我想要多啲啦），咖哩汁偏甜，配合埋蛋一流。芒果蟹肉椰香斑蘭炒飯，味道可以，不過就比我預期少左啲芒果同花生粹，椰香同班蘭味亦唔係太突出，如果兩樣都再多啲，味道再濃啲，成個飯就會更出色。到甜品時間，呢個係香蕉烤餅配椰子雪糕，烤餅既內餡係椰子醬香蕉，十分好味，椰子味濃，對於椰子愛好者既我來講，真係大分滿足。口感仲十分creamy，真係啱哂我既胃口。而且餅皮煙韌，十分有口感。飲品就揀左香茅青檸薏米水同蝶豆花熱情果梳打，味道nor