影片
平時自己一個鍾意你到樂富廣場食飯，今日嚟到UNY嘅food court，記得以前細細個覺得呢間買章魚燒嘅好難食，但從裝修之後再幫襯，發覺好食咗好多。今日嗌咗一個銀套餐，$55有四粒章魚燒同埋炒麵，仲有一杯牛奶抹茶。炒麵有啲五花腩都幾香口，章魚燒啲粉都唔會太厚，牛奶抹茶呢個底好似有啲糖漿有啲難撈勻，但味道都唔錯。food court可以用信用卡俾錢，有張會員卡附送，每$25就可以吸一個印章，儲夠好似有章魚燒可以換，下次可以再嚟繼續儲。
繼續閱讀
呢間食過幾次每次都好食，水準穩定見冇好評就黎寫一寫啦 佢既章魚丸外面脆卜卜入面綿、章魚肉又彈牙、又夠熱食到有啲薑米我覺得好好味看圖：據知表皮脆卜卜呢種章魚丸係「東京風」平時我食開葵廣同旺中既章魚無雙果種軟身啲、濕度高啲，係「大阪風」 可以叫set，有丸有麵炒麵味道都ok但比較細份，如圖杯抹茶幾濃茶味，但唔太甜既，欣賞 價錢方面就比較貴啦平時葵廣食原味6粒章魚丸都係30蚊佢8粒原味收$48、4粒$25抹茶如跟set加$8、單叫$15但想食脆章魚丸都會幫襯
繼續閱讀
今日去開樂富廣場，梗係即刻去食最鍾意嘅章魚燒，見佢做緊新推出嘅吞拿魚明太子章魚丸，梗係即刻要返八粒你試吓先啦！食完真係唔夠喉！再叫咗四粒原味試吓，真係果然保持到水準外脆內軟墨魚夠彈牙！
繼續閱讀
特登為左佢打第一篇食評！服務態度勁差！有單唔係去check，唔去整，係度傾計，唔問都唔落槳整小丸子等左半個鐘有多中間見住佢哋錯漏百出，一係將外賣Apps嘅order俾咗街客，一係就唔記得拎嘢飲比客其實呢啲都係可以避免既錯，明白繁忙時間會好多單，但唔代表要客人忍受呢啲！三個店員好似發緊夢咁！之間完全冇溝通，有咩order又唔知。平心而論，價錢唔算平，食物質素，我個人覺得唔錯，但係咁既服務態度真係唔需要有下次
繼續閱讀
自疫情爆發之後，都唔知幾時先飛到出去外遊食好西...幸好勝在香港還有日本海外分店，讓人解解和食掃街嘅饑渴感，全港只有三間分店的築地GINDACO，難得在樂富廣場foodcourt有得食，銀套餐$48 築地銀炒麵+章魚燒4粒落單時記得+$4加蛋，鐵板煎蛋特別好食。章魚燒比預期的新鮮熱辣，味道合格，炒麵方面，還是堂食比外賣熱辣辣好食，而重點是order 前要望望有無現成整定左放係爐上，如果要食較高質新鮮的點都係等一等，始終是鮮做慢工出細課的好。👅美味: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5
繼續閱讀