築地日本料理 (金百利廣場)

營業中

休息中

lunch 食日本野築地日本料理銅鑼灣記利佐治街1號金百利廣場7樓R1室放lunch 食飯都幾頭痛，1個鐘衝衝忙忙要搵位，價位又要合理份量飽肚先得，一台又最多限4人真係頭都痛。$98魚生飯都幾大碗wor ,見到刺生堆在飯面上就覺得幸福啦！淋上豉油提味提鮮。有三文魚吞拿魚粒同一塊甜蛋，仲有蟹子一整配。$98地下獄海鮮鍋一份嚐出新鮮蔬菜，加埋超辣湯底食到出曬汗啦！而佢海鮮有蝦，魷魚，青口等。製作認真且價位合理哦，日後在sogo shopping 完，只要走5分鐘就可以和朋友一起來醫肚啦。

星期一返工下黃雨兼且一號風球，中午食晏當然要搵一間近公司的餐廳，築地幾乎是我們公司的食堂，很多同事午飯的時候都喜歡幫襯。兩個人叫了5件壽司，分別有海膽魚籽三文魚子花之戀壽司、火炙三文魚腩壽司、鰻魚壽司、18禁三文魚和油甘魚壽司。各款壽司鮮味可口，唯一有少少可惜是花之卷上桌時造型有些鬆散，但就不影響味道。牛仔骨石鍋飯，石鍋飯的飯底焦香撲鼻，牛仔骨亦煎很甘香嫩滑，牛仔骨的裙邊更是焦香有咬口，越咬越有味。配上泡菜，開胃美味又健康。

女朋友見我翻食左築地日本料理之後，話落order叫我帶佢去，所以琴晚同佢再去呢間築地日本料理度食嘢。今次叫咗味之鰻（$45），醬燒帆立貝（$32），汁燒魷魚筒 （$68），炸軟殼蟹天婦羅 （$68），炎辛地獄拉麵（$78），巨峰乳酸梳打 （$35），白桃乳酸梳打（$35）首先講咗個拉麵先，話明炎辛地獄當然係辣到飛起啦，不過餐廳安排得好好因為佢將所有辣醬放晒係最底，如果要再辣啲就要將最底嘅辣醬撈埋一齊。醬燒帆立貝，大大粒燒完仲要勁多燒汁，熱辣辣勁好味😋汁燒魷魚筒之前食左有雞肉餡嘅，今次試下呢個冇餡嘅，又幾好食，原汁原味🤤最值得讚嘅係個炸軟殼蟹天婦羅，因為餐廳真係成隻上😳勁多件最後要講嘅就係味之鰻，芝士加龍蝦沙律加鰻魚同青瓜，又爽又林。兩杯野飲又抵又大杯，味道仲好好添。

好耐冇行銅鑼灣，中午經過金百利商場，啲見唔係咁多人就同阿仔去試咗呢一間築地日本料理，地方細細但入面坐位都好多，又唔逼夾，乾淨企理👍🏻同朋友食飯好去處同仔仔兩個order左呢啲：雜錦魚生丼，內有兩三款刺身，夠大碗👍🏻鹽燒雞翼燒得乾身，鹽燒牛舌亦非常juicy😄玉子壽司、帶子壽司、吞拿魚壽司、火炙芝士玉子、火炙和牛，魚生夠新鮮，亞仔最鍾意食嘅玉子壽司同埋火炙芝士玉子都好好味👍🏻另外午膳時間仲有提供set lunch，選擇都好多㗎

話說有日想食日本野 就search下銅鑼灣有咩日本嘢好食🍣點知就search到呢間 見啲圖同啲評語都唔錯👍🏼就膽粗粗衝上去食 餐廳環境到頗為細小 都幾多人食所以打去訂座會比較好😂牛油果軟殼蟹沙律 ($58)由於小編好鍾意食牛油果🥑又鍾意食軟殼蟹 何不黎個雙拼沙律🥗所以一睇到就揀咗呢個沙律 沙律醬唔係平時用開嘅麻醬 偏酸酸的令人幾開胃 而且份量都算多😜而軟殼蟹係炸得幾好食 唔會好乾身 有返啲肉汁🤤蝦蝦三笑 ($38)小編覺得就甘食甜蝦好似唔係幾過癮 所以要食三種唔同認識嘅蝦壽司🍣三款蝦壽司分別係赤蝦壽司 蟹膏甜蝦壽司同蟹膏熟蝦壽司 小編覺得冇太大驚喜 屬於正常海膽帶子卷 ($68)比較蝦蝦三笑黎講係有驚喜 因為海膽同帶子面麵輕輕灸燒過 令到佢地既鮮甜味更突出😙而中間嘅就係牛油果🥑同蟹柳 兩者夾埋一齊食相得益彰😌板燒香蒜牛舌 ($50)本身以為只有幾塊牛舌嘅份量 點知原來都幾多下 而且仲唔係薄切果隻🙈係大量嘅蒜粒同甜洋蔥加持下 帶領牛舌既味道更上一層樓😂牛肉野菜壽喜燒 ($88)佢真係名正言順嘅麻雀雖小但五臟俱全嘅一個菜式😂點解會咁講？因為佢咩都有🤤大大片既牛肉 分量唔少一啲都唔吝嗇 仲有

請朋友食生日飯🎂 簡單但都係抵食嘅一餐鰻魚玉子手卷真心第一次見到燒得咁靚嘅鰻魚，加埋玉子嘅配搭都幾有夾～ 兩樣都係我最鍾意食嘅嘢😍 芥辣八爪魚手卷🐙如果食過爭鮮再食到就會明白好食😋 八爪魚真係彈牙有口感。芥辣吾係哄鼻果種嘅wasabi ~ 兩個手卷加埋最出色嘅地方，係塊紫菜真係脆～ 三文魚三味三文魚頭都幾新鮮，係正常嘅發揮！雖然唔太驚喜，但又唔係可以挑剔正常水準發揮香芒三文魚腐皮係我自己鍾意食，芒果juicy and sweet 就帶嚟fresh d geh口感串燒牛舌QQ 彈牙嘅正野😍 每次嚟都食，加埋檸檬汁真心正

今日同男朋友黎食晚餐貪呢度價錢實惠，味道又好叫左最鐘意嘅叉燒拉麵仲有幾款壽司同清酒煮蜆三文魚壽司抵食火炙三文魚腩油香豐富蝦蝦三笑可以一次試到三款蝦款包括有熟蝦玻璃蝦同赤蝦三款風味不同清酒煮蜆新鮮熱辣用石窩上酒味唔算濃蜆肉鮮甜無沙仲可以飲到清酒湯叉燒拉麵豬骨湯底香濃叉燒唔會乾柴軟身淋滑帶醬油香味麵質爽滑，不過淋值得一試，相當驚喜！最尾仲叫左個甜品拼盤有四款甜品包括綠茶雪糕，柚子蛋糕，tiramisu同鮮奶布甸綠茶雪糕茶味香濃，配鮮忌廉更奶滑鮮奶布甸嫩滑

今次搵食黎到銅鑼灣食日本菜，係SOGO旁邊金百利廣場樓上，地點非常方便之餘，價錢仲非常相宜👍🏻食物選擇其實唔少燒物、炸物、鍋物、刺身、壽司、拉麵、丼飯都應有盡有。重點係佢嘅套餐真係抵到爛，仲要係良心小店，真係唔撐點得?😍😍我地叫咗個精選二人前套餐，入面已經包咗沙律+小食+串燒拼盤+2份主食+甜品同兩杯特飲，份量仲一d都唔嘢少!首先黎咗個➡️”蟹子沙津"，蟹子同蟹柳絲份量都唔少，蛋黃醬加埋青瓜絲夠哂開胃!小食我地叫咗➡️”海鮮野菜天婦羅"，雖然係得兩舊，但係舊舊都拳頭咁大，入面仲要有唔少嘅蝦、魷魚、南瓜等等嘅材料，樣樣都炸到好鬆脆，味道唔錯架👍🏻串燒拼盤就有➡️”燒菠蘿、雞柳同雞翼"，燒菠蘿好甜好多汁，雞翼外皮脆身又唔會太油，雞柳就啖啖肉加埋燒汁，質素都幾高，呢個價錢真係性價比一流👍🏻主食方面，我地叫咗➡️”牛肉野菜壽喜燒"，同黑蒜油豬骨拉麵😁壽喜燒一黎到其實真係牛肉多到嚇親，完全係就快滿瀉嘅狀態，加埋半熟嘅蛋係表面，真係食指大動，跟埋仲有個飯，面頭加左味素，送飯一流😆➡️”黑蒜油豬軟骨拉麵"就真係黑蒜味好重，味道會遍咸，豬軟骨都一般, 口感比較韌，當然同專門拉麵店無得比啦，但係拉麵麵身就非常唔錯

呢間日本餐廳喺銅鑼灣心臟地帶，地鐵站出口轉彎就到，好適合行完街後來醫肚。今日放工過來都不用等位直入，實在太好，食完仲有時間去買嘢。叫左3樣嘢食埋單都係2百幾蚊，價錢係呢區黎講都算合理。蟹子沙律 $50沙律大大兜，味道唔錯。牛仔骨石鍋飯 $98石鍋飯配料有泡菜、木耳、紅蘿蔔絲同粟米粒，加埋醬汁撈勻就食得，醬汁微微辣加上牛仔骨，整個飯好有韓式風味。牛肉野菜壽喜燒 $88牛肉同野菜份量都好多，再配上溫泉蛋，壽喜燒湯底甜甜的味道很不錯。

中學成日都係呢度食，貪呢度啲嘢平靚正！大個咗都好掛住呢間餐廳☺️☺️黑蒜油豬軟骨拉麵豬軟骨夠晒淋，而且黑蒜油味好濃郁，份量超級大👍👍👍咖喱吉列豬扒蛋飯豬扒份量好多，而且都幾厚切！炸粉唔會同塊豬扒分開🤗👍呢個價錢來講冇得輸😄芝士玉子燒份量都好大，而且入邊超多芝士！兩個人食有啲多，三個人就啱啱好😝鵝肝釀雞翼呢個真係超少地方有得食，超有罪惡咁不過好好味，鵝肝好香！而且雞翼表皮煎得個香脆，咬落去啖啖肉加上鵝肝嘅油香真係不得了😚😚😚

夏天最想食就係壽司，好姐妹話帶我去銅鑼灣嘅築地食日本料理！餐廳喺金百利廣場， Menu主打日式食物，壽司、刺身丼飯、卷物、拉麵，石鍋飯都有！價錢親民，丼飯都係百零蚊，性價比極高！ 🍱三文魚海膽丼🍣  $118 厚切三文魚有四片，油脂均勻，味道鮮甜，海膽味甘甜濃郁，魚生同飯量適中，魚生下面仲有芝麻同紫菜碎，令成個飯更惹味香口！🥗三品豆腐 $ 52 沙律我地揀左三品豆腐，嫩滑嘅豆腐配上胡麻海老、海膽、泡菜三種唔同口味，3樣都咁好味！推介！🥑牛油果軟殻蟹卷 $48 軟殼蟹炸得酥脆唔油膩，加埋蟹籽同香口牛油果，一個卷物雙重好味！🍤海老天婦羅 $68炸得香脆嘅海老天婦羅，炸粉剛好唔厚唔油膩！份量足，唔錯！ 🍵綠茶冷麵🍜 $58好耐冇食冷麵，淡淡綠茶味配上傳統醬汁，食落每一啖都清涼掛湯，係夏天嘅最佳選擇！

晚市，兩個人都係食咗二百幾蚊性價比都高！我哋叫咗 海之逸魚生丼 （$108)魚生飯：魚生有三文魚兩塊、帆立貝兩塊、帶子兩塊、油甘魚一塊、蝦一隻。海鮮嘅味道鮮甜，料足。湯：海帶湯，重菇味青龍 （$50）材料有海膽，吉列蝦，青瓜，出面包住壽司嗰件綠色係紫菜。值得一讚，味道出色，有海膽，而且都只係$50。性價比高炸物雜錦 （$62）有雞軟骨、芝士薯條、紫薯餅。最好食係紫薯餅，入面有栗子，唔算太甜，食落軟熟，推介。薯條唔係好脆果種，但係好大條，同埋有芝士粉喺上面，唔錯。雞軟骨少少鹹我覺得最好食係青龍同埋紫薯餅。魚生飯料足，不過飯就唔夠軟熟，如果軟熟啲就會好啲👍🏻

今次介紹嘅係一間開咗好耐嘅日本菜🍣呢間店都幾多人食架 Openrice評價都唔錯😳又真係抵食又高質😍同大家介紹下佢哋嘅優惠 等大家食壽司嘅時候都多個平靚正嘅選擇😋❗️❗️❗️優惠就係9:00後壽司半價❗️❗️❗️本身佢哋啲壽司價錢算係正常價🏷但係半價之後真係十分之非常之抵食🤩平均每件壽司都係單位數價錢🤔同大家平時食開嘅爭x差唔多 不過呢間嘅質素就好好多同壽x郎有得揮💪🏻刺身好新鮮 唔係雪咗好耐個啲🤤舊飯直頭贏晒爭x 私心特別推薦火炙三文魚腩☺️入口即溶 唔會燒到冇晒三文魚🐟本身嘅味加上用料新鮮😆真係食過返尋味 不過留意翻唔係所以壽司都有半架 有啲85折 除左壽司有其他小食例如串燒 紫薯餅 等等都有折扣架！折左之後人均消費~$100💓其實呢個優惠做咗一排㗎啦☺️唔知有冇朋友同我哋一樣試過呢 如果有嘅話不妨留comment同我哋一齊討論下🤤睇吓有冇其他好食嘅壽司等我哋同其他肥仔肥妹下次可以試吓😁🍣

雖然大家都應該有接近兩年嘅時間無去旅行 但幸運嘅係大部分嘅菜系都可以係香港搵到🥰 即係依家無得去東京 都可以去築地日本料理一解鄉愁🇯🇵【打卡之選】海膽帶子卷一大舊帶子放係卷物上面 再加埋海膽點綴 視覺效果一流 啱曬打卡👍 味道亦絕對唔輸蝕 雖然海膽唔多 但勝在大大舊帶子 夠鮮甜可口😋【惹味之選】板燒香蒜牛舌牛舌肉味濃而且軟稔，配以大量香蒜🧄 同炒香嘅洋蔥🧅 如果你同我一樣都係蒜頭愛好者 哩碟牛舌就啱曬你🤤 【鍋物之選】牛肉野菜壽喜燒上菜時店員叮囑我地要煮一陣就好熄咗個火🔥但我地都係唔小心煮到啲牛有啲過熟😭 話雖如此 啲菜有秋葵同娃娃菜 而個湯頭係經典壽喜燒口味～【飽肚之選】海膽海鮮炒飯用石鍋上菜 食到最後都仲熱辣辣♨️到最後仲有飯焦！配料亦都算多，有海膽、三文魚、蝦等等😋

銅鑼灣滿佈食肆 而金百利就更加係集各國料理於一身嘅地方！今日就嚟到7樓嘅築地日本料理搵食～🥢板燒香蒜牛舌大量炒香咗嘅蒜頭 加上焦糖化 咗嘅洋蔥 夾埋濃味嘅燒汁 真係無得輸～仲要啲牛舌肉味濃而且軟稔，做下酒菜就一流啦！🥢清酒蛤蜊蛤蜊粒粒都漲卜卜 夠曬肥美😍 驚喜嘅係配料嘅菜絲都非常清甜 湯頭鮮味十足 飲曬都無問題呀！🥢牛肉野菜壽喜燒自從無食吉X家就食少咗心愛嘅日式牛肉鍋😢 係築地就可以嗌牛肉野菜壽喜燒！除咗牛肉 我更鍾意嘅係隻溫泉蛋 蛋味濃郁～🥢海膽帶子卷帶子幾鮮甜 亦夠厚身 食得爽快 😋 配料有青瓜、牛油果同蟹柳 可以一試～🥢海膽海鮮炒飯十分足料嘅海鮮炒飯，除咗海膽 仲有蝦🦐三文魚🐟蜆🐚同粟米🌽食落焦香味十足