米気

營業中

休息中

2020年2月2 中午去左黃埔天地百寶坊地下 一間日式米飯家庭主題 "米氣"一入舖店員就好有禮貌主動 幫手加茶上菜時間都好快 款款菜都係熱辣辣上枱一次過揀左好多款：醬酒蛋 關東煮 牛肉壽喜燒芝麻味噌苦瓜拌炸豆皮 蕃茄味噌豆腐漢堡芝麻醬秋葵 湯咖哩野菜雞 照燒肉燥蒟蒻絲 鱈魚子黑糖米氣水 蜜瓜梳打米飯果然係"米氣"嘅招牌菜珍珠米 好香 煮得唔會過軟 過硬所有小菜睇落細細碟但食落左就發現份量好夠而家仲係住家菜feel用心煮 係會feel 到好有家嘅味道menu 上魚肉,菜有好多款可以揀素食都有好多款係會揀唔停同選擇困難但我相信總有一款岩你大家黎開紅磡 黃埔就一定要試試

嗰日同老公同朋友去紅磡咁啱經過，見到門面好光鮮都唔錯，所以就入去試吓，一試估唔到有驚喜，食物質素很唔錯，而且選擇都非常之多，如果喜歡健康及清淡嘅朋友絕對係首選🍱日本🍚就算減肥期間都非常適合同埋都食得出佢冇落味精 我老公就鍾意飲返兩杯佢有清酒同啤酒都，如果幾個朋友傾計飲下野都好唔錯最後我同店員傾左兩句發現原來隔離間珍珠奶茶。係連體店 我呢個甜品控梗係即時過去試吓啦！！而且係米氣食嘢隔離飲品仲有買一送一焦糖沙冰勁出色沙冰非常幼細入口即容 上邊仲有焦糖脆脆+Cream cheese+焦糖炮谷，都最抵果層仲有個滑嘟喐既燉蛋🍮非常滿足嘅一餐，下次一定會再試

今日同老公行咗陣黃埔，又到搵食嘅時候。經過見到幾特別，就入去試試。佢就好似Muji咁，不過飯，主食，冷盤，甜品任你揀，佢係一樣一樣咁計錢因為樣樣都想試，揀吓揀吓，我同老公都每人$1xx不過總括，味道係還可以！但係個人都係覺得Muji好食啲

日式精米食堂，以小碟形式分開order。分有各種類配料的米飯、主食、冷菜、溫菜、甜品和飲品。加$8可追加是日湯品和漬物。全部都是一人份量，共點了兩份組合餐。主食：東坡肉配有半隻烚蛋。東坡肉炆得夠淋，醬油汁不太多。炸牛肉餅，似個炸球多過似炸餅，外皮頗黑，內裹的牛肉碎無乜味，有些嚡。醬油蛋飯，日本國產米加上日本雞蛋黃和醬油，本就對日本國產米有些期待，先吃一口白飯，飯粒鬆軟十足，但無乜咬口，而且飯味不濃。是否放水太多來煮就不得而知了。加$8可追加是日湯品：味噌湯，清清淡，不太鹹，配飯餸剛好。漬物：牛蒡、蘿白條。另一定食，選有：松葉蟹薯仔沙律，猜想是松葉蟹柳啩，刻意找可找到幾條幼絲的蟹柳。當薯仔沙律是可以的。關東煮：蒟蒻、魚餅、蘿白、甜豆，味道唔錯。海苔醬飯：海苔醬是由海苔蓉混調味料而成，味道偏甜。汁煑鯖魚，有些驚喜，鯖魚汁煑不但無腥味，仲肉質軟綿，微甜。 

近日休養中，唔太方便出街，食粥、粉麵食到壓晒，外出食飯大多數都唔太健康，老公有見及此，特意找到一間新開的日色食店，更化身成「外賣仔」。簡簡單單，老公幫我order 了兩味魚（鯖魚和鰻魚）、一個菜、一個飯。 味道ok，有家的感覺，很家常便飯，食完之後唔會口渴，應該無落味精。米飯🍚都用上日本國產米，口感唔錯，$12一碗日本米一點都唔貴。不過因為外賣，需付5%服務費。餸嘅份糧唔太多，容易控制一人分糧嘅晚餐，不會浪費。

麵豉湯好好味，我同太太行過食午餐，見店名「米氣」就知有飯食，個飯係幾好，跟餐的小碟亦看得出小店老闆俾咗心機！聽到隔離枱個爸爸叫個女趁熱飲個湯，話好好味，我一向對跟餐的麵豉湯係放埋一邊，一試之下...飲晒見碗底有幾塊魚碎，應該係魚湯底的麵豉湯，有心機，值得支持！午餐選擇唔算多，東坡肉/牛雜/炸雞/鯖魚，可能仲係試業期間，有待加入更多選擇，我覺得如果有鳥冬食就最好。或者加個兒童餐。價錢合理，食物質素好，下次一定嚟試埋晚餐。