築地GINDACO

營業中

休息中

今日要喺AEON呢邊幫人做啲嘢，做完之後經過見到整緊章魚燒，望見幾吸引咁，咁又試吓啦。😊平時好少食章魚燒🟠，因為驚會食到成口都係粉漿，但今次見到呢一間，每粒都會放一大粒章魚入去，同埋見到佢整到好似好脆咁樣，仲要一粒粒章魚燒波波喺度轉吓轉吓，所以就成個小朋友咁即刻要買嚟食。🤭我買咗一個$59嘅套餐，選擇咗：🤗4粒玉子照燒醬章魚燒🟠京蔥大阪燒🥗原味抹茶🍵禮貌嘅店員話要等大約10分鐘，我鍾意食物係新鮮整起嘅，咁當然等一陣冇問題啦。👌果然冇睇錯，章魚燒熱辣辣🟠，外層脆卜卜，而裏面除咗有一大粒八爪魚之外，所謂嘅其他餡料亦帶少少麥味，而且最重要嘅係你唔會覺得食緊粉漿，唔會漿住個口，同埋面頭加咗照燒醬、木魚絲同少少碎蛋沙律，味道都唔錯。😋另外個京蔥大阪燒🥗，我叫佢多蔥，佢都真係有加多啲俾我呢個蔥怪，加上有好多椰菜，亦都冇油淋淋，煎得幾乾身，亦都係唔錯，唯一要講就係飽肚咗啲。😛而杯原味抹茶🍵，佢係用抹茶粉沖出嚟嘅，所以每啖飲之前，都一定要攪吓佢先飲以防抹茶粉沉底，呢杯要嚟平衡一下又唔錯，食咗呢一set嘢都冇罪惡感。😃唔知下次再食章魚燒，又使唔使再等幾年呢？🤔😆

間唔中就會想食章魚燒而築地gindaco無論係日本定香港都係我嘅最愛之前見太古城中心嗰間執咗，原來搬咗嚟呢度佢係喺aeon入面，近對住馬路個門口嗰邊，唔難搵冇堂食位，但為咗享受佢新鮮出爐嘅美味，我喺附近搵咗張長櫈坐低食今次叫咗四粒玉子章魚燒，另加$8一杯抹茶牛奶✨️玉子章魚燒(四粒) 5🧡/5好好味呀！ 熱辣辣新鮮食，個皮特別脆！每粒章魚燒入面一定有一粒八爪魚同埋感小姐好鍾意個粉漿有淡淡嘅麥味撈埋啲碎蛋、蛋黃醬同takoyaki醬食，正！！啲碎蛋我永遠會留返幾粒仔最後食，refresh返個味覺🤪對於我嚟講，一個人食四粒啱啱好因為始終食嚟食去都係嗰個味，太多就會開始覺得膩✨️ 抹茶牛奶 3🧡/5坦白講，佢其實真係一個好普通嘅飲品你大概都飲到抹茶粉嘅味，唔係好假嗰種同埋根據我嘅經驗，佢嘅糖漿永遠都係喺哂個底不時飲兩啖就要攪吓佢，如果唔係會飲到成啖糖漿，不過其實又唔係好攪得勻🙄但係⚠️ 唔知點解有時就係會想飲吓啲咁普通嘅飲品同埋佢跟嘢食嗌都只係加$8所以我都冇後悔，亦都覺得下次再食章魚燒嘅時候會再叫🤣🤣🤣總結：4.5🧡/5章魚燒真係我嘅comfort food☺️淺嚐幾粒就可以滿足到我嗰吓想食小食嘅

晚上7點，放工，想買點小食回家加餸。前面有一對情侶點了原味8粒。於是，我也點原味8粒。付款前，店員問我：「要等 8～10分鐘，ok嗎？」我答沒問題。付款後，另一位店員開始整，加漿，放入涵。大約10分鐘完成。等待期間看到豎立的餐牌。可以$55 有4粒章魚魚+ 大板燒+ 飲品，這個也大概是一個人的份量。感覺下次可以一試。網上有食評說外賣可以分開放漿，但今天沒有問我。回家後，表面還是脆的，暖暖的。我覺得整體不錯。

這間位於康怡商場Aeon內嘅章魚燒小丸子店，有單點或套餐選擇，章魚小丸子分別有原味、玉子照燒醬、芝士明太子3種口味，另外仲有豚肉或京蔥大阪燒。小妹今次就選擇了原味小丸子8粒 ($48)，大大粒，外層酥脆，內裡有章魚粒，表面滿佈醬汁，沙律醬，木魚絲，好味

銀套餐 ($50) ●●●○○🔹八爪魚燒🐙🍢 睇相就知佢個filling唔夠厚實🤔不過味道就正正常常啦 佢係普遍香港人比較鍾意嘅嗰種有少少脆皮嘅質感🤏🏻🔹築地銀炒麵🍝 啲麵會痴住個盤⋯⋯跟住夾夾下就整爛埋😂😂😂肉得嗰2-3塊，幾乾同埋唔覺係食緊肉 炒麵調味都合格嘅喺donki食過幾次覺得嗰陣好食啲，可能都係分店唔同嘅關係🔹抹茶牛奶🍵水咗啲 對我嚟講太甜✍🏻 我覺得佢未去到伏，想平平地食日式章魚燒、炒麵都可以去 但係唔好抱太大期望啦 📍築地銀だこ💰: ●●●◐○

收工去左康怡Aeon 買八爪丸食🐙時間太概晚上八點幾 好彩仲買到買左八粒 外賣回家食 而返屋企既車程係45mins員工會係買個時好貼心問你分唔分醬外賣記住一定一定要分醬返到屋企 八爪魚丸仲暖笠笠食落口個皮仲係脆 而唔係淋既偶然食下呢個小食也不錯畢竟而家都仲未去到日本

店員好似好細心問要唔要分醬，因為想返到屋企食時仲脆，就話分醬。點知....返到屋企咩醬都無，要乾哽即刻難食十萬倍。已經無人排隊，忙比漏都值得原諒，得閒到咁都可以比漏就......

比起太古城food court分店整得好, 呢間拎外賣耐左外面仲係脆口!太古城food court太多人, 呢間少人整得好D, 雖然得兩個staff不過維持到水準